|
مـمــنـــــــوع
|
لغير ذوي القلوب النابضة
وكتمت في جوف الحروف بعض الحنين واحترت لما اتفجرت ما كنت قايل انو جواي ليك ينبوع اشتياق مكبوت سينين قولي لي يا اجمل منى كيف الوصال كيف الدروب للسدرة والحالة المنال وانا حالي في الغربة الودار وانا حالي في الغربة السجم مدفون انين جيتك حسيس الاندياح فاض زي دميرة النيل تشق جوف البطاح بي وفرة العشم الخصيب والكلمة جوة الطمرة تتكون جنين بيناتنا كم من حواجز وكم من سواتر ماخدة اشكال من ضلال يابنية من عبق النداوات الخريف حين المطر وابل نزيف حين البرق إشعال بروق اللوعة والشوق الوجع الماهو زيف حين الرعود الصاخبات زي القو افي الشاردة ما عايزات تقيف زي رنة اللحن الشفيف وتقولي لي نتلاقى وين؟ نتلاقى واقعا في مسامات الحلم نلاقى حلما في ضفاف النيل نقالد للقمر لمن يبين ما نحن اطياف في الرؤى ونحن اجساد في الحلم لمن يكون نخل الضفاف لابس يقين نحن انصهار المادة رغم تباين الوضع المسافة وابقى في ريدك موشح بالتراتيل الخرافة وابقى حابس في مداخل الشهقة جواي همسة الموجة وضفافا لما في عيني كانت تبتسم ولي باحت سر الدما الغارقة في قاع النهر مسقي من عبق الشهادة وحرقة الاحساس هزيمة وقلتي ليك خليك قريب ما تكون ضنين وارسلت ليك كلمة عشق ونحن بينات الغمام وتوب القمر غارقين هوى جوات بطون الاغنيات والكلمة تتموسق رنين جاييك شاحد المولى يتعدل طريق يفتح نوافذ الرجعة يديني الصبر واهجع مع القمري السجع لمن وصل قيف الاماني وما رجع واتوسد الشوق العشم انا في رجاك رصيت حروفي الناضحة بيك مسدار مشبع بالحنين ياكل رجاءات انتظار الفال ياروعة حضورك والعصافير في بدايات البذار انا ما كتبت حروفي شان يحلى الغنا انا ليك كتب الانفعال سجلت نبضات العصب جوة القصيدة وكان معاي طيفك خيال كان معاي نفسك بيرشح من مسامات الزمن كلما تباعدني المسافة لي ينادي يازول تعال وارجع اشيل الخطوة فوق الخطوة يتحدد مسار الكلمة ليك تطوي الليال واتلفح الاحساس واجيك شايل غريب المفردات لون الشعر بيناتنا يتحول سجال بين كوني عاشق ليك براك وبين بسمتك لمن تغازلتي وتفوت مشحونة بي كل الدلال وبقينا اتنين زولا نذر حرف الكتابة وليك قال يا زولة من صندل اريج الروعة كان طين معجنك مخلوطة بي عرق الرتابلة وبي نفس ناسن غلابة الا في جواها غنيانة وتغني بانبهال يازولة من جواي ومن امشاج حروف الابتدا ويبقى الخبر جواي ليك قولا دفين يلاك نشيل من الفرح نملا المواعين نكشح زمانا كان ملون بالترح نسقي الشتول اليانعة نفتح مسارات للاماني الرايعة نتوجه نقابل للفجر نتوحد نقالد لي بدايات النهار والقاك حداي تلقيني متوسد ضراك وافرح اعاين للبهاء القاه فيك يابنية يا نايرة جبين وبس
|
|
|
|
|
|
|
|
|