|
|
|
 Re: أشترالو عربية من الدلالة لقالو فيها تحت المقعد 50 ألف دولار (Re: نعمات عماد)
|
المحظوظ زول ود حلال أسمو عاصي من قرية بنت جبيل في جنوب لبنان
سنة 97 مشينا دلالة عربات البوليس في حراج بوليس السيتي في نيويورك أنا وهو وعبدالكريم .
أنا أشتريت فورد 88 بي 700 دولار كانت قاطعة ( تايم بيلط ) بتذكر التايم بيلط بدلتو بي جديد
كلفني 170 دولار .. وكانت عربية مبروكة دأقشت معاي مطبات الحياة ملف ملف وحارة حارة .
وأتاريهو بي هناك صاحبنا عاصي نايم في عسل الكندفة الملفوفة .
| |
  
|
|
|
|
|
|
|
|
Re: أشترالو عربية من الدلالة لقالو فيها تحت المقعد 50 ألف دولار (Re: Osman Musa)
|
تحياتي أخي عثمان
حدثت مع شخص معرفة فى جدة في نهاية التسعينيات
أشترى سيارة كابرس موديل 1978 من مزاد اقامته أدارة
مكافحة المخدرات بمبلغ ألفي ريال أستلم السيارة و عمل
شوية صيانة لها و بعد شهرين ذهب بها لمنجد سيارات
لتغيير تنجيد المقاعد و هو جالس مع المنجد مع فك المقاعد
الخلفية و جد مبلغ 60 ألف ريال ملفوفة فى كيس ...
| |
|
|
|
|
|
|
|
|
|
Re: أشترالو عربية من الدلالة لقالو فيها تحت المقعد 50 ألف دولار (Re: Sabri Elshareef)
|
حولا !
عزيزنا صبري
سلامات
وعليك الله البوست ده بحتو من وين ؟
صدفة عجيبة يا صبري . من قبل يومين وألدة صاحبك اللبناني كانت بتتكلم معاي في التلفون
من جنوب لبنان . ناس حافظين عشرة الغربة .. الدلالة والفري ماركت والسرحان بي البضاعة في جخانين هارلم ودأون تاون ومانهاتن
جابت لينا وجع ركب والوأحد ما عندو التدعك لترميم الركب .
..
لو داير دلالة كويسة تقع دلالة بنسلفانيا .. عربية بي ألف دولار تقعد معاك لامن صلعتك تلمع .
مع أحتمال تلقاليك فيها كردمة ملفوفة فيها خمسين بي القديم هههههها
| |
|
|
|
|
|
|
|
|
|
Re: أشترالو عربية من الدلالة لقالو فيها تحت المقعد 50 ألف دولار (Re: ismeil abbas)
|
عزيزنا سعادة اللواء عمر
سلامات
في ناس محظوظين حظ عجيب وفي ناس شقاوة الدنيا كلها تتكب عليهم .
بتذكر يا عمر في وأحد من دفاع المنتخب الأنجليزي بعد الهزيمة التاريخية من الكاميرون قال : روجي ميلا ده من شفتو حالق صلعة ومعضي شلوفتو
عرفتو حيطقطقنا ويقلب نهارنا ليل .
قال : أنا ما عارف في ديك اللحظة . روجي ميلا الطلع قدامي من النجيلة ولا الحظ ولا كان في شيطان في شكل روجي .
....
الحظ مرات بي حبل العنكبوت ينقاد .. ومرات تحاور السوق والحلة وتدقها في العارضة . اللبناني جاتو بدون ما يحاور ههههههها
تحياتي
| |
|
|
|
|
|
|
|
|
|
Re: أشترالو عربية من الدلالة لقالو فيها تحت المقعد 50 ألف دولار (Re: Kamal Karrar)
|
عزيزنا أستاذ كمال
سلامات
عربية الدلالة يا أخ كمال كلفتو 500 بس . ما في أي حد بسألك في الدلالة .. وكلو بي الكاش .
طبعن أكيد في كنترول علي كل شيء وحسب القانون .. وسياسة البلد الفلوس لو دارت في داخل البلد بكون أفيد .
ولو طلعت للخارج تطلع عبر المصارف .
..
وعلي كل حال هسع صاحبك عاصي متجدع في بلدو تمام التمام .. وشغال في تصدير الليمون الحامض من جنوب لبنان
الي قبرص واليونان .. في أمان الله .
| |
|
|
|
|
|
|
| |
Osman Musa
ملهم كردفان
نعمات عماد
Osama Mohammed
abdulhalim altilib
الطيب شيقوق
على عبدالله بشير
ismeil abbas
عبدالعزيز الفاضلابى
Kamal Karrar
فيس بوك
تويتر
انستقرام
يوتيوب
بنتيريست