|
|
 ليلة قضاها السيد اسماعيل الازهري ،بحلتنا وفي سدر بيتنا...
|
ليلة قضاها السيد اسماعيل الازهري ،بحلتنا وفي سدر بيتنا...
اي نعم...
خمج ومن معه الوحل والطين ،من سندة السكة حديد..
حتي القرية...
والدنيا ليل ،طين وريح..ومطر..
سند نفسه بقرجة غليدة..
فجخ فجخ،،هو وجماعتو..
ودخل الحلة ،كانه احد ساكنيها...
طلب قرصا للعشاء
وفي تلك اللييلة ناقشوا وفي سدر بيتنا
قضايا المشروع
المزارع
مع اهل الوجعة
ليلة محفورة في ذاكرتي وانا بعد صغير.
|
|
 
|
|
|
|
|
|
|
|
Re: ليلة قضاها السيد اسماعيل الازهري ،بحلتنا وفي سدر بيتنا... (Re: عبدالعزيز عثمان)
|
البساطة سيدة الموقف،والشفافية كانت هناك حين كانت الدنيا في افاق العالم مدغمسة،كان الرجل واحدا من غمار الشعب،،والحكومة بنته،بنت الشعب،تسعي لكسب رضاه،وجبر ضرره،بشر عاديين بلا خيلاء ولا كبر،بلا هللة ولا هيلامنة،لم يكن حتي عسكري واحد ،يكركب ببندقيته،مثل الشعب الاغبش،ويتعامل معهم الناس بلا حواجز ولا دوران.
في تلك الليلة ،وعلي الطبيعة عاشوا الهموم والمشاكل..
تفاكرو في الحلول..
دشنو امتدادا لالاف الافدنة
بلا جلبة ولا ضوضاء,
| |
|
|
|
|
|
|
|
|
|
Re: ليلة قضاها السيد اسماعيل الازهري ،بحلتنا وفي سدر بيتنا... (Re: عبدالعزيز عثمان)
|
ارهقني الحنين لتلك الازمان،اعجب كيف استطاع الاباء الطيبين ،صنع كل ذلك البهاء،كيف شمخت المدرسة،قامت الشفخانة والمستشفي،شيد النادي،حفرت البئر،في اول بدء كل هذا العمران،كيف انبت الحقل فومه وقمحه،لم كانوا نضرين عفيفين،باذلين النفس والمال للناس،كان زمانا،كان فيه المجد ان تعطي لاان تاخذ،والعظمة هي ان تخدم لا تخدم،والحاكم يخاف الله والناس،،لا يخوفهم،عاشوا بسطاء مثل شعبهم،لا عرفوا قصورا ولاتسابقوا نحو دعة وحرير.
حين جاءت الحكومة لحلتنا تلك الليلة،،جاءت لتعطي ،لا تاخذ..
جاؤا لمزيد من عمار المشروع،تفقد الناس ،الحلال والاحوال..
فليحدثني من شاء،،بماذا نحتفي الان.
بخيبة الخيبات وقيامة القيامات...
موت المشروع...
وهذا ماتم عاهدت ابي ان لا ارفع فراشه حتي تنفخ الروح فيه من جديد..
او اسكن تراب تلك الارض الطاهرة الحنون..
فليغني كل من شاء ليلاه..
انا ليلاي هذا المشروع...
| |
|
|
|
|
|
|
|
|
|
Re: ليلة قضاها السيد اسماعيل الازهري ،بحلتنا وفي سدر بيتنا... (Re: عبدالعزيز عثمان)
|
عزيز سلامات
وانتو اهل الكرم والجود الازهري يفوتكم
وين وعليك الله شوف سماحة الناس
الريس يتفقد المشروع بنفسه الان ممكن
اي معتمد لاف يجي المشروع ويصرفو
عليه اكتر من دخل المشروع وبمتطي فاره
السيارات والجماعة الا العجاج البجيهن
ماعايز اكون محبط لكن حجم خراب مشروع
الجزيرة صعب انو يرجع بالساهل واحسب معاك
مشروع الرهد الزراعي لانو شركة كنانة
اطلقت عليه رصاصة الرحمة ووووو
كتير والوجع راااااااااااااااقد ياعزيز
تسلم
| |
|
|
|
|
|
|
|
|
|
Re: ليلة قضاها السيد اسماعيل الازهري ،بحلتنا وفي سدر بيتنا... (Re: سليمان القرشي)
|
يا عزنا سلام واحترام
في حكاية قريتا عن اسماعيل الازهري ما بحب اقوقل واخم لكن بقولا ليك كدا ساهي بس من ذاكرتي
قاليك يوم اسماعيل الازهري دخل مكتبو الصباح وجاب ليهو الشاهي واحد غير الزول المعتاد
وفي آخر اليوم سعل منو مالو الليلة ما جا نعل ما عندو عوجة قالوا ليهو الليلة يوم عرسو
اها طلع من مكتبو ومعاهو وزيرين ول تلاتة ما عارف وركبو عربية الرئاسة
وطوالي قال للسواق ودينا بيت اخونا الفلاني الفلاني يقصد عامل البوفيه عشان نبارك ليهو عرسو
بعد شوية فتش جيوبو ما لقى ولا تعريفة
اتلفت على واحد من الوزاراء وقاليهو عليك الله ما عندك قروش تديني وارجعا ليك يوم الماهية
عشان داير اختها للعريس واتو ذاتكن ختوا ليهو
.
.
يا عبدالعزيز ما تجننا ياخ
.
.
عاين جاي
اختك ومرتك كيف عليك الله طمنا بالله
| |
|
|
|
|
|
|
|
|
|
Re: ليلة قضاها السيد اسماعيل الازهري ،بحلتنا وفي سدر بيتنا... (Re: عبدالله ود البوش)
|
ياسليمان،،حدثني ،عالم سوداني،خبير عالمي،،صح صح..
انه وفقا للتصنيفات القيمية العالمية ،فان مشروع الجزيرة لايمكن تصور قيمته السوقية...
اغني من ثروات مهولة يفاخر بها اهاليها
وانه في حالة حدوث كارثة غذائية عالمية
فهو مصنف كاحد اهم صمامات الامان العالمية ..
عشان كده ،ناسنا القدام عضوا عليه بالنواجز
ولم يفرطوا فيه للحظة
اداروه في زمن الحياة كانت صعبة بحنكة واقتدار
بالمورس من الغيط..
ذلك بان ازهرينا نفسه كان يعيش مثلهم
يشتهي الباسطة ولا يستطيع شراءها
فيكتفي بام رقيقه مثله مثل شعبه
ويستدين ليزيل عوجه
وحين رحل حزينا ،رحل شريفا،تنادي النفير الحباني ليكمل بيته العادي
واغلب الوزراء كانو ييسكنون بالايجار.
| |
|
|
|
|
|
|
| |
عبدالعزيز عثمان
سليمان القرشي
عبدالله ود البوش
فيس بوك
تويتر
انستقرام
يوتيوب
بنتيريست