|
Re: VOICE السنة دي مبالغة (Re: عبد الحميد البرنس)
|
عزيزنا الكاتب المبدع عبدالحميد سلامات والله يا برنس أنا متكيف جدا جدا من كل شغلات وحركات وفنون أستاذ أدم ليفين الزول ده بعد شيطنتو وصعلكتو دي كلها الا انو هو زول ود ريف بسيط وعندو أدب وعندو للناس أحترام . عليك الله شوف كمية مكاواتو ومحاكاتو لي الملكة شاكيرا الطيبانة ولي ولدنا الشرامي المبدع الفخيم سيلو . ياخ مشكور علي الدعم الفنان .
| |
|
|
|
|
|
|
Re: VOICE السنة دي مبالغة (Re: عبد الحميد البرنس)
|
والله يا أستاذ البرنس خلاف معرفة الناس ليك أنك كاتب وناقد كبير . أنت يازول برضك زول فنان ولماح . وعلي قول أهلنا المصريين ( أنت زول تمسح السماء دوكة ) في صورتك دي أنت نقلتلينا لحظة أدم كان بمتع نفسو بي الدهشة . ( الدوش) أدم ليفين الولد الرياد . في الصورة كان بغنيليها في أغنية : الريدة الكتيرة ... يا حنين شقاوة كلما نزيد حنان ... أنت تزيد غلاوة . بس يا برنس شايف بت عمك ماركيز عاملة فيها تقيلة . ... ياخ التشكرات ليك مطبوقة وجيبلينا من أضابير بيت كلاويك الفنان ده .. تحياتي
| |
|
|
|
|
|
|
Re: VOICE السنة دي مبالغة (Re: Osman Musa)
|
كتر خيرك يا عثمان على الكلام الطيب. وما تراه في شاكيرا هنا ليس (التقل)، بل التعب، فهي كي تكون على القمة، تبذل جهدا خرافيا، وما رسمه بدقة غابريال غارسيا ماركيز في مقال مطوّل عنها، نزل في ملحق الغارديان ليوم السبت عام 2002، وقامت بترجمته مها عبد الرؤوف في كتاب صدر عن دار ميرت في القاهرة جمع مقالات أخرى لماركيز، من بينها أجمل غريق في العالم، وهو ما اختارته المترجمة كعنوان للكتاب، والذي يحوي إلى ذلك مقالا عن الطفل الكوبي غونزالاس، وهنا النسخة الإنجليزية لحديث ماركيز عن شاكيرا:
http://www.theguardian.com/lifeandstyle/2002/jun/08/shopping.colombiahttp://www.theguardian.com/lifeandstyle/2002/jun/08/shopping.colombia
| |
|
|
|
|
|
|
Re: VOICE السنة دي مبالغة (Re: عبد الحميد البرنس)
|
يا شباب .. عثمان موسي .. وعبالمنعم سيد احمد .. والبرنس عبد الحميد
لا يحق لي الخروج بكم من غيبوبة تنقلوننا اليها بمتابعتكم (الواعية) لهذا الابداع السامي .. ولكني فقط اتساءل .. ولا اريد اجابة .. اين نحن من كل هذا الزخم ..
نعم .. الموصلي وحده يستحق ان يكون بين اعضاء لجنة التحكيم .. ولكن من من اهلنا يسمع ويفرح ويسعد .. ونحن مازلنا نردد ببغاويا نفس الاغاني ونفس الالحان ونفس الكلمات طيلة نصف القرن المنصرم دون ان نحدث فيها لمسة ابداع .. بل ونعجز ان نرددها بمستوي من ملكوا اصلها ..
ليت اذاعتنا وتلفزيوناتنا تعطي ولو اهتماما زائفا بهذ الابداع .. فربما تنقل الينا عدوي نحتاجها
ساتابع .. لاستمتع فقط .. فليس في يدي ما اجود به مثلكم .. يا شباب
عمر علي حسن
| |
|
|
|
|
|
|
Re: VOICE السنة دي مبالغة (Re: عمر علي حسن)
|
القومة ليك سيدي الرئيس عمر نقوم ليك كلنا بي موصلينا وبرنسنا وعبدالمنعمنا وأدم ليفينا وشكيرتنا . أنت القلم والفهم والحكمة والتنوير . كلامك سمح يا جنابو . أها برنامج المواهب الجديد يا أستاذ حيسوي البدع .. وحيشرف كل المجتمع . تعال يا رئيس معانا ندعم ونرشح حبيبنا الموصلي للدخول للجنة التحكيم . يجوز في الفاينل شاكيرا تغني للعالمين معاو .. أغنية صاحبك الشاعر / كامل عبدالماجد الضحكة واللفته البتاخد من عيوني النوم شهور وتجفلوا والبسمة والنظرة الوديعه ودلو وأشراقو الحلو . بعد الترجمة بي الاسبانية والانجليزية . ولهجة أعالي الاتبراوي . ... شاعرنا كامل عبدالماجد ده يا رئيس في الضحكة واللفته يكون قاصد منو في كولمبيا ؟
| |
|
|
|
|
|
|
Re: VOICE السنة دي مبالغة (Re: عبد الحميد البرنس)
|
عزيزنا أستاذ عبدالحميد البرنس سلامات كدي حاول حكر لينا ترجمة الكاتبة مها عبدالرؤوف . هنا .. بتخيل يا عبدالحميد لو عاش كاتبنا العالمي الطيب صالح شوية بعد سنة 2009 . كان برضو حيكتب عنها وعن كسرها لكتاف اللغة واللهجة . ياخ العربية الاسبانيولية بكمت بنات اليانكي . وخلت اليمني يشتت فولو في ساحة التايم . تحياتي
| |
|
|
|
|
|
|
|