|
|
|
 Re: أهـا، أكـلآتـكُـم الـبـتـريـدُوهـا فـي رمـضـان شـنـو ؟. غـايـتُـو أنـا بـريـد الـلُـقـمـة ... (Re: مني عمسيب)
|
Quote: قباني ،مدير،قرشي...
عمنا امتحنه الله بفقد البصر،،مشي عمره عملولو عزومو،،قام سعل الزول الجنبو،،قال لي دلني
علي صحن الفول،،الجنا قال لي الفول ملحوق مالك شفقان علي شوف المطايب ،،رد عليه
ياولدي ما تشفق انت ،،سعلتك من الفول بدور اختاهو...
انتو الله ماليكم ،يمين نحن لم تنبت لنا مزعة لحم طوال عمرنا الا من فول او كسرة وويكة...
علي اليمين اكان لقيتن في الجنة اختاهن...
لغمة قال،،ان شاء الله يابا ما تخنقك،،،ده طرفنا منهن.رمضان كريم |
ههههههههههههههههههههههههه،
عبد العزيز يا قريبي،
كلوووووووووو والآ اللُقمة والفول ديل كان مشينا الجنة
ما بنبقى بلآهن.
دحين البيقولوا كلآم اليعقلو.
| |
 
|
|
|
|
|
|
|
 Re: أهـا، أكـلآتـكُـم الـبـتـريـدُوهـا فـي رمـضـان شـنـو ؟. غـايـتُـو أنـا بـريـد الـلُـقـمـة ... (Re: عبد الله شم)
|
Quote: Bomedian Mohamed
إضافة تعليق...الرائـع ود الـمـدير .. رمضان مبارك عـليك ، وكـل اهـلي الـغـبش الـغـلابه ..
والله .. انا فـي بـلـد طـيرا عـجــم .. نفســـي فـي حــرف قـراصــه بالـدمـعـه .. جمبهـا ( سـرويس ) بصــل أخـضـر .. بس !!.
رد ·
|
بومدين يا صاحب.
يا اخي تصدق نحن البارح القريبة دي في براري كندا
فاطرين بقراصة بويكة حمرا. قراريص ساااكت القمح
في البراري ما يديك الدرب، بس لكن ختينا سرويس
البصل اللخدر والشطة والليمون عشان الحكاية فيها
جامع وتراويح.
رمضان كريم يا سمح يا زين،
ونسأل الله ببركة هذا الشهر العظيم ان يرد غربتنا
ونتلآقى في رحاب وطن ترفرف اعلآم الحرية في
قِبلو اللربعة...
| |
|
|
|
|
|
|
|
|
 Re: أهـا، أكـلآتـكُـم الـبـتـريـدُوهـا فـي رمـضـان شـنـو ؟. غـايـتُـو أنـا بـريـد الـلُـقـمـة ... (Re: معاوية المدير)
|
Quote: تصدق يا ودالمدير أنا من بدأ رمضان لقمة ما مشيت عليها
شوية بليلة بالتمر وبعداك انعدل للشراب
لكن اكتشفت لي عصير سوبر
القنقليس الواحد دا
والله يدوهو شوية حليب وليمون يطلع حاجة ما تخلص
رمضان كريم
وتحياتي مثنى وثلاث ورباع |
بدر الدين يا زولاً لينا،
ليك تحايا وسلآم ورمضان كريم.
يا زول اللُقمة ما بتمشي عليها كيفِن في رمضان، جاك دا ؟!.
القنقليز دا قالوا بينتهي من الكلسترول في الجسم.
أنا بخلط نصف ملعقة قنقليز ونص ملعقة صمغ عربي ونص ملعقة
بدرة دوم، ونص ملعقة شعير، ونص ملعقة شاي أخدر في اللبن
وبشربن. الليلة اضفت ليهن الليمون، آ زول علي اليمين إلا تسارقن
مسارقة في الشراب، كان إستعجلت بب يرمنك في الوآطة دي...
| |
|
|
|
|
|
|
|
|
|
Re: أهـا، أكـلآتـكُـم الـبـتـريـدُوهـا فـي رمـضـان شـنـو ؟. غـايـتُـو أنـا بـريـد الـلُـقـمـة ... (Re: abas)
|
Quote: Mohamed Eisa Abaker · الأكثر تعليقا · يعمل لدى Najran University
تصوموا وتفطروا على خير- حاجات سليمان القرشي دي بس كوبي بيست بالنسبة لي- ناس تجمعهم
العصيدة القراصة والتقلية والدمعة والهلال والمريخ وتفرقهم السياسة لحد الفجور والحقد البودي للقبور-
انشاء الله دايما لامين وتامين وسالمين نعيش حياتنا الحلوة بهناك - لك التحية يا صاحب البوست والمعاه |
حياك الله أخي محمد،
ورمضان كريم.
نسأل الله أن يجتمع أهل السودان علي ما ينفع البلد وأهلها،
ونسأله ببركة هذا الشهر الكريم أن يرفع البلاء عن أهلنا.
مشكور علي التعليق وإن شاء الله نجتمع في دار ود القرشي
ناكل وننبسط في رحاب وطن يسع الجميع...
| |
|
|
|
|
|
|
|
|
|
Re: أهـا، أكـلآتـكُـم الـبـتـريـدُوهـا فـي رمـضـان شـنـو ؟. غـايـتُـو أنـا بـريـد الـلُـقـمـة ... (Re: معاوية المدير)
|
Quote: ضحكتني لامن وقعته يا مِعَا ...
لكن كمان و الله حننتني بي دورتك للخرفان المدوعله ...
و الله البيف اكلو زى البتاكل في حزامات جلد ...
و ين الضاني حقنا لامن ( تقلبوا ) في الصاج كده ...
يطلع زى الخُشاف ... و بعد تاكل و تخلصوا لحم علي عضم ...
تقوووول كده تعجن ليك كم طرقة كسرة فوق ( الرُترُت ) الباقي في الصاج
و عينك ما تشوف الا النور يا حبيب ...
حقنة كلسترول في القلب .... |
هههههههههه،
يا قباني حزامات الجلد دي قدُر ما حاولوا يطعموها ابت،
عليك امان الله خرافنا المدوعلة دي بس تديها مِلح وتبقى
دآيس، وابشرك يا اخوي اللحمة آخر تقرير طلع عنها
ما بتزيد الكلسترول في الجسم. يعني ممكن تضرب
الدنس بمزاج، وأنا من سمعت الكلآم دا إتململ لروحة
السودان...
| |
|
|
|
|
|
|
| |
معاوية المدير
يحي قباني
سليمان القرشي
عبدالعزيز عثمان
سفيان عثمان قرضيه
مني عمسيب
بدرالدين بابكر مصطفى
عبد الله شم
طاهر قرشي
Osman Musa
abas
فيس بوك
تويتر
انستقرام
يوتيوب
بنتيريست