|
|
 ضريبة وزكاة المغتربين مقدارها والفئات المفروضة عليها
|
النكتة الحايمة الأيام دي على الواتساب :
ناس المعارضة أجتمعوا وقالوا الشعب السوداني عشان ينتفض على الحكومة لازم نطلع اشاعة بتهين الشعب , واتفقوا قالوا نطلع اشاعة نقول انو الحكومة قررت يجلدوا أي مواطن 100 جلدة , وطلعوا الاشاعة ومشوا يشوفوا ردة فعل الشعب شنو , لقوا واحد جاري جري شديد سألوه مالك مستعجل ؟ قاليهم : الحكومة طلعت قرار يجلدوا أي واحد 100 جلدة , قالوا ليه : وانت جاري وين ؟ قاليهم : جاري أنجلد قبل يزيدوها . ...
.............................
زميلي في العمل جاء قبل أيام من السودان وأفاد بأنو الضرائب والزكاة تم اعادتها لتفرض مجددا على المغتربين , ولما سألته عن مقدارها أفاد بأن من قام بتخليص اجراءآت تأشيرته احدي موظفات الوكالات بالقرب من جهاز المغتربين , وأنها أخذت منه مبلغ تحت الحساب ثم عادت وأخذت منه مبلغا آخر , و عند استفساره أخبرته بأن المبلغ يشمل الضرائب بعد أن تنصل بطريقة ما عن الزكاة ( ويبدو أن لها فئة كحد أدنى من الراتب يقسم المغترب أنه يتقاضاه ) بخلاف الضريبة التي تؤخذ ربما حسب الوظيفة وربما على الجميع , زميلي كغيره من مغتربين كثر , لم يستفسر عن مقدارها وكنهها ولا عن مقدار الزكاة و مقدار حدها الأدنى , ولا يعرف كم قيمة التأشيرات والرسوم المحيطة بها ولا يعلم عمولة موظفة الوكالة , ويبدو أنو ما صدق انو اتخارج مهما كانت الخسائر ...
السؤال القائم لذوي الاختصاص وللجميع
كم مقدار الضريبة وعلى من تجب ( بالطبع أقصد ضرائب المغتربين )
وكذلك كم مقدار الزكاة وكيف يتم تقديرها وعلى من تجب
أفيدونا قبل يزيدوها
|
|
  
|
|
|
|
|
|
|
|
Re: ضريبة وزكاة المغتربين مقدارها والفئات المفروضة عليها (Re: البشير دفع الله)
|
الكلام أدناه من أمانة زكاة المغتربين في موقع جهاز المغتربين
مراحل تطبيق زكاة المغتربين :
المرحلة الأولي :
بدا تطبيق زكاة المرتبات والأجور علي المغتربين في العام 1413 هـ طوعية ترك أمر خروجها للمغتربين
المرحلة الثانية:
(من 1414هـ - 1421هـ ) :-
بعد صدور الفتوى الشرعية في العام 1415هـ أصبح إخراج زكاة المرتبات والأجور إلزاميا حيث يتم حساب الزكاة بجمع الدخل الشهري في العام من مجموع الدخل تخصم نسبة الحوائج الأصلية 60% للملكة العربية السعودية و50% لبقية الدول ، الباقي إذا بلغ النصاب تؤخذ منه الزكاة بواقع ربع العشر أي 2.5%
المرحلة الثالثة :-
( 1422-1423هـ )
تم في هذه المرحلة توحيد نسبة الحوائج الأصلية لكل الدول ورفعها لنسبة 70%0
المرحلة الرابعة :-
( 1424 – 1425هـ )
ظلت نسبة الحوائج الأصلية 70% ولا تحسب الزكاة علي المكلف الذي يقل مرتبه عن 2000رس( ألفي ريال سعودي )
المرحلة الخامسة :-
( من 1427هـ وحني الآن )
تم رفع الحد الادني لحساب الزكاة إلي 3683 رس (فقط ثلاثة ألف وستمائة ثلاثة وثمانون ريال سعودي أو ما يعادلها بالعملات الاخري ، مع الإبقاء علي نسبة الحوائج الأصلية ( 70% )
صرف الزكاة بالخارج :-
ترك ديوان الزكاة نسبة 20% من الزكاة المتحصلة بالسفارات لتصرف علي مستحقي الزكاة من السـودانيين بالخارج بواسـطة لجـان الزكاة المحلية وعدلت هـذه النسـبة إلي 30%
======================================================================================================
وفي غمرة إنشغالي في الأسبوع الماضي لاستخراج الرقم الوطني بسفارتنا بالرياض لمحت كأنه هناك إعلان جديد يحدد أن الحد الأدنى هو 4250 ريال ، حقيقة لم أدقق والله أعلم .
| |
|
|
|
|
|
|
|
|
|
Re: ضريبة وزكاة المغتربين مقدارها والفئات المفروضة عليها (Re: البشير دفع الله)
|
| Quote: أفيدونا قبل يزيدوها |
سلام ود دفعالله
تب جيت محل الافادة .
وهدية بمناسبة (نكتة الوساب الفوق )
Quote: السلام عليكم..........
ياجماعة حا اديكم نكته بمناسبة الكتابة في السيارات
قالو ليقو ابليس في المطار سالو ياابليس البلد مانفعت معاك وله شنو .
قال الناس ديل توسوس ليهم لمن الواحد يسرق يقوم يشتري بيها حافله
وبعد داك يكتب فيها .هذا من فضل ربي
منقول |
اكتفى بذلك لا عطاء المايك لناس الجلد والراس ، وما تسالنى ديل منو ?
| |
|
|
|
|
|
|
|
|
|
Re: ضريبة وزكاة المغتربين مقدارها والفئات المفروضة عليها (Re: هاشم احمد ادم)
|
Quote: تب جيت محل الافادة .
وهدية بمناسبة (نكتة الوساب الفوق )
Quote: السلام عليكم..........
ياجماعة حا اديكم نكته بمناسبة الكتابة في السيارات
قالو ليقو ابليس في المطار سالو ياابليس البلد مانفعت معاك وله شنو .
قال الناس ديل توسوس ليهم لمن الواحد يسرق يقوم يشتري بيها حافله
وبعد داك يكتب فيها .هذا من فضل ربي
منقول
اكتفى بذلك لا عطاء المايك لناس الجلد والراس ، وما تسالنى ديل منو ? |
تحياتي الأخ هاشم احمد آدم
انت قايل كلامي عن الزيادة دا كضب ؟
أصبر بس البلد الماشة بالبركة دي وحسب التساهيل كل شئ فيها وارد , لما تم الغاء الضرائب سابقا اعتقد في العام 2005م , أعلنوا الناس , والمنبر دا اتملأ بوستات , هسع لما رجعوها , رجعوها في هدوء لا يحسدوا عليه , زي الما حاصل حاجة , تمشي تعمل اجراءآتك يقولوا ليك ادفع كدا , وطبعا بما انو الفجوة في ميزانيات الدولة المنهوبة فجوة كبيرة , ويستحيل ترقيعها , فيتم اللجوء لمثل هذه الاجراءآت غير المدروس تأثيرها على ميزانية الدولة ولا دخل المغترب المسكين المحاصر بكم هائل من الالتزامات التي لا أول لها ولا آخر , زي قصة رفع الدعم عن الحاجات المدعومة زي المحروقات مثلا , كل مرة يرفعوا الدعم شوية وتزيد الاسعار , وما معروف حدها متين ولا معروف لا وين , والقصة تبقى قصة رزق اليوم باليوم , لو جبت بقال بدير كنتين صغير تلقاه مرتب امورو أكتر مما يسمى بهذه المسماة دولة .
عشان كدا يا شاب أنا جاري ادفع قبل يزيدوها ( وجه مدردق من الضحك )
في انتظار ناس الجلد والراس لمزيد من الافادات
| |
|
|
|
|
|
|
|
|
 Re: ضريبة وزكاة المغتربين مقدارها والفئات المفروضة عليها (Re: البشير دفع الله)
|
| Quote: انت قايل كلامي عن الزيادة دا كضب ؟ |
حاشك اخى فى ( الشتات ) من اشكك فى ما ذكرت ، ولكن (الجماعة ) فى موضوع (الاخضر ابو صلعة )
ممكن ياكلو حق الله . والموضوع ما الزيادة او النقصان . واذا بحثت فى هذا البورد سوف تجد العجب.
ولية تمشى بعيد هذا من رد احد الاخوة اعلاة :
Quote: صرف الزكاة بالخارج :-
ترك ديوان الزكاة نسبة 20% من الزكاة المتحصلة بالسفارات لتصرف علي مستحقي الزكاة من السـودانيين بالخارج بواسـطة لجـان الزكاة المحلية وعدلت هـذه النسـبة إلي 30% |
وهناك بوست (الحذر من البقاء في هذه ال5 مناطق عند الإنهيار الإقتصادي المتوقع).
وعدل لمشروع فتاوى نجديدية فى فقه الزكاة .
------
لك العتبى
وربنا يهون
| |
|
|
|
|
|
|
| |
البشير دفع الله
ولياب
هاشم احمد ادم
فيس بوك
تويتر
انستقرام
يوتيوب
بنتيريست