|
|
 أجمل ما احفظه من قصايد
|
طوبى للرجال العصافير
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر
كلما جرفتنا شجون المنافى
تهاوت جذور الكلام
جفت ينابيعنا
وأرهقتنا ليالى السفر
تؤرقنا الذكرى
توقِد نار المواجد فينا
فيوجعنا الشوق فى صرة القلب
يتأبى حتى السكون الذليل
نخرج الآن من جلدنا
ونخدش صمت السؤالات
نركض عبر الطريق الطويل
من أى ثقبٍ فى الحكايات جئنا
ومن أى بابٍ فى السماواتِ ..
كان إلتماس السكينة؟
ومن أى ذنبٍ عصىٍ
تعلم القلب سفر الرحيل
الطيور قطعت رحلتها ثم عادت
والأمانى إستكانت
والليالى ما عاد صمتها مستحيل
والنساء اللائى علمننا
العشق فى زمانات النداء الجميل
نسجن كعادتهن من
كذوب الروايات
ما يخلع الدفء عن جسد الحب
ثم تذوقن للحبيب البديل
يا صديق المسافات أركض
ما عاد فى الحزن متسع
لصفير الجراحات - قلبى وقلبك-
ولا صبر فى الأفق لإنتظار الخيول
كل المراكب تاهت
أنكرتنا الشموس
والحبيبات خانت
لفظتنا البحار
فهل يستطيع البنفسج
أن يكون الكفيل ؟
أيوجعك الوصف ؟
آه .. من زمنٍ كنا
ننتقى فيه العبارات
من فصوص المحار
نتمشى فى مفاصل الشعر
تأخذنا كل ساعةٍ فى مدار
آه .. من آه .. ثم آه
من كل ذاك الزمان النبيل
أصرخ الآن .. أو
أخرج الآن .. أو
إنزف الآن .. أو
أكتم الشدو فى الفؤاد العلي
فيصل
|
|
 
|
|
|
|
|
|
|
|
Re: أجمل ما احفظه من قصايد (Re: الطيب شيقوق)
|
يا هذي القصيدة انجمي
من هذي الغبينة الفينا
من حلوات قصيدي ونمي
الا حروفها طعم الكينا
جبت حلاتها من خشم امي
يا حليلها العديلة حنينة
الا مرار حسارها يدمي
الماسون مفور دمي
والبنا العظيم هارينا
لا البنا العظيم ود عمي
لا الصهيون حدق عينينا
اريت كل البلاد رام الله
اريت الفينا ما كان فينا
فيا كل الغلابا حدانا
يا الفقر البعد غالينا
يا جرحي ودوايا وسمي
يا زقلونا يا طردونا
يا دار السلام يا روينا
يا بيت الحجر في مكة
يا ام الشهيد يا امي
يادير البلح .. يا عكا
يا مسجد عمر يا سينا
يا..... من الخليج لي طنجة
يا كل المحيط الامي
لا الشارون طناش حاضرنا
لا الصهيون غباش ماضينا
ما من غيرنا جات خيبتنا
كتر خير يهود وادينا
ياروح العرب ردي
جري وقومي واشتدي
الغيرك عبر .. عدى
من اشبيلية للسند
كنت الهادية ترتدي
يا روح العرب ردي
شيلي الخطوتين مدي
قبل الخطوة تتمدي
لا بتجيبي لا بتودي
وان ما عندك : ايش تدي؟
يا روح العرب قومي
ختي العافية في قومي
يات من فيك مخزومي
اتغرب نطق رومي
واضحى سلامو شالومي؟؟
يا روح العرب مرة
جيبي الجوة والبرة
والولد الطفش فرة
من بلدا بقت مرة
فوق الراس وهي السرة
يا روح العرب مرة
وري المنعة والحرة
كري مع الشهيد كرة
تجني الغلتين برة
وتلدي محمد الدرة
اصل الحكوة انتا يا الخزين
خدرنا
نمنا على العسل والسمنة
من بعد العسل حلينا
واتحلينا
والماسون يخطط لينا
لامن يا الخزين ودرنا
واتحيرنا
مابين الوعود وسرابو
ما بين النضال وارهابو
قال لينا امنكم حادينا
من دي الكورنة جابو خبرنا
يا العرب الحسابكم جاري
طلعوا زيتنا واتنبرنا
بي حمد الكريم الباري
اننا في اوروبا بنينا
واننا في المحيط شبرنا
ولاس فيجاس نجيها ملاهي
لينا عليها خيل وبكاري
لا ما غطسنا واتوكرنا
وشان الروح تروح من اصلو
يبهت وينقطع طارينا
دخلو علينا باللوتاري
عبونا وبقينا رطينة
تقعد جمعتين في اليانكي
يبقى جوازك اخر زينة
الماسوني سيد امريكا
والصهيوني حاكم امريكا
والشاروني عين امريكا
ما امريكا هي الذبحتنا
ياخ امريكا هي المسكينة
بس حكامنا ما فهمونا
لا طول الزمن فهمونا
قلنا نغني للولد الشهيد
كتمونا
قلنا سبيا ابوكم قشري
ختونا في حديد يا بونا
بس حكامنا ما فهمونا
لا طول الزمن فهمونا
وامريكا بتبيع ما ينشري
ختالنا اليهود في كفة
لافالنا الحروب في لفة
سايقالنا الحزن في الدفة
ما همانا في زول لا زلم لا طينة
ازيدك في الغبينة.. غبينة
عندك غزة
احتلوها فاحتلونا
بعد الاحتلال حصرونا
من بعد الحصار هرسونا
في الضحى والعصر عصرونا
في بلود الشتات زرعونا
بالبلدوزرات حصدونا
لا بيتا وقف لا كرزة
لاتفاح سلم لا عنزة
يا طفل الحجر في غزة
لو هتلر نصب شواية
دول حشروك في طابونة
واتفرجنا والحسرة البتاكل ابونا
واتفرجنا والكل بالغبينة انجز
واتفرجنا واتطمنا ونسينا القبيل ولدونا
يا الخايفين اوان الحزة
دول اسياد ليالي المزة
من كتر الشجب شجبونا
لو كل العيال الشتو من قلب الحبيبة نسوها
نحنا مع الشهيد قيلنا
لامن يا الخزين ضقرنا
لا الكارت الاخيضر شافنا
لا عند السفارة بدرنا
لا الماسون مضالنا الفيزا
لا البنا العظيم سفرنا
نحنا على العلينا بقينا
ما اتذكرنا؟
ما اتذكرنا
كننا ياالشهيد ما نسينا
شان نرجي اليجي يفكرنا
شيل ارض العرب وادينا
من خيرها المرمي عاينا
لا حايق عليك لا فينا
لا ايديها سفلى عطاها
لا مقصر سماها وطينا
لو القسمة بس في نيلها
الفي بطنها يشبعنا
والفي كفها يكفينا
اسمع مني يا طاري البلا وناكرنا
دي الارض الببكي غناها
والارض البغني حزينها
ما من فقرها تفقرنا
وتفركشنا
وتحنكشنا
بس من كجها الكاجينا
وما من غيرنا جات خيبتنا
كتر خير يهود وادينا
قدال
| |
|
|
|
|
|
|
|
|
|
Re: أجمل ما احفظه من قصايد (Re: عبدالحفيظ ابوسن)
|
Quote: طوبى للرجال العصافير
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر
كلما جرفتنا شجون المنافى
تهاوت جذور الكلام
جفت ينابيعنا
وأرهقتنا ليالى السفر
تؤرقنا الذكرى
توقِد نار المواجد فينا
فيوجعنا الشوق فى صرة القلب |
للشاعر الأستاذ الصحفي فيصل محمد صالح
وقد لحنها وشدا بها الراحل مصطفى سيد احمد
| |
|
|
|
|
|
|
|
|
 Re: أجمل ما احفظه من قصايد (Re: عبدالحفيظ ابوسن)
|
كان كدي انا جيت ضهبان ساهي
قايلك داير تقول قصيدة
ودخلت في ليلين فرعك والدجى ولثمت كالصبح المنور فاك
داير اقوليك القصيدة دي خلتني اتمطق من سنة تالتة ثانوي عام لحدي ما عرستا حتين لثمتو
| |
|
|
|
|
|
|
|
|
|
Re: أجمل ما احفظه من قصايد (Re: عبدالله ود البوش)
|
البوش
خليني اعفص ليك سيد البوست المتبندر دا اول حاجة
| Quote: داير اقوليك القصيدة دي خلتني اتمطق من سنة تالتة ثانوي عام لحدي ما عرستا حتين لثمتو |
هههههههههههههههههها ات براك قايل ؟ انا ذاتي من يوم سمعت بت المستكفي قالت :
و امكن عاشقي من صحن خدي واعطي قبلتي من يشتهيها
اها - يا اللخو - من اليوم داك بقيت ما بعاين الا للخلانى كل ما شفتو اقيف واتسمّر
رشرش عينو شاهر لى سلاحو وعمّر
ادعج فطرة افلج نيل خديدو متمّر
شوفتو تبهدل الفوق الخلاوى مشمّر
| |
|
|
|
|
|
|
|
|
Re: أجمل ما احفظه من قصايد (Re: الطيب شيقوق)
|
ههههه
صلاح احمد ابراهيم
يا مريا
اها والنقول ليك
محمد المكي ابراهيم
والآن لا شابعا
من طيب لحمك
ولا ريان من سكب نهديك امضي
فأوعديني
ان ستدعوني
إلي فراشك ليلة اخري
وتطليه علي
ما احلاك عاريه وزنجية
هههههه
ظهروا الجماعه
| |
|
|
|
|
|
|
|
|
|
Re: أجمل ما احفظه من قصايد (Re: عبدالحفيظ ابوسن)
|
أغانى عبدالحميد يوسف
أذكرينى يا حمامة ـــ كلمات محمد بشير عتيق
أذكرينى ياحمامة كلما ساجع ترنم
بى هوايا وحب جمالك
أذكرينى ياحمامة كلما هطلت غمامة
فى مساءك أو فى صباحك
فى غدوك أو فى رواحك
وكلما بارق تبسم
أو نسيم الصبح نسم
عنى دايما يكون سؤالك
فيم هجرانى وعلام
يا الهواك صار لى علامة
شاهرة لى دايما سلاحك
طرفى عن رؤياك يحرم
وذنبى ايه غير أنى مغرم
ولى هواك من بدرى مالك
كل من فى الكون نام
وعينى ليه فقدت مناما
وانت يا الكاحلك نعاسك
يذدرى الأغصان مياسك
حظى زى ليل فرعك أسحم
والجحيم من هجرك ارحم
عنى يا الشاغلك دلالك
صرت أعشق فيكى قامة
خصرها يعيرنى السقاما
فيها أشرق نور صباحك
لى سنا البرق افتضاحك
فكرى فى خصرك مقسم
وخطبى زى ردفك مجسم
هل يصح ويرضيكى ذلكأغانى عبدالحميد يوسف
أذكرينى يا حمامة ـــ كلمات محمد بشير عتيق
أذكرينى ياحمامة كلما ساجع ترنم
بى هوايا وحب جمالك
أذكرينى ياحمامة كلما هطلت غمامة
فى مساءك أو فى صباحك
فى غدوك أو فى رواحك
وكلما بارق تبسم
أو نسيم الصبح نسم
عنى دايما يكون سؤالك
فيم هجرانى وعلام
يا الهواك صار لى علامة
شاهرة لى دايما سلاحك
طرفى عن رؤياك يحرم
وذنبى ايه غير أنى مغرم
ولى هواك من بدرى مالك
كل من فى الكون نام
وعينى ليه فقدت مناما
وانت يا الكاحلك نعاسك
يذدرى الأغصان مياسك
حظى زى ليل فرعك أسحم
والجحيم من هجرك ارحم
عنى يا الشاغلك دلالك
صرت أعشق فيكى قامة
خصرها يعيرنى السقاما
فيها أشرق نور صباحك
لى سنا البرق افتضاحك
فكرى فى خصرك مقسم
وخطبى زى ردفك مجسم
هل يصح ويرضيكى ذلك
| |
|
|
|
|
|
|
|
|
|
Re: أجمل ما احفظه من قصايد (Re: عبدالحفيظ ابوسن)
|
العميري
أكون كضاب ...
لو إترددت شان أستقبلك جواي!!
ولو قاومت حد السيف
بريقو بلخبط الهداي!!
صحيح قبلك شراع الدهشة ماصفق
ولا كان العلم وداي
دي حتى الأغنيات قبلك
حروف أبياته كانت ساي
بس الحاصل بدورك تسمعي شوية..
فترت من السواحل ديل
وغشوني المراكبية..
كنت بلملم الضحكات
وحاجز في البياض نية..
و لما غلبني ريح الليل
قلت براي اعود واهي.
غلبني أساوم الرجعه
وده ليل الغربه متناهي ..
فيهو الغربه...
...
قبلو الغربه...
بعدو الغربه...
و الأفق الرقد ساهي ..
أمد إيديا بس لي وين
أقاوم كيف زمن لاهي.
لا نفع التودد فيهو
لاجاياهو حنيه..
شتت أملي في الموجات
كسر في العشم جيه..
ده كلو من السواحل ديل
و من ظلم المعديه..
أنا البعت الفرح لليل
وغشوني المراكبيه.العميري
أكون كضاب ...
لو إترددت شان أستقبلك جواي!!
ولو قاومت حد السيف
بريقو بلخبط الهداي!!
صحيح قبلك شراع الدهشة ماصفق
ولا كان العلم وداي
دي حتى الأغنيات قبلك
حروف أبياته كانت ساي
بس الحاصل بدورك تسمعي شوية..
فترت من السواحل ديل
وغشوني المراكبية..
كنت بلملم الضحكات
وحاجز في البياض نية..
و لما غلبني ريح الليل
قلت براي اعود واهي.
غلبني أساوم الرجعه
وده ليل الغربه متناهي ..
فيهو الغربه...
...
قبلو الغربه...
بعدو الغربه...
و الأفق الرقد ساهي ..
أمد إيديا بس لي وين
أقاوم كيف زمن لاهي.
لا نفع التودد فيهو
لاجاياهو حنيه..
شتت أملي في الموجات
كسر في العشم جيه..
ده كلو من السواحل ديل
و من ظلم المعديه..
أنا البعت الفرح لليل
وغشوني المراكبيه.
| |
|
|
|
|
|
|
|
|
|
Re: أجمل ما احفظه من قصايد (Re: عبدالحفيظ ابوسن)
|
بتنفسك في الضيق شهيق يا أحلي من طعم التمر
يامالية قلبي حروف يقين من الصباح واليوم يمر
نشوان بكون في حضرتك وإتهنأ بيك طول العمر
يابت رقيقه كما الزهور نديانة والحال فيك يسر
ما أجملك والله جد لمن خطاكي تجيني من بعد العصر
وعند المغيرب توصلي تلقيني مت من الصبر
صبري العليك ماصابرو زول صبر السيوف في يوم بدر
أصحابه شادين القتال دايرين من المولي الأجر
تسمع صليلا وري الجبال تحلف تقول يا الله كر
إستعجلي وخشي القليب أناحالي دونك أصلو مر
مافيهو حتي طعم حياة ومن غير عيونك مابيسر .
| |
|
|
|
|
|
|
|
|
|
Re: أجمل ما احفظه من قصايد (Re: عبدالحفيظ ابوسن)
|
هوي يا ود البوش ارعي بي قيدك..
ده شعرن ما عندك ليهو رقبة..
ان باريت ود شيقوق ده...
وحات سيدي الحقك عقيد الخيل...
وبعدين يا حفيظ ما كنا كويسين
مالك داير تدوده بي خيلانك ديل...
انا من الاسبوع الجائي دوام كامل 7 يوم...مع الخواويج ،بجيب ليكم غنا خواويج ان الله طلق...
باي باي...
| |
|
|
|
|
|
|
| |
عبدالحفيظ ابوسن
الطيب شيقوق
nadus2000
عبدالله ود البوش
عبد الله شم
عبدالعزيز عثمان
عبيد الطيب
فيس بوك
تويتر
انستقرام
يوتيوب
بنتيريست