اخر نكتة عن اضرار الامطار ( موبااااااااااااااااالغة )

Quote: المرة ركبت حمارها وطلعت من الفريق لاحقا سعيتها في الخلا وفي الطريق جات مطرة شديدة شافت ليها خيمة مشت عليها وربطت حمارها ودخلت قعدت مع ست الخيمة والراجل مرق ولمن شاف حمار المرة كبير طمع فيهو حلاه وربط في مكانو دحشو الصغير وفات وبعد المطرة سكتت المرة طلعت وقالت هي سجمي حماري ماصتو المطرة

Quote: العايز يـ undo التصرّف بطريقتو بقى يوسّع خياله, أنا صايم الستوت غايتو :)

Quote: ( واحد بيسال مسطول : ليه امطار السنه دي كتيره كده..؟.. المسطول قال ليهو: هي اساسا بتصب كتيره في الحبشه ما لقت حبش هناك جات لاحقاهم هنا )

Quote: كان ما أخاف الكضب المسطول دا زاتو قالها في تمانية وتمانين :) بس أظنو الوقت داك كان مشى الفرن

Quote: واحد مسطول واقف برة والمطر ضارباه تسعين.. جا مارى عليه واحد سألو.. يا زول مالك واقف كدى وبقيت كلك موية.. المسطول قال ليه: الغريبة فتحت براها.

Quote: قالوا في واحد مسطول قاعد و شايف ليهو واحدة معدية من شارع لي شارع وسط الأمطار و كل ما تمشي لي قدام الحتة ماشة لي الغريق لما الموية عدت الركب المسطول كورك ليها: أعملي حساب البوبينة البنت طلعت قطيمة ردت عليهو: يا معفن دي جاز.

واااااااااااااااااااااي يابطني



ياحليل الخميس وياحليل دق عيشو

حسع لو كانت من الجيل الجديد كان قالت ليهو

الهارديسك فيهو انتي فايروس ههههههههههههههههه

Quote: يوم الجمعه خطيب المسجد في صلاة الجمعة انتقد الكبائر التي يرجع لها الناس بعد أنقضاء شهر رمضان .... واستشهد بست العرقي الساكنة فى ناصية السوق في البناية تحت التشييد والتي بداءت التصنيع والتوزيع من اول ايام العيد بعد نهاية الصلاة ذهب اليها واحد من المدمنين وهاجمها بالقول .... شنو يا أنتي شاغالة ليك 5 ايام وما نسمع بيك الا من أمام الجامع