|
|
 إلى الفنّان ود أبّو ...
|
تحيّاتي يا فنّان ورمضان كريم تصوم وتفطر على خير
اتمنى ان تقرا هذا البوست
يا عزيزي ود ابّو رسمت كاريكاتير فيه تصوير للزميل عبد العزيز في قسم شرطة وفي قدميه كلابيش ووضعت تعليق "الجنزير لأبو جنزير"
فا سؤالي ليك لو سمحت لي:
هل تعرف الزميل عبد العزيز ولو إسفيريا حتى؟ هل جرى بينكم أي نوع من المشاكل واعتدى عليك حتى تأخذ حقّك منه و ترسمه بهذا الشكل ؟
ليه سألتك لأني بصراحة استبعدت فكرة أن تكون ريشتك مطوّعة لخدمة أغراض آخرين, ولأن عبد العزيز ليس بالشخصية العامة حتى نقول يمكن نقدها و تناولها وكدا
وكون له مشاكل مع البعض و اعتدى عليهم فهم المناط بهم أخذ حقّهم منه بالطريقة التي يرونها مناسبة لهم و التي ليس من ضمنها الإستعانة بموهبة و ريشة رسّام مناضل بالطبع
أتمنى أن تقرا هذا البوست يا فنّان و نرى ردّك
تحيّاتي ...
|
|
  
|
|
|
|
|
|
|
 Re: إلى الفنّان ود أبّو ... (Re: ABUHUSSEIN)
|
للاسف الشديد ياهي دي قدرة متعليمنا وبتوع المدارس
والراجيهو بلدنا
ديل يا ود البشري
ما قادرين يطلعوا
من عقلية الصبيان
وعمك تنقو
و فرحانيين بي تعليق بكري لرسوماتهم
وام هلا هلا تمسكهم
مما الواحد يقول راي
في حاجة من حاجاتهم الاتفرضت عليهو
فصاحبك طوالي يشيل مغرسو
والبس وش عمك تنقو اب سنون داك
معقول زول بتكلوا فيهو
واطلعوا بيهو الدور السادس
اجي متلب بالشباك
في شماتة واضحة (( من شخص عادي جدا ))
و يعرض كرورو في خرابة
ل مشترين مقبوضين بي شيكات ضاربة وما عندهم جيوب ظاطو 
وبفتشو لي سُكسك يشتروهو وهم مُلــــط 
| |
|
|
|
|
|
|
|
|
|
Re: إلى الفنّان ود أبّو ... (Re: الصادق الخالدى)
|
وعليكم السلام ود الباوقة أبوحسين و الخالدي ورمضان كريم
يا ود الباوقة وأبو حسين من يمارس الفن ويبدع فهو فنّان دي ما على كيف حد ولا يمنحها احد بناء على المحبة و الكراهية.
يا الخالدي كيفك
توجد سوابق في السافير السودانية لتوظيف الفنّانين لريشتهم وابداعاتهم في الخلافات و النيل من خصومهم و ما حسن موسى وعمر دفع الله ببعيدين ومؤخرا الفنان تروس و إن كان راجع نفسه و رأى أن قضيته التي يعمل لأجلها أكبر واقيم من الشخصنة فمسح الفيديو و اعتذر لود الباوقة
وفي كل الأحوال كان الفنان يرد على منتقده أو يوجد خلاف مباشر معه وليس بالوكالة.
لكن الجديد هنا هو - لا أريد أن أستخدم لفظ غير مناسب قبل أن أسمع وجهة نظر ود أبو - الجديد و الغريب هنا هو استخدام الموهبة و الريشة لخدمة قضية صراعات آخرين!!
عشان كدا كانت ألأسئلة أعلاه للفنان ونتمنى ان نقرأ عليها رد.
| |
|
|
|
|
|
|
|
|
|
Re: إلى الفنّان ود أبّو ... (Re: محمد المسلمي)
|
الاخ ود ابو دا قبل يومين جايب ليه كاركتير كلو كلام ... مقسم الرسمة لأربعة أقسام والكلام الكاتبو اكتر من الرسومات ... الفنان السوداني كسلان وما داير يتعب نفسه عشان يعمل ليه عمل يعجب الكل ... وكمان شايف في منافسة بين رسامي الكاركتير على المساحة الفوق دي ... اسي عمر دفع الله تلقاه قاعد يكوجن ليه في عمل عشان يشيلو كاركتير ابو دا ويختو حقو بدله ... بغض النظر عن مغزى ومضمون الكاركتير ... بس رسمة تتعلق فوق وفيها امضاءه تحت ... جميع رسامي الكاركتير هنا في سودانيز يفتقدون إلى الموهبة وعاملين الحكاية مكاواة لناس الحكومة ....
والرسم أدناه هو المقصود في هذا البوست دا ...
[IMG]
[/IMG]
| |
|
|
|
|
|
|
|
|
|
Re: إلى الفنّان ود أبّو ... (Re: قسم الفضيل مضوي محمد)
|
يا ود المسلّمي قبل ما نحكم و نسلّم بي كدا قلنا نسمع من الفنان يمكن عندو مشكلة مع عبد العزيز و بنتصر لنفسه مش لآخرين
قسم الفضيل شكلك فوّت الفكرة وراء البوست دا, أنا لا أنتقد اعماله - او عمله الجبته دا تحديدا - من ناحية فنية بل الموضوع عن الفكرة في حد ذاتها
فالكاريكاتير ليس مجرد رسم فقط و إجادة تصوير الشخصيات, وفكرة الكاريكاتير نفسها و الموقف الذي يحكيه هو عضم الكاريكاتير و الباقي رسم
فا السؤال التاني لود أبّو هل جاء بالموقف الرسمه دا من بنات أفكاره ولا فقط ليه اجر المناولة - اعني الرسم
عموما في انتظار وجهة نظر الفنان
| |
|
|
|
|
|
|
|
|
|
Re: إلى الفنّان ود أبّو ... (Re: محمد البشرى الخضر)
|
Quote: يا ود المسلّمي قبل ما نحكم و نسلّم بي كدا قلنا نسمع من الفنان
يمكن عندو مشكلة مع عبد العزيز و بنتصر لنفسه مش لآخرين |
طيب إنت ختيتا ليهو زي سفرجت
إن جاوب بي نعم وقع
وإن جاوب بي لا وقع
وراجيهو يجيك ـ ياهو طبعكن يالهلالاب
راجيين الكاس من زمن كان بدقوهو الحلب.
ده كان تدودرو زي مابندودر ام طوق علي الشرك
دي عندي معاها قصة لذيذه بس غتاتة ماحا احكيها.
| |
|
|
|
|
|
|
|
|
|
Re: إلى الفنّان ود أبّو ... (Re: عبدالعزيز الفاضلابى)
|
حبابك آ الفاضلابي يا قريبك
صفرجت شنو لا سمح الله, أسئلتي لود أبّو عشان ما نستعجل الحكم على ما جرى ووصفه بصفات أنا نفسي لا ترضيني بحق فنان مبدع
وما فيها وقعة ولاشي مهما كانت إجابته سواء بلا أو نعم, في النهاية دي خياراته وهو حر ولا أحد يملك أن يحجر عليه ان كان خياره تاجير ريشته و تسخير موهبته لخوض صراعات الآخرين بالوكالة
لكن راينا دا بنقوله كان يعجب ولاّ لأ :)
| |
|
|
|
|
|
|
|
|
|
Re: إلى الفنّان ود أبّو ... (Re: محمد البشرى الخضر)
|
فا سؤالي ليك لو سمحت لي:
Quote: هل تعرف الزميل عبد العزيز ولو إسفيريا حتى؟ هل جرى بينكم أي نوع من المشاكل واعتدى عليك حتى تأخذ حقّك منه و ترسمه بهذا الشكل ؟
ليه سألتك لأني بصراحة استبعدت فكرة أن تكون ريشتك مطوّعة لخدمة أغراض آخرين, ولأن عبد العزيز ليس بالشخصية العامة حتى نقول يمكن نقدها و تناولها وكدا
وكون له مشاكل مع البعض و اعتدى عليهم فهم المناط بهم أخذ حقّهم منه بالطريقة التي يرونها مناسبة لهم و التي ليس من ضمنها الإستعانة بموهبة و ريشة رسّام مناضل بالطبع
أتمنى أن تقرا هذا البوست يا فنّان و نرى ردّك |
ياهندسة شنو الـ ماصفرجتها في الزول????
يعني كان قال ليك مابعرف عبدالعزيز ومافي بيناتم مشاكل
يبقي زول بحارب بالوكالة ـ ودي حارة
وكان قال ليك فقط انتقاد حاتقول ليهو ده ماشخصية عامة.
الايام دي كايس زول اتلولو فيهو وإنت عَتَّرت لي. دحين
سردب يمكن ازهج بسرعة ـ
| |
|
|
|
|
|
|
|
|
|
Re: إلى الفنّان ود أبّو ... (Re: عبدالعزيز الفاضلابى)
|
الفاضلابي صحي كايس ليك لولوة :)
كلامي يفهم منو إنو لو ما عندو مشكلة شخصية مع عزيز يبقى بداوس بلا غبينة و بالوكالة عن آخرين وبأجر موهبته زيو وزي اي حكّامة او شاعر هجاء محترف أي نعم هي حارة لكن دا خياره
أما مسالة أنه ليس بشخصية عامة دي تقرأ مع الإحتمال الأول عشان ما يجيني واحد من الطرش المعتادين تعلى توفير تبريرات مجانية لأي شي يقول ليك عزيز كوز وارهابي ومش عارف إيه\
وقع لك يا حاج :)
| |
|
|
|
|
|
|
|
|
|
Re: إلى الفنّان ود أبّو ... (Re: محمد البشرى الخضر)
|
زمن من البوست دا, ذكّرني ليه الكاريكاتير المرفوع اعلى المنبر - هل صحيح أنه كاريكاتير أم اقول رسم أو عمل فني, نتركها للمختصين
المهم هذا الكاريكاتير / الرسم/ العمل عبارة عن لوحة وطنية خلّدت لحظة وطنية زيّها وزي لوحة دراويش المهدي على اعتاب قصر غردون
لا ادري إن كنت مررت على البوست يا ود أبّو ام لا, لكن ح اقول ليك الفي بالي
رجاء أقعد مع نفسك لحظة وقارن بين الرسمين, في رسم الأستاذ ابراهيم الشيخ شوف انت بتعبّر عن كم مليون وبتوثّق للحظة وطنية ملهمة و صادقة لكم قد ياتي يوم ويكون رسمك دا رمزا كبيرا لحاجة كبيرة
وشوف كيف في الرسم الثاني كم اهنت ريشتك وفنّك وانت تسخّرها لغرض خدمة اطراف في صراع لا يد لك فيه.
| |
|
|
|
|
|
|
| |
محمد البشرى الخضر
ABUHUSSEIN
الصادق الخالدى
محمد المسلمي
قسم الفضيل مضوي محمد
عبدالعزيز الفاضلابى
فيس بوك
تويتر
انستقرام
يوتيوب
بنتيريست