|
|
 ذبح الأضاحي أمام أعين الاطفال ..
|
تشتري العديد من الاسر الاضاحي قبل موعد النحر بيوم أو يومين على الأقل، والاسر التي لها أطفال تنشأ بينهم وبين (الخروف) علاقة فطرية جميلة ليتم انهاؤها بغتة من خلال مشهد دموي مروع!
حتى لو غضضنا الطرف عن تلك العلاقة فإن مشهد ذبح (الخروف) أمام الاطفال لا شك سيورث أثراً نفسياً قد تكون له عواقب وخيمة مستقبلاً على سلوك الأطفال وصحتهم النفسية.
لن يضيرنا شيئ لو تمت عملية الذبح بعيداً عن أعين الأطفال
وكل عام وانتم بخير مسبقاً
|
|
  
|
|
|
|
|
|
|
 Re: ذبح الأضاحي أمام أعين الاطفال .. (Re: أيمن محمود)
|
هلا أيمن
بالضبط دا الحصل علي العيد الفات كنت مصر إنهم ما يحضروا الذبيحة لكن تحت إصراهم سقتهم معاي
بمجرد ما ضبحوا الخروف عينك ما تشوف إلا النور بدأت الاسئلة
الخروف دا ما مسكين ليه ضبحو؟ عشان نأكل لحم
وليه الناس يأكلوا لحم الخروف المسكين دا ؟ يا بتي دي دورة الحياة كدا
وربنا ما بحاسب على الكلام دا ؟ لا ما بحاسب
وتبدأ تشرح في حاجات لا قبل لك بها
السخيف في الموضوع البت كانت بتحب اللحمة جدا بعد داك وقفت نهائي لكم شهر وبعد شرح وتحانيس شديدة بدأت تتراجع وتأكل بملاوزة وبعدم قناعة
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: فرح الطاهر ابو روضة)
|
أبو اليمن
بالنسبة لأبناء المغتربين فعلا بتحصل الملاوزة ، والبكاء والخوف..
كله من الشوكلاته يااااخ
لكن جماعتنا هنالك ، لو ضبحوا تور قدامهم ، ما بيخافوا .. بل وتلقاهم ماسكين ضنبو ولا اضانو بعد الضبح
الأسوأ من ذلك، هو ذبح الخروف أو العتود أما امه.. دي العوجة
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: عبد العزيز محمد عمر)
|
ألأخ/أيمن السلام عليكم..كلام جميل..ويبقى السؤال إلى كم من العمر مثلاً..ما نفعل هذا أمامهم؟
وأعتقد أن كما قال الأخوة البئة لها أثر لأن أهلنا فى السودان قد يروا الذبح طبيعى أمام ألأطفال لطثرة الذبائح عندهم أما هنا فغالباً فى المذابح........الموضوع وما فيهو تربية وتهيئة من ألأسرة..وأبنك مبكر علمه كيف يذبح ويشارك ألكبار ألأكل ويخدمهم ويقوم بواجب الضيافة والتشيه بالرجال وأعمالهم .
أعجبنى موقف فى الغربة..نحن جماعة زرنا أحد عوائل السودانيين وطفل ما شاء الله مازالت صورته فى ذاكرتى لم يتعدى السابعة..طرقنا الباب ولم نجد والده...الولد أصر علينا بالدخول فى الصالون بكلام أحياناً لا نجده عند الكبار...ونده لأمه لو سمحتى القهوة...كنا نضحك من تصرفه بين مصدقين تصرفه أو بمثل معنا.....أيمن بطلوا الحنكشة وخلوا أهلكم يروا ذبح أضاحيكم
خالص امنياتى وتقديرى وإحترامى....
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: عبد العزيز محمد عمر)
|
| Quote: لكن جماعتنا هنالك ، لو ضبحوا تور قدامهم ، ما بيخافوا .. بل وتلقاهم ماسكين ضنبو ولا اضانو بعد الضبح |
الاخ عبد العزيز
الطفل ياهو الطفل ... بس التعامل معاه والجو العايش فيهو هو البيفرق في تكوين شخصيتو ... خوف الطفل من الذبح والدماء ده هو الطبيعي
الطفل وهو صغير يمكن لو جبت زول عديل وضبحتو قدامو بمرور الزمن بيبقى ليهو ده سلوك عادي جداً !!
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: فرح الطاهر ابو روضة)
|
بالعكس تماماً يا شباب
المفروض نذبح أمام الأطفال (باعتبارنا مسلمين)
ونوريهم أنو دا هو الخروف الذي فدي به سيدنا اسماعيل ونعرفهم بقصة النحر ورؤيا سيدنا ابراهيم عليهم جميعاً السلام ونعيد عليهم الآية المتعلقة بذلك.
بل مفروض نقول للأولاد منهم كمان يتعلموا الذبح لأنو الولد حيكبر ويذبح أضحية وكمان يذبح في السماية والكرامة
لابد من التذكير بأن الأضحية عمل ديني والأطفال لازم يتعلموا عن دينهم وعندما يكبروا هم نفسهم يذبحوا الأضاحي
فلا خوف ولا إرهاب ولا شي
هذه هي السنة.
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: الزنجي)
|
Quote: بالعكس تماماً يا شباب
المفروض نذبح أمام الأطفال (باعتبارنا مسلمين)
ونوريهم أنو دا هو الخروف الذي فدي به سيدنا اسماعيل ونعرفهم بقصة النحر ورؤيا سيدنا ابراهيم عليهم جميعاً السلام ونعيد عليهم الآية المتعلقة بذلك.
بل مفروض نقول للأولاد منهم كمان يتعلموا الذبح لأنو الولد حيكبر ويذبح أضحية وكمان يذبح في السماية والكرامة
لابد من التذكير بأن الأضحية عمل ديني والأطفال لازم يتعلموا عن دينهم وعندما يكبروا هم نفسهم يذبحوا الأضاحي
فلا خوف ولا إرهاب ولا شي
هذه هي السنة. |
تسلم أخى جعفر.....كلام فى الصميم جيت معاى فى الخط..مع العلم بأن ألأطفال يكونوا فى مرحلة ألأدراك....الحمدالله أبوى علمنى الذبح مبكر أنا فى الثانوى العالى...أولادى ألأن الحمدالله لابد أن يقيفوا على ذبيحتهم وأحمد ألأن ما شاء الله يسلخ الراس ذاتو....ربنا يوفق الجميع..
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: jafar hashim)
|
السلام عليكم,,Quote: بالعكس تماماً يا شباب
المفروض نذبح أمام الأطفال (باعتبارنا مسلمين)
ونوريهم أنو دا هو الخروف الذي فدي به سيدنا اسماعيل ونعرفهم بقصة النحر ورؤيا سيدنا ابراهيم عليهم جميعاً السلام ونعيد عليهم الآية المتعلقة بذلك.
بل مفروض نقول للأولاد منهم كمان يتعلموا الذبح لأنو الولد حيكبر ويذبح أضحية وكمان يذبح في السماية والكرامة
لابد من التذكير بأن الأضحية عمل ديني والأطفال لازم يتعلموا عن دينهم وعندما يكبروا هم نفسهم يذبحوا الأضاحي
فلا خوف ولا إرهاب ولا شي
هذه هي السنة. |
وزد على ذلك أنه لا بد من زرع بعض القسوة والقوة داخل الأطفال ما أمكن ودون ضرر وإلا ستكون
النتيجة طفل ذو حساسية زائدة نحو هذه الأمور قد تصل لمرتبة العقدة من منظر الدم أو الخوف الزائد من الحيوان نفسه,,
رجال كبار طواااال عراااض لا يقدرون على ذبح دجاجة وهنا نفهم أنها عقدة ما نشأت معه منذ صغره وأحد الأصدقاء
لا يمكن أن يقف ليشاهد منظر ذبح أو دماء لأنه سيغمى عليه وأسوأ أيامه هو أيام أعياد الأضحية حيث تكثر
مناظر الذبح والدم..
يا أيمن هذا العالم به من القسوة والعنف ما يستحق أن يخاف منه الناس وهناك مشاهد قد تفرض نفسها أحيانا وفى
متناول الجميع فقد يمر طفل عرضا أمام شاشة تلفزيون منزله ويشاهد ما لا يمكن تحمله من ذبح للبشر ومناظر بشعة
من القتل والموت ..
أطفال مناطق النزاعات والحروب فى العالم دائما ما تبقى الآثار النفسية مما رأوه عالقة بأذهانهم رغم محاولات علاجها..
فليفهم الأطفال أن هذه الأنعام خلقها المولى لنأكل لحومها وأبعدهم من مناظر ذبح البشر ووالكلاب والحمير والقرود!!!!
فلن تكون هنالك آثار سالبة برؤيتهم منظر خروف أو ذبيح مباح يذبح
إلا الفيك إنعرفت يا صاحب ,,
تحياتى
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: jafar hashim)
|
السلام عليكم,,Quote: بالعكس تماماً يا شباب
المفروض نذبح أمام الأطفال (باعتبارنا مسلمين)
ونوريهم أنو دا هو الخروف الذي فدي به سيدنا اسماعيل ونعرفهم بقصة النحر ورؤيا سيدنا ابراهيم عليهم جميعاً السلام ونعيد عليهم الآية المتعلقة بذلك.
بل مفروض نقول للأولاد منهم كمان يتعلموا الذبح لأنو الولد حيكبر ويذبح أضحية وكمان يذبح في السماية والكرامة
لابد من التذكير بأن الأضحية عمل ديني والأطفال لازم يتعلموا عن دينهم وعندما يكبروا هم نفسهم يذبحوا الأضاحي
فلا خوف ولا إرهاب ولا شي
هذه هي السنة. |
وزد على ذلك أنه لا بد من زرع بعض القسوة والقوة داخل الأطفال ما أمكن ودون ضرر وإلا ستكون
النتيجة طفل ذو حساسية زائدة نحو هذه الأمور قد تصل لمرتبة العقدة من منظر الدم أو الخوف الزائد من الحيوان نفسه,,
رجال كبار طواااال عراااض لا يقدرون على ذبح دجاجة وهنا نفهم أنها عقدة ما نشأت معه منذ صغره وأحد الأصدقاء
لا يمكن أن يقف ليشاهد منظر ذبح أو دماء لأنه سيغمى عليه وأسوأ أيامه هو أيام أعياد الأضحية حيث تكثر
مناظر الذبح والدم..
يا أيمن هذا العالم به من القسوة والعنف ما يستحق أن يخاف منه الناس وهناك مشاهد قد تفرض نفسها أحيانا وفى
متناول الجميع فقد يمر طفل عرضا أمام شاشة تلفزيون منزله ويشاهد ما لا يمكن تحمله من ذبح للبشر ومناظر بشعة
من القتل والموت ..
أطفال مناطق النزاعات والحروب فى العالم دائما ما تبقى الآثار النفسية مما رأوه عالقة بأذهانهم رغم محاولات علاجها..
فليفهم الأطفال أن هذه الأنعام خلقها المولى لنأكل لحومها وأبعدهم من مناظر ذبح البشر ووالكلاب والحمير والقرود!!!!
فلن تكون هنالك آثار سالبة برؤيتهم منظر خروف أو ذبيح مباح يذبح
إلا الفيك إنعرفت يا صاحب,,
تحياتى
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: أيمن الطيب)
|
من واحنا اطفال ولحدى اليوم .. يوم النحر ده من اجمل الايام والناس تنتظره بفارغ الصبر
بسوق معاى اولادى اول حاجه نشترى الخروف .. ويشوفوا سوق الخرفان ويعزلو معاى كمان ههههههههه
علما بانه الولد الكبير عمره 7 سنين ..
وفى العاده بضبح فى المسلخ
السنه الفاتت ضبحت فى البيت ... وسط لمه من الاصحاب بى اسرهم ..
والاولاد معانا يلعبوا .. ما شفت فيهم اى تاثير غير البت الصغيرة خافت من الخروف لما جبناهو البيت
اها غير كده .. جضموا معانا الخروف تماما التمام ...
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: أيمن الطيب)
|
تحية طيبة
العزيز - ايمن وضيوفه اسعد الله اوقاتكم بكل خير
زمان كنا بنتكيف من سن السكين و(شنقيل) الخروف وبتكون في الخدمة على طول جيب الصحن جيب (الكنش)
والعمولة (الكلوة ) من بطن الخروف مباشرة ..
الشافع لو بكى السنة دي السنة الجاية بحضر عادي وبكون مبسوط كمان
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: عبد العزيز محمد عمر)
|
بما انو اغلبكم اختلفتوا معاي حا ارد ردع عام ...
نتائج الممارسة دي (الذبح امام اعين الاطفال) وغيرها من الممارسات - آثارها ما بتكون لحظية او ظاهرة - بس بتكون جوه الطفل لما يكبر وحتى في سلوكياتو اليومية.
- تخيل شفع حلة جا ماري بجمبهم كلــب - رد فعلهم الطبيعي حا يكون انهم يسكوه بالحجارة عشان يرجموه: ده سلوك غير طبيعي يا جماعة
الاطفال الطبيعيين الفطريين بحبو الحيوانات بصورة عامة وبحبوا يلعبوا معاها ويدللوها - عكس الاطفال عندنا - سلوكهم غالبا عنيف تجاه الحيوانات !!
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: jafar hashim)
|
jafar hashim
| Quote: بل مفروض نقول للأولاد منهم كمان يتعلموا الذبح لأنو الولد حيكبر ويذبح أضحية وكمان يذبح في السماية والكرامة |
استيعاب الطفل للمسألة بيختلف وهو (طفل) عن استيعابو ليها وهو كبير .. عشان كده الحاجة لما تحصل في زمنها بتكون أفضل وتفهم بشكلها الصحيح
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: أيمن محمود)
|
اتفق معك تماما اخي ايمن ان الاطفال دون سن التمييز يجب ان لا يحضورا الضبيحة..
لأنها بالتأكيد ستترك اثراً على نفسياتهم حتى لو لم يظهر لاهلهم..
وكمان مفروض الخروف ما يجيبوا قبل فترة طويلة عشان ما تنشأ علاقة بينه وبين الاطفال في البيت..
قبل فترة اخوي جاب خروف وضبحو بعد كم يوم...
بنته الصغيرة قعدت تبكي..لاول مرة بسبب ضبح خروف..
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: ياسر منصور عثمان)
|
بالعكس يا أيمن ..
لازم الطفل يعرف كل شئ ..
من بداية تلقينه ماهية الأضحية .. ولم شُرعت ..
الى مرحلة شراء الخروف ..
ولحدي نهاية الضبح .. وتكسير اللحم ..
وهكذا نشأنا وهكذا علمنا أهلنا ..
لا أبينا اللحم ولا خفنا من الضبح ومنظر الدم ..
بل في كل سنة يتم تدريجك ومن سن الثامنة أو السابعة ....
أول شئ تكب الموية للزول البغسل الكرشه ..
بعد تقوى شوية ..
تسلخ الضلافين والراس .. وتمسك كرعين الخروف ..
وتودي الجلد الجامع ..
بعد تقوى شوية ..
تكون مسئول مباشرعن نظافة الكرشه ..
وتشيل صواني اللحم تدخلن للحريم ..
بعد تقوى شوية ..
تبدأ تتعلم تسلخ ..
وتكون عينك نجيضة تشوف الضبح بيتم كيف ..
من بداية توجيه الخروف للقبله والتكبير ..
وضبحو . وتعليقو .. وكيفية التعامل مع المصارين والكرشة ..
وهي في بطن الخروف وكيفية تفصيل كل حتة ..
لتخرج عملية السلخ وتفريغ بطن الخروف سليمة بدون ما ت###### اللحم ..
ومن ثم حتى تكسير آخر حته في كراع الخروف الورانية المعلقة ..
وبعدين تتفرغ لضرب الشيه ..
وتكركع الشربوت ..
وما تنسى توزيع اللحم لمن جاوركـ من الأسر والحبان ..
والناس الماقدروا على الضحية ..
ففي ادخال الفرحة عليهم أجر عظيم ..
المفروض تأكل ثلث .. وتتدخر ثلث .. وتتبرع بثلث ..
هكذا تم تعليمنا ..
هسه أولادي في مرحلة ..
سلخ الرأس والضلافين .. ومسك كرعين الخروف وقت الضبح ..
ولازم الواحد فيهم يعاين سمح .. مش يقبل غادي ..
وطبعا عمو الضباتح أنا ,,,
بقيت ضباح متمرس وحتى قبل زواجي ..
واجعض خروف ما بياخد معاي نص ساعة ..
كل أضحى والجميع بخير ..
وتحايانا للعيال ..
والأسره ..
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: جمال ود القوز)
|
Quote: نتائج الممارسة دي (الذبح امام اعين الاطفال) وغيرها من الممارسات - آثارها ما بتكون لحظية او ظاهرة - بس بتكون جوه الطفل لما يكبر وحتى في سلوكياتو اليومية.
- تخيل شفع حلة جا ماري بجمبهم كلــب - رد فعلهم الطبيعي حا يكون انهم يسكوه بالحجارة عشان يرجموه: ده سلوك غير طبيعي يا جماعة
الاطفال الطبيعيين الفطريين بحبو الحيوانات بصورة عامة وبحبوا يلعبوا معاها ويدللوها - عكس الاطفال عندنا - سلوكهم غالبا عنيف تجاه الحيوانات !! |
ايمن يا حبيب ...
ضبحوا قدامنا و انحن اطفال من قولة تيت ... وكنا ننتظر ( اب دمام ) متين يجدعوا لينا ... و جري علي الفحم نتشتشوا حبتين و نعضي بعد داك ...
و لما كبرنا بقينا نضبح و نسلخ برانا ... خرفان ...جداد ... حمام ... حتي الارانب البتكورك ضبحناها ...
و اهو ما حصل لينا حاجه ... و بنحب الضاني زى عيوننا الا بس الكلسترول و العمر خلانا نحاسب ( وما كتير ) ...
( اخشوشنو فان النعم لا تدوم ) ....ههههه
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: جمال ود القوز)
|
أيمن والضيوف
التحايا والتهاني بقرب دخول (العشرة المباركات) وعيد أضحى وأهلنا أحلى في الوطن والمنافي .
بالرغم من أن أبنائي ولدوا وترعرعوا هنا في الغربة ، إلا أنهم يصرون بأن يذهبوا معي لسوق الغنم ، ولا يروق لهم أن أذبح في المسلخ ، عايزين الخروف يجي البيت ويربطوه فوق في السطح ، وكل فترة طالعين نازلين من وإلى السطح للإطمئنان على وضع الخروف مع بقية الخراف الأخرى ولا سيما أنه في نفس الطابق يجاورني عدد (2) من الأسر الكريمة ، وصباح العيد باكراً يستعدون للصلاة وهم على شغف لرؤية الخروف أثناء الذبح .
المسألة عادية إذا تقبل الطفل رؤية دم ( الخروف) أما الطفل الذي لا يطيق رؤية ذلك المنظر فأحسن أن يظل بعيداً .... ويبدو أن معظكم كنتم تحضرون عملية الذبح في منازلكم العامرة في طفولتكم ,,,, ولم يؤثر ذلك فيكم ...
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: ولياب)
|
سلام باشمهندس أيمن.
الخوف يترسخ فهم الوحشية والدموية فى عملية الذبح عند الكبار. وبعد شوية تظهر جمعيات الرفق بالحيوان والخراف. ويمنعوا عملية الذبح. ويكونوا ريحونا من الأضاحي واللحم الغالي. هئ هئ هئ
:-)
فلتهنأ بريجيت باردو بمناصريها.
ب
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: Othman Al-Hasan Babikir)
|
كلامك صح يا ايمن. ما كل الاطفال بيتقبلوا الفكرة دى عادى.
ولدى( 4 سنوات ونص) كنا فى اجازة فى الخرطوم و جابوا الخروف قبل كم يوم من المناسبة. سمى الخروف : خروفى. وبقينا اليوم كلنا ماشين وجاين من عند خروفى فى الحوش. مسكته من يده وكلمته: خروفى ح يضبحوه بعد كم يوم. ما قال حاجة. يوم الضبيحة حزرتا اعمامه انه ما يشوف الضبيحة. طبعا ما اشتغلوا بى, و شاف كل شيء.
بعد ما عملوا الشية لقيت ليك زولى فى صحن اللحمة لكوعه...قايلا: {خروفى .. Yummy }....ويضرب فى اللحمة.
| |
|
|
|
|
|
|
|
|
|
Re: ذبح الأضاحي أمام أعين الاطفال .. (Re: مصعب عجاج)
|
Quote: تشتري العديد من الاسر الاضاحي قبل موعد النحر بيوم أو يومين على الأقل، والاسر التي لها أطفال تنشأ بينهم وبين (الخروف) علاقة فطرية جميلة ليتم انهاؤها بغتة من خلال مشهد دموي مروع!
حتى لو غضضنا الطرف عن تلك العلاقة فإن مشهد ذبح (الخروف) أمام الاطفال لا شك سيورث أثراً نفسياً قد تكون له عواقب وخيمة مستقبلاً على سلوك الأطفال وصحتهم النفسية.
لن يضيرنا شيئ لو تمت عملية الذبح بعيداً عن أعين الأطفال
وكل عام وانتم بخير مسبقاً |
أتفق تماماً مع الأخ أيمن محمود
الذبح أمام الأطفال يمكن أن يترتب عليه أضرار نفسية كبيرة
من الحكمة إبعاد الأطفال عن مسرح الذبح تماماً
مع تقديري للاراء المنادية بعكس ذلك
| |
|
|
|
|
|
|
| |
أيمن محمود
Hassan Makkawi
حمد عبد الغفار عمر
فرح الطاهر ابو روضة
ismeil abbas
الزنجي
أيمن الطيب
وضاح عبدالرحمن جابر
الجنيد حمد
ياسر منصور عثمان
جمال ود القوز
يحي قباني
ولياب
ombadda
Othman Al-Hasan Babikir
smart_ana2001
mohmmed said ahmed
مصعب عجاج
محمد علي البصير
عبدالعزيز الفاضلابى
فيس بوك
تويتر
انستقرام
يوتيوب
بنتيريست