|
|
 رسالة الي الأخوة في جالية نيويوركً
|
الأخوة الأعزاء في جالية تيويورك
نأمل منكم ان تطرحوا لنا في هذا المنبر
ما دار في نوة الأمس للمبدع الدكتور
عوض ابراهيم عوض ونحن في شوق
لسماع تلك المحاصرة .
ولكم جزيل الشكر
عثمان ميرغني عثمان
|
|
 
|
|
|
|
|
|
|
|
Re: رسالة الي الأخوة في جالية نيويوركً (Re: عثمان كوستي)
|
وعليكم السلام الاخ عثمان
كانت محاضرة غنية بالتاريخ الذي كنت اجهل الكثير منه
الرجل بحّاثة ومثابر استقصي عن حقائق في التاريخ ضنّت بها كُتبنا المدرسية واكتشفت بعد سماع محاضرته الدسمة اننا
قد ضُللنا كثيراً بكتب المنهج المدرسي الذي اريد له ان يُعلمنا تاريخ السودان والذي قُدِّمَ لنا كالطعام بدون الملح فأقبلنا عليه
كما يقبل السقيم علي الطعام العلاج.
سرد الدكتور باسلوب شيق وجذاب التفاتة الحركة الوطنية منذ الوهلة الاولي للإعلام واهميته في التصدي للمستعمر والإستفادة مما كان متاحاً
من وسائل في ذلك الوقت ـ
سواء كان ذلك بواسطة الشعر والغناء الوطني وعدد رموزه ونماذج منه ثم أخذ يتدرج في سلاسة آخذاً عتبات التطور الاعلامي إلي ان وصل بنا الي اعلى البناء
فادخلنا الي غرفه التي زينها علم الإستقلال ,, ولم يكتف بذلك حيث تجاوز محطة الاستقلال وحجز لنا تذكرة في قطار مابعد الاستقلال الذي بدأت عرباته نظيفة وانيقة وكلما
امتدت به الرحلة أخذ يكسو تلك العربات الأنيقة غبار الخلاف والإهمال وأخذ طاقم قطار الحرية يتكاسل عن القيام بواجبه في صيانة القطار
ونظافته فأُعطِب القطار وتوقف عن السير في محطة خلوية بواد غير ذي زرع ـ وأُحبِطَ الرُّكاب فثاروا ضد الطاقم ثورة إثر ثورة لم تُفلح كلها في تحريك عجلات القطار الذي لم يعد قطاراً للشوق
ولا قطاراً للامل رغم ان المحاضر البارع قال ان الامل يجب ان يظل موجوداً ونتمني ان يكون كما قال.
الدكتور غاص ماوراء االأخبار التاريخية واعاد الي السطح المعاني الكامنة وراءها فعلي سبيل المثال شرح القصد من وراء تسمية الخليفة عبدالله بن محمد تورشين بالخليفة عبدالله التعايشي ونسبته الي قبيلته
لتجريد الوطن من رموز اذاقوا الانجليز علقم الهزيمة من ان ينسب الي وطن يتخذه رمزاً يبقي جذوة المقاومة مشتعلة,, وشرح الكثير نرجو ان نجد
من الوقت مانشرك فيه القارئ المحترم.
والي حين ميسرة نعود بماتسعف به الذاكرة إن شاء الله
| |
|
|
|
|
|
|
|
|
|
Re: رسالة الي الأخوة في جالية نيويوركً (Re: عبدالعزيز الفاضلابى)
|
عزيزي ود الفاضلابي
من كلامك ده اظنه المحاضرة كانت قيمة وممتازة وياريت تنزلوا لينا الفيديو كامل عشان نستفيد معاكم.. واذا ما في فيديو
اكتب المحاضرة كاملة بصمتها
والله يديك العافية
تخريمة
انا وحهت ليك دعوة عشان تنضم في البوست الروعة بتاع ناس ود اوب سن وود شيقوق وود البوش وود المنسي عشان انت ذاتك خبير بلهجات البادية والقرى والبطانة لكن صاحبك القال قيل معاك يوم العيد ود شيقوق رفض الفكرة وقال ود الفاضلابي ما يهوى بناحيتنا.. الحاصل شنو ان شاء الله خير..
| |
|
|
|
|
|
|
|
|
|
Re: رسالة الي الأخوة في جالية نيويوركً (Re: اميرة السيد)
|
| Quote: من كلامك ده اظنه المحاضرة كانت قيمة وممتازة وياريت تنزلوا لينا الفيديو كامل عشان نستفيد معاكم.. واذا ما في فيديو |
الأميرة المبجلة سلام
نعم يا اميرة كانت دسمة وغنية بالمعلومات التي قدمها المحاضر باسلوب يشد المستمع من اول كلمة الي اخرها.,,
لن اكون مجافيا للحقيقة إن قلت ان هذه اول محاضرة احضرها في نيويورك دون ان أصاب بالملل من المتكلم ـ
ورغم ان الموضوع كان واحداً الا ان المتحدث جعله متنوعاً دون ان يخرج عن الموضوع.
فعندما تسمعه يتحدث عن وقائع تاريخية تظن انه ترك موضوع الاعلام ولكنه سرعان مايربط الوقائع التاريخية بالاعلام
لتجد نفسك في لب موضوع المحاضرة ـ يجب ان نفخر بان هذا الرجل سوداني.
| Quote: اكتب المحاضرة كاملة بصمتها |
والله يا اميرة كتر خيرك علي حسن ظنك بذاكرتي ـ لكن يابت اخوي ماتحسبي القبة تحتها فكي يمين انا من البسوي لي فيه عبدالرحمن والارباب كان اتذكرت عنوان بيتنا ماقصرت.
قبل كدي قلت للمك ودالمنسي نيويورك دي طششت شبكتنا بقينا الواحد في البيت كان مرتو ساكت ختت توبا فوقا الواحد يَقَدِّما لي خشم الباب يحسبها ضيفة.
علا نشوف ليك الصادق الزين كان عنده فيديو شايف لي كم نفر كدي كانوا بيصوروا.| Quote: الفكرة وقال ود الفاضلابي ما يهوى بناحيتنا.. الحاصل شنو ان شاء الله خير.. |
لا لا يابت اخوي كلو خير علا المسنوح ده انا وهو زي المرافعين كل واحد فينا بعرف جَعَرِيب اخوهو عشان كدي مابدورني ادخل غابةً هو بي يجعر فيها.
باقي المسنوح ده رفيقاً لي منذ زمن لاتعيه الذاكرة
كنت مِضَّهِب معاهن في خِلْيَات الصعيد زمن كنا
محامين في السودان
| |
|
|
|
|
|
|
| |
عبدالعزيز الفاضلابى
محمد هاشم ابوزيد
فيس بوك
تويتر
انستقرام
يوتيوب
بنتيريست