الهطل اسم تتعدد صفاته فتاتي بمعنى زول ( ما عندو موضوع) او زول ماشي بالعافية زول ما عارف بيعمل في شنو او بقول في شنو في حاجة اسمها وحدة الموضوع والتماسك اللي من خلاله يستطيع الشخص ايصال فكرة او شرح شي معين فتجده دائماً يدور حوله و يكون له اعداد جيد للمادة التي يتناولها اصلاً الخيط ده مفتوح عشان اي واحد يدلوا بدلوه يعني مملوك للجميع و الهدف منه ليه الناس ما دام لقت ليها فرصة انها توصل رسالتها عبر الكتابة و في منابر مشهود لها بتوافر القراء ليه ما تستثمر هذا الكسب استثمار حقيقي فتجد الواحد يفتح موضوع ما يعدي ليهو مداخلتين ممكن اطرف واحد يجروا يمين و لا يسار ينسى الهدف اللي من اجله ابتدر الخيط انا اعتبر دي مجرد اهواء من الشخص عشان يقال عنه انه موجود في الساحة وباقي لي ان الكثرة لا تعني غالباً الجودة و ربما كانت الكثرة دليل على قلة المحتوى و الله الواحد لو فتح ليهو كل شهر موضوع كارب و نجضوا تمام و كان مردوده للمتابعين و لصاحب الخيط ممتاز اعتقد يكون للكتابة طعم و القلم يكون له قراء ينتظرونه و يداومون على تتبعه لكن الناس اللي بتفتح يوماتي خيط و الله الواحد ما يكون عارف هو زاته قاعد يعمل شنو اعتقد في مواضيع متخصصة بيكتب عنها الناس بحكم التخصص و الالمام الجيد اما من يكتب سااااااكت و ناس شوفوني انا كل يوم نازل ببوستين تلاتة و هو اصلا ما عنده الحبة حتلقاهو بعد فترة حتى عدد القراءة عنده مش المتحاورين لا يتجاوز عددهم عدد اصابع اليد الواحد ياخ الناس مفروض تجعل من المنبر مكان جاذب زي الاستثمار الجاذب مش يكون مكان للاستفراغ لمن ليس لهم رسالة ومن يكتبون في كل ما هب و دب قليلاً من التريث و شوية تقلة تعطي قلمك روعة و التفاف حتى انك تحس بقيمة مشاركاتك و هناك الكثيرين اسأوا و افسدوا هذا المنبر بكتاباتهم التي لا تعني شي غير استهلاك الباندوث وان يغيظوا الخلق فقط ومتعتهم في ذلك افساد امزجة الناس وصرفهم عن كل جميل تحياتي
تعديل (تتعد) الى //تتعدد ( بكتابتهم) الى //بكتاباتهم (كتعتهم) الى //متعتهم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد عمر محمد
فيس بوك
تويتر
انستقرام
يوتيوب
بنتيريست