|
|
|
 Re: صاحب اول اختراع لضبط الغش فى تعبئة الغاز (Re: نعمات عماد)
|
الاخت نعمات
لا اعتقد انها براعة اختراع ، لان المنتج موجود من قبل ...
من شركة foker
واظن انها شركة ايطالية
متخصصة في منتجات مواقد الغاز وملحقاتها.
وهنا الاف الصور لنفس المنتج:
https://http://http://www.google.com.sa/search?client=firefox-aandhs=YA2andrls=org.mozilla%3Aar%3Aofficialandchannel=npandbiw=1024andbih=615andtbm=ischandsa=1andq=cooking+gas+regulator+with+gaugeandoq=cooking+gas+regulator+with+gaugeandgs_l=img.3...11234.17251.0.17610.14.13.1.0.0.0.206.1468.0j5j3.8.0....0...1c.1.52.img..13.1.168.djYdQ2-5Ouswww.google.com.sa/search?client=firefox-aandhs=YA2andrls=org.moz...13.1.168.djYdQ2-5Ous
او البحث عن عبارة (cooking gas regulator with gauge)
النجيضة ان الابداع عندنا متوقف منذ 25 عاما ولن تجدي هذه المحاولات في تصوير واقع غير ذلك.
فلا ابداع مع بطون خاوية وقلوب خائفة ونفوس همها لقمة العيش.
| |
 
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: نعمات عماد)
|
Quote: النجيضة ان الابداع عندنا متوقف منذ 25 عاما ولن تجدي هذه المحاولات في تصوير واقع غير ذلك.
فلا ابداع مع بطون خاوية وقلوب خائفة ونفوس همها لقمة العيش. |
سلام الهادى أبوبكر
المهندس صاحب الاختراع ذكر الوايبو و شهادة براءة ،الأرجح أن الفكرة منقولة مع بعض
التصرف والله أعلم .احتمال كبير أن لا ينزل المنتج للسوق لأن عراقيل الحكومة وضرائبها
لا حصر لها .
شكرا الهادى على وجهة النظر و التنوير.
احترامى .
| |
|
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: نعمات عماد)
|
يا نعمات ...
انا عندى القيج ده من سنة 94 هنا في كندا
كان بتباع ب 5 دولار
الان موجود في هوم ديبو و كل المحلات بي 10-12 دولار
و الشي ده موجود ليهو زى 100 سنة ...
و ازيدك من الشعر بيت ... اصلو ما دقيق ...
http://www.homedepot.com/p/Brinkmann-Propane-Tank-Gauge-812-9220-S/202994547http://www.homedepot.com/p/Brinkmann-Propane-Tank-Gauge-812-9220-S/202994547
| |
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: يحي قباني)
|
Quote: انا عندى القيج ده من سنة 94 هنا في كندا
كان بتباع ب 5 دولار
الان موجود في هوم ديبو و كل المحلات بي 10-12 دولار |
سلام يحى قبانى
يعنى لو استوردناهو من كندا حيكون أرخص و أجود .
يا باشمهندس حأرسل مداخلتك و مداخلة ود القوز للصحيفة و نشوف رأيهم .
خالص الاحترام .
| |
|
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: صديق الموج)
|
Quote: يازوله ميزان الله والرسول حق الحطب ده بوريك الاسطوانه لو
الكميه فيها مغشوشة ام لا او الميزان البتعلق وخلاص نحن
ناقصين اعباء اضافيه؟ |
سلام الموج
على رأيك البلد الفيها مكفيها .و الغش ما فى الغاز بس، تقريبا فى كل حاجة
والمواصفات و المقاييس وجودها و عدمه واحد .الله المستعان .
تحياتى .
| |
|
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: نعمات عماد)
|
أحسن جزء في بوستك دا يا نعمات هو كلمة (منقول)
التقول ناقصين أسباب نديها أولاد هرمة عشان يتهكموا فينا..
والصحافيين ديل كيف قاعدين يدوهم قيد التسجيل وهم يجهلون أبجديات العمل الصحافى؟
بعدين الأخ الباشمهندس دا ما يخاف الله ياخ.. ارحمونا يا شباب، هي ما ناقصـة.
في الصين الدايرين يصنعوا فيها الجهاز دا وبالقانون يتباع مع اى أنبوب غاز جديد، ولو باظ تشترى واحد بدولارين..
أي أنبوب في العالم فيه الجهاز دا.. ومال حتعرف كيف إنو الأنبوب قرب يفضى عشان تمشى تملاه؟ باللاى سؤال
لناس جوة قاعدين يعرفوا كيف؟
بعدين براءة الإختراع دى إلا يبلها ويشرب مويتها أنها لا قيمة لها على الإطلاق.. والسودان ما فيه مكتب براءات فيه
كفاءات تستطيع إختبار الإختراع وتحديد مطابقته للقواعد الهندسية والعلمية....الخ ثم تقرير إن كان مفيدا، ثم
مقارنته بكل براءات العالم (في نفس المجال) وتحديد إن كان فعلا فكرة جديدة مبتكرة... الحاصل في السودان فوضى ولعب لا
أكثر. عام 1983 أنا صممت لعبة كهربائية، المهندس وداعة الله الأمين في مجلس الأبحاث العلمية والتقنية التابع للمجلس
القومى للبحوث، الله يطراه بالخير أينما كان، هو كان المسؤول من ملفى، وقال لى أنهم يمكن يعطونى تسجيل براء ولكن
لا تحمى.. وقال لو جو ناس الجامعة وقالوا دا كلام فارغ (نحن ما مسؤولين).. يعنى يأخذوا كلامك زى ما هو لا إختبار
لا بتاع ويدوك ورقة مكتوب عليها شهادة إختراع..
بعدين هم قالوا منظم.. منظم كيف يعنى؟ دا جهاز لقياس الضغط ولا ينظم الضغط.. وهناك عشرات الشركات تصنعه ولبساطته
ما فيه حماية فكرية.. يعنى أي زول ممكن يمشى يصنعه..
اللهم لا إعتراض على حكمك.. اللهم ارنا قدرتك على الإنقاذ التي هبطت بكل أجنحــة الوطن.
| |
|
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: Frankly)
|
Quote: أنا بالجد مستغرب جداَ جداً من إنسان يحكم على شيء لا يعرف عن تصميمه وخصائصه وطريقة عمله أي شيء سوى حديث صحفي خبري بعيد عن التناول العلمي والبحثي
بالطريقة دي لو نزل بكرة خبر عن سوداني صمم لعبة في الموبايل سيجد نفس هذه الجوقة تسخر وتقلل من عمله وهم ليسو مصممي برامج ولا جرافيك ولا ليعلمون الفرق بين البت والبايت
ولكن نحن في منبر من لا منبر له |
اخونا فرانكلي ...
تصدق انو الراجل كذاب ...
و تصدق انو الغار و مقاس الضغط ده ما داير ليهو درس عصر .. و ما فيهو اي حاجة تاني يخترعوها ...
و تصدق كان جبت الميزان ... اي ميزان
تجمع وزن الاسطوانة فاضية ( 17-18 رطل تقريبا ) ... مع وزن الغاز البتشيلو ( 20 رطل )
المجموع يساوي 37-38 رطل .... لو ميزانك بالكيلو تقسم علي 2.2
فلو وزنت الاسطوانة بعد ما ملوها ليك و طلعت 33 رطل .. معناتها الجماعة ضربوك في 5 رطل ...
اها ... تاني اؤكد ليك و ختها في ذمتي ...
زولك ده مستهبل ساكت ... و انا مستعد اجيب ليك كونتينرات من ( اختراعوا ) ده علي دولار واحد الحبه ...
| |
|
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: يحي قباني)
|
يا أخ يحيى خلى فرانكلى هـذا، فقـد فجع في زوله.. الكيزان دايرين يثبتوا انهم يدعموا المبتكرين
وهـذا شيء جيد، ولكن اللعب بعقول الناس دا كان زمان.
أنا رديت على كلام منشور، عن براءة إختراع صدرت برقم.. وقلت هـذا الوريقـة لا قيمـة لها إلا من باب
إستغلال القوانين لهضم حقوق الغيـر.. الكلام المنشور قال الإختراع (منظم) وما في حاجة اسمها منظم تتخت
في راس انبوبة غاز لأن هناك بلف يفتح حسب حاجة المستعمل.. ممكن تزيد وتنقص.. ثم هناك بلف اخر في
البوتوجاز برضك ممكن تفتحه حسب شـدة النار التي تريـد.. ويا فرانكلى انا مخترع ولا يمكن ان احسد مخترعين
وربما من اجل ذلك أكتب هـذه المداخلات.. وقد ساعدت مخترعين سودانيين صدرت لهم براءات إختراع من دول
عظمى تتربع على عرش إقتصاد العالم.. شفت كيف؟ لو عندك دليل ان المنتج المعلن عنه فيه خصائص غير منشورة
تؤهله ليكون إختراعا جديدا فتعال جيبها.. ما تتكلم ساكت لأن الكلام ما بقروش.. أنت تدافع بصورة عميانة
عن امر منتهى لأن الدعاية كانت ستصب في مصلحـة الإنقاذ.. وخير لك وللإنقاذ ان تحتفل بإختراعات حقيقيـة
تخدم البشرية وتسهل لها الحياة بدل هذه الفرقعات.
والإختراع هذا ما دام صدرت شهادة نهائية له فأكيد تم نشره، فهل تاتينا بملف الإختراع عشان نشوف
دراسـة الـ prior art التي قام بها الباشمهندس والإدعاءات claims التي طالب بحمايتها.
| |
|
|
|
|
|
|
|
|
|
Re: صاحب اول اختراع لضبط الغش فى تعبئة الغاز (Re: نعمات عماد)
|
السادة المحترمين أبوريش
يحى قبانى
Frankly
أحمد الله أن نقلت الخبر . الأراء المدعومة بالمعرفة و الخبرة و الأمانة العلمية
التى تناولتم بها الخبر ، هى فخر لكل اعضاء المنبر .
البريد الالكترونى للصحيفة mailto:[email protected]@gmail.com
سأرسل للجريدة رابط الموضوع . اعتقد ان أى مخترع لا يضيره مناقشة اختراعه .
الصحيفة ربما تدقق أكثر فى ماتكنب المرات القادمة .
شكرا مرة أخرى .
| |
|
|
|
|
|
|
| |
نعمات عماد
الهادي ابوبكر
يحي قباني
تبارك شيخ الدين جبريل
صديق الموج
Abureesh
Frankly
فيس بوك
تويتر
انستقرام
يوتيوب
بنتيريست