|
|
 إستخراج "زكاة" بدل السكن
|
المكان: المغتربين-الخرطوم.
سألني موظف الزكاة: "بدل السكن 25000 يا أستاذ؟"
فرديت بنعم و أردفتها بسؤال عن علاقة مقدار بدل السكن مع الزكاة.
فأجابني الموظف بأنه يقوم بحساب الزكاة للمرتب + بدل السكن.
طبعاً لم أدخل في أي مغالطات مع الموظف لأنه يؤدي عمله حسب ما طلب منه ، لكنني لم أمنع نفسي من الضحك طوال وقت حساب "الزكاة" بواسطة الموظف ،،،
و كل عام و أنتم بخير و تصومو و تفطرو علي خير ،،،
يعني دي بالجد صعب بلعها، بدل سكن بدوهو للزول عشان يسكن بيهو (يدفعوا كلو أو جزء منو لصاحب العمارة الساكن فيها) تجو تاخدو عليهو زكاة !!!!!
|
|
 
|
|
|
|
|
|
|
 Re: إستخراج زكاة بدل السكن (Re: الطيب الجاك)
|
نتوقع في العام القدام أن تكون "زكاة" بدل السكن كما يلي:
السكن فيلا: زكاة بدل السكن = 50 % من قيمة الإيجار.
السكن في شقة 4 غرف: زكاة بدل السكن = 40 % من قيمة الإيجار.
و هكذا ،،،
يعني لو دخلت في نقاش مع الزول النجر زكاة بدل السكن دي ما بعيد يقول ليك قال الله أو قال الرسول (ص) و بعد داك ينجر ليهو أي كلام من رأسو ،،،
عشان كده تدفع من سكات تكون وفرت علي نفسك حق حبوب الضغط و كل الأمراض المزمنة الممكن تسببها نجرات ذي دي بما فيها شلل الأطفال ،،،
بما إنو المسألة جابت ليها نجر حقو الناس تنجر النجر الدايراهو في الضرائب و تكيل ذي ما دايره بس تبعد من المسائل الدينية
بلد هامله همله ،،،،
| |
|
|
|
|
|
|
|
|
|
Re: إستخراج زكاة بدل السكن (Re: الطيب الجاك)
|
من فوائد الدفع من سكات إنو يطلعك من شبهة الردة ،،،
بالمنطق السائد في البلد عادي ممكن يقول ليك ده ما داير يدفع الزكاة و بالتالي هو في حكم المرتد و تجب مقاتلته حتي يتوب و يدفع ،،،
طبعاً في سابقة تاريخية للمسألة دي و الجماعة ديل بالشايفو في البلد ممكن يمسكو في أي شي و تمسكم الهاشمية ،،،
* خارج النص: سألت أحد الزملاء عن سبب إنقطاع التيار الكهربائي هذا الإسبوع و إذا ما كان مستوي المياه خلف الخزانات لا يكفي للتوليد المائي فكان رده أن المياه كافية للتوليد و لكن هنالك شح في الوقود!
| |
|
|
|
|
|
|
|
|
|
Re: إستخراج زكاة بدل السكن (Re: الطيب الجاك)
|
دفعت ما يجب علي دفعه دون تخفيض أو تأجيل و أكملت إجراءاتي و ما أن خرجت من البوابة حتي إستوقفتني إمراة ،،،، مرهقة ، مهمومة ، تيبست ملامحها ، لفحها هجير الخرطوم في نهار رمضان ،،،
قالت لي أنها جاءت من ما وراء أمبدات لمنظمة هاهنا سمعت أن هذه المنظمة توزع السكر و الدعم المادي و لكن أخبروها أن السكر قد نفد و أن الأموال قد نفدت و لاتملك حق المواصلات للرجوع إلي بيتها ،،،،
أعطيتها الفيها النصيب و سؤال حارق يخترق رأسي عن الأموال التي دفعتها و لما هذه المرأة التي لها حق فيها تبحث عن حق المواصلات ،،،
سيقولون أن هذه المراة و مثلها كثر يكذبن و يتحججن بحق المواصلات كوسيلة للشحدة ،،،
و أقول حتي وإن كانت تكذب فحالها يغني عن سؤالها ما الذي دفعها للكذب و الحوامة في نهار رمضان ،،، و السؤال الأهم من هو المسئول عن إيصال حقها من مال الزكاة لها في منزلها و دون إهدار كرامتها بهذا الشكل ،،،
| |
|
|
|
|
|
|
|
|
|
Re: إستخراج زكاة بدل السكن (Re: ابوحراز)
|
Quote:
زكاة بدل السكن 00 هذه ذكرتني حينما صلينا المغرب باحدى المساجد بالجزيرة
هناك صندوق حديد محكم القفل يوضع باي مسجد من مساجد الجزيرة
وهذا الصندوق لاتوجد به آية قرآنية
ولا حديث نبوي
ولاحتى بيت شعر من الأبيات الحماسية والملهمة لـ حسان بن ثابت
بل مكتوب فيه رقم عداد الكهرباء |
ابوحراز
سلام و تحية ،،، تصوم و تفطر علي خير
إنت عارف ما اظن دخلت مسجد من مساجد السودان و لم أجد صندوق دعم الكهرباء هذا ،،،
الشي العارفينو إنو زمان قبل الجماعة ديل كانت كهرباء المساجد مجانية ،،، و دا ما قانون لكن شبه عرف كده في الزمن الجميل ،،،
و سبب رسوخ فكرة مجانية كهرباء المساجد في ذهني في ذلك الزمن الذي لن يعود هو عدم رؤيتي لأي عداد كهرباء أو صندوق دعم الكهرباء بأي مسجد من مساجد السودان القديم ،،،
قيل - و العهدة علي القائل - أن أحد شيوخ الجماعة كان سارق خط كهرباء من المسجد ،،،
طبعاً دا يؤكد فرضية مجانية كهرباء المساجد في ذلك الوقت ،،،
لأنه و في حالة عدم مجانية الكهرباء فإن هذا الشيخ يكون قد سرق من مال خاص وهو حرام بينما في حال مجانية الكهرباء فإن الشيخ يكون قد سرق من مال عام و هو ما حلله لهم شيخهم الأكبر بشبهة أن لهم فيه حق :-)
و نصلي مما ندفع ،،،
| |
|
|
|
|
|
|
|
|
|
Re: إستخراج زكاة بدل السكن (Re: الطيب الجاك)
|
| Quote: ههههههههههههههههههههاا أسمع يا دكتور دي حصلت معاي في 2005 تقريبا سألت موظف الزكاة في القنصلية بجدة قلت ليه هل تجوز الزكاة في بدل السكن قال لي يعني انت ما عاجبك قلت ليه انا عايز اجابة بس تجوز ولا ما بتجوز وجط معاه جا واحد من جوه ساقو وانا بقيت بدفع اسوي شنو- الله يكون في العون |
مرحباً يا دكتور ،،، حياك الله
عارف يا دكتور الموظفين البكونو قاعدين في الشبابيك ديل مساكين و غلبانين و بعد ده كلو ماسكين القرون محل النطح و الشطح :-)
الناس الحالبين اللبن بكونو مدسين ورا في المكاتب الجوا ،،، و ديل حريفين جداً بخت ليك عشرة موظفين مساكين لحدي ما تصل ليهو و بتكون طبعاً خلاص إتهديت و إقتنعت إنك تدفع و تمشي حالك ،،،
لكن الموضوع في الجماعة الهنا العاملين فيها غمرانيين من الموضوع ده ،،، كلو ما يتفتح موضوع ديني أو موضوع فساد تلقاهم ناطين للزول في حلقو ،،،
أها منتظرين منهم أي حركة كده في الموضوع ده ،،، يجو و يقولو لينا الراي شنو في النجر المصلح ذي ده كده ،،،
و نعيد تكرار سؤالك لهم: "هل تجوز الزكاة في بدل السكن؟"
و نشوف حيعملو غمرانيين لحدي متين ،،، الدنيا رمضان و الشهر لسه قدامنا طويل :-)
| |
|
|
|
|
|
|
|
|
|
Re: إستخراج زكاة بدل السكن (Re: عمار عبدالله عبدالرحمن)
|
الاخ الطيب والاخوة المرور
رمضان كريم
نفس الحديث حصل معي في الفترة من 1999-2003 وكل سنة ما بدفع زكاة عن بدل السكن وكانو بعملو لي تسوية* للزكاة كلها .
وفي مرة تم استدعاء احد افراد الشرطة ولكني لم ادفع وقلت ليهو ( وديني محل ما توديني ) ودفعت التسوية .
التسوية دي كانت في اول سنة لانو اصريت اقابل مدير جهاز سرقة المغتربين ده وعشان يسكتوني عملو التسوية دي فالحصل بقيت كل سنة بجيب الايصال بتاع السنة الاولى وعادة ببدأ الاجراءات اول اسبوع وبتاخد معاي خمسة يوم بالتمام والكمال .
الحمد لله ربنا ريحنا من الاشكال العجيبة دي و بقينا نخش بي فيزاء.
لا زكاة ولا يحزنون والبلد خلينها ليهم وربنا يكون في عونكم
*التسوية عبارة عن ربع المبلغ .
| |
|
|
|
|
|
|
|
|
|
Re: إستخراج زكاة بدل السكن (Re: Osama Mohammed)
|
دكتور الطيب الجاك يا دفعة
كل عام و أنت بخير و رمضان كريم
أنت زاتكـ البوديكـ السودان في رمضان شنو كان ما شلاقة منكـ ساي ؟؟ هههههه
تعرف آخر مرة مشيت المغتربين طلعو لي ضرائب و زكاة و حاجات كده ما عرفتها شنو زاتو بمبلغ خرافي و أنا خلاص العندي زاتها كملت ..
المهم لقيت ليكـ واحد من مكاتب التعقيب العند المغتربين ديل قال لي جيب 150 ألف و أجيب ليكـ جوازك مؤشر .. و فعلاً في أقل من نص ساعة جاب الجواز مؤشر بعد ما طلع تأجيل لكل المطالبات دي رغم إني قابلت مدير ضرائب المغتربين بذات نفسو و أكد لي أنو مسألة التأجيل دي معدوم فيها الأمل نهائي .
الحاجة الوحيدة البتذكرها كانت مسألة الزرزرة في مكتب الزكاة .. الموظفة رفضت نهائي مسألة إني ساكن في سكن تابع للشركة و أصرت تحسب قيمة بدل الإيجار الكان مفروض آخدو لو كنت بآخد بدل إيجار !!!!
| |
|
|
|
|
|
|
|
|
|
Re: إستخراج زكاة بدل السكن (Re: Osama Mohammed)
|
هلا أخ أسامة ،،، حياك الغمام
و الله ربنا حلاك من جنس لولوة و دغمسة مع الجماعة ديل ،،، تأشيرة دخول للسودان و الموضوع إنتهي ،،،
أها نجي للكلام الما يا هو ،،، تسوية و كده ،،،
أهو التسوية دي ممكن تكون في ضرائب ،،، فاتورة موية ،،، سلفية من بنك ،،، لكن في مال الزكاة المستحقة !!! مستطيع إذن تجب عليك الزكاة و يجب دفعها كاملة و إلا فلا زكاة عليك من أصلو ،،،
ما لله فهو لله و هو بالإستطاعة (الزكاة) و ما لقيصر فهو لقيصر وهو بالقوة الجبرية (ضرائب ، جبايات ، و اللازم منو)
فشنو الناس ممكن تخت ضرائب علي بدل السكن ده و ندفع نحنا مجبرين بإعتبار إنو حكم قرقوش و كده ،،، لكن الدغمسة ما في داعي ليها ،،،
تحياتي ،،،
| |
|
|
|
|
|
|
|
|
|
Re: إستخراج زكاة بدل السكن (Re: عمار عبدالله عبدالرحمن)
|
هلا و غلا يا عمار ،،، حياك الله ،،،
تلفونك في الخاص عليك الله ،،، و أكيد حأسجل ليكم زيارة حتي ولو حأدفع الزكاة عن كل ساكني حيكم ههههههههههههه
نعيش ونشوف ساي ،،، و الله يا عمار إنتا عارفنا و جربتنا و عارف إنو القروش عندنا = ورق ملون ،،، لكن حركات الإستحمار بتاعت الجماعة ديل عجيبة شديد ،،،
أهلنا قبيل قالو لينا ما تشيلو حق زول و ما تخلو حقكم لي زول ،،،
أنا مقتنع إنو البدفعو ده ما زكاة و معتبر الموضوع ده ضرائب جانبية و كده ،،،
لكن المزعلني بالجد هو إصرار الجماعة ديل إنو دي زكاة الله و الرسول ،،،
يأخ إستحمار ذي ده ، تخانة جلد ذي دي ، و قوة عين ذي دي مااااااا شوفنا
تحياتي و إحترامي ،،،
| |
|
|
|
|
|
|
|
|
|
Re: إستخراج زكاة بدل السكن (Re: Osama Mohammed)
|
الأخ الطيب
تصــدق قلت للموظف ( انا علي ديــون )
رد ( لازم تجيب ما يثبت الديون دي )
ودفعـني ما يسـمونه زكاة , نســبة من الراتب
دا موضوع مأكلة و ســفســفة ما حصلت للجماعة
مش مديرهم تبرع بـ ( 50 الف دولار ) لقناة فضائية قالوا عاوزين يعملوها
وما اتعملت حتى اليوم , والقروش ما رجعت
| |
|
|
|
|
|
|
|
|
|
Re: إستخراج زكاة بدل السكن (Re: عبدالله احيمر)
|
هلا و غلا يا باشمهندس ،،، حياك الله يا دفعة ،،،
و إنتم بخير و تصوم و تفطر علي خير ،،،،
جمعه مباركه
| Quote: أنت زاتكـ البوديكـ السودان في رمضان شنو كان ما شلاقة منكـ ساي ؟؟ هههههه |
و الله هندسة تقول شنو ،،، مازال قلبنا يخفق لهذا الوطن الجريح ،،، و مازال يسكنه كثير من الأهل و الأحباب الذين نقشو في جدران دواخلنا زكريات لن تمحاها مناظر المطارات و لا الملامح الأجنبية ،،،،
لكن أقول ليك حاجة ،،، مع الجماعة ديل النزول للسودان فعلاً شلاقة ،،، و قلة أدب و يستحق عليها الواحد منا الجلد 40 جلدة ههههههههههههههههه ،،،
| Quote: الحاجة الوحيدة البتذكرها كانت مسألة الزرزرة في مكتب الزكاة .. الموظفة رفضت نهائي مسألة إني ساكن في سكن تابع للشركة و أصرت تحسب قيمة بدل الإيجار الكان مفروض آخدو لو كنت بآخد بدل إيجار !!!! |
إنا لله !!!!
يا خي الناس قدر ما تسئ بهم الظن تلقلاهم أسوأ مما ظننت،،،
يعني أبو حراز الفرحان بإنو ما بياخد بدل سكن و بيدفع من حر مالو لو نزل البلد المره الجايه عادي ممكن يحسبو ليهو زكاة بدل السكن الإفتراضية دي (بإفتراض إنو المواطن السوداني التعيس حظه يأخذ بدل سكن بدليل أنه يسكن ،،، غض النظر إن كان يأخذ بدل سكن أو يدفع من حر ماله )
و الله نجره مصلحة ذي دي ممكن تعمل لإبليس ذات نفسو جلطة و شلل رباعي
عارف يا دفعة الناس ديل مما دخلونا معسكر (سجن) القطينة أصبحنا مسكونين بإحساس السجن هذا ،،،،
من سجن القطينة إلي داخلية (سجن) البركس
إتخرجنا من الجامعة فخرجنا من سجن البركس لنجد أن السودان أصبح سجناً كبيراً ،،،
سافرنا إلي كل المنافي و مازلنا نتنفس هواء السجن ،،،،
الشي الوحيد الفضل لينا هو تغيير الجواز ذي ما عمل أخونا أسامة ،،،،
ربنا يصلح الحال ،،،
بلد ما عندها وجيع ،،،
تحياتي و إحتراماتي يا هندسة ،،،
| |
|
|
|
|
|
|
|
|
|
Re: إستخراج زكاة بدل السكن (Re: الطيب الجاك)
|
هلا يا ولباب ،،، حياك الله
| Quote: والله الناس ديل يحيروا عديل (زكاة ) في بدل السكن ، بس المشكلة لو أضافوا ليهو قيمة إستهلاك الكهرباء والماء والهاتف تبقى مصيبة ، يا أخوان الفينا مكفينا والخوف يجوك ويأخذوا زكاة نهاية الخدمة . |
يعني يا ولباب الجماعة ديل ناقصين أفكار جهنمية ذي دي ؟
إعتبر إنو نجرتك في طريقها للتقنين بواسطة فريق النجارين ،،،
بس وكت ينزلوها في شكل لائحة مفصلة إنت ذاتك ما حتصدق إنو دا الكلام الكتبتو هنا ده ،،،
جمعتك مباركة
=======================================================
عزيزي القارئ ،،،
كما أنت متابع تداخل كثير من الإخوة و ساهمو بتجاربهم مع ما يسمي بزكاة بدل السكن و هي مساهمات قيمة أكدت ما طرحناه في البوست بل و تناولت نجرات و فتلات ما كنا نتخيلها عند فتح البوست مثل : (زكاة بدل السكن-الإفترضي و التي تعني دفع المواطن المغلوب علي امره لزكاة بدل السكن حتي و إن لم يكن يأخذ بدل سكن فقط بحجة أنه ساكن و أن لإيجار هذا السكن قيمة تعادل بدل السكن !!!!) ،،،
كذلك تكون لاحظت عزيزئ القارئ أن كل المتداخلين من زملاء البورد أو من نافذة الفيس هم من لديهم أسئلة و إستفسارات عن زكاة بدل السكن و لم يدافع أي منهم عنها ،،،
و نحن نسأل : أين الطرف الاخر ،،،
أين المجاهدين يجو يجاهدوا فينا و يحاولوا يفهمونا الموضوع ده لأنو فهمنا تقيل شويه و محتاجين شرح خطوة بخطوة ،،،
و مازلنا في إنتظار مرور أي منهم من هنا حتي ولو بغرض المرور من أجل المرور ،،، و لا في تعليمات أن إجتنبوا هذا البوست الفتنة ههههههههههههه ،،،،
| |
|
|
|
|
|
|
|
|
|
Re: إستخراج زكاة بدل السكن (Re: الطيب الجاك)
|
هلا يا ولباب ،،، حياك الله
| Quote: والله الناس ديل يحيروا عديل (زكاة ) في بدل السكن ، بس المشكلة لو أضافوا ليهو قيمة إستهلاك الكهرباء والماء والهاتف تبقى مصيبة ، يا أخوان الفينا مكفينا والخوف يجوك ويأخذوا زكاة نهاية الخدمة . |
يعني يا ولباب الجماعة ديل ناقصين أفكار جهنمية ذي دي ؟
إعتبر إنو نجرتك في طريقها للتقنين بواسطة فريق النجارين ،،،
بس وكت ينزلوها في شكل لائحة مفصلة إنت ذاتك ما حتصدق إنو دا الكلام الكتبتو هنا ده ،،،
جمعتك مباركة
=======================================================
عزيزي القارئ ،،،
كما أنت متابع تداخل كثير من الإخوة و ساهمو بتجاربهم مع ما يسمي بزكاة بدل السكن و هي مساهمات قيمة أكدت ما طرحناه في البوست بل و تناولت نجرات و فتلات ما كنا نتخيلها عند فتح البوست مثل : (زكاة بدل السكن-الإفترضي و التي تعني دفع المواطن المغلوب علي امره لزكاة بدل السكن حتي و إن لم يكن يأخذ بدل سكن فقط بحجة أنه ساكن و أن لإيجار هذا السكن قيمة تعادل بدل السكن !!!!) ،،،
كذلك تكون لاحظت عزيزئ القارئ أن كل المتداخلين من زملاء البورد أو من نافذة الفيس هم من لديهم أسئلة و إستفسارات عن زكاة بدل السكن و لم يدافع أي منهم عنها ،،،
و نحن نسأل : أين الطرف الاخر ،،،
أين المجاهدين يجو يجاهدوا فينا و يحاولوا يفهمونا الموضوع ده لأنو فهمنا تقيل شويه و محتاجين شرح خطوة بخطوة ،،،
و مازلنا في إنتظار مرور أي منهم من هنا حتي ولو بغرض المرور من أجل المرور ،،، و لا في تعليمات أن إجتنبوا هذا البوست الفتنة ههههههههههههه ،،،،
| |
|
|
|
|
|
|
|
|
|
Re: إستخراج زكاة بدل السكن (Re: عبدالله احيمر)
|
الأخ عبدالله مرحبتين حبابك ،،، حياك الله
في البدء نزجي التبريكات لكل الطلاب الذين جلسوا و نجحوا في إمتحانات الشهادة الثانوية ،،، و هارد لك للذين لم يحالفهم الحظ هذه المرة و حظاً أوفر المرة القادمة ،،،،
| Quote: دا موضوع مأكلة و ســفســفة ما حصلت للجماعة |
للأسف الموضوع به شبهة أكل مال الناس بالباطل ،،، و لا يختلف الوضع إذا كان المبلغ المدفوع صغيراً أو كبيراً و إن كان دافعه ميسور الحال أو متعسر فالحق حق و أحق أن يتبع ،،،
شكراً علي مشاركتنا هذه التجربة الملئية بالدغمسة :-)
تحياتي
| |
|
|
|
|
|
|
|
|
|
Re: إستخراج زكاة بدل السكن (Re: Osama Mohammed)
|
يا مراحب بيك أخ أسامة مرة تانية ،،،
| Quote: الخواجات - ناس الشئ زاتا- لمن تشتغل برة بلدك ما بشيلو منك ضرائب وبعرضو عليك انك تدفع مساهمة عشان تحفظ حقك في الخدمات الاجتماعية ( الرقم الوطني ) ولو ما دفعت وجيت مفلس بساعدوك لحدي ما تلقى شغل لا تسوية ولا يحزنون. |
أها مسألة الخواجات دي حاجة براها كده ،،،
أتيحت لي فرصة الحياة و التنقل بين دول الإتحاد الأوروبي ،،، و حقيقي و كت نجي لمسألة مفهوم الزكاة و العدالة الإجتماعية فإن الدول الإسكندنافية (السويد - النرويج - الدنمارك - فنلندا - ايسلندا) تكاد تكون ديار الإسلام ،،،
بتطبيق هذه الدول لما يعرف بالضرائب السالبة حققوا حد أدني من الرفاهية لكل مواطينها و الأجانب المقيمين بها ،،،
سوف أعود لأحكي عنها لاحقاً ،،،
لكن يا أخ أسامة طالما الحكاية جابت ليها خواجات و تجارب خواجات و في ناس حيبدو يسرحوا في إنو نحنا حنصل نصف مستوي العدالة الإجتماعية الموجود لديهم ،،،
فمن الاخر كده أقول نحنا اخير لينا نبقي ناس اخرة سااااااااااااكت و ننسي حكاية المقارنة بين ما يفعله الجماعة ديل و ما يحدث في أي دولة تحترم مواطنيها ،،،
تحياتي ،،،
===========================================
مازلنا في إنتظار الجماعة الطيبين يمروا من هنا إن شاء الله يقولوا رمضان كريم هههههههههههههههههههههههههههه
| |
|
|
|
|
|
|
|
|
|
Re: إستخراج زكاة بدل السكن (Re: الطيب الجاك)
|
Quote:
يعني يا ولباب الجماعة ديل ناقصين أفكار جهنمية ذي دي ؟ |
شكرا يا الطيب ، ديل لو مشوا بأفكاري حأدخل كتاب جنس للأفكار المدمرة هههههههههههههها
صدقني حينما كتبت أعرف كيف يفكر هؤلاء ولا ينتظرون أفكار أمثالي البسطاء ، يا الطيب المرة الجاية هات مع عقد الايجار فواتير الاستهلاك ( ماء ، كهرباء ، غاز)
بس فاتورة البنزين خليهو منفصل .
| |
|
|
|
|
|
|
|
|
|
Re: إستخراج زكاة بدل السكن (Re: ولياب)
|
الاخ الطيب تحياتي مرة تانية
| Quote: أين المجاهدين يجو يجاهدوا فينا و يحاولوا يفهمونا الموضوع ده لأنو فهمنا تقيل شويه و محتاجين شرح خطوة بخطوة |
والله ما اظن في واحد بجيك بجاي .
واحد بلدياتنا من (ناس الشمالية ) جوهو ليك الجماعة لانو رفض يدفع زكاة الزراعة والبهائم ( حقيقة وفي تقديري الخاص اعتقد انه لا يستحق ) وكل مرة يوقولو ليهو ربنا قال.. ربنا قال ... ربنا قال .... المهم لمن زهج منهم قال ليهم : انتو كل مرة تقولو لي ربنا قال ربنا قال ... ربنا ده
الواحد البنعرفو ولا زول تاني ؟(-:
كما قال احد الاخوة ( سرقة ومال سايب ).
كلامك عن الدول الاسكندنافية صحيح وينطبفق كذلك على بعض دول غرب اوربا .
ربنا يعوضك في زكاتك .
| |
|
|
|
|
|
|
|
|
|
Re: إستخراج زكاة بدل السكن (Re: Osama Mohammed)
|
مفارقات تناول الأنظمة العلمانية الغربية لضريبة الدخل و تناول الجماعة ديل لزكاة المرتبات:
=====================
* الأنظمة العلمانية الغربية تقر الضريبة وفقاً للقانون و لا تخاف الله في جمعها أو صرفها إنما تخاف دافع الضرائب الذي له الحق في مقاضاتها أو معاقبتها عبر صناديق الإنتخاب إذا لم تصرف عائدات الضرائب بشكل صحيح و شفاف.
* الجماعة ديل بيقولو إنو الزكاة امر رباني و يخافون الله في جمعها و صرفها و لايخشون احداً غير الله ،،، طبعاً مسألة إنو دافع الزكاة يقاضيهم أو يعاقبهم عبر صناديق الإنتخابات دي صعبة شوية و في الحته دي الناس زي بتعمل رايحة.
=====================
* الأنظمة العلمانية الغربية تصرف عائدات الضرائب علي مستحقيها و بالمليم: تعليم ، صحة ، مراكز الأمومة و الطفولة(1) ، العاطلين عن العمل ،،،
* الجماعة ديل بصرفو عائدات الزكاة و الضرائب علي حاجات كتيرة جداً لكن في زيل القائمة يأتي التعليم ، الصحة ، إبن السبيل ، ،،،،
(1) مراكز مهمتها متابعة حالة الأم من تأكيد الحمل حتي تضع مولودها و من ثم تدفع للأم منحة الحمل (لتكبدها مشاق الحمل) ، منحة رضاعة (إذا دايره ترضع طبيعي) ، صرف علاوة لحساب والد الطفل للقيام بإلتزامات الطفل اليومية ،،،
=====================
نواصل
| |
|
|
|
|
|
|
| |
ابوحراز
عمار عبدالله عبدالرحمن
Osama Mohammed
خالد عبد الله محمود
ولياب
فيس بوك
تويتر
انستقرام
يوتيوب
بنتيريست