|
|
 zip your mouth...
|
[ [/url]
المنبر دا حق منو ؟؟؟.
كنا مخدوعين طوال هذه السنين.
والله صحي...
|
|
 
|
|
|
|
|
|
|
 Re: zip your mouth... (Re: معاوية المدير)
|
Quote: حامد ودحماد
يازول أهدأ شوية الحريات التى تنشدها لاتصلح لمجتماعتنا
..يساء إستخدامها ..جربوها وفشلت .. مشّى أمورك كده بس
جاءت الحريات في مصر مانفعت معهم ....وأزاحو.ما سموه
بالطاغوت في ليبيا .وفشلو في إدارة بلادهم ...وراح صدام
حسين وماتنعمو بالحرية بعده .. |
سلآمات يا حامد.
لو نظرنا لكلآمك دا بعين الواقع فهو صحيح 100%،
بس والله العظيم البُكان دا صار مُقرف جداً. بعض
التجاوزات لو تعامل معها المتحكمين في هذا الموقع
قد تحفظ للمنبر هيبته، لكن صراحة هذا المنبر صار
مكان للطراش الإسفيري...
| |
|
|
|
|
|
|
|
|
 Re: zip your mouth... (Re: جلالدونا)
|
يا قريبك ما قالك اقفل خشمك بس لفت نظرك للمادة واحد من اللائحة - طيب الله ثراها :| Quote: ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. |
| |
|
|
|
|
|
|
|
|
Re: zip your mouth... (Re: معاوية المدير)
|
Quote: يا معاوية
موضوعك دا لو مع بكرى ابوبكر (وهكذا لازال
يكبت اسمه) قول لي.
عشان أنا ذاتي ح أخلي المنبر دا بس مستني
وساطة برئاسة طه جعفر عشان والله أنا
خليت منبر الأدعياء ال بهناك دا عشان
خرق حرية الرأي وحرية النشر حتى!
أنا شايف الكلام دا هنا مدوّر وشايف عناصر
مشبوهة من الفنيين الحشريين لا يمكن ألاّ يكون
لبكرى ابوبكر (وهكذا يكتب اسمه) علم بها!!! |
سلآمات أُستاذ مصطفى.
الموضوع كان موجه لبكري ابو بكر لكن
بعد ان إتضح أنّ هنالك من يعمل خلف
الكواليس، وبانت مسألة الأذرع الخفية
فالموضوع موجه لصاحب الإسم...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: بعد ان إتضح أنّ هنالك من يعمل خلف
الكواليس، وبانت مسألة الأذرع الخفية
فالموضوع موجه لصاحب الإسم... |
يا زوول !!
دا كلام شنو يا قريبك؟ كدي نورنا
_____________
دردقة جد...ههههههه
يا ود المدير شي ما عندك عليه دليل ولا بتقدر تثبته ما تزنق روحك بيه ساي
| |
|
|
|
|
|
|
|
|
|
Re: zip your mouth... (Re: محمد البشرى الخضر)
|
| Quote: ا- يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب. |
إنت مو تحمد ربك انو بوستك Still a live بكري ساويلو موقع يطالب
بحرية التعبير والديمقراطية وهو في رقبتو مابي جيهتا,,
كنت داير اقول لي مثل كدي علا خايف يشيلو مني العِدة
| |
|
|
|
|
|
|
|
|
|
Re: zip your mouth... (Re: ismeil abbas)
|
| Quote: الله يستر.......ودالمدير زول ما ساهل ولكن شكله رسم خارطة طريقه......الله يوفق |
يا سماعين ود عباس الرجل الطيب
ياخ ماها المحرية فيك تلقاني هنا وماتسلم علي
يعلم الله كان بتعرف انا بحبك قدر شنو كان اطعمت حداشر مسكين
عشان الغلطة دي ـ لكن ملحوقة بنقبلا بعد ده.
| |
|
|
|
|
|
|
|
|
|
Re: zip your mouth... (Re: ismeil abbas)
|
Quote:
ياجماعة الحقوا شوفو ودعمي ده اوعا يكون الريس شال منه العدة
الله يستر.......ودالمدير زول ما ساهل ولكن شكله رسم خارطة طريقه......الله يوفق. |
سلآم يا أهل.
مبروك لبنتنا يا اسماعيل، والله ما متذكر باركتلتك واللآ ما باركت.
منشده اليومين ديل في رحول + الحاصل هنا، فمعذرة.
تسعل منكم العافية.
يا ود اعمي قسم بالله العدة كان الريس دايرا اختها ليهو فوق عتبة
الباب يجي يشيلآ ويفوت، وكان دآير يشربلو كباية شاهي حبابو
ألف.
يا أهل، البوست الكتبتو ووجهتو لبكري المفروض بكري هو اليبادر
بكتابة بوست في معناه ويوجهو للأعضاء، ويقولهم، يا جماعة أنا
الكنترول فلت مني دحين تعالوا ساعدوني حتي نضع الأمور في
المكان الصحيح ونرجع بالمنبر لما كان عليه من القوة والفعالية
المؤهلة لتبليغ الرسالة.
بكري من يوم أسس المنبر دا ما فتح بوست عشان يشوف اراء
الأعضاء في المنبر، أو يستشيرهم في شئ يخص المنبر. عآد
دا كلآم دا ؟!.
كدي يا عبد العزيز ادنا المثل خلنا النطرب شوية، كان نتفشّة...
| |
|
|
|
|
|
|
|
|
|
Re: zip your mouth... (Re: ismeil abbas)
|
سلامات يا فاضلابى,, | Quote: ياجماعة الحقوا شوفو ودعمي ده اوعا يكون الريس شال منه العدة |
ود اعمك ما أظنو زولا بخاف على عدتو!!
والعدة دى دي زاتا كان من شروطا إنو ابعدوا عن سؤال الإدارة أى سؤال ولا تطلبوا منها أى إستيضاح أنبندوربا؟؟؟
يا زول العدة طاير فى السما وود المدير دا أنا عارفو داير الحكم يطردو وتبقى بركة الجات منك يا بيت الله!!
تحياتى
حك الزول يا معاوية وخلواليبقالو على راى !!
وواجب علينا بعدها أن نقول له لم تقصر معنا
ابدا وشاكرين ومقدرين إستضافتك لينا سنين
طوال وبيننا الأيام قد نلتقى فى دروب الحياة
والمحبة ولم نسمع ولم نر منك إلا كل طيب
وسنذكرك بكل خير وفخر ولكن لن ننسى ايضا
انك قد سمحت لبنيانك بأن يغرق ويتهدم,,
بسبب فهم ما عارفنو شنو,,
وتبقى عشرة الليام البقت مع من إصطفونا
وإصطفيناهم ولن نعدم سبب سماع صوتهم
ولقياهم لو الله أراد,,
| |
|
|
|
|
|
|
|
|
|
Re: zip your mouth... (Re: أيمن الطيب)
|
والله ود المدير وود استاذ عبدالرازق ديل اكان ماعوقونا اصلو ما يرتاحو...
ياناس اهو نحن منجمين في امان الله مالكن علينا...
ياخي بكري ده ابطل اشغالو واقعد انتظر ناسا زهجانين ساي،ذي السكاري من فجر الرحمن فوق النبذ...
خلاها ديمقراطية تراعي وتراعي
ونحن الشعب نحاسب البغلت برانا
ياخي اتواثقوا براكم البسوي الغلت اردموه،قاطعوه
وسيرعوي...
بكري ده ياود المدير اصلو مو غلتان
والله اطبق اللائحة ارفد العشرات
ناس زهجانة وروحن محرقاهن مالقوا الا بعض انفشوا فيهو
وكلام فاضي ناتج عن ضيق خاص اغلبه
وهذا ماصرنا اليه...
الله في...
| |
|
|
|
|
|
|
|
|
 Re: zip your mouth... (Re: عبدالعزيز الفاضلابى)
|
ههههههههههههههههههههههه
اذكرت حكاية السوسيو الحردان من امو طلع برا انبطح في الحر جات الحدية ختفتو
.
.
هههههههههههههههههههه
اذكرت استاذنا بتاع الانجليزي في الثانوي العالي لمن لمن شرح لينا zip
جر سوستة البنطلون وقال
this my zip
والله زي اقوليك وطبعا ائ زول فهم بطريقتو
.
.
ود المدير والله اتا عارف المهدي ما خلقك لكن داير ليك مشاكل ساهي
.
.
صاحبي ود المدير انا شخصيا بحتاج لوجودك هنا
اديها صنة شهرين تلاتة وتعال صاد
سمح ؟
| |
|
|
|
|
|
|
|
|
|
Re: zip your mouth... (Re: عبدالله ود البوش)
|
يا زول اقوليك قولة
قول ولا الضالين
انا بقوليك آمين
وتاني قول ولا الضالين انا بقوليك آمين
ولا الضالييييين
آمييييين
ولا الضاليييييييييييييين
آمييييييييييييييييييييييين
تعال يا ايمن الطيب قول معاي آمييييييين
وكل مرة ينضم الينا واحد ما فارقة معاهو كتير
يا دعواتنا استجابت يا جات الحدية ختفتنا
أها
| |
|
|
|
|
|
|
|
|
|
Re: zip your mouth... (Re: عبدالله ود البوش)
|
| Quote: كدي يا عبد العزيز ادنا المثل خلنا النطرب شوية، كان نتفشّة... |
عريان من صُلبو ولابِسْلُو سِديري
يلا موت موت ـ حياة حياة
هيييييييييييع ان الرِّضِعْ فوق الخُلال
| |
|
|
|
|
|
|
|
|
|
Re: zip your mouth... (Re: عبدالله ود البوش)
|
| Quote: يلا يا مك قول معانا ولا الضالين |
وينك ود البوش إنت مالك للساعة دي بي تتطمّش في النت؟
انت في ولا الضالين ولا في اسماعين الـفاتني حوفا بلا سلام ده
انا كان شالو عدة ودعمي ده مابتحرقني زي فوتة اسماعين دي لي
ياخ الزول ده انا عادُّو شيخي عديل كدي ـ
ودعتك الله انا لاحق القطر راجع لي الارباب والجنوي
| |
|
|
|
|
|
|
|
|
|
Re: zip your mouth... (Re: عبدالعزيز الفاضلابى)
|
عليك النبي يا الفاضلابي مش بتبالغ, من امس اودي و اجيب وأقوقل و "أوكبد" و "اوتسب" عايز اجيب المثل القلت ما مؤدب غلبني بي الله واحد
يقوم يطلع ياهو مثلك دا!!
هسي دا الما مؤدب فوقه شنو؟
يا ود المدير يا قريبك ...
قصة البعير و المسير دي ياخوي ما بتاكل عيش مع ناس جيب دليلك, جيب دليلك دي واحدة من لوازم شيخ محمد مصطفى
فا سيبنا من البعر و ادينا قرائن محكمة لا يأتيها الباطل من بين يديها تدعم بيها حديثك
| |
|
|
|
|
|
|
|
|
 Re: zip your mouth... (Re: محمد البشرى الخضر)
|
Quote: بس بقى السؤال المهم
بى طريقة الادارة الحالية
هل يخسر المنبر ام يكسب |
يا جلالدونا عايزين بوست زي المعلّق فوق عشان نجاوب
السؤال دا.
إقتراحاتكم كيفية إستعدال الصورة المقلوبة؟.
يمكن نصل لحل لو إستعدلناها، بس منتظرين إستجابة
لو لمرّة وآحدة في تاريخ المنبر...
| |
|
|
|
|
|
|
|
|
 Re: zip your mouth... (Re: معاوية المدير)
|
Quote:
*** أتمنى ان لا أكون في الطريق لفقدان احد كتابي المميزين .
*** المنطقة الوسطى ان يدرك بكري ان المنبر ظل لفترة طويلة مصدرا وقاعدة بيانات للشان السوداني لكثير من الكيانات الإعلامية
و المنظمات الأمنية المحلية و الدولية و الحكومات العربية والأجنبية وللباحثين و الدارسين ،
كذلك على الأخ بكري ان يدرك ان المنتدى الان اصبح
بوصلة توجه الضال نحو مهاوي الفرقة و العنصرية ، وما عاد الا حلبة لتصفية الحسابات الشخصية و النقش على استارها بمداد صنيع بعض من اتضح جليا انهم
اسرى تناول الاخرين ومدمنى شخصنة الخلافات ومن يرون انهم احياء من خلال الشتم و السب و الإساءة و السعي بين الاسفاف و المطاعنة . |
أُستاذ الطيّب،
إن شاء الله ما نفقدك بي شينة.
ثمّ وبعد السلآم هذا إنقلآب 180 درجة لا تخطئه العين، فالمسألة لا تعدو كونها تجاهُل قطعاً له أسباب، تُرى ما هي ؟؟؟.
من أعلى عِليين إلي أسفل سافلين !!!، الآ يستحق هذا التدهور التعجُب والسؤال ؟، ولماذا عندما يُطرح السؤال تكون
الإجابة سحب البوست أو الطرد من المنبر؟، أليس هذا بالشئ العجيب الغريب الذي يترك الألآف من علآمات الإستفهام
والتعجُب !!!؟؟؟.
لم يكن إعتلاء هذه المكانة بالأمر الذي اتي ضربة لآذب، بل اتى نتيجة لسلوك طريق ملئ بالعقبات من هاكرز وحكومة
ظلّت تتربص بالمنبر وأعضائه. لماذا تُرك المجال مفتوح للزبد كي يتمكن ويرسخ في الأرض، بينما ذهب ما ينفع
الناس جُفا دون إكثراث من أُولي الأمر ؟. إعتقد أنّ الحكومة وصلت إلي ما كانت تصبو إليه وتنفست الصعداء، بينما
خسرنا نحن هذا الصرح العظيم علي مسمع ومراى القائمين علي أمره، ويظل السؤال قائم من المستفيد غير الحكومة
من هذه المأساة ؟.
إن شاء الله سأعود لبقية المدآخلة...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: يعود المنبر الى مجده وريادته وحتى لا نفقد أمثال الأخ معاوية المدير الذى اراه
يسعى سعيا حثيثا للمغادرة ولسان حاله ( لا خير في ان لم اقلها ) .
*** ان لم يستدعي الحال لما ذكرتها ، فقبل سنوات اذكر وفي عمل رسمي عن الاستثمار في
السودان دفع عدد من المستثمرين بعدم رغبتهم في الاستثمار في السودان بحجةكم الفساد الهائل
فيه و على حد قولهم ( حسب ما هو منشور في سودانيز اون لا ين افضل موقع للتعرف على
الشأن السوداني ) .
وحسب معرفتى التامة و ( المؤكدة ) ان كافة الأجهزة الأمنية العربية تحديدا على اطلاع بالمنتدى
وان كثير من سياسات هذه الدول تجاه الحكومة السودانية الحالية تجد لها مصدرا من هذا المنتدى .
*** اخي معاوية اعمل بشعرة معاوية وانت أولى بها .
(الطيب عثمان)
|
هذه هي الحقيقه
أخي معاويه
كانوا في التدريب العسكري يقولون لنا (زرر خشمك) .. انا يادوب فهمتها .. بس فات الاوان
عمر علي حسن
| |
|
|
|
|
|
|
|
|
|
Re: zip your mouth... (Re: عمر علي حسن)
|
Quote: *** لا اطالبك اخي بكري بالتنازل عن إدارة المنتدى فقط عليك بإعادة النظر في ادارتك والياتها وتفعيل اللائحة التي تضمن تغذية القيم التي عملت من اجلها . حتى
يعود المنبر الى مجده وريادته وحتى لا نفقد أمثال الأخ معاوية المدير الذى اراه يسعى سعيا حثيثا للمغادرة ولسان حاله ( لا خير في ان لم اقلها ) .
*** ان لم يستدعي الحال لما ذكرتها ، فقبل سنوات اذكر وفي عمل رسمي عن الاستثمار في السودان دفع عدد من المستثمرين بعدم رغبتهم في الاستثمار في السودان بحجة
كم الفساد الهائل فيه و على حد قولهم ( حسب ما هو منشور في سودانيز اون لا ين افضل موقع للتعرف على الشأن السوداني ) .
وحسب معرفتى التامة و ( المؤكدة ) ان كافة الأجهزة الأمنية العربية تحديدا على اطلاع بالمنتدى وان كثير من سياسات هذه الدول تجاه الحكومة السودانية الحالية تجد لها مصدرا من هذا المنتدى .
*** اخي معاوية اعمل بشعرة معاوية وانت أولى بها .
التعديل لخطا املائ في كلمة اراه |
معك أخي الطيّب نسعي لوسيلة تعيد للمنتدى سيرته الأولي، حتي لو إستدعى الأمر أن يترك الأخ بكري
ومن معه الإدارة، ونثمّن وجود بكري إن إستطاع أن يضع الإمور في نصابها الصحيح.
الحمد لله إنّك ذكرتها حتي يعلم الأعضاء والقُراء الذين كانوا لا يدركون عظمة هذا الصرح في الماضي ومكانته،
و كيف أنه أصبح اليوم في مهب الريح. أما الإدارة فتعلم علم اليقين خطورة الموقع وفعاليته، وكيف أنه كان مصدر
قلق للسلطات الحاكمة التي ظلّت تشن عليه حرب ضروس حتي خضع من خضع وإنصرف من كانوا ينافحون
للحكومة لشئون أُخرى بينما بقيت بعض بوستات مكتوب علي بابها بوستات أحرار.
هكذا تمّ إنتزاع ثوب الهيبة من سودانيزاونلآين، وبيّع في سوق النخاسة علي أيدي مؤسسيه، لينفضّ مِن حوله
الكُتاب الفطاحلة والسُمّار الظرفاء حتي أصبح أطلآل ينعق في عرصاتها البوم، ويقصدها اللصوص وقاطعي
الطريق.
غداً سوف أرخي الشعرة إن أخطأتني
رصاصة الرحمة...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: هذه هي الحقيقه
أخي معاويه
كانوا في التدريب العسكري يقولون لنا (زرر خشمك) .. انا يادوب فهمتها .. بس فات الاوان
عمر علي حسن |
*** سعادة اللواء عمر على حسن ،،، عساك بخير ،،، تعليماتكم لمعاوية دا بالعزوف عن جهجهة باكاتنا
*** لكما كل الود و التقدير .
| |
|
|
|
|
|
|
|
|
|
Re: zip your mouth... (Re: الطيب عثمان يوسف)
|
Quote:
يا زول العدة طاير فى السما وود المدير دا أنا عارفو داير الحكم يطردو وتبقى بركة الجات منك يا بيت الله!! |
هههههههههههههههههههههههه،
بالغت لكن يا ايمن الطيّب.
والله صحي.
يا اخي والله مشتاقين...
| |
|
|
|
|
|
|
|
|
|
Re: zip your mouth... (Re: معاوية المدير)
|
| Quote: تعليماتكم لمعاوية دا بالعزوف عن جهجهة با |
لو كان لي امر عليه لأمرته ..
ولكني ادعوه ليتفكّر في نبي اله نوح الذي لبث في قومه الف سنة الا خمسين عاما
حتي قال له ربه لن يؤمن لك الا من قد آمن وامره بصنع الفلك واغرق من لم يعد
إصلاحهم ممكنا .. ثم انشأ بعدهم قرنا جديدا ..
تري هل لصاحب المنبر القدرة علي خلق قرن اخر .. ليخرج بالمنبر من حدة الغثاء
وخبث غرض من اصبحوا يستغلون المنبر لترويج بضائعهم بالاسفاف والعدوان والسفه ..
وهل علي اصحاب الملكة والحجة والحجي ان يتقافزوا فرارا ليتركوا المجال لتلك الفئه ..
او لضعف او تسلط يرونه في الادارة ..
لا والله .. اخي معاوية .. ان علي صاحب الرأي ان يثبت علي مبادئه .. فلا يقفز من السفينه
لان غيره ينحرف بمسارها .. وان معاوية .. ان صدق ظني انه ابن المناضل الفحل محمد
عثمان المدير .. ينبغي عليه ان يقاتل ولا يدير ظهره ياسا مما يجري .. السنا كلنا افراز السودان
بتقلبات ظروفه وتحولات انسانه من النبل الي الخيبة والفساد .. فهل نتركه مشاعا لمن يفعل فيه
ما يفعل دون ان نقول لا .. كحد ادني ..
نعم ان بكري مالك المنبر .. فلننظر ماذا يفيده خروج من خرج وبقاء من بقي ..
واسأل الله الا يزرر لك خشما
عمر علي حسن
| |
|
|
|
|
|
|
|
|
|
Re: zip your mouth... (Re: عمر علي حسن)
|
Quote: وان معاوية .. ان صدق ظني انه ابن المناضل الفحل محمد
عثمان المدير .. |
أسأل الله له الرحمة والمغفرة.
سعادة اللواء عمر علي حسن،
لك كامل إحترامي وتقديري.
نعم، أنا إبن الرجل الذي فتح صدره لرصاص الإنجليز،
وقال لجعفر نميري لا.
إنت تأمُر، وما عليّ إلا تنفيذ أوامرك.
لكما مودتي أنت وجنابو الطيّب...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: يا سماعين ود عباس الرجل الطيب
ياخ ماها المحرية فيك تلقاني هنا وماتسلم علي
يعلم الله كان بتعرف انا بحبك قدر شنو كان اطعمت حداشر مسكين
عشان الغلطة دي ـ لكن ملحوقة بنقبلا بعد ده. |
أخى الكريم عبدالعزيز الفاضلابى..يا أخى أنا حبى ليك فاق الظنون...وأشواقى ما بوصفه....
والله آسف جداً جداً أخى الكريم...وبعدين مليون سلام ما بتكفى والله..والحمدالله الرجعت للبوست عشان أشوفه ولقيت ردك.... أعذرنى والله وأسف للمرة الثانية..تقديرى وإحترامى...
إنت ما الزول البجهلوك ولا البفوتوك.......
| |
|
|
|
|
|
|
|
|
|
Re: zip your mouth... (Re: ismeil abbas)
|
Quote: نعم، أنا إبن الرجل الذي فتح صدره لرصاص الإنجليز،
وقال لجعفر نميري لا. |
دمعت عيني وانا اقرأ هذا التأكيد منك بنسبتك لرجل عرفته شخصيا واحترمت نضاله
ونحن صبية نتعلم مباشرة من ابطال عطبرة معني النضال والصمود في وجه الظلم
والعسف والاستبداد .. وكان ابوك بطلا وفخرا .. فالتزم دربه
والتزام الدرب لا يمنحك حق الابتعاد عن ارض المعركة حتي وإن شالوا العده ..
ولا تغلق هذا البوست .. فسينير دربا لمن يريد ان يعرف ويفهم ويصلح ..
عمر علي حسن
| |
|
|
|
|
|
|
|
|
|
Re: zip your mouth... (Re: عمر علي حسن)
|
سلامات يا أولاد حنتوب عبدالله وعبدالعزيزQuote: تعال يا ايمن الطيب قول معاي آمييييييين
وكل مرة ينضم الينا واحد ما فارقة معاهو كتير
يا دعواتنا استجابت يا جات الحدية ختفتنا
|
آميييييييييييييييييين يا ود البوش آمييييييييييين تانى القصة مفاتيحا عند بكرى وهو الوحيد
الذى يملك أن يوقف كل هذا المشهد العبثى القبيح ,, بحسب لوائحه وقوانينه ووصفه لنفسه هو مسؤول
مسؤوولية مباشرة أمامنا وأما م ضميره بتوفير الوسيلة والمكان لبعض الناس لكى يمارسوا ما لا يمكن
وصفه إلا بأنه سيئ وغير أخلاقى وغير مشرف وخلق عداوات غريبة وغير مبررة ذهبت بالناس
بعيدا جدا القصة فى يدو فعل قوانينك ومن لا يحترمها فليذهب لمكان آخر ويمارس ما يحب ويهوى!!!| Quote: والله ود المدير وود استاذ عبدالرازق ديل اكان ماعوقونا اصلو ما يرتاحو... |
العويق يا عزيزى عبدالعزيز حاصل وترانا قاعدين فى نصو فقلنا نحاول
نرمى حجر فى الماء الآسن الراكد عله يتحرك ويجف قليلا,,
تحياتى وإحترامى ومودتى,,
| |
|
|
|
|
|
|
|
|
|
Re: zip your mouth... (Re: عبدالعزيز حسين عبدالرحيم)
|
Quote: خلاها ديمقراطية تراعي وتراعي
ونحن الشعب نحاسب البغلت برانا
ياخي اتواثقوا براكم البسوي الغلت اردموه،قاطعوه
وسيرعوي...
بكري ده ياود المدير اصلو مو غلتان
والله اطبق اللائحة ارفد العشرات
ناس زهجانة وروحن محرقاهن مالقوا الا بعض انفشوا فيهو
وكلام فاضي ناتج عن ضيق خاص اغلبه
وهذا ماصرنا اليه...
الله في... |
عبد العزيز يا قريبي.
المشكلة إنو الديمقراطية دي إنحرفت، وأصبحت إباحية بحيث أصبح كل
شئ مُباح حتي النبذ والإعتداء علي الأُسر. نحن فشلنا حتي في معرفة
مفهوم الديموقراطية التي نطالب بها. طالبنا بأنّ الشعب يجب أن يختار
ممثلين يقوموا بصياغة لائحة تتولى تطبيقها السُلطة التنفيذية في البورد،
اللائحة التي يتحدث عنها الناس محتاجة لإعادة صياغة وما هي بنصوص
مُنزلة، دا لو كانت القضية قضية لائحة. بالنسبة لبكري مشغولياته لا تعفيه
من أن نطالبه ونوجه له النقد واللوم. نحن لا نسعى لرفت الأعضاء وتوقيفهم
بل نسعي لتعديل المسار وضبط السلوك الغير سليم ...
| |
|
|
|
|
|
|
|
|
 Re: zip your mouth... (Re: معاوية المدير)
|
Quote: تحياتى
حك الزول يا معاوية وخلواليبقالو على راى !!
وواجب علينا بعدها أن نقول له لم تقصر معنا
ابدا وشاكرين ومقدرين إستضافتك لينا سنين
طوال وبيننا الأيام قد نلتقى فى دروب الحياة
والمحبة ولم نسمع ولم نر منك إلا كل طيب
وسنذكرك بكل خير وفخر ولكن لن ننسى ايضا
انك قد سمحت لبنيانك بأن يغرق ويتهدم,,
بسبب فهم ما عارفنو شنو,,
وتبقى عشرة الليام البقت مع من إصطفونا
وإصطفيناهم ولن نعدم سبب سماع صوتهم
ولقياهم لو الله أراد,, |
كلآم زين يا أيمن، والمكان محفل إلتقينا في رحابه
بأجمل الناس.
شكراً بكري.
تحياتي أيمن...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: هههههههههههههههههههه
اذكرت استاذنا بتاع الانجليزي في الثانوي العالي لمن لمن شرح لينا zip
جر سوستة البنطلون وقال
this my zip
والله زي اقوليك وطبعا ائ زول فهم بطريقتو |
ههههههههههههههههههههههه،
إنت فهمك كان شنو يا ود البوش ؟.
يا اخي وحات الله مِشتهي لي ونسة معاك...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: حاجا بلف،
دِي حِيجب يا. |
ود المدير عليك الله انسى المذكور اعلاه وتعال نقلب الهوبة في فرنغيتت خلوة الفكي ود الهجا
عاين جاي ات شرفت باللم يكون ول عم ؟
المابدينا حق الشرافة بالعقرب النتافة
المرة تطلق والراجل اتعلق والولد اجي من السماء مفلق
ههههههههههه
| |
|
|
|
|
|
|
|
|
|
Re: zip your mouth... (Re: عبدالله ود البوش)
|
Quote:
ود المدير عليك الله انسى المذكور اعلاه وتعال نقلب الهوبة في فرنغيتت خلوة الفكي ود الهجا
عاين جاي ات شرفت باللم يكون ول عم ؟
المابدينا حق الشرافة بالعقرب النتافة
المرة تطلق والراجل اتعلق والولد اجي من السماء مفلق
ههههههههههه |
ههههههههههههههههههه،
اوعّ السوستة.
سيدنا قال، إن شفتو الفار ادوهو النار.
عليك الله يا ود البوش امرق لي من البوست حقي دا،
خلني اللقضا مِنّو وطري...
| |
|
|
|
|
|
|
|
|
|
Re: zip your mouth... (Re: معاوية المدير)
|
Quote: عليك الله يا ود البوش امرق لي من البوست حقي دا،
خلني اللقضا مِنّو وطري... |
ههههههههههههههههه
والله ما امرق بصمة خشمي كان اقوليك الحكاية دي
قاليك واحد كلما امش ازور زول عيان ما بكفر وامرق ساهي علا امرق روحي
مالك عندك شنو ؟
عندي ابو الدمام
بس دا اياهو ذاتو الكتل فلان
وهكذا مع كل مريض
أها يا سيد اللمنتي ليك اهلو منعوهو ازور ائ مريض
ومرة اهلو زائرين مريض قالوا تعبان خلاس وهو اصر امشي
وفي الاخر اتفقوا معاهو بشرط امسك خشمو وما اتكلم نهائي
وفعلا مشى وما اتكلم اصلو لكن الكلام حارقو ومضايق ضيق شديد خلاس وشايف الزول تعبان وما قادر اتكلم
ولمن جا طالع ضرب راسو بعتبة الباب من الزعل
ناس البيت قالوا معليش اوعا تكون اتعوقت
قاليهم انا هين لكن جنازتكم دي بعد شوية بتمرقوها كيفن ؟
.
.
أها انا مارق واتا اقضى وطرك سريع سريع قبل الحدية تختفك
| |
|
|
|
|
|
|
|
|
|
Re: zip your mouth... (Re: عبدالله ود البوش)
|
ود المدير
عاين لي جاي
اتا المنبر دا فيهو عيشة ليك ؟
المنبر دا عنز داير تحلب منو لبن وتجغم ؟
اتا المنبر دا داير تعرسو ؟ هههههههههههههههه
اتا كان ما فتحت المنبر دا بمسكك الغوغ ؟
ياخ اخد ليك منو خفسة تلاتة اربعة شهور اضانك دي تبرد
اخير ليك من كترة البعابص البتجيب الخرا اليابس
أصلك اتا مابرتاح علا الحدية دي تختفك
وتحيرنا فيك كلو كلو
| |
|
|
|
|
|
|
|
|
|
Re: zip your mouth... (Re: عبدالله ود البوش)
|
Quote: هذه هي الحقيقه
أخي معاويه
كانوا في التدريب العسكري يقولون لنا (زرر خشمك) .. انا يادوب فهمتها .. بس فات الاوان
عمر علي حسن |
سعادة اللواء،
سلآم.
وهكذا يكون تكميم الأفواه، من يكممون فوّه يسعي
لتكميم أفواهنا، ففوه من نكمم نحن ؟...
| |
|
|
|
|
|
|
|
|
|
Re: zip your mouth... (Re: Mahjob Abdalla)
|
Quote: دمعت عيني وانا اقرأ هذا التأكيد منك بنسبتك لرجل عرفته شخصيا واحترمت نضاله
ونحن صبية نتعلم مباشرة من ابطال عطبرة معني النضال والصمود في وجه الظلم
والعسف والاستبداد .. وكان ابوك بطلا وفخرا .. فالتزم دربه
والتزام الدرب لا يمنحك حق الابتعاد عن ارض المعركة حتي وإن شالوا العده ..
ولا تغلق هذا البوست .. فسينير دربا لمن يريد ان يعرف ويفهم ويصلح ..
عمر علي حسن |
جزاك الله خير سعادة اللواء عمر،
ولك كامل مودتي وإحترامي.
الرجاء مراجعة هذا الرآبط:
حـكـايـتـي مـع كُـمـسـآري الـقـطـر الـرُبـاطـآبـي ...
| |
|
|
|
|
|
|
|
|
|
Re: zip your mouth... (Re: معاوية المدير)
|
يا مديرنا ازيك
من اولها فوتو شوب
تبكى امهاتهم .. ويعصر الالم قلوب ابائهم
و المتاجرة بدمائهم فوتو شوب
يريدون الاحتفاء بهم و تخليد ذكراهم
و على المنبر صورة حميدتى قاتل ابنائهم و ابناء دارفور
ترفرف عالية خفاقة بلا خوف او وجل من ذنب اقترفته
لو اراد ان يحتفل
لما بقيت صورة القاتل هنا
و غيره اخرون يسرحون و يمرحون بما شاء لهم مذهبهم فينا
يبيعوننا وهم دينهم .. و الدين منهم براء
جرعوهم كأس الموت باسم الدين
ثم كان عذرهم انهم مخربون
و الخراب اتى به غرابهم
يوم اتوا
و تمزق الوطن الممحون
و ابواقهم هنا ترتع و تمرح
ثم ينادونا الى احتفاء
بمن جادوا بالنفس
فى حديقة قاتليهم
____ لأماهتهم و لاّبائهم و عشيرتهم و اصدقائهم
لقد ظلمناكم يوم استكنا لرغبة الجلاد
ثم قتلناهم يوم ان تنادينا للاحتفاء بهم و صورة جلاد تعلو صحاف المنبر
يا اهلهم و يا ذويهم
عذرا عذرا ثم عذرا
| |
|
|
|
|
|
|
|
|
|
Re: zip your mouth... (Re: معاوية المدير)
|
| Quote: هل هذه الصورة حقيقية ؟ |
سلام معاوية وسلام لكل الصامتون من خلف القبور " المعلوم منها وغير المعلوم ".
وسلام خاص لبشير وسليم والتاية وطارق .
-----
معليش يا صديق ما قدرت to zip my mouth لان اخوك من ناس السروال " أب دكة " ومرات "شُمارة ".
بس دى جديدة جديدة لنج طلع اصل (rap musing ) سودانى وكمان تم تأصيل فى (المديح ) ، يعنى الموضوع ما zip u mouth. كمان جابت ليها " مقنع الكشفات " يكفت ( النسوان ) الأهلهم هاجرو واغتربوا ( لأنهم ما شحاذين ) . وايضاً لأول مرة اعرف ان اسم دولة ( السودان ) اصبح ( السودام ) . وان (الإلحاد ) احد أسباب الانتحار ، وان ابو الدرروق خلى البلد وهاجر للهند بعد البعرة بالدررقة انعدمت .
بعدين اخوك شعرة شعر هدندوة ، ما تخاف حا احلق مكانك .
والطفل ما زال ليل يحبوا (ودى غير ديك )
| |
|
|
|
|
|
|
|
|
|
Re: zip your mouth... (Re: هاشم احمد ادم)
|
Quote:
العزيز ودالمدير وضيوفة
البوست دا اناشفته وقلت اخليك تروق واجي
بيتنا في كوبر جنب المصحة كان في مجنون أسمه (قاله) كان في المصحة زمن طويل ورغم
أنه زول ضخم الجثة إلا كان زول رقيق ومهذب وبرئ زي الأطفال عشان كدا ناس المصحة
بخلوه يطلع يشتغل بره في الحلة ردميات ونقل تراب وأي حاجة يسترزق منها والناس بعطفوا
عليه وبجودوا عليه لكن في ناس كانو بشاغلوه بتجيه نوبات بتاعت جنون بكسر اي حاجة تقابله
ويفلق اي زول يقابله إلا ناس محددين يسمع صوتهم أو يشوفهم بقيف نجي بعد يسأل الحاصل
شنو يقولوا انت فعلت كذا وكسرت كذا وفقلت فلان يدنقر ويبتسم بي خجل ويقول أنا سويت
كدا يقولوا اييييي انت سويت كدا يقول مبتسماً: سجمي دا جن شنو دا ؟؟
هسع دا جن شنو يا ودالمدير
غايتو ذكرتني قاله وجنو
دا جن شنو الخلاك تفلق بكري ياخ زعلك صعب شديد وتاني ما بزعلك وأنا عارف اني السبب
ذنبو شنو بكري ؟
ودالمدير والله انت غلطان بالجد وزي ما قال المصريين الاولو شرط اخرو نور
بكري عنده حاجه كويسة لمن يدي الزول الباسورد برسل ليه معاه لينك لي قوانين ولوائح المنبر
واكييد رسلها ليك أول نص فيها انه مافي زول يتدخل دي شروطه وانت وافقت بيه يبقى بوستك
دا خرخرة وجن شنو ساي منك
انا أكتر زول اتوقفت في البورد واتخفضت مداخلاتي وأصلاً ما زعلت من بكري لأنه عاذره ومقدر
الضغوط الضغطوها ليه عشان يوقفني وأنه عارف المؤامرات رخيصة البرضه عشان يوقفوني وما
بزعجة ولا حصل يوم اشتكيت لي زول ولا حا اشتكي لكن بنجض شغلي
يا معاوية ما شرط حاجة ما عاجباك تكون ما عاجبة الناس كلهم الخبط والطربدة والمطاردات دي عندها
جمهورها برضه وفي ناس بستمتعوا بيها ولها فوائد جمة
أنت ما عاجباك جليها والبوستات بتاعت اللبع دي ما أعلانات مفتوحة مجبر تقراها براك بتمشي تفتحها
ما عاجباك ما تفتحها ولو فتحتها وقريت خليك بعيد منها مدام ما عجبتك لكن انت قريتها وبقيت تكتب
فيها فكدا أنت زاتك مشارك في العك البتشتكوا منها
المصيبة أنه البوستات دي فيها شراك وفخاخ ودردقة وناسها دمهم تقيل وبركزوا ليه بصراحة أنت
ما بتركز ياها نكشة صغيرة خلتك تكسر وتلفق زي قاله هههههه
يا معاوية أنت عندك حاجه اكتبها وعندك هدف او رسالة وصلها وتأكد أنها بتصل اكتبوا لينا نحنا
كيسنا فاضي ومتعونا يمكن ربنا يهدينا ونخلي الطربدة دي
وبكري سوي ليه مليون عذر
بالمناسبة السمحة ومدام جات سيرة والدك العطرة وحضور سعادة اللواء عمر علي حسن وهو راجل
قلمة انيق ومحترف وكتابته ممتعة افتحوا لينا بوست عن عطبرة ووثقوا ليه لمن يبقى منبر عطبرة
زي منبر الشعبية وجيبوا معاوية عبيد خليه يجتر ذكرياته احسن من الطربدة
سموه عطبرة مدينة الحديد والناس والنار والناس السمحين والرجال الشجعان
وابدوها لينا بي قصة أبوك مع نميري
دي الحاجات الفيها الفايدة وانسى الكعة كانها في بورد تاني
وتحياتي ومودتي |
هههههههههههههه،
والله يا عبد العزيز المدآخلة دي أسعدتني غاية السعادة،
وياريت الأمور تهدأ عشان الونسة تِحلوّا.
تعرف، أنا فعلاً قاعد إتمحّن في عمايلي مرات زي قاله دا، بس قالة وكت يستدرك بيقول،
سجمي دا جن شنو دا ؟؟، وأنا بقول، يا جماعة دي شقاوة شنو الوقعت فيها، دي !؟.
تصدق يا عبد العزيز تراجي دي حكيمة، زمان قالت لي يا ود المدير بوستاتك المشفرة دي
بتجيب ليك الهوى. أنا ما بكتب مباشرة من بداية البوست لكن التصريح بيجي بعد البوست
يتقدم شوية فما تفهموني غلط، أما بالنسبة لبكري فوانينه ليست مقدسة وكلّ الذي طلبته منه
أن يجي يناقشنا في الأمر، والأمر ليس العكنيبة الدائرة في المنبر بقدر ما هو التدهور المريع
الذي وصل إليه المنبر المتمثل في ترك الحبل علي الغارب. نريد أن نعرف الأسباب التي
دعت إلي كل هذا التدهور وعدم الإهتمام من قِبل بكري والذين يشاركونه إدارة هذا الصرح.
كتبنا كتير عن عطبرة يا عبد العزيز، والحديث عنها معينه لا ينضب ابداً وهو دوماً ذو شجون،
وسبق أن دعوت لتكوين رآبطة ابناء عطبرة العالمية وسأكرر الدعوة إن شاء الله حتي تصبح
واقع ملموس يوماً ما. عطبرة دي يا عبد العزيز هي حبنا الأوّل والآخير وسنرصد بوست
للحديث عنها إن شاء الله. بالنسبة لحكاية الوالد مع النميري الذي كان يهمني فيها أن ينجح
اللجاويد في إقناع الوالد، لكن فشلوا بعد أن وصل به الأمر أن قال لهم، تاني لو دايرين تراجعوني
في الحكاية دي ما تدخلو بيتي، وبكلآمه هذا ذهب حُلمي ادراج الرياح.
سعادة اللواء خير من يحدثك عن الوالد، أما أنا فما حظيت بملآزمته لفترة طويلة نسبةً لأنه كان
يقضي جُلّ وقته في العمل. كنت اصحبه لدار نقابة عمال السكة حديد في صغري، ولا اذكر
تلك الحقبة بالتفصيل.
مودتي...
| |
|
|
|
|
|
|
| |
معاوية المدير
mustafa mudathir
جلالدونا
محمد البشرى الخضر
عبدالعزيز الفاضلابى
الطيب عثمان يوسف
ismeil abbas
أيمن الطيب
عبدالعزيز عثمان
عبدالله ود البوش
Mahjob Abdalla
هاشم احمد ادم
فيس بوك
تويتر
انستقرام
يوتيوب
بنتيريست