|
|
 مـــــــــــــــــــــلــــــــــــــــــحــــــــــــــــــــمـــــــــــــةـ
|
ملحمة المطر والطين وقليب متعبي حنين
24 mins
الحس بتشكل
لما المطرة النازفة
من غيمات الريد الباكية
بي طين الارض
مخلوقا
من طين صلصال
من الموية البمرق منها كائن حي
ومن الطين
ذرات الكهربا تدي الشحنة
والابهار
وكلمة مغتغتة ما بتتقال
واتمازجنا
امشا ج مجنونة بتدخل
رحم الخاطر
وتمرق اجمل مفردة
حين مخاض
يتوجع فيه الخاطر
ويبقى الطعم الحادق للاحسا س
ابهار وجمال
ما نحن امشاج المطر
مسقية شحنات انفعال
نرقص على ايقاع
ترانيم المطر واهمس اليك
انا عايز اسارك
وتقولي لي
ويسمع حديثك ده المطر
راجياك جيب سرك تعال
وجريت عليك تحت المطر
كان البرق
ضواي يدندن في ابتهال
رعدا يسبح يا قدير
في اللحظة دي
جواي اتكوم وجع كل السنين
جواي اتكوم حنين
لي شارع الحلة
خبوب الطين
وايد بتساعد للجيران
وفي دي اللحظة
اتعبرت
لما لقيت بيناتنا سواتر
وكمين حاجز
كمين زاوية
وفيها وحاتك ..
نقاط تفتيش
وكمين كلمة بذيئة
عشان يا غالية
بقول القول الحالي
واغني عيونك احلا مقال
وكمين حاجة بتحمل
طعما مالح
من الاض الديمة خصيبة
علقم عسكر
ولحية بتحمل كل ضلال
يا دي الارض الطيبة وحانية
منك كان اتعلم قلبي
احلا خصال
وجانا زمانا فيه اناس
ما معروف
من وين جونا
وعايز ين ايه
ولسة معلق
بين عقدين
يا حليوة سؤال
وارجع تاني
اغسل حزني
بموية المطرة
وافتش ليك الكلمة الدافية
اصلو الحرف الدافي
في زمن التيه
ببقالنا منال
وانت بتعرفي
انك
عشم الحلم الساكن جوة ظنوني
كلما اشعر بيك بتنغزي
جوة الجوف
يتمط خيال
وابقى مسافر ليك
وابقى مسافر فيك
وابقى مسافرجوة الكلمة
اشايلة ملمحك
وليكي ادوبي طول الليل
واقول موال
وبس
|
|
 
|
|
|
|
د.محمد حسن
فيس بوك
تويتر
انستقرام
يوتيوب
بنتيريست