الصبور .. و الداير يتعلم الصبر ... يتفرج علي الفيديو ده ...

Quote: جذبني. العنوان وقلت ادخل واتعلم الصبر عشان محتاجين ليه شديد الايام دي...لكن بيني وبينك صبر زي ده ما بنقدر عليه ولا صبرا ببل الابري وفعلا اعجاز وروعة وابداع والله يديك العافية

Quote: الصبر يا يحي خشم بيوت .... لكن ده ثبات أعصاب ما عادي ..... وحساب وهندسة فريدة. دحين يا قباني، في هندستكم دي، بتحسبو وزن الريشة؟

Quote: يا يحي يا أخوي الصبر لو كان حاضرا هنا لاكتفى بالصمت نحن في حاجة ماسة لنجر مصطلح جديد ليعبر عن هذه المقدرات والمهارات إعجاز نعم لكن من نوع آخر مصانع الساعات التقليدية في سويسرا يجب أن تسارع لضم هذه النابغة للعمل لديها وستضمن صنع ساعات لا تقدم ولا تؤخر أبدا

Quote: قالوا جاية تقدم عرض في السودان ... (انا من هسي حاجز كرسي جنب الحا يقول: هسي استفادت شنو؟) ... المهم ....

Quote: باقي يا ود قباني عندنا الحريم في الضهاري بفزعن للحطب ، بس لو ألقى المره دي تديهن درس عصر ، يا خي المره دي لمَّت عفش كتير خلاس !! آمنت بالله إلا قول لي يا ود قباني الشي دا .. توازن ، قوة أعصاب ، تركيز..دا إعجاز عديل كِده !! إلا صبُرنا نحن يا ود قباني من النوع ده : قالو الصَّبُر صبرين من حَرُّو ما بِنتوب يوماً نسيم ودُعاش يوماً رُعود وهبوب أرحـم يـا كـريم من قسـوة المحــبوب أنا لايكَ الصَبُر مين ضاق صَبُر أيوب تسلم لينا يا مخرج الروائع