كتب الكاتب الفاتح جبرا المتوفرة بمعرض الدوحة
|
Re: الداير يعمل قروش جد اليقع الشغلة دي في دبي (Re: Elmosley)
|
الأستاذ الموصلي بعد السلام ممكن نفكك تمشي الخليج لكن لازم تسوق الزول داك معاك... فاهمني طبعاً وحق التذاكر علي.. من فضلك زر قناتي في اليوتيوب واشترك فيها http://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: abas)
|
Quote: الزول ده بتكلم عن تجارة السكراب
الواحد يشتري بنايه عاوزين يهدوها بي رخص التراب
ويبيع الحديد والالمونيوم والمكيفات والابواب والشبابيك بي مبلغ وقدره ومسيطرين عليها الباكستانيين والهنود |
أكان كدي الله يعدله عليهم، هي الصح فيها قروش الا والله ما بنلقى معاهم اي فرقة ،،، وحاتك قعدت فترة في جدة شفت العجب العجاب وآمنت من ابداع الانسان لكسب عيشه: الزبالة دي الله يكرمكم تخصص كل زول متخصص في شيء جماعة متخصصين علب البيبسي وفي ناس في الكرتون ،، وناس في الحديد بتاع البلدية بيجي يبلغ تمام بس ويمشي،، الا الناس ديل عندهم صبر جد.
وناسنا متخصصين في التشليح ظابطين الشغلة دي جد،،،
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
Quote: الزول ده بتكلم عن تجارة السكراب
الواحد يشتري بنايه عاوزين يهدوها بي رخص التراب
ويبيع الحديد والالمونيوم والمكيفات والابواب والشبابيك بي مبلغ وقدره ومسيطرين عليها الباكستانيين والهنود |
يا معتز ياخي حرقت البوست من أوله ... ههههههههههههههههه
سلام لصاحب البوست ولك
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
في الخليج عامة، والسعودية خاصة، الشغلة دي متوقفة على درجة تسريح الكفيل لمكفوله، وطبيعة مهنة الأجنبي ، واسم المهنة المكتوب على الإقامة، و بخصوص الإسكراب... باحظ من كانت مهنته في الإقامة عامل..
Quote: الداير يعمل قروش جد اليقع الشغلة دي في دبي |
رأيك شنو يكون العنوان كذلك: الفي دبي وداير يعمل قروش جد يقع الشغلة دي نسال الله الرزق الحلال.
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
شايف الأخوان السودانيين بعيدين عن الشغلة دي . ولا وأحد مافكر فيها . ما أنها شغلة في اليد وتعرفك علي مفاصل التجارة في بلد أصبحت من أقوي بلدان العالم في التجارة .. والسوداني عندو مفتاح من المفاتيح المهمة .. مفتاح اللغة العربية وعندو القبول .
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
عزيزنا ناصر سلامات والله جد يا ناصر دبي خلعت الخواجات الجو معاي السنة الفاتت . يا ناصر فروع الشركات الأمريكية الموجودة في دبي شغالة أكتر من أي فرح في دأخل أمريكا ز ده معناتو البلد فيها حركة .. وحركة قوية . ... بشرح ليك الشغلة الممكن تعمل منها مال احمر .. تحياتي
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
والله شوف انا بقوليك حاجة الشغلة دي لو فيها تسويق وحنك ومنجهة تراها ما شغلتنا واذا بقت عايزة راس مال كبير السودانيين ما بيعرفه الشراكة ،،، زي واحد معانا هنا قال والله السوداني تشاركو وتعمل معاه مشروع اول حاجة يفكر فيها انه كيف ياكل حقك.
دحين لو غير ديل جيب من الاخر ،،،
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
الأخ عثمان موسى بعد السلام أنا لي يومين ببيت في مطار هيثرو .. راجيك تقول الشغلانة شنو عشان اول طيار كان صباح كان مساء وأجيك شايفك مطيت الحكاية .. وحتبقى لينا زي حجوة ام ضبيبينة فك الفتوح الله يرحمك تحياتي زر قناتي في اليوتيوب من فضلك واشترك فيها https://http://http://www.youtube.com/user/KabbashiSudanwww.youtube.com/user/KabbashiSudan
كبـّاشي الصافي
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: cantona_1)
|
Quote: الأخ عثمان موسى بعد السلام أنا لي يومين ببيت في مطار هيثرو .. راجيك تقول الشغلانة شنو عشان اول طيار كان صباح كان مساء وأجيك شايفك مطيت الحكاية .. وحتبقى لينا زي حجوة ام ضبيبينة فك الفتوح الله يرحمك تحياتي زر قناتي في اليوتيوب من فضلك واشترك فيها |
يا كباشي اخونا ده شكله كده موضوعه لسه مطول، إلا عندي ليك سؤال
ياخ انا عندي قناة يوتيوب عملتو في 2012، وحرم نسيت اسم المستخدم وكلمة المرور، ياخ الشغلانة دي احلها كيف، نزلت فيه فديو لقيت عدد الكلكات لحد هسع الفين وشوية
كيف ارجع الحساب ده؟
علما اني جربت كل ادوات قوقل لاسترجاع الحساب وفشلت وما عندو غير اجابة واحدة ، لا يوجد مستخدم بهذا الاسم !!
معليش يا عثمان طلعنا من الموضوع، بس قلنا لحد ما ترتب امورك نستفيد من اخونا كانتونا بما انه صاحب قنوات يوتيوبية وكده.
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: الهادي ابوبكر)
|
الأخ الهادي ابو بكر بعد السلام 1- حاول الدخول عن طريق الجيميل والباسويرد تبعه على القناة ... 2- إذا لم تنجح هنالك طريقة اخرى سوف اشرحها لك في الخاص بشرط تكون تعرف اسم القناة من فضلك زر قناتي في اليوتيوب واشترك فيها http://www.youtube.com/user/KabbashiSudanhttp://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: الهادي ابوبكر)
|
الأخ الهادي أبو بكر بعد السلام عشان ما تتوه من نفس الكمبيوتر او اللابتوب العملت فيهو القناة اول مرة: Write letter y in the space provided for websites If your channel registered in that PC or Laptop, it will open automatically كدي جرِّب دي ولو ما جابت نتيجة نشوف ليك طريقة تانية زر قناتي في اليوتيوب من فضلك واشترك فيها http://www.youtube.com/user/KabbashiSudanhttp://www.youtube.com/user/KabbashiSudan
كبـّاشي الصافي
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
Quote: أها يا الهادي فرحان ؟ ضمنتو متسوبيشيك هههههههههها . والله يا الهادي يا أخوي الوأحد أمنيتو أي سوداني يستفيد من النهضة الحاصلة دي نحنا ناس ساهمنا كتير في تعمير العالم العربي ونستحق الكتير .. |
يا عثمان والله ربنا يجزيك خير على الخدمة دي ياخ، كونك تحب الخير للجميع دي قيمة انسانية ما ساهلة ربنا يعدله ليك وين ما قبلتا واكيد في الناس الممكن يستفيدو من الشغلة دي، والله انا بعرف واحد معانا في الرياض، مؤجر شاحنة مارسيدس بالشهر وشغال بيها نفس شغلتك دي حلف يمين قلي الشهر بصفي 8 - 9 الف براحة.
ما قصرت ربنا يفتح عليك ابواب رزقه...
يا جامع اجمعنا بي كانتونا ،،،
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
دي هي الشغلة المبروكة ما عليك الا تشتري ليك دفار متسوبيتشي وتكون عندك معرفة جيدة بي جبل علي ومنطقة العوير والمناطق الصناعية في الشارقة وعجمان ورأس الخيمة وأم القيوين والمطارات والمواني وشركات الشحن ومحلات الجملة الكبيرة وفنادق تجار الجملة القادمين من عمان والسعودية والكويت وقطر والبحرين وعموم مشترين الجملة من أفريقيا وروسيا . .. الشغلة فيها مال احمر ..
سلام عثمان موسي مبااااااااااااااااااالغة لما اشتري ليهو دفار وامشي اعرف الحاجات القلتها فوق كلها وحتي ما اصل روسيا بكون ضاع من عمرو عشرة سنوات خت في الاعتبار الناس المداخله معاك غالبيتها عندها فقرات في الضهر من قعاد الكراسي وشغل الوظيفه غير بتاعين السكري والبروستات ما بقدرو علي قعاد الدفار غايتو إلا اربطو ليهم زجاجة في كرعينم شوفتا من جات سيرة الدفار الناس زاغت كيف يا خوي شغلتك دي اخير منها الجماعه بتاعين دخل واحد عشان إدخل عشرة وشجرتك تكبر وارباحك تزيد وفي النهاية ازوغ لا شجرة لا فرع بكون عندك امل تلقاهو ولا تلم فيهو وتفضل عايش علي الامل تحياتي وتقديري
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
Quote: مبااااااااااااااااااالغة لما اشتري ليهو دفار وامشي اعرف الحاجات القلتها فوق كلها وحتي ما اصل روسيا بكون ضاع من عمرو عشرة سنوات |
يا عباس الدسيس ياخ امال الـGPS وخرائط الـiGo دي عملوها في شنان شنو الخلايجة ديل ؟ اكتب عنوانك وباري الشاشة ساي ههههههههها
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: نادر الفضلى)
|
8 , 9 ألف ريال ؟ يا الهادي ياخ بقوليك الباكستاني بحشر كل شهر في حسابو 15 ألف دولار . يعني سنتو بي 180 ألف دولار . بعد سنتين بتلقاهو فاتح محل دهب في سوق الدهب . ومشنكل ليك دهب في المحل بي 3 مليون دولار . يا الهادي بعد تحصل ال 300 ألف دولار تاني ما حتقيف والبنوك بتديك عشان تفتح محل الدهب بتاع ال 3 مليون .
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
Quote: , 9 ألف ريال ؟ يا الهادي ياخ بقوليك الباكستاني بحشر كل شهر في حسابو 15 ألف دولار . يعني سنتو بي 180 ألف دولار . بعد سنتين بتلقاهو فاتح محل دهب في سوق الدهب . ومشنكل ليك دهب في المحل بي 3 مليون دولار . يا الهادي بعد تحصل ال 300 ألف دولار تاني ما حتقيف والبنوك بتديك عشان تفتح محل الدهب بتاع ال 3 مليون . |
يا عثمان انا معاك يا معلم ،،، على قول عادل إمام.....
والمثال من باب المقارنة بين الكد هنا وهناك ،،، بشوف كتير دفارات بتقيف باليومين والتلاتة في انتظار مشوار من الرياض لي خارجها ، تعرف المشوار من الرياض لي جدة نقل عفش بي كم كان هنا، 600 ريال هسع ما متأكد مع خالص الشكر، والله صحي، حوالي 1200 كيلو متر، وكاميرات مراقبة سرعة وغيره، يعني لو طقتك كاميرة واحدة سرعة، مشوارك بي بلاش.... غايتو قطع الاشارة بي 500 ريال ...
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
الانفستقيشن العملتو في الفترة القليلة في دبي مع جماعة الموتسوبيشي كان مدهش .. صاحب الدفار الأسمو بنجابي حسن أزهر عمرو 55 كان شغال عامل دق بلوك في مصنع بلاط وبلوك . بعدها رجع بلدو وعاد بي تاشيرة زيارة .. في زيارتو عمل أقامة شريك في شركة خدمات شحن . وهاك يا تدوير في الدفار ليل نهار ..
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
ودي بشارة بشارة للناس القادو التاكسي من قرونو في جخانين هارلم ونووأرك نيوجرسي . وشيكاغو ودينفر وتورينتو ولوس أنجلوس . البشارة يا الربع . أي زول ضاق لكع التعاشيق في دي المكانات الخترية . تاني ما بتهمو حراية جو . ولا بتنقص عزيمتو منافسة هندي حنكو ما عاضي . هادي البلاد فيها خير الله .. هادا عالم جديد ومنظم وحلو صدقوني ..
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
عزيزنا الهادي سلامات يا الهادي يا أخوي أصلو مافي مقارنة بين الرياض ودبي . دبي أصبحت من أكبر المدن السياحية والتجارية في العالم .. الحركة التجارية فيها لا تتوقف 24 ساعة . يا الهادي ياخ الحاوية من الصين لجبل علي بتصل في عشرة أيام وتتباع في دقايق . وتعال شوف عدد الحاويات البتدخل في الساعة .
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
السوداني الوحيد الفي السبعة أمارات اللقيتو شغال دفار هو مجيد عشكوب في سوق أمارة رأس الخيمة .. عرفتو سوداني بعد ما لفتتني عبارة مكتوبة في الدفار . الزول كاتب : مقطع من أغنية يا دمعي الاشتت دفاري يا الفراقك حار دفاري يا الفراقك حار أسير حبك أنا ليل ونهار . ..
بعد دأك حصلت المعرفة
| |
|
|
|
|
|
|
Re: الداير يعمل قروش جد اليقع الشغلة دي في دبي (Re: Osman Musa)
|
حصلت المعرفة مع عشكوب صاحب الدفار الزول حلف الا يعزمني مندي في المطعم العدني المقابل الدوار . الرجل كريم وأنا عشان كرمو بي كلسترولي ده جاملتو ومع عطرابة المندي وريحة العيش البلدي زولك دور الكلام عن الدراهم وعن المتسوبيشي المتسوبيشي يا الفراقك حار .
| |
|
|
|
|
|
|
|