|
Re: طلب عاجل:تلفون انجيلا ماركل (Re: محمد عمر الفكي)
|
Quote: بالمناسبة ممكن طلب تاني يا مدير وجرجير؟ الة حاسبة هههههههه |
ما بتشيل يا ود الفكي، ضدقني ما بتشيل.
ما شفت مطر الدموع؟، اريتا زنقة حكومة البشير. حكومة البرازيل في خطر. حق المساكين ما بيقع وآطة...
| |
|
|
|
|
|
|
Re: طلب عاجل:تلفون انجيلا ماركل (Re: معاوية المدير)
|
تحياتي سليمان و جمال طبعاً البرازيل دي العدو الاول كروياً، بس صراحة امس والله حنيت عليهم اهديكم هذه المرابيع الحايمة في النت
ليه ياكروز تبكيهو الغزال الشارد برازيلية قدرها فى الثرى وعطارد كان ما انت زول حقار ودمك بارد ما بتقبل تشوف دمع العيون وتطارد
عيون كتالة لو شافن قبيلى كلوزا ما بلعبلو تونى كروز واختها موزا مقاعد السامبا وكتين للحسان محجوزة شن خصانى فى المانيا وقضية فوزة
كان بى ايدى كل الكون اكون فى طوعن والبكاء والنواح ما بنكتب لى نوعن الشايلات ثمار البرتكان فى فروعن نيمار كان شديد ما اكنا شفنا دموعن
وكتين قشت الدمع الملا النضارة حسيت قعدتى وسندة قفايا خسارة الما شالت الدوكة وبروها صغارة ما تستاهل الدمعة البقت قطارة
ليه ياخديرة بتزود عليها جراحة وتخلى اللؤلؤ اتقاطر على التفاحة لو نيمار دخل بدرى ولقالو مساحة كان شفنا ابتسامة وانشراح وسماحة
الشافعة التلووح للخلوق بى ايدة كان عشمانة فى كورة ونتيجة سعيدة لو شاف الحكم هادى الدموع فى خديدة مفروض ارجى نيمار انجبر وإعيدة
يا المخرج اقيف واللقطة لى ما تعودة وما بحمل اشوف سيل الدموع فى خدودة بعد ما المانيا عملت ها العمائل السودة كرهت المرسيدس و البورش والاسكودة
اكيد ود المدير حيجاريها بقصيدة من الشعر الحديث الذي يجيده
| |
|
|
|
|
|
|
Re: طلب عاجل:تلفون انجيلا ماركل (Re: سفيان بشير نابرى)
|
يا سفيان ياخي الارجنتين رغم انها فريقي المفضل الا انها زيها وزي البرازيل مستواها تعبان خالص وربنا يستر الليلة بس لو انهزمت صدقني مافي حسافة لانه هولندا فريق كبير ومحترم وراقي. الامل في ميسي من بعدالله اما الدجال بلة الغائب فالحمد لله الربنا كشفو
| |
|
|
|
|
|
|
Re: طلب عاجل:تلفون انجيلا ماركل (Re: محمد عمر الفكي)
|
يا ود عمر ياخ وقفت قلبي
قلت قطع شك الشعب الألماني عن بكرة أبيه يستعد لإستقبال الخبير الماشي يقدم التهنئة بالفوز التاريخي عشان كدا ود عمر ود الفكي عاوز يكلم المستشارة ما تتخلع بالمظاهرات والمسيرات الهادرة
رمضان كريم
| |
|
|
|
|
|
|
|