بوكلين وزارة الصحة يهد حيل المسيكتاب عامة .. أو كما فعل في مستشفى الخرطوم

Quote: خليفه الامين الراضاب من قرية المسيكتاب شمال شندى الان اعمل محاسب بالسعودية : اشترينا بالعون الذاتى جهاز اشعه وموجات صوتيه بمبلغ 38 الف ريال سعودى مشينا لى مامون رفض التصديق فقامت الجمارك بمصادرته ..والان اخبرنا ان الجهاز سيعرض فى مزاد علنى : ـــــــــــــــــــــــــــــ نحنا فى قرية المسيكتاب كل حاجه عندنا اهالى المدارس بنيناها بالعون الذاتى والمستشفى برضو بالعون الذاتى ، المهم نحنا عندنا صندوق خيرى خاص بقرية المسيكتاب بنعمر منو القرية ، اتصلو علينا ادارة المستشفى قالو عايزين جهاز اشعه وموجات صوتيه من الصندوق الخيرى حقنا لقطتنا القروش واشترينا الجهاز بمبلغ 38 الف ريال سعودى اشتريناهو وفق المواصفات واشتروهو دكاتره وسفرناهو لمن وصل مطار الخرطوم رفضوا دخول الجهاز وقالوا الا بتصديق من وزير الصحة بالولاية مامون حميده مشينا لى مامون رفض التصديق ، قال لينا; دا ممنوع يخش السودان لانو قبل كدا استعمل وماجاى من الدولة المصنعة ماخلانه نستفيد منو ولا خلانه رجعنا السعودية الجهاز تم ثلاثه شهور فى الجمارك قالوا لينا الجهاز بعد دا اتصادر واصبح ملك للجمارك ، لجأنا لواسطة قالوا لينا بنخليكم تخشو المزاد العلنى لانو الجهاز سيتم بيعه في المزاد العلنى ، وبنديكم فرصه ياناس المسيكتاب لو محتاجين ليه اشترو . المهم حتى تاريخ اللحظه جهازنا موجود فى الجمارك نحنا حقنا والله مابنخليه . ______________ خليفه الامين الراضاب https://http://http://www.facebook.com/said.eltayb?fref=photowww.facebook.com/said.eltayb?fref=photo