كلمات اغنية فطومة .. للشاعر / نعيم علي ---------------- جيتي من وين .. شان تفوتي ؟! فايته لي وين .. ماكي جايه ؟ حرري الضوء من سجونه عودي لي بلد الحفايا ابقي زي خيط الشمس يكسي الجميع من دون عبايه أصلو من بعدك خيارنا ببقي واحد من تلاته : نموت .. أو نموت .. يا نموت .. وبرضو تلبسنا الجنايه نبقي اشخاص في الهوامش نبقي ابطال دون روايه نبقي انوار حلوه زاهيه وضاويه في مدن العمايه نبقي الواح طاهره كانت فوقها مدفونه الدوايه عودي يا اطهر نقيه غرقنا في بحر الخطايا مافي اطفال تاني ناموا حبوبه تحكي نفس الحكاية حبوبة اسكتي بس كفاية كل يوم تحكي لينا فاطمه كانت احلي واحده في النهايه يخطفوها اصلو يوم ماعرسوها فاطمة كانت احلى وااااحدة في النهاية يخطفوها اصلو يوم ما عرسوها حتي لمن تحكي قصه بالفرح بتضن علينا قصه عن غول في البوادي واساسه غول في المدينه فطومه ما سجنوك في قصه انتي ما مسجونه فينا ونحن مسجونين معاكي جوه احزانا الدفينه نحن لافين بي وراكي وانت ما عارفاكي فينا نحن راجنك تمرقي تمرقي مننا شان تجينا وتقيفي لي بحر البلايا عودي يا فطومه لينا نحن من دونك عرايا عودي يا فطومه لينا عودي يا فطومه لينا عودي يا فطومه لينا عودي يا فطومه لينا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Yasir Elsharif
فيس بوك
تويتر
انستقرام
يوتيوب
بنتيريست