|
Re: ترقبوا قريبآ مسدار ( ود المدير وايقونة البشير ) يوجد دواس كترابتو للسماء . (Re: سليمان القرشي)
|
بت عمسيب صحيح كسب المسك حجباته قام ليكي فزع رجال من الدقش همباته مابندبه للوكره المسلحه بالحديد جنباته وبتلاقوا الرجل في الحاره شوفو ثباته @@@@ لي كندا بنصل بي جمالنا ما همانا ود القرشي هوي ابعد وسيبا منانا في البورد زغرتت والليله مرقوا عشانا همباته مدججين بي سيوفنا والجبخانه @@@ في البيرته ان تقيت بلقائك ود مفتاح وفي منتريال كمان جيلاني بضرب تاح بت عمسيب مع الهمباته شايله سلاح وكان داعش معاك ديشه بنسكه مراح
| |
|
|
|
|
|
|
Re: ترقبوا قريبآ مسدار ( ود المدير وايقونة البشير ) يوجد دواس كترابتو للسماء . (Re: عبدالعزيز عثمان)
|
Quote: ماكي العاطلة كواست الشكل حاشاكي وماكي لئيمة قولة الشر دوام باريكي انت الطيبة نكرف من شذاهو نداكي اعفيهو معاوية تب بي شينة ما بطراكي وات ياكي الاميره الفالحه والممهوله بالذين والعفاف من ساسا قايمه اصوله معاويه اصيل جواد كابس هدومو رجوله هو الاول يمين واتي الشريك في الاوله ورمضان كريم يا السمحين |
يا ود الإصول إياها فيك محرية قبل يبدأ الدواس تلفانا بي جُودية لا تغشك، يمين الزولة شرانية واللسد المعاها جاي عاقد النِيّة...
| |
|
|
|
|
|
|
Re: ترقبوا قريبآ مسدار ( ود المدير وايقونة البشير ) يوجد دواس كترابتو للسماء . (Re: munswor almophtah)
|
قال منصور مفتاح: لحسة كوع عديل جبتوها كاشف حالك وغيرك كان شديد جابا البشير قبالك أبو المقداد قفاك ساترنو رَيِّح بالك منى وجيلانى ديل بيت النحل ياخ مالك؟؟ ------------- قال عبدالله الأسد: مسدارى ابتدى منصور وصل شاشالك وبرك جمله بي سيفه السنين نادالك ود العمده اسمع صوتي في جوالك وحكم الرده للهمباته شيلة حالك --------- اعجبتني البيت الأخير من مربع ود العمده:
أنا قايل أخيّر ترسى وتخلي نجوعك لا تهمّل عقابك وتفوّت تخلي ربوعك إن إتوكرت تب بِصعب عليك رجوعك في معرض كلآمك قاصد كوعي، واللآ قاصد كوعك ؟.
| |
|
|
|
|
|
|
Re: ترقبوا قريبآ مسدار ( ود المدير وايقونة البشير ) يوجد دواس كترابتو للسماء . (Re: محمد عمر الفكي)
|
الابيات التالية لا علاقة لها بهذا البوست وصاحبها معروف
دمك فصيلتو قرادي السِنر ما بحلو راسك لداية ، ما عدا المخاتة فارغ كلو الباراك مغايص اكيد دون شكك بتكتلو والابعد ختاك تلف وتعقب وبالدرب تربطلو دمك من فصيلة البقر زايد مرار فوق مُرو نجضت الخلوق حيرت الحكيم في امرو الابعد ختاك ربي زاد في عمرو والداناك بالمغائص حفرت له قبرو
تليفة وفقاع مرارة اكال كبد جيعان ود خضر قلمو انكسر نشفان ود مصطفى علمتو الرجفة والهذيان وود الموج هداك ربطوهو في امضبان
البصابحك لابد يكون صميم وللحبوب بلاع يا اكيد بتجيهو رجة في جذر المخيخ والقاع المكضبني وبدور لصدق هذا الحديث إجماع هداك ود المدير مجدوع لا طرف لا كراع
| |
|
|
|
|
|
|
Re: ترقبوا قريبآ مسدار ( ود المدير وايقونة البشير ) يوجد دواس كترابتو للسماء . (Re: مني عمسيب)
|
اصدقاءنا الفيسبوكيين لهم دور من خارج ساحة الدواس اثر عظيم .
كتب الصديق الفيسبوكي :
اباذر :
Quote: Abazer Deshab · International University of Africa
بت عمسيب سلام من المحس والنوبة يا زولة الفهم والزوق وست الحوبة ماكى شبه الدواس والشكلة وقـلِــبْـت الهوبة كدى قولو خير و تعالو فى الراكوبة |
حباب ابذر اخوي البيك وطنا حضارتو يا الفارس الهمام وارث العلم بجدارتـــو عاقــدين الدواس واتحـــددت ساعاتــــو والفرسان هناك مالين ربوع ساحاتـــو
| |
|
|
|
|
|
|
|