|
|
 للمهاجرين في بلد الخواجات: ركزوا في الحتة دي!!
|
للمهتمين بالشأن السياسي السودانى في أوروبا وأمريكا وكندا وإستراليا...
هذه نصيحة لله...
تجربة وحصاد 23 عاما في المهجر..
نعم الدراسة وعمل الدكتوراة او الماجستير مهمة...
نعم تعلم لغة دولة المهجر مهم....
نعم الحصول علي عمل ومهنة مهم...
نعم الإنخراط في البسنز والتجارة مهم..
نعم تستطيع الرجوع والمشاركة بخبرتك المهنية في السودان
نعم قد تزهج من الوضع في البلد وترجع تانى للغربة..
نعم قد تتحصل علي جنسية دولة المهجر..
نعم يمكن عمل تحالفات سياسية مع جبهات سودانية مختلفة...
نعم يمكنك الانخراط في منظمات المجمتع المدنى والعمل الطوعي السودانية...
بس في حاجة واحدة لازم تركزوا عليها شديد إذا عايزين تساعدوا السودان ومجتمعكم وأبنائكم...
أنا ندمان لانى لم أضعها في حسباتى رغم الفرص التى أتيحت لي...نعم بعد كل هذه السنين...
|
|
 
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
كلام جميل ووصايا طيبة.
Quote: للمهتمين بالشأن السياسي السودانى في أوروبا وأمريكا وكندا وإستراليا...
هذه نصيحة لله...
تجربة وحصاد 23 عاما في المهجر..
نعم الدراسة وعمل الدكتوراة او الماجستير مهمة...
نعم تعلم لغة دولة المهجر مهم....
نعم الحصول علي عمل ومهنة مهم...
نعم الإنخراط في البسنز والتجارة مهم..
نعم تستطيع الرجوع والمشاركة بخبرتك المهنية في السودان
نعم قد تزهج من الوضع في البلد وترجع تانى للغربة..
نعم قد تتحصل علي جنسية دولة المهجر..
نعم يمكن عمل تحالفات سياسية مع جبهات سودانية مختلفة...
نعم يمكنك الانخراط في منظمات المجمتع المدنى والعمل الطوعي السودانية...
بس في حاجة واحدة لازم تركزوا عليها شديد إذا عايزين تساعدوا السودان ومجتمعكم وأبنائكم...
أنا ندمان لانى لم أضعها في حسباتى رغم الفرص التى أتيحت لي...نعم بعد كل هذه السنين... |
كل ذلك إن حصل يعتبر زيادة في خير في الدنيا،
و طالما المسلم متمسك بتعاليم دينه ..
فهنيئا لهم خيري الدنيا والآخرة بإذن الله.
نسأل الله أن يرد غربة الجميع سالمين غانمين.
| |
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
الواحد خرج من السودان وإفتكر إنو الغربة ما بتطول..
كلها سنوات والواحد يرجع بلدو عزيز مكرم..
الواحد إفتكر إنو مافي داعي يقدم طلب لإكتساب جنسية بلد المهجر..
الواحد قلبو في البلد وجسمه في المهجر...
الواحد ينضم لحركات سياسية سودانية من أجل التغيير..
الواحد يبحث عن كل السبل والوسائل لدعم السودان..
الواحد يبقي عضو في الجالية في بلد المهجر...
الواحد يعمل برابول عشان يشوف قنوات السودان..
الواحد يتابع كل ما يكتب وينشر عن السودان..
الواحد يكون ما متابع إنو بلد المهجر الساكن فيهو ماشي كيف..
الواحد يكون عايش 23 سنة ويفتكر إنو حيرجع السودان ..
الواحد يشتري واطة ويبنى بيت في السودان..
الواحد بعد ده كله..ناسي الحتة دي...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
في السنين الأولي، الأربعة أو خمس سنوات الأولي يسيطر حلم الرجوع علي عقل وعواطف المهاجر..
لسنوات يسيطر عليك عدم الرغبة للتقديم طلب للحصول علي جنسية البلد المهاجر..
هناك من يري العكس تماما فيصبح حلمه الحصول علي جنسية البلد المهجر..
في الحالتين تمر عليك فترة إنتظار.. إما مغادرة أو الحصول علي جنسية والمغادرة..
في كلا الحالتين لا تعيش بواجدنك في بلد المهجر بإعتبار أن لك وطن في إنتظارك..
في كلا الحالتين تنسي معنى الحصول علي الجنسية وتعاملها كوثيقة ورقية تسمح لك بعبور المطارات لا أقل لا أكثر...
لكن تفوت عليك أو فاتت علي قيمة الحصول علي الجنسية وما تعطيك إياه من حقوق سياسية...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
الواحد زيو وزي غالبية السودانيين ركز علي الدراسة..
بعد الدراسة الواحد بدأ يفتش عن عمل...
الواحد لقي صعوبة للحصول علي عمل بوثيقة لاجئ او جواز بلدي..
بمجرد الحصول علي جنسية البلد المهاجر العمل كانت في التربيزة...
الواحد ما قيّم الوثيقة والتى في يدو بجانب وثيقة بلدو...
قبل فترة قابلت شاب سودانى في إحدي دول الغرب..
وقبلوا برضوا قابلت رفيق دراسة وسياسة في نفس الدولة..
رأيهما كان واضحا: أنهما لن يقدما طلبا للحصول علي جنسية ذلك البلد..
سألتهم السبب شنو؟
قالو لي: نريد العودة للسودان وممارسة السياسة في السودان..
حاولت أوضح ليهم وجهة نظري في محاولة لإقناعهم بالعدول عن ذلك الرأي..
إحترمت رأيهما..
ما حزّ في نفسي أن أحدهما شاب في بداية الثلاثينيات يدرس العلوم السياسية في إحدي الجامعات...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
يستغرب الكثيرين من علاقة داعش ببعض دول الغرب..
إتصل بي أحد الأخوة منزعجا من تلك الظاهرة وإنتشارها..
وانه لابد من عمل شيئا ما حيال تلك الظاهرة..
واحد من الأسباب يرجع إلا أن بعض الدواعش قد فطنوا في وقت مبكر لأهمية تلك الحتة..
وجدوا السند السياسي..
ووجدوا السند المالي...
خالطت العديد من الشعوب وقارنتهم بالسودانيين...
الأكراد فطنو للحتة دي وأستخدموها صاح..
الأتراك فطنوا ليها من وقت مبكر...
شعوب أمريكا اللاتينية في الولايات المتحدة أصبحت جزء مهما لوجودهم في أمريكا..
الإثيوبيين، الارتريين، الكونغوليين، وغيرهم من الدول الأفريقية...
أخيرا فطن إليها الصوماليون والذين ليست لديهم تجربة سياسية طويلة في الحتة دي...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
عشان الواحد ما يطول الكلام نصيحتى ليكم:
أمشوا إنضموا للأحزاب السياسية في بلدانكم..
فيدوا وإستفيدوا...
في أحزاب يسارية
وفي أحزاب يمينية
وفي أحزاب محافظة
وفي أحزاب ليبرالية
وفي أحزاب بيئية
وفي أحزاب جندرية
وكمان في أحزاب عنصرية ( لمن يريد أن يعرف أكثر معني العنصرية)
أحمدوا الله إنو مافي مؤتمر وطنى وحاجات تانية حاميانى...
بتضيف ليكم وبتضيفوا ليها..
تقدروا تساعدوا السودان بصورة أفضل بالتأثير في مراكز القرار من جوه..
فرّغوا طاقات صراع وخلافات"الجاليات" (أنا كلمة جاليات دي ما بحبها لانها تسمية مضللة وجزء من إهمال الحتة دي) في عمل سياسي في أطر سياسية واضحة..إنتشروا بين ألوان الاحزاب السياسية المختلفة..شاركوا في التأثير في قضاياكم المحلية...
في النهاية داير أقول برضوا عندنا تجارب وأمثلة ممتازة كسودانيين في هذه المشاركة السياسية في دول المهجر...
مهاجري الخليج والدول الأخري حقو يلوموكم علي هذا التقصير، وأنا باخد حقي في هذا اللوم...
وتصبحوا علي خير او أسعد الله صباحكم
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
عزيزنا سيف
سلامات
و نحنا جيل العشرين سنة غربة يا سيف بدينا نموت .
ننترم وأحد وأحد وأحدة وأحدة . مقابر ليها نجيلة و ليها ضل .
يا الله .
وبدينا نكرمش وبدينا نلون الشنب ونلون الجلحات ونلوي اللسان . النص الكتير مننا أنضرب بي مرض الشرأيين .
والنص التاني مكايت صراع بين هناك و بين هني .
جيل كامل رأح والكاتلو ما مخبور ..
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: Osman Musa)
|
| Quote: شخصيا انا عضو في الحزب الاشتراكي |
مرحب يا خالد العبيد
كويس إنك ما وقعت في الخطأ الوقعت فيهو أنا..
نديك أمثلة حقيقية. الاول ربما يوضح إهمالنا للإنخراط في الأحزاب السياسية عندنا هنا.
ولأننا مركزين علي الهم السودانى عندنا الإسبوع الجاي ندوة. وتانى يوم من الندوة عندنا الأنتخابات البرلمانية..
اها في ثلاثة مرشحين طلبوا مقابلة المجتمع السودانى. المرشحين الثلاثة واحد من إريتريا وواحد من إثيوبيا وواحد من فلسطين...
لا أظن أن هناك مرشحا واحدا من أصول سودانية.
---------------------
زميلي في الشغل عضو اللجنة المركزية للحزب اليساري من أصول غير سويدية
إثنين تانيين وأيضاً زملاء في نفس مكان الشغل أعضاء المجلس السياسي للحزب اليساري وبرضو من أصول أجنبية.
قدموا لي عروض كثيرة للإنضمام للحزب لكن الواحد كان عنده وهم إنو مركز في سياسة بلدو وناسي أهمية المشاركة السياسية في بلد قعد فيها 23 سنة...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
Quote: و نحنا جيل العشرين سنة غربة يا سيف بدينا نموت .
ننترم وأحد وأحد وأحدة وأحدة . مقابر ليها نجيلة و ليها ضل .
يا الله .
وبدينا نكرمش وبدينا نلون الشنب ونلون الجلحات ونلوي اللسان . النص الكتير مننا أنضرب بي مرض الشرأيين .
والنص التاني مكايت صراع بين هناك و بين هني .
جيل كامل رأح والكاتلو ما مخبور .. |
يا أخوي عثمان -- تأمل في هذه الآيات الكريمات:
قال تعال : " كُلُّ مَنْ عَلَيْهَا فَانٍ وَيَبْقَى وَجْهُ رَبِّكَ ذُو الْجَلالِ وَالإِكْرَامِ".
قال تعالى : " يَا أَيُّهَا الَّذِينَ آمَنُوا لا تُلْهِكُمْ أَمْوَالُكُمْ وَلا أَوْلادُكُمْ عَن ذِكْرِ اللَّهِ وَمَن يَفْعَلْ ذَلِكَ فَأُولَئِكَ هُمُ الْخَاسِرُونَ وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلا أَخَّرْتَنِي إِلَى أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ وَلَن يُؤَخِّرَ اللَّهُ نَفْسًا إِذَا جَاءَ أَجَلُهَا وَاللَّهُ خَبِيرٌ بِمَا تَعْمَلُونَ".
وقوله تعالى : " اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الأَمْوَالِ وَالأَوْلادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الآخِرَةِ عَذَابٌ شَدِيدٌ وَمَغْفِرَةٌ مِّنَ اللَّهِ وَرِضْوَانٌ وَمَا الْحَيَاةُ الدُّنْيَا إِلاَّ مَتَاعُ الْغُرُورِ سَابِقُوا إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا كَعَرْضِ السَّمَاء وَالأَرْضِ أُعِدَّتْ لِلَّذِينَ آمَنُوا بِاللَّهِ وَرُسُلِهِ ذَلِكَ فَضْلُ اللَّهِ يُؤْتِيهِ مَن يَشَاء وَاللَّهُ ذُو الْفَضْلِ الْعَظِيمِ ".
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: ahmedona)
|
Quote: عزيزنا سيف
سلامات
و نحنا جيل العشرين سنة غربة يا سيف بدينا نموت .
ننترم وأحد وأحد وأحدة وأحدة . مقابر ليها نجيلة و ليها ضل .
يا الله .
وبدينا نكرمش وبدينا نلون الشنب ونلون الجلحات ونلوي اللسان . النص الكتير مننا أنضرب بي مرض الشرأيين .
والنص التاني مكايت صراع بين هناك و بين هني .
جيل كامل رأح والكاتلو ما مخبور .. |
مرحب بالجميل عثمان موسي صاحب الألوان الجميلة حتى الشنب...
عشرين سنة ودقداقة...
والناس كل يوم هاربة من السودان قلنا أقلاها نقول ليهم النصيحة دي..
متابعين غنية وردي عليه رحمة الله:
يلا وتعال يلا نهاجر في بلاد الله...
لك من التحايا أجملها...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
Quote: وهل فكر هذا الحزب ،خصائصه و أهدافه تصلح لشعب السودان؟
أم هو انضمام فقط في فترة الغربة وفي البلد الغريب. |
سلام يا قصي
مع إنو سؤالك موجه لخالد لكن إسمح لي أقول رأي..
لو شفته تجربة الحزب الإشتراكى في السويد لتمنيت تطبيقها في السودان بضباتها...
ما طبق في السودان حتى الآن أثبت عدم صلاحيته...
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: بدرالدين فرو)
|
شكرا الاخ سيف علي هذه النصائح القيمة
والمفيدة جدا لاي مهاجر فعلا الواحد جسدو في بلد المهجر
وعقله وتفكيرو اليومي وحتي اهتمامتنا التانية كلها سودانية
فنحن نعيش مشاكل السودان وطننا ونتفاعل معها بكل الاشكال
كل ما يتمناه المرء هو ان تكون مساهماتنا ايجابية ولمصلحة الوطن
وليس وبالا عليه بعيدا عن الهتر والمهاترات
ونعمل معا لمصلحة
السودان كل من موقعه
مع خالص الود
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: سيف اليزل سعد عمر)
|
| Quote: فنحن نعيش مشاكل السودان وطننا ونتفاعل معها بكل الاشكال |
فعلا ده هو الحاصل. بس ياريت الناس تلتفت للناحية الثانية وتنخرط في العمل السياسي في بلد المهجر أيضا.
| Quote: كل ما يتمناه المرء هو ان تكون مساهماتنا ايجابية ولمصلحة الوطن |
أنا بفتكر إنو الإنخراط في العمل السياسي في دول المهجر يمكن أن يضيف كثير لتلك المساهمات.
لك خالص وأجمل التحايا يا محمد..
| |
|
|
|
|
|
|
|
|
|
Re: للمهاجرين في بلد الخواجات: ركزوا في الحتة دي!! (Re: بدرالدين فرو)
|
Quote: Sudan Rebel
ممتاز يا سيف بوست عالى الاهمية وياريت تتعمق وتبحر شوية .. تجربتك ما ساهلة مع كامل الوعي بالتفاصيل والمعايشة اليومية والامثلة والعبر .. عظيم تحياتي يازول يا نيل
السبت في 08:51 صباحاً |
سودان ريبل
شكرا علي المرور والمشاركة ..
الموضوع يحتاج للمتخصصين والدارسين ويحتاج الإهتمام من سودانى المهجر لانه يمس حياتهم ويؤثر علي بقائهم في تلك الدول.
الموضوع كان عبارة عن إلقاء حجر في بركة ولديه جوانب متعددة..
خالص الشكر وأجمل التحايا...
| |
|
|
|
|
|
|
| |
سيف اليزل سعد عمر
خالد العبيد
Osman Musa
ahmedona
بدرالدين فرو
محمد الطيب محمد
فيس بوك
تويتر
انستقرام
يوتيوب
بنتيريست