|
|
 إقـتـــــصـــــاد الســـوق وســياســة السوق وحــكـــــومة الســـــوق !
|
دعونا ندردش قليلاً عن إقتصاد السوق والطريقة السوقية التي يتناول بها البعض (قيادات حكومات)
هذا المفهوم حتى أتينا من باب السخرية بعبارة سياسة السوق وحكومة السوق
نتجول في إقتصاد السوق أولاً من بداياته مع العالم الإقتصادي الألماني ألفريد موللر أرماك
ثم نرى إقتصاد سوق السجانة والسوق العربي وسوق ناس المتعافي .. ويا حليل ناس أبو العلا و ود ملاح وعلى دنقلا
|
|
 
|
|
|
|
|
|
|
|
Re: إقـتـــــصـــــاد الســـوق وســياســة السوق وحــكـــــومة الســـــوق ! (Re: Asim Fageary)
|
من أهم الأساليب لنجاح إقتصاد السوق في مرحلة الإنتاج يعني مرحلة توفير العرض هو تكنيك المنافسة أو أسلوب التنافس
يعني الإقتصاد الحر دا وراه فتح مجال للتنافس
يعني مافي رأسمالي تقوم الحكومة تديه حق إحتكار مزارع الدواجن مثلاً ولما يظهر اي منافس ليهو يكسروه ناس الحكومة وأصدقائهم من الحزب الحاكم
وبعد دا يجوا يتكلموا عن تحرير الأسعار واقتصاد السوق
فهنا عاوزين نقدم دروس عصر مجانية عن إقتصاد السوق عشان ناس سياسة السوق وحكومة السوق يفتحوا عيونهم ويشوفوا هم بيعوسوا في شنو
| |
|
|
|
|
|
|
|
|
|
Re: إقـتـــــصـــــاد الســـوق وســياســة السوق وحــكـــــومة الســـــوق ! (Re: فرح الطاهر ابو روضة)
|
الجبايات دي يا ابو روضة هي جزء من الضرائب ولكن ممكن نسميها ضرائب عشوائية
ليه عشوائية، لأنها بتاخدها المحليات ومن دون اي تنسيق بين تلك المحليات والضرائب وقد تؤخذ دون سجل ضريبي لنشاط تجاري معروف
يعني لو إنت مربي ليك دواجن في حوشكم وجيت شايلها في بص ماشي تبيعها في العاصمة في كل نقطة جباية ممكن يشيلوا منك مبلغ
أها الجدادة دي لمن تصل السوق العاوز تبيعها فيهو بتكون بقت جمل عديل
والجبايات العشوائية طبعاً عامل ضار جداً بالإنتاج وبالذات لصغار المنتجين
لأنه في دولة زي السودان أكيد أصحاب الماتل ذوي العلاقة بالنظام ما بيدفعوا الجبايات دي والضرائب العديلة ذاتها بيكون عندهم مخارجة منها
آسف لتأخري في الرد عليك يا أبو روضة لقيت ردك الآن الصباح
| |
|
|
|
|
|
|
| |
Asim Fageary
فرح الطاهر ابو روضة
فيس بوك
تويتر
انستقرام
يوتيوب
بنتيريست