|
|
|
 Re: تصدقوا الشايل السلاح دا فرفور !!!!!! صورة محبطة ! (Re: MOHAMMED ELSHEIKH)
|
أتمنى أن لا ينكر أحد الوجود الأمني وسط:
المجتمع الرياضي،
الديني،
الثقافي،
الكوادر الطبية،
المشردين (كما يبدو للعامة)،
المناضلون (كما يبدو للعامة)
ليس في السودان فقط ، ولكن في كل حكومات العالم...
مدعومين بكاميرات المراقبة ذات التقنية العالية التي تملأ الشوارع العامة والمؤسسات الحكومية والخاصة.
حقائق لايمكن غض الطرف عنها.
| |
  
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: Abureesh)
|
ابو الريش الصديق العزيز \ تحياتي .
ورمضانك كريم .
اقتباس : لكن الواحد ما يستبعـد الصيـد رغم ان في عهـدهم ما فرق بين صيـد الحيوان وصيـد الإنسـان .
يا ريشو هل في السودان في ظاهرة الصيد ؟ حقيقة ما عندي فكرة وبصيدو شنو في السودان
لو سمحت نورني الله انور عليك . وسلمت ..
ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: عاطف عمر)
|
مني يا صاحبتي من زمن نميري الامن اصدر قرار باستيعاب موظفي الدوله في الوظائف العليا واهل الفن وناس الكوره ومورست عليهم ضغوط واغراءات البعض علاقاته بهم من باب = كف شرهم = والبعض الذين لهم قوة اخلاقيه وامتدادات مجتمعيه ويستطيعون المقاومه يتملقهم رجال الامن وقليل صاروا أمنيين
محمود عبدالعزيز اتجلد
فرفور قرر الاستفاده
ترباس بلعب بالبيضه والحجر = زولهم وما زولهم = غايتو بقعد الغنا ده لما تنسي الموضوع
التدريب علي السلاح لاعطاء رتبه عسكريه
ي منو ي اخ عضوية المؤتمر الوطني حسب كلام غندور 10 مليون وقد صدق
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: خالد علي محجوب المنسي)
|
Quote: خالفك الصواب يا هذا
اتقي الله في قولك يا قصي
خابت اي حكومة زرعت عيون وسط مجتمعها
وخاب قولك أخي قصي |
هو رأي ، وليس قول!
نكرانك لهذه المعلومة يجعلك ساذجا أكثر من اللازم.
كل الحكومات لها عيون...
وكل الحركات لها عيون:
عين مباشرة،
وعين طابور خامس.
إذا كيف تجهض المقاومات من الداخل (داخل المجموعة)
وكيف تتم الإنقلابات من الداخل ( داخل الحكومة)
تحياتي وتقديري لجميع لناس شندي فوق
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: محمد أبوالعزائم أبوالريش)
|
يا ابو الريش نعم بندقية القنص تستخدم في الصيد و بها عدسة مكبرة إيه المشكلة ودي ما دايرة ليها مختص
يا ناس الفيس
دا ما رشّاش دي بندقية يتم تلقيمها بطلقة واحدة كل مرة يدويا, أهم ميزة في الرشاش أنه تلقيمه آلي و به خزنة فيها الطلقات
و بالنسبة للشتائم التي لا تليق بالشهر الكريم, لا أقول لكم سوى الله يسامحكم حاليا - لكن ما ترجوني بعد رمضان :)
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: عبد الله شم)
|
Quote: تحياتي أخت مني عمسيب وضيوفها
قد يكون السلاح - المصور- بندقية صيد- لعبة أ طفال- سلاح شخصي مرخص - أو سلاح يخص عمله كأمنجي ! -هذا موضوع جدل وتكهنات وإستنتاجات !
ولكن ما لامجال للغلاط حوله أوتبريره أو تخفيف وقعه وتأثيره هو - إن السيد فرفور كادر في جهاز الأمن الذي يقتل ويعذب ويسجن ويصادر الحريات - والصحف
-** وأنه كادر في جهاز قمعي -يتعارض قانونه وممارسته مع الدستور الذي ينص علي أن مهمة جهاز الأمن تتركز في جمع وتحليل المعلومات وتقديم المشورة إذا ماطلب منه ذلك !
**- فرفور القانوني -ينتمي لجهاز ينتهك الدستور ويخرق القوانين وينتهك كرامة وإنسانية الإنسان ويصادر حقوقه الأساسية بل ويتعدي علي حياته وجسمه !
** جهاز الأمن الحالي جهاز مؤدلج تقوم عقيدته علي الولاء للإنقاذ وللحزب -الحاكم - علي حساب الوطن المواطن - وحماية نظام الفساد والإستبداد!
** عناصر الجهاز ملزمة بتوظيف كافة معارفها لخدمة الجهاز وحمل السلاح وإزهاق الارواح -وإصابة الابرياء والعزل من المتظاهرين مثلا - واتعذيب المواطنين !- يستوي في الالتزام بمخططات وتعليمات الجهاز - المهندس والطبيب والقانوني - فكلهم تروس في الماكينة الامنية الفاشية -تروس تحمل السلاح وتقتل وتصادر الحقوق والحريات
** فكل من يرتضي الإنتماء لهذه المنظومة السئية السمعة والنهج والممارسة عليه أن يتحمل مسئولية هذا الإنتماء -! فلامجال للمجاملة أو التخفيف من وقع الانتماء لجهاز الامن والتبرير له- رحم الله الفنان الإنسان مصطفي سيد أحمد- الفنان - وأقول الفنان -لا المغني أو المطرب ! - فالفن رسالة ومسئولية- رحم الله الفنان الإنسان مصطفي سيد أحمد المنحاز لشعبه وللإنسانية والفن النبيل- وهو بحق فنان منحاز بموقفه وفنه للشارع وللجماهير - لم يرهن ضميره لقتله ولم يضع فنه أو صيته ومكانته الإجتماعية لمصلحة حكومة الإنقاذ بل وقف معارضا لها حتي آخر رمق في حياته لذا تربع علي القلوب البسطاء والشرفاء من أبناء شعبي ! .......... |
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: عاطف عمر)
|
العزيز \ عاطف ود عمر ..
تحياتي ... وتصوم وتفطر بخير والاسرة الكريمة .
اقتباس :
الفنان جمال فرفور أعسر بمعنى أنه يستخدم يده اليسرى ... ويعني بالسوداني أنه أشول
الشخص الظاهر في الصورة يستخدم يده اليمنى
تصدق يا عاطف بالرغم من اعترافه بانه امنجي وبفتخر حتت حمل السلاح دي
ما قادرة استوعبها ! عمومآ في انتظار الايام الحبلي بالردود . سلمت يا عاطف
ومشكور علي المرور .. ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
ابو الريش الصديق العزيز \ تحياتي .
ورمضانك كريم .
اقتباس : لكن الواحد ما يستبعـد الصيـد رغم ان في عهـدهم ما فرق بين صيـد الحيوان وصيـد الإنسـان .
يا ريشو هل في السودان في ظاهرة الصيد ؟ حقيقة ما عندي فكرة وبصيدو شنو في السودان
لو سمحت نورني الله انور عليك . وسلمت ..
ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
الحبيبة \ لوسي ..
سلام خاص .. وتصومي وتفطري بالصحة والعوافي .
اقتباس :
ي منو ي اخ عضوية المؤتمر الوطني حسب كلام غندور 10 مليون وقد صدق
يا لوسي الفنانين ديل عندهم وضعهم الخاص ويفترض لو السودان كله بقي مؤتمر
هم يمتنعوا . لانه من مقومات الفن الحرية والديمقراطية لكن بيني وبينك في زمن الانقاذ
اي شئ بقي متوقع يعني لا غريب تحت عرشهم .و تسلمي يا حبيبة .. ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
يا سليم الذوق يا استاذ \ قباني ..
تحياتي .. ورمضانك كريم ..
اقتباس :
اها دي يصورها شايل عنكوليبة .. .؟
ما لازم كده .
يا قباني ياخوي انت كرجل متذوق للفن معناتو الامنجي دا تسحب منه
الثقة الفنية .. وبعد داك تعتذر للفن مجرد رأي انت رأيك شنو واكرر يا سليم الذوق ؟
ومشكور ولي قدام ..
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
الأخ العزيز \ كمال عباس .
تحياتي .. ورمضان كريم ..
اقتباس :
ولكن ما لامجال للغلاط حوله أوتبريره أو تخفيف وقعه وتأثيره هو - إن السيد فرفور كادر في جهاز الأمن الذي يقتل ويعذب ويسجن ويصادر الحريات
رد :
وعامل فنان !!!!!!!!!!!!!!!!!!
مشكور اخي كمال علي المرور .
ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
الأخ العزيز \ شم ..
سلام ..ورمضان كريم .
اقتباس :
ان صدقت الصورة اكيد هي قمة الاحباط
ولكن اميل اكثر لراى الاخ عاطف عمر بدلالة القائل بالدبلجة في الصورة
بدلالة ان الحد الفاصل بين ظهر فرفور والبكسي واضح تمت عليه عمليه لصق
رد :
يا شم موضوع انه اشول دي ما مبرر لانه التدريب علي اي شئ ممكن يعود علي
طرق مختلفة .. في مهن كتيرة بتستجوب فقط استخدام اليد اليمين وبرضو بتلقي بعض الناس
بستعملوا اليد الشمال لكن ناجحيين في هذه المهن باستخدام ايدهم اليمين .
ولي قدام ..
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
الأخت العزيز بت عمسيب
سلامات وكل سنة وانت طيبة،،
الزول دا أنا أكان سمعت صوته بالغلط بعمل لي إحباط، وما فارق معاي أكان في صورتوا
شايل بندقية ولا قرآن ولا عود ولا قزازة طالما هو منتسب لجهاز الأمن .. لأن مجرد إنتسابه
لمؤسسة دموية كجهاز أمن الإنقاذ بباعد المسافة بين شخصيته وبين أي قيمة إنسانية نبيلة.
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: Ahmed Alim)
|
الأخ العزيز \ احمد عالم ..
تحياتي .. وتصوم وتفطر علي خير والاسرة الكريمة .
Quote: الزول دا أنا أكان سمعت صوته بالغلط بعمل لي إحباط، وما فارق معاي أكان في صورتوا
شايل بندقية ولا قرآن ولا عود ولا قزازة طالما هو منتسب لجهاز الأمن .. لأن مجرد إنتسابه
لمؤسسة دموية كجهاز أمن الإنقاذ بباعد المسافة بين شخصيته وبين أي قيمة إنسانية نبيلة. |
تصدق يا احمد يا خوي الزول دا شعبيته لا يستهان بيها عشان كدا الواحد مفروض انزل بوستات
يوميآ بخصوصه عسي ولعل يرجع لصوابه ! وحقيقة قمة الخسارة لما تلقي انسان فنان وارهابي معآ
دي والله وكسة عديل للفن والفانين ! تسلم اخي عالم .
ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
بنت عمسيب سلام
انتي ياحليلك من زمن بندقية الصيد
التقليدية الان البنادق اتطورت وعادي
دي ممكن تكون بندقية صيد مع
انو في بوست اخر قالو الصورة
ماحقت فرفور علي العموم الفن
البلغوسوهو دا مانافع الفنان
مفروض يكون فنان وبس .
همسة
انتي بطلي لولوة وابلعي
بالهناء والشفاء ههههه
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: سليمان القرشي)
|
بت عمسيب و ودالمنسي :
Quote: سلام اخي الكريم \ خالد المنسي .
ورمضان كريم .
اقتباس :
خالفك الصواب يا هذا
اتقي الله في قولك يا قصي
خابت اي حكومة زرعت عيون وسط مجتمعها
وخاب قولك أخي قصي
BIG LIKE
مشكور يا منسي .. ولي قدام . |
غريبة لكن،
و من السذاجة أن ننكر وجود عيون لأي حكومة وسط أي مجتمع.
كدي أفقدوا من حولكم...
نكرانكم لهذه المعلومة يضع احتمال بقاء الحكومة ربع قرن آخر من الزمان!
ياجماعة العيون موجودة حتى وسط المتظاهرين،
وافتكر هذه العبارة لديكم عليها أدلة كثيرة هنا في المنبر!
الداير يمشي لقدام لابد وأن يعترف بحقائق الأمور و تعرجات الطرق...
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: قصي محمد عبدالله)
|
ود القرشي \
سلام يغشاك .. ورمضانك كريم .
Quote: همسة
انتي بطلي لولوة وابلعي
بالهناء والشفاء ههههه |
وحياة همستك دي قبال رمضان ما عندنا نفس للبلع وبلعنا لما اسه مخنوقين ههههههههه .
وبعدين حكاية انا من زمن بنادق الصيد التقليدية هههههههه تصدق يا ود القرشي انا ذاتي
ما كنت قائلة في شئ في السودان يصيدوهو غير الفيران هههههههههههههه . تسلم يا رجل
وتصوم بالف عافية واسرتك الكريمة .
ولي قدام .
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: منير عثمان)
|
سلام عليكم منير و رمضان كريم
اختلف معاك يا منير, السلاح الفي الصورة ليس MP5 و لا أي من الأسلحة الآلية الممكن نطلق عليها رشاش
قارن بين الصورتين أدناه أهم حاجة تميّز السلاح الآلي هو الخزنة الفيها الطلقات و الغالبية العظمى من البنادق الخزنة موقعها امام المقبض و الزناد واضح في الصورة الأولى انه لا توجد خزنة كما في صورة الـ MP5
و نقطة أخرى انو الرشاش قصير المدى لا يحتاج في الغالب لعدسة مقربة كما في حالة القنص
الصورة التالتة بتوضّح بندقية صيد يدوية التلقيم غالبا ما يكون السلاح الفي الصورة منتمي لعائلتها
MP5 A3
KS V Bullpup Hunter
بت عمسيب كيفك, تسائلتي عن وجود الصيد في السودان! معقول يا منى ما سمعتي برحلات الصيد البجوها عرب الخليج ولا بحظائر الدندر ولا حتى بأغنية عيون الصيد ههههههه
هاك الفيديو دا بديك فكرة عن الموضوع
ويا ابو الريش كدي شوف الدقيقة 1:19 وراعي للبندقية الشايلها الصياد
__________________________
و يا ناس تحت بالله ما تشوفوا الفيديو دا وتطلّعوا العرب فيه ناس داعش بدّربوا في معسكر إرهابي, قلنا ننبّهكم من اسّي كل شي جايز 
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
التحية لصاحبة البوست وللإخوة المتداخلين ...
* وللتعليق على هذا الموضوع نقول أنه " ليس بعد الكفر ذنب " فالرجل يعمل في جهاز الأمن ..؟!! هل نتوقع أن يكون شايل زهور في يده ؟؟؟
* وتعليق آخر على مداخلة الأخ قصي " لن تقوم قائمة لدولة ليس لها عيون وسط المجتمع " :
فقد كنت أتوسم فيك خيراً أخي قصي وبملامحك المتدينة أن تكون أحد المنافحين عن العدل والعدالة وليس عن زرع العيون والجواسيس وسط المجتمع
فبالعدل وحده يسود الحكم وليس بالجواسيس والقهر والقوة ولنا في سيدنا عمر بن الخطاب الأسوة الحسنة عندما كان ينام تحت الشجره وهو أمير المؤمنين دون حرس أو قوات خاصة ولم يكن له جهاز أمن في الدولة بل لم يكن يحتاجه أصلاً لماذا ؟؟؟ .
لأنه أقام العدل ..!! وهنا مربط الفرس
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: Othman Al-Hasan Babikir)
|
الأخ الكريم \ عثمان ود الحسن .
جبابك .. وتصوم وتفطر بالف خير والاسرة الكريمة . ومشكور علي المرور .
حقيقة مداخلة تستحق الوقوف والاحترام .. واتمني من الأخ قصي الرد .
اقتباس المداخلة :
* وللتعليق على هذا الموضوع نقول أنه " ليس بعد الكفر ذنب " فالرجل يعمل في جهاز الأمن ..؟!! هل نتوقع أن يكون شايل زهور في يده ؟؟؟
* وتعليق آخر على مداخلة الأخ قصي " لن تقوم قائمة لدولة ليس لها عيون وسط المجتمع " :
فقد كنت أتوسم فيك خيراً أخي قصي وبملامحك المتدينة أن تكون أحد المنافحين عن العدل والعدالة وليس عن زرع العيون والجواسيس وسط المجتمع
فبالعدل وحده يسود الحكم وليس بالجواسيس والقهر والقوة ولنا في سيدنا عمر بن الخطاب الأسوة الحسنة عندما كان ينام تحت الشجره وهو أمير المؤمنين دون حرس أو قوات خاصة ولم يكن له جهاز أمن في الدولة بل لم يكن يحتاجه أصلاً لماذا ؟؟؟ .
لأنه أقام العدل ..!! وهنا مربط الفرس
| |
|
|
|
|
|
|
|
|
|
Re: تصدقوا الشايل السلاح دا فرفور !!!!!! صورة محبطة ! (Re: مني عمسيب)
|
Quote: يصبح عاليآ ...
حتي حضور الأخ السلفي قصي والرد علي الاسئلة .
السلفيين والكيزان الفي المنبر ديل لازمن تتم ملاحقتم . |
ههه
لاحقوا ناس الأخبار والتصريحات ،
ليس ناس الأراء و وجهات النظر!
كاميرات المراقبة المنتشرة على الشوارع العامة و أمام المباني ذات البعد الحساس...
جزء من الأجهزة الأمنية المزروعة وسط المجتمع...
وهي أخطر من الأشخاص لما بها من خصائص التسجيل ...
أي المراقبة بأثر رجعي.
غريبة ناس تدعي الحنكة السياسية وتحاول تفنيد العيون المدنية!!!!!!!!!!!!!!!!!!!!
فوووووووووووووووووووووووووووووووووووووووووووووووووووووووووووووووق
| |
|
|
|
|
|
|
| |
مني عمسيب
محمد البشرى الخضر
أحمد قلوب
محمد مجيدو
اسماعيل عبد الله محمد
MOHAMMED ELSHEIKH
Abureesh
عاطف عمر
خالد علي محجوب المنسي
محمد أبوالعزائم أبوالريش
يحي قباني
كمال عباس
عبد الله شم
ibrahim alnimma
Ahmed Alim
سليمان القرشي
منير عثمان
Othman Al-Hasan Babikir
فيس بوك
تويتر
انستقرام
يوتيوب
بنتيريست