عشا البايتات .. ومقنع الكاشفات

Quote: من هو عشا البايتات ..؟ أليس اغلب السودانيين هم عشا بايتات ومقنع كاشفات ؟ لماذا تكون هذه الصفات مبذولة هكذا .. لمن يستحق ومن لا يستحق ؟ ماهى مستحقات اطلاق هذه الصفات ؟ ــ الاتجاه المعاكس بس

Quote: جاء في قاموس لسان العرب لإبن منظور أن كلمة زَوْلٌ تعني: (زول) من فصيح العربية ولها أكثر من سبعة عشر معنى، فالزول تعني : (1) الكريم الجواد، أنشد السكيت المزرد: لقد أروح بالكرام الأزوال من بين عم وابن عم أو خال (2) والزول : الخفيف الحركات، قال أبو منصور الثعالبي في حديثه عن الممادح والمحاسن، حين ذكر أطوار الإنسان : فإذا كان حركاً ظريفا متوقدا فهو : زول. (3) والزول الفتى، قال محمد بن عبيد الله الكاتب المشهور بالمفجع يمدح علياً : أشبه الأنبياء كهلاً وزولاً وفطيماً وراضعاً وغذياً (4) والزّول : العجب، ألا ترى السوداني إذا استغرب شيئا قال : يازول ؟؟ يعني ياعجبي من هذا الشيء. قال الشاعر في وصف سير ناقة. مرفوعها زول وموضوعها كمر غيث لجب وسط ريح فمرفوعها زولٌ يعني سيرها إذا أسرعت عجب من العجائب. (5) والزول : الشجاع الذي يتزايل الناس من شجاعته. (6) والزول الخفيف الظريف الذي يعجب الناس من ظرفه. (7) والزول الغلام الظريف. (8) والزول : الداهية. (9) والزول الصقر. (10) والزول : معالجة الأمر كالمزاولة. (11) والزول : التظرف. (12) والزول : الحركة. (13) والزولة : المرأة الظريفة، قال الأصمعي : أنشدتني عشرقة المحاربية، وهي عجوز حيزبون زولة... قال أبو علي : الحيزبون التي فيها بقية من الشباب. والزولة الظريفة. (14) والزولة : المرأة البرزة (الجميلة) الفطنة الذكية، قال الطرماح بن حكيم : وأدت إليّ القول منهن زولة تلاحن أو ترنة لقول الملاحن والملاحنة هي الفطنة، فهذه تتكلم بما يخفى على الناس ولا يفهمها إلا الفطن. (15) والزولة : الفتية من الإبل أو النساء، قال رؤبة بن العجاج : قد عتق الأجدع بعد رق بقارح أو زولة معق (16) ووصيفة زولة : إذا كانت نافذة في الرسائل (17) ويقولون فلان رامي الزوائل : إذا كان خبيرا بالنساء، قال الشاعر : وكنت امرأً أرمي الزوائل مرة فأصبحت قد ودعت رمي الزوائل ففتى، زول وفتاة ،زولة، وفتية أزوال، وفتيات زولات، ونسوة زوائل. وبقي معتى ثامن عشر عليكم به في بطون الكتب. فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء. ولعلك تلاحظ أن كثيرين من غير السودانيين إذا ناداك : يازول ! فكأنه أتى بجرم أو شيء غريب أو كأنه (ضرب السما جير) والأدهى أن بعض السودانيين قد يضيق بذلك لعدم وقوف بعضهم على المعاني التي ذكرتها، ومن جهل شيئا عاداه. والعجيب أن الضيق منها موجود حتى في البيئة السودانية نفسها، ولكن المتأمل بدرك أن سر ضيق السوداني منها ينبع من السياق الذي ترد فيه. فالكبار عندنا إذا قلت لآحدهم (يازول) ربما قال لك : (تزاول من ضلك) وهي دعوة عليك بالاختلاط والجنون، لا تقال إلا في موضع السب إذا تطاول الصغير على الكبير. ولفظة (تزاول) نفسها فصيحة صحيحة قال ذو الرمة : وبيضاء لا تنحاش منا وأمها إذا ما رأتنا زيل منا زويلها.

Quote: استاذنا مصطفى .. أذكر زمان وفي القرى النائية هناك في اقصى الشمال ثوابت ربما مازالت موجودة لدى الكثيرين رغم الحداثة ومن ضمنها قانون المعاقبة الجسدية للاخر : - اولاً ضرب المرأة على مرأى ومسمع من الناس كان عيب كبير يوصم به صاحبه وخاصة إذا كانت المراة غير ذات صلة قربى او علاقة زوجية .. حتى إذا كانت لها علاقة فيتم تأديبها في السر .. حتى بالنسبة للذكور : عدم ضرب الشخص وهو جالس ( حتى يقف ويتساويان في الوضع ) عدم استخدام العكاز ( إذا لم يكن لدى الاخر مثله ) عدم الاعتداء على اضعف جسمانياً وإيذاءه وهذا ما استطعت أن اتذكره ..

Quote: مصطفى كيفك انا من قرية حيث من المفترض ان انخفاض نسبة التعليم بالقرية (سابقا) قد تقود الى مثل هذه التصرفات البربرية لكن والله من يوم وعيت على الدنيا الى اليوم ما سمعت ولا شفت في منطقتنا كلها ناهيك عن قريتنا انه فلان ضرب ليهو مرة علماً اننا زي اي قرية تانية فيها البسكر والبسطل وغيرهم والله المجنون عندنا ما بعملها اكيد اكيد ان الزول الضرب الزولة دي هو من نواتج ثورة التعليم العالي تحياتي ليك ولشيخ علي عبدالوهاب

Quote: مصطفى البشاري سلام لك ولضيوفك الكراااام الحقيقة انا في اول تعليق لي في البوست موضوع النقاش كنت واقف مع الزول الضرب البنت ولكني كنت منفعل جداً وقتها عشان كدا كتبت كلام لا أؤمن به أي رجل يضرب إمرأة رجل غير طبيعي وغير سوي بالتأكيد لأنها لا تستحق الضرب الضرب أساساً هو وسيلة غير مرغوب فيها نهائياً في كل الأحوال مع رجل أو مع إمرأة في اعتقادي الرجولة مواقف ومباديْ لا يحيد عنها الرجل مهما حصل الرجولة مسئولية الرجولة غيرة والرجولة إيمان لك تحياتي

Quote: سلام اخ مصطفي مقتع كاشفات بتاع الساعة كم،،،، دا زول مريض نفسي ومعتوه ومتخلف وبربري،، بس المحتاج تفسير فعلا ان يتم الاحتفاء بهكذا فضيحة ويتم وصفه ب مقنع الكاشفات،،،،،،،يا للوقاحة!!!

Quote: الاخ مصطفي البشاري وضيوفه سلام اليد الضربتها نسال الله ان يعاقبه علي فعله غايتو وجنس غايتو راجل يضرب امراة دي كبيرة وينبغي ان يعاقب علي ذلك ويكون عظة لغيره

Quote: بشاري يا قريبك ايتو بعد تخلّصو موضوع الكف و ما ادراك و تجو لمناقشة الحتة دي Quote: من هو عشا البايتات ..؟ أليس اغلب السودانيين هم عشا بايتات ومقنع كاشفات ؟ لماذا تكون هذه الصفات مبذولة هكذا .. لمن يستحق ومن لا يستحق ؟ ماهى مستحقات اطلاق هذه الصفات ؟ ــ الاتجاه المعاكس بس قول عووك وخاصة في مسألة الصفات المبذولة سمبلا دي و ازيد عليها الألقاب كمان أحنا أحسن ناس نليّس اي لقب أو صفة لأي شي بمناسبة وبدون

Quote: يا البشاري فتشو المعني الطمنطاشر دا بتلقو زولكم بتاع المطار دا مشعلق فيهو. إزيّك يا زول...

Quote: عوووووووك

Quote: هذه صفات تطلق على من خصهم الله بتفقد أحوال الناس ..والتدخل ايجابا لاصلاح الحال المائل .. هي من حظ اولئك الذين منحهم الله نعمة "المروءة" وما يتبعها من صفات ومناقب..

Quote: واخيرا اقول .. من لم يكن مقنع كاشفات او عشا بايتات ولم تحدثه نفسه بذلك.. فليتحسس مروءته ورجولته ..

مشكور الحبيب عادل على المداخلة الثرة ..

تحياتى .. وابقى جر لينا سلك يا عمك

Quote: هههههه ألقاب مملكة في غير موضعها كالهر يحكي انتفاخا صولة الأسد أبدا ليك بالكورة : الفرسان, السلاطين, سيد الأتيام, سيد البلد, الرومان, الزعيم, الأسود, الفعلتك التركتك...إلخ لغاية ما نصل لأغرب لقب (ساي): العاااااااااااالمي :) طبعا في الفخر وعلى منوال عشا البايتات العشرات من الألقاب مبذولة سمبلا كدا للناس ساي اعتدنا عليها في بوردينا دا أمسك المجانيات ديل : نبيل, شريف, وريف, حريف, سلطان, ناظر, أورو, كنداكة, ميرم, مناضل, مجاهد.. إلخ إلخ مجانية حكاية الألقاب دي استسهلناها و اعتدنا على اطلاقها بدون أدنى تفكير في هل يوفي من يطلق عليه اللقب استحقاقاته أو جزء منها على الأقل؟ لفة كدا ... ونرجع نواصل :)

نجى للموضوع الجد ..
اعتقد انو اطلاق الصفات جزافا كده فى الغالب الأعم تقع تحت طائلة "النفاق الاجتماعى" والشو وشوفونى ..
قليل من من يستوفى استحقاق الصفة ..
ــ
ما تشوف لينا صفة كده نلحق بيها المولد ده

Quote: كيفك يابشارى مَن مِن هؤلاء اعتدى على امرأة او ضعيف..الواطه صبحت ياخوى الله يهون بس..