أفتوني يا ناس الدِّراية وْيا أُولي الألبابْ، قالولِي نابْ عنْ عقْلي نابْ، شِلْتَ الشهادةْ بلا كتابْ - بس أنْسُو شبَّاكي البِخلي الشَّمْسِ تَحْبى رِهابْ/رِهابْ، وتَقاوي أنصاف الأغاني وخطرفات الإغترابْ- واجْهوني من غير طبطبة وحركات صِحَابْ وانا "داعِكْ ايدي دي في التُراب" يا يستقيم العُود ونعزف في انطراب يا الضل نَباري مَحَلْ يمِشْ حتى الشمِشْ تابى الغيابْ ونَفْضَلْ نَغَنِّي "وَرَا..وَرَا" ونرقص علي لحن الخرابْ. مين اللي قال العُمْرِ كم؟ العُمْرِ كيف يعرف فرِقْ بين اللي شابْ واللسه شابْ؟ بين نهر لسه ف عنفوانو وبين سهول الإنسيابْ؟ العمر ما جغرافيا أو تاريخ مسطّر في كتابْ ولا عسكرية تَرَقّي تَفْصِل كلما شاء الجنابْ بس غايتو يا الناديتكم أول يا سلاطين الخطابْ وكمان أساطين الحِجا وناس الحِجابْ لو كلَّكُم راجين مِن البِسألْ جواب! أهو ده التُرابْ! العُمْرِ مُفتاحو ف إيديكم ما تْقُعْدُو تَنْجُرو ليهو بابْ.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد مدني
فيس بوك
تويتر
انستقرام
يوتيوب
بنتيريست