|
Re: كابوى أصلى .. تعالوا شوفوا صورة بروفايلى (Re: Deng)
|
هنا الصورة الأخرى .. الصور دى ألتقطوها لى أولادى بكميرة الكمبيوتر ..
طواقى الكاوبويات تأتى بأشكال مختلفة .. وهى تعبر عن تنوع أثنى .. ومناطقى .. مثلاً الطواقى البيضاء غالباً ما تكون للكاوبويات اللاتين .. طواقى الكاوبويات ذات الخضرة الداكنة لتكساسويين .. الكاكى لذوى الرقاب الحمراء
وهكذا .. حسى أنا أضفت تنوع ثقافى لأمريكا .. طواقى القش للهنود الحمر أصحاب البلد ..
بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: Deng)
|
العبار بريمة بلل.
If you don’t have one of this cowboy hats, you are nothing but a cheap a-s-s, low rent cowboy.
https://http://http://www.google.com/search?q=the+best+cowboy+hatandhl=enandgbv=1andtbm=ischandsa=Xandas_q=andnfpr=andspell=1andei=32TvU67ZN5KMyASazIDoAQandved=0CBIQvwUwww.google.com/search?q=the+best+cowboy+hatandhl=enandgbv=1andtbm=...azIDoAQandved=0CBIQvwU
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: Deng)
|
أم حازم، سلامات ..
Quote: ما براحه علينا يابريمه يا اخي تجنن من الواجهه. ههههههههههه
ربنا يحفظك لاسرتك و تبطل باقي الجن الانت فيه نبايعك زعيم
لعموم البقاره بامريكا الشماليه. |
تسلم يا أم حازم .. لكن والله لم أكن أوجه من الوالد .. ولا حتى قريب منه ..
واحدة من أخواتى شديد من بنات الداجو مسميانى العمدة .. وحضرت بعد غيبة طويلة من فرجينيا .. وناس حلتنا عملوا ليها رحلة .. وكنت مزنوق زنقة حاج أبراهيم شرق القاش فى الشغل، لم أستطع الذهاب إلى ال "بيكنك" .. فكانت تسأل عنى وين العمدة وين العمدة .. فى نهاية المطاف قالت ليهم ما بقدر أرجع إلا أمشى أشوف العمدة .. واحدة قريبتها قالت ليها أنا ذاتى ماشه معاك نشوف العمدة .. تسالمنا وقريبتى سلام شديد والمرأة الأخرى تشاهد الموقف .. بعد ما قعدنا .. مازالت منتظرة العمدة .. سألت وين العمدة؟ .. قالوا ليها القاعد قدامك دا العمدة .. ! قالت أنا متفكره راجل كبيرة .. وعمة وجلاب .. قلت ليها العمد خشوم بيوت ..
ربنا يحفظك لحازم وسند..
بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: Deng)
|
من صفحة الكاوبويات الأصليين .. قالوا من أجود طواقى الكابويات هى طواقى القش .. ومنها أنواع وتشكيلات ..
هذه الطاقية ليس هى من طواقيى الأصلية .. هذه الطاقية مهداة لأبنى من قبل الشيخ عوان .. وهو شيخ باكستانى مقرئ للقرآن .. وهو يلبس طواقى الكابويات مثلى .. ويخدم فى البوليس .. عنده 20 سنة يدرس غير الناطقين بالعربية قراءة وتجويد القرآن. أهدى الطاقية لأبنى وإبنى أهداها لى ووجدتها تناسبنى .. وهى مثل طواقينا بتاعت نبات "الدز" فى السودان .. أو قول السعف ..
أها تقول شنو؟
وبالمناسبة طواقى القش هى طواقى الصيف .. وطواقى الصوف هى طواقى الشتاء.
بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: Deng)
|
Quote: هذه الطاقية ليس هى من طواقيى الأصلية .. هذه الطاقية مهداة لأبنى من قبل الشيخ عوان .. وهو شيخ باكستانى مقرئ للقرآن .. |
العبار بريمة بلل الأفريقي.
"طواقيك الاصلية" دي (إذا وجدت أصلا) داسيها لياتو يوم ؟
بعدين أنت أولادك بيتعلمو قرائة القران من غير الناطقين بها ؟
الظاهر عروبتك المزعومة راحت شمار في مرقة !
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: Deng)
|
Quote: العبر بريمة بلل
هل يا ترى أبنائك صارو "مجودين" بلهجة باكستانية، أم بلسان عربي مبين؟؟
حكمتك يا رب ! |
العبار دينق، الناس ديل صاروا مجودين .. بقراءة أنا ذاتى ما عارفها .. حتى رسم المصحف باكستانى .. المهم أنهم يقرأون ويحسنون صلواتهم .. كل الأسرة تتحدث العربية .. بشيئ من الأجادة .. لكن لدينا صعوبة فى الكتابة.
بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: بريمة محمد)
|
الكاوبوي بريمة ( ولا اعني العبار....ههههههههه) سلامات...قبل قليل كنت في بريتوريا مع اخ كريم و صديق عزيز وقد ذكرك بكل خير....انه عصام الزين القرشي...وحكي لينا ذكرياتكم في اليونان...وقابلت ابن اختك احمد وهو قادم لتوه من السودان للدراسة...قلت ليهم الزول دا شايفوه في المنبر...عموما تحياتي
الهادي جوهانسبيرح
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: الهادي محمد ابراهيم)
|
يا سلااااااااااااااام عليك يا أخى الهادى،
Quote: الكاوبوي بريمة ( ولا اعني العبار....ههههههههه) سلامات...قبل قليل كنت في بريتوريا مع اخ كريم و صديق عزيز وقد ذكرك بكل خير....انه عصام الزين القرشي...وحكي لينا ذكرياتكم في اليونان...وقابلت ابن اختك احمد وهو قادم لتوه من السودان للدراسة...قلت ليهم الزول دا شايفوه في المنبر...عموما تحياتي
الهادي جوهانسبيرح |
تحياتى يا أخى لدفعتى وزميلى دكتور عصام الزين القرشى ..
وعليكم الله أبقوا عشرة على أبن أختى أحمد ضيين عبد الله بريمة .. الزول دا زول خطر ما شاء الله .. وهو قادم لتحضير رسالة دكتوراه .. وهو بقارى أماً وأباً.
تحياتى بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: الهادي محمد ابراهيم)
|
ول أبا الهادى، قرأت فى بروفايلك ..
ول أبا أنت وصلت .. أو قول أنا وصلت تب .. علىّ اليمين شقيت ديار أولاد نصار شق فى عز الخريف .. وأستمتعت باللبن والرقص المسيرى وعملت أصدقاء من شباب وشيوخ مثل العم أبراهيم شاخوره والدودو .. والعم الدين.
وقطعوا لى لو جيتهم راجع بعد تلك الزيارة لخطبوا لى من حرائر المسيرية المتعلمات ..
سعدت بحضورك هنا ..
بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: بريمة محمد)
|
Quote: الصورة مأخذوة فى منطقة الحمادى |
بالمناسبة عندي صديق حازمي من ذات المنطقة قبل فترة تناقشنا حول امر يخص البقارة واصولهم فاذا به ياتي بدليل يدعم ما ذهب اليه والدليل هو مقال قديم لك في هذا الموقع كتبه قبل سنين في مقالات يتحدث عن البقارة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: عبد الله شم)
|
ول أبا عبد الله شم، سلامات .. توثيقى عن أصول البقارة نشرت منه جزء فى مقالات وجزء أخر ظهر فى كتابى الأول: Baggara of Sudan: Environment and Culture وكتابى الثانى Baggara of Sudan: Marriage Culture and Traditions
أبحث عن عناوين الكتابين فى أمازون تجدهم ..
مازلت أوثق عن حياة شعب البقارة .. وحينما يكتمل التوثيق سوف ترونه بإذن الله ..
بريمة
| |
|
|
|
|
|
|
Re: كابوى أصلى .. تعالوا شوفوا صورة بروفايلى (Re: الصادق اسماعيل)
|
العبار بريمة بلل.
أنا بحزر فيك فقط، وبعطيك النصيحة الغالية.
أها كمان جاك الصادق إسماعيل عاوز يركبك الروديو !
أوعك يا بريمة، أنا زول تجربة. قبل كده سافرت كلورادو، ومشيت ركبت لي روديو(ثور ذوعضلات) بتحدي من بعض الزملاء
بعد أقل من 10 ثواني فقط التور ده نفضني، وفكاني ذي الفاكي قنبلة، وقعت على جنبتي الشمال.
لي هسع لمن أتزكر نفسي وأنا طاير في الجو بتزكر الألم الذي حدث لي تاني يوم.
أوعك يا العبار تسمع كلام الصادق ده داير يغطس حجرك !
| |
|
|
|
|
|
|
|