|
هل فقد محمد صلاح عينه
|
التحية لمحمد ورفاقه من دخلوا السجون من اجل الوطن لا لجريمة اخلاقية او سرقة او فساد او ارتداد شيك
|
|
|
|
|
|
|
|
Re: هل فقد محمد صلاح عينه (Re: عبدالحفيظ ابوسن)
|
مرة وانا في السوق ضربت لي ام العيال ألحق بتك دمها اتصفي وقربت تموت اعصابي باظت , وبيتي قريب للسوق ,,, عندي عربية قديمة هلكانة ما اتذكرتها ركبت ركشة وقلت ليهو كلمة واحدة البيت وبعرف بيتي كان اطول مشوار صامت رغم قصره البيت مترفس بالعوين وانا لا بسمع لا بشوف فجيت النسوان زوجتي منهارة وباكية بفتش في بتي ماسكاها زوجة اخوي وشها دم ومنهارة ودموعها مطر عمرها كان 5 سنوات ما نضمت خالص دنقرت فوقها وقعت علي جبهتها وشجت راسها , جرح صغير لكن المنطقة دي بتطلع دم كتير مسكتها من يدها ومرقت بيها دون كلام امها لحقتني ,,, حلفت طلاق الركشة برة ,, ضربت لصحبي الجراح محمد توم ,, غرزتين ورجعتها البيت بدون كلام ما قادر انضم ورجعت السوق
| |
|
|
|
|
|
|
Re: هل فقد محمد صلاح عينه (Re: عبدالحفيظ ابوسن)
|
لم تكن زوجتي كاذبة كانت مخلوعة وكلنا بنستعمل تعابير لا تعبر عن الحدث ,, بل تعبر عن لهفتنا ضربو ابوهو ضرب لامن داير يكتلو ضربو في عينو قلعها ليهو محمد صلاح مصاب في عينه ,,, والعين إلتهاب ساي بخليها مورمة ومقفولة وتخوف هل راي احدكم عينه وهي مصابة رأتها امه وخرج بعد ان برئت وظل الاثر ضعف في النظر يبقي الاهم انه ظل صامدا قوبا من اجل الوطن لم يلن ولم ينكسر واخجلنا اخجلني من عظمة موقفة وضحالة اهتمامي بنقاش هذه الجزئية التي لا تهم
| |
|
|
|
|
|
|
Re: هل فقد محمد صلاح عينه (Re: عبدالحفيظ ابوسن)
|
لقد اوفيت وكفيت اخي ود ابوسن.... محمد صلاح ورفاقه يستحقون احترامنا فلهم التحية والتجلة علي مواقفهم وثوابتهم... الخزي والعار لحثالة الكيزان الماجؤرة الحايمة في البورد تشكك في شباب قالوا لا في وجه الظالم القاتل.
| |
|
|
|
|
|
|
Re: هل فقد محمد صلاح عينه (Re: Idris Tabidi)
|
أووووه ادريس تبيدي اليوم السعيد الليلة جابك يا صديق الطفولة والصبا والدافوري والسلة والطائرة والشريك للطيور والمذاكرات المملة وبداية نمو جرثومة القراية الما أم دق سعيد أنا ياخ لمجرد قراءة اسمك، ناهيك مشاركتك بمداخلة ما تغيب، وإذا تيسر اتصل 0097466226712
| |
|
|
|
|
|
|
|