كتب الكاتب الفاتح جبرا المتوفرة بمعرض الدوحة
|
عضو جديد لنج هل من مرحب
|
شكرا بكرى على الباس ويرد انا من المتصفحين على سودانيز اون لاين بانتظام منذ سنين حيث وجدت فى المنبر كتاب ومفكرين ومثقفين واصحاب رائ نعتز بيهم ولذلك قررت الانتماء اليكم لنتعلم منكم ونشاطركم فى الرائ ونستشيركم فى امور الوطن والمواطن السودانى.
|
|
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
الاخوة محمد عبدالله فردوس محمد نور عودو محجوب عبدالله مخمد الشيخ خالد حاكم احمد الطيب اشكركم جميعا وان شاء الله اكون عند حسن ظنكم معا لعمل عملية جراحية دقيقة وناجحة لازالة الورم الخبيث من جسم الوطن
| |
|
|
|
|
|
|
Re: عضو جديد لنج هل من مرحب (Re: صديق الموج)
|
الأخ الحبيب بارودى مصطفى
حبابك مليون يا بارودى .. مرجب بيك فى ملعبنا الدافورى .. ولا فى ساقيتنا المدورة .. دورى .. دورى .. اتفضل .. بيتنا قريب .. وعندنا الكرسى والعنقريب .. أى .. بيتنا قريب .. يا اخوى بارودى .. قريب لجناين كافورى .. المهم انت ساكن وين .. يا زول ما تخاف .. المواصلات علينا .. لو براك .. بنأجر ليك تكسى .. وكان معاك جماعة بنأجر ليك لورى .. بس خليك جاهز .. لما نصلك .. نضرب ليك بورى .. تمرق طوالى .. و ما تشفق .. أكان اتأخرنا عليك .. بنقول ليك سورى .. بس أوع تمرق لينا بباروده .. يا بارودى ..
بس خلاص .. والى لقاء قريب بإذن الله .. سلام مربع من أخيك وعمك العجوز ارنست ارجانوس جبران +++
| |
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
مرحبا بالاخ الدكتور بارودي الطبيب البارع الرائع ونحسبه اضافة حقيقية للمنبر ،،،،،، ومرحب بك وانت تحمل سماعتك لتحسسس اوجاع والالم الوطن ومشرطك لازالة الاورام المحيطة به ومنتظرين منك ومن الجميع الوصفة الناجحة
| |
|
|
|
|
|
|
Re: عضو جديد لنج هل من مرحب (Re: طارق ابراهيم ابوالفضل)
|
الف مرحب بالخال الدكتور/ بارودي مصطفي فاشر ياسلام على بكرى وعلى سودانيز اون لاين البجيب الناس الزيك اناعارفك يادكتور انك ماحتكون مذكرنى آخر مرة انا شوفتك قبل 18 سنة فى الفاشر حى العظمة انا وحسين أبكر برقو وشكرا على الهدية آنذاك ((القميص الأبيض وكيس الحلاوة)) بتذكر أنك جيت من السعودية ومعاك عمنا أسماعيل من البحرين لكن الزيارة أكتملت لمن عزالدين مشى وجاب معاو السلطان جدنا /مصطفى فاشر من الطينة ألف مرحب بيك
| |
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
طبعاً يا دكتور بارودى قبل الوطن .....سودانيزونلاين دى زاتها عايزة ليها تشريح و عمليات تجميل......
وجودك وسط الناس الغلابة كفاية جداً "يتحاموا بيك".......من القتلة و الماجوريين.....و الخيانة......
نعم لوطن يتسامى و جراح تندمل........لابد.......مرحب يا دكتور.....و لي قدام....
صديق القاعد بعيد
| |
|
|
|
|
|
|
Re: عضو جديد لنج هل من مرحب (Re: Siddig A. Omer)
|
هلا د.بارودي مصطفي فاشر
حفيد السلطان فاشر
هلا بالرجل السمح و العلامه البارز النابغه السوداني
اخصائي المنظاير الكندي حاليا
بلادنا تفرط بكفاءة مثل د.بارودي فاشر
عرفته سودانيا اصيلا
ورجلا كريما
وعالما متواضعا
وسوداني مهموم بقضايا التغيير
بارا باهله
كريما تجاه مواطنيه وتجاه الانسانيه.
صلب وشجاع ولكن رقيق بقلب طفل.
لا يقبل الضيم عليه ولا علي غيره.
قادر علي العمل مع كل مكونات السودان بكل صدق وتجرد.
لو نحن محظوظين…نري امثال د.بارودي فاشر
وزير صحه سوداني في القريب العاجل.
وبارودي لعلمك بعد اغتراب فاق العشرين سنه
جمع حصيلى عمره حالما بان يساهم في تقديم خدمه طبيه مشرفه ببلادنا
واجهته الانقاذ بعرقيته وفسادها احبط حلمه بانشاء مجمع طبي يخدم شعبنا بتجرد وبعلم حقيقي وتفوق ووفاء للمهنه.
فحمل احزانه علي شعبه وهو يراهو يموت بجوانب المستشفيات
ويمم شطر الغربه التي احتضنت كفائته بكل فخر,
فانتمي لعالم مهاجري السودان بكندا.
وهاهو يرفع راسنا بالساحل الشرقي الكندي علما نباهي به الامم.
شكرا د.بارودي انك انتميت لهذا المكان
وشكرا انك قررت ان تمارس الانتماء للوطن و العمل من اجله مع هؤلاء الغبش ابنائه وبناته بالسيابر.
وشكرا انك لم تلجأ للانتحال و لم تتكبر عن الكتابه.
نعلم مشغوليات ونتمني ان تجد زمنا لتعمل مع الجميع علي رتق النسيج الاجتماعي السوداني الذي مزقته الانقاذ.
ـــــــــــــــــــــــــــــــــــــــــــــــ د.بارودي فاشر كنت قد رشحته ضمن قائمة الاكثر مائة شخصيه سودانيه مؤثره بالخارج ببوست اخونا احمد الطيب بدر الدين.
| |
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
الاخوة الكرام محمد عبدالله فردوس محمد نور عودو محجوب عبدالله محمد الشيخ خالد حاكم احمد الطيب امجد الجميعابى ادم عيسى صديق الموج سودانى عجوز اطمئن بارود حقيقى ما فشق هههه ذكرتى والدى الله يرحمه زمان لما يزعل منى يقول تعال يا فشق انت هههههه الفاضل سبيل الزنجى اسم جميل الطيب عثمان يوسف عوض جاه الرسول محمد الطيب نعمات عماد طارق ابراهيم ابو الفضل ابنى جار النبى ابو سكين عبد العزيز عيسى صديق عمر تراجى مصطفى انت دائما تلبسينى جلاليب اطول واوسعم منى غيرى الترزى هههههه عبد العزير نهار تحياتى الى الاسرة عبد العظيم مكى محمد تقل اشكركم جميعا ان شاء الله نتعارف اكتر فى الايام الجاية
| |
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
شكرا اخى زين العابدين انا للاسف ما اتذكر اللقاء بس ان شاء الله يتكرر الاخ ارنست يبدو انك اشتغلت او عشت فترة فى دارفور وتاثرت بثقافة اهلك الطيبين المسالمين الان دارفور محتاجة الى امثالكم لتقفوا معه لنتجاوز المحنة الرهيبة ليعود دارفور السلطان الى سيرته الاولى بنسيجه الاجتماعى الفريد الاخ محمد سليمان حبابك عشرة ارسل لى تلفونك على mailto:[email protected]@yahoo.com
| |
|
|
|
|
|
|
Re: عضو جديد لنج هل من مرحب (Re: elhilayla)
|
أخونا بارودي مرحبتين وحبابك عشرة.. طالما متابع للبورد وتمظهراته النفسية المتقلبة ما بتجيك عوجة تب :) قرائتي لبعض مداخلاتك تأكد بأنك مكسب كبير للبورد .. تحياتي
| |
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
اشكرى اخى احمد امين نحن هنا للدفاع عن اهلنا المغلوبين فى كل انحاء السودان بالكلمة كما لدينا قوات مسلحة لنفس الغرض الاعلام ايضا جيش غير منظور خوضوا المعركة حيثما كنتم وقريباسوف يعلو الحق ويزهق الباطل ان الباطل كان زهوقا
| |
|
|
|
|
|
|
Re: عضو جديد لنج هل من مرحب (Re: أسامة العوض)
|
د.بارودي
عضو المبورد الذي يكتب باسم الحليله هنا
هو الدكتور ( زين العابدين زروق ) من قرية ( الحليله) الذي استضافني بمنزله في مونتريال
في الفعاليه الوحيده التي التقينا فيها هناك وانت حضرت لمنزله ايضا تلبيه لدعوته الطيبه بعد تلك (الندوه) .
ـــــــــــــــــــــــــــــــــــــــــــــــــــــــــــــ قريته هي (الحليله) ومتخذها كنيه له.
| |
|
|
|
|
|
|
Re: عضو جديد لنج هل من مرحب (Re: بارودى مصطفى فاشر)
|
الاخوة الكرام عبدالرحمن يسن اسامة العوض تراجى يا السلام تذكرت الاخ حليلة المضياف اتذكر بعد الندوة اصر علينا نمشى نتعشى فى بيته وبعد العشاء اوصلنى الفندق وكان زعلان كيف ما انزل عنده والله نتشرف كونه معنا فى المنتدى زول سودانى اصيل الاخ احمد بابكر الاخ عبد العزيز عيسى والاخت الفاضلة منى عسيب بالمناسة انا قبل ما المنبر متابع بوستاتك انت ثائرة كنداكية كبيرة ربنا يجمعنا بيك فى الوطن العزيز فى وضع احسن
| |
|
|
|
|
|
|
|