|
|
 الشيوعيون والكيزان عاوزين شنو بالزبط
|
هذا السؤال موجّه للشيوعيين المحترفين والعاملين في المعارضة لقلب نظام الحكم.
وموجّه للكيزان بجميع مسمياتهم المحترفين العاملين على تثبيت أركان النظام.
ماذا تريدون من الشعب السوداني بالزبط؟
الكيزان فعلتم في السودان وشعبه ما لم يفعله الحداد في الحديد ولا النجار في الخشب.. فماذا تريدون الآن لنعطيكم له وتحلُّوا عن سمانا؟
الشيوعيون تعارضون وتتعارضون منذ ربع قرن من الزمان ولم تحركوا شعرة في نظام الكيزان القابع على صدر الوطن والمواطن.. يعني فشلكم عينة .. فماذا تريدون من الشعب السوداني ليعطيكم له لترحلوا عن مشاكله وتتركونه لله فهو كفيل بنا وهو خير الرازقين.
نرجو من الإخوة الغير منظمين في التنظيمين المذكورين ألا يسودوا صفحات البوست بما لا يفيد. وعلى المحترفين سواء كانوا كيزاناً او شيوعيين توضيح ما يريدون منا إن كانوا يعرفون. أما إن كانوا لا يدرون وهم ذاتهم رايح ليهم الدرب في الموية فلينقطونا بالصمت .. الذي هو من ذهب إن كان حديثهم سيكون من نحاس.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
|
|
  
|
|
|
|
|
|
|
 Re: الشيوعيون والكيزان عاوزين شنو بالزبط (Re: cantona_1)
|
الأخ كباشي
يسلم لسانك. أؤيدك بشدة في رأيك.
هذه الأيام المنبر أصبح مولد و صراخ حزبي غير مفيدلأنه معظمها يفتقر للمصداقية و يضحك على الذقون و يبيع الوهم.فالناس لها عقول و تقرأ و تحلل.فمن هو مقتنع بمبدأ معين فليدعو له بالحسنى و الذوق و احترام عقول الناس.
فالأجدى أن يكتبوا ما يفيد أما إن كانت تلك الأصوات أبواق أو صدى فتباً لهاتباً كبيرا.
و شكرا على جرأتك أخي كباشي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: محمد عبد الله الحسين)
|
| Quote: و شكرا على جرأتك أخي كباشي |
الأخ محمد عبد الله الحسين بعد السلام
أهلنا قالوا: (النصيحة في ضنب نمر). وقلنا نسالهم لأن الحقيقة ضالة المؤمن. كان عندهم بخور بنشم وكان ناس الله سخرهم للشعب السوداني يوروه النجوم في عز الضهر فنقبل بحكم الله.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: cantona_1)
|
| Quote: الشيوعيون تعارضون وتتعارضون منذ ربع قرن من الزمان ولم تحركوا شعرة في نظام الكيزان القابع على صدر الوطن والمواطن.. يعني فشلكم عينة .. فماذا تريدون من الشعب السوداني ليعطيكم له لترحلوا عن مشاكله وتتركونه لله فهو كفيل بنا وهو خير الرازقين. |
انت قلت النصيحة ضالة المؤمن
هسي عليك الله ده سؤال بتاع زول عنده نصيحة ولا عينك في الفيل وبتطعن في ضله
وممكن تسأل السوال ده لسيدك وحبيبك الصادق المهدي
لماذا قبع هذا النظام طيلة هذه الفترة وما مستوى الدعم الذي ظل يقدمه الامام واسرته لهذا النظام المجرم
ترى جنس دغمستك دي هي الخلت الكيزان يركبوا الشعب السوداني
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: محمد بدوي)
|
Quote: على قول العم شوقي بدري
الصادق المهدي اخ مسلم
يعني يا ابو روضة الصادق جرتق داخل في حكاية الاخ كباشي بس في صف الكيزان بي وظيفة Double agen |
كدي شوف النصيحة القال عليها ضالة المسلم
بتقول شنو غير كده
عموماً هذا التابع من ذاك الامام
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: محمد بدوي)
|
| Quote: يعني يا ابو روضة الصادق جرتق داخل في حكاية الاخ كباشي بس في صف الكيزان بي وظيفة Double agent |
الأخ محمد بدوي بعد السلام
كتّر خيرك على المداخلة. كلامك دا انا ما فهمت قصدك شنو. قلنا دايرين إجابة على سؤالنا من الشيوعيين والكيزان
انت جيتنا بكلام كُتُر ووجهته لأبي روضة.. يعني طفشت الكورة . من فضلك ما تسوي لينا اللخبطة الأباها الإمام المهدي ولك الود.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: محمد بدوي)
|
| Quote: يعني يا ابو روضة الصادق جرتق داخل في حكاية الاخ كباشي بس في صف الكيزان بي وظيفة Double agent |
الأخ محمد بدوي بعد السلام
كتّر خيرك على المداخلة. كلامك دا انا ما فهمت قصدك شنو. قلنا دايرين إجابة على سؤالنا من الشيوعيين والكيزان
انت جيتنا بكلام كُتُر ووجهته لأبي روضة.. يعني طفشت الكورة . من فضلك ما تسوي لينا اللخبطة الأباها الإمام المهدي ولك الود.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: cantona_1)
|
عارف يا اخوي الكباشي
انا رديت على الاخ ابو روضة عشان ما يتكلم لينا كتير و يوجع راسنا و راسك و يقعد ينق و يتكلم كلام كتير
اختصرت ليهو الرد بأنو السيد الامام حفيد الامام الكبير مهدي الله المنتظر و خليفة رسول الله و من لم يبايعه فهو كافر و المكنة السايقين بيها البسطاء من القرن الفات
اختصرت ليهو الكلام بأنه اخ مسلم
يعني في صف الكيزان
عارف يا اخ الكباشي
اشفق على السودانيين من امثالك
الواحد يكون انسان محترم و متعلم و مثقف و اضافة حقيقية للسودان و ممكن يدفع السودان قدام و تلقاهو بيقدس انسان لحد الثمالة وممكن يقتل فيهو عديل
و المشكلة انو البيقدس فيهو دا هو من دعامات قايم عليها النظام الحالي ...
عاين حوليك بتلقى ناس دكاترة متمكنين و شواذ في مجالاتهم
مهندسين و مدراء و مثقفين ولسه بيبوسوا التراب الماشي فيهو الميرغني
و ناس مستعده تقتل وتنقتل في سبيل الصادق المهدي مع انهم يعتبروا من وجهاء المجتمع
اقعد براك في لحظة تأمل كده
شوف الصادق او الميرغني او اي زعيم طائفي قدم شنو
الطائفية و تقديس ناس لا بنفعوا از بالعكس هم سبب ضرر لينا من اكبر مشاكلنا
انا شخصيا بحترمك اكتر من الصادق
قول لي ليه ؟
قريت ليك كم مقالة .. لقيتك شايل هم البلد المجروح دا ... و مقترحاتك ممكن تقدم الكتير و الكتير
و الصادق عمروا ما عمل حاحة وي دي
الصادق بيمشي ينزرع جوة اي تجمع عشان يفركشو
الصادق بيناجي بالديمقراطية و هو اكبر ديكتاتور جوة حزبو
الصادق عمرو ما كان صادق لا مع انصارو ولا مع نفسو ولا تجاه بلدو
فاااا طلب خاص من زول بيعزك و بيحترمك احترام كبير و خاتي فيك العشم
راجع نفسك في حتة الصادق دي بي تأني حبة
تحياتي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: محمد بدوي)
|
الأخ محمد بدوي بعد السلام
كلامك حلو ومعروف ولكن لم نعرف هل أنت شيوعي أم كوز؟
سؤالي موجّه للشيوعيين والكيزان للإجابة عليه وهو ماذا يريدون من الشعب السوداني؟
إنت دخلت لينا المريخ في اللعبة زي بقولوا ناس الكورة.
عاوزين نعرف الإجابة على السؤال وبعدين نعمل برنامج نتفق فيه على الحد الأدني.
عليك النبي كلامي دا ما واضح ولا عاوز شرح تاني أكتر من كدا؟
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: فرح الطاهر ابو روضة)
|
الأخ أبا روضة بعد السلام
كتّر خيرك على المداخلة. سيدي قال الجهاد المدني وياهو قاعدين نجاهد الجهاد المدني بطريقتنا.
لكنك ما جاوبت على السؤال حولته لسؤال تاني.. كدي جاوب على سؤالي ونتفاهم بس خالي بالك طويل زي الهولنديين في كاس العالم.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: cantona_1)
|
Quote: الأخ أبا روضة بعد السلام
كتّر خيرك على المداخلة. سيدي قال الجهاد المدني وياهو قاعدين نجاهد الجهاد المدني بطريقتنا.
لكنك ما جاوبت على السؤال حولته لسؤال تاني.. كدي جاوب على سؤالي ونتفاهم بس خالي بالك طويل زي الهولنديين في كاس العالم. |
خيرك الاكتر
الجهاد المدني ولا الجهاد المدغمس
ولو سالتني الجهاد المدغمس كيف ياهو زي اسئلتك الفي البوست دي
واسئلة فشل الثورة السودانية اصلاً دي ما في محلها لانو ثورات الشعوب ما بتفشل يا الانصاري
لكن ممكن تكلم عن اطالة عمر الكيزان ودي زي ما قلت ليك مسئول منها سيدك الصادق المهدي
اسأله عن تهتدون وعن تفلحون
وعن من مكن للجبهة الاسلامية اصلاً
ومن وقف ضد محاسبة سدنة نظام مايو
ومن المسئول عن اضاعة امانة الشعب السوداني والديمقراطية ؟
ومن يفاوض ومن يهزم المعارضة ويتراجع
ومن ادخل ابنائه واقربائه ومعارفه خدمة لهذا النظام
ومن قبل التسويات وقبض المبالغ المالية من هذا النظام
عن مواقفه كلما بلغت قلوب الكيزان حناجرهم
اما فيما يخص اسئلتك فيما يدور بالمنبر العام من سجال
برضه ما جانبك التوفيق كان ممكن تتابع ما حدث من بدايته لحدي نهايته بعد داك تحكم
اتمنى ان اكون قد اوضحت
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: فرح الطاهر ابو روضة)
|
الأخ أبا روضة بعد السلام
كلامك مسموع ومعروف لكن برضه نطيت من السؤال بكلام لا يجيب على السؤال؟
ماذا يريد الشيوعيون والكيزان من الشعب السوداني وليس من الحبيب الإمام؟
كذلك لم نسألك ماذا عمل الحبيب الإمام إنما السؤال واضح. الله يديك العافية جاوب على السؤال عشان نمشي خطوة إلى الأمام. لك الود والتحية.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: هاشم احمد ادم)
|
الأخ هاشم احمد بعد السلام
كتّر خيرك على المداخلة. ما في حاجة اسمها محايد يا تشجع البرازيل يا هولندا . خليك معانا الله يديك العافية
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: قصي محمد عبدالله)
|
تحياتي ياكباشي
يعني أنت ماعارف الكيزان تحديدا عاوزن شنو؟ بالله الاجابة مطلوبة
وبعدين نشوف قصة الشيوعين ديل ..
غريبة لوقت قريب جدا الكيزان ما بعترفوا بالوجود الشيوعي داخل أمارة بنو كوز الاسلامية ، الجديد شنو؟ لا يكون أحدث ليبيا الأخيرة أدت لنزوح هؤلاء الشيوعين لهذه الأمارة ..
تحياتي
الشفيع
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: كمال عباس)
|
بعد وساطات ، أعطي جعفر نميرى الأمان لمدة يوم واحد لإبراهيم نقد الذى كان مختبئا لحضور اليوبيل الفضي لمدرسة حنتوب ومباراة كرة القدم التي سيلعب فيها نميرى نفسه .. وعُين نقد حكم خط.. عندما انفرد النميرى بالقون رفع نقد الراية، لكن لم يره الحكم ، أو رآه وقال سيبك أزعل أب عاج يلحقني أمات طه، فسجل نميرى قون. نقد صاح في الحكم "الزول دا سارق!" وعندما لم يسمع له الحكم أضاف (أصلوا حكام الزمن دا مابسمعوا الكلام).. أياما طووها يبقي اليوم مسحة من ذكراها .. وفي نهاية اليوم ، مالت شمس السودان الحارقة نحو المغيب تبللنا برشات باردة من وضو المغرب ونسيم عليل يرطب سخانة الجو ، قيد نميرى الى القصر وانقاد نقد الى المخبأ .. [وَلِكُلٍّ وِجْهَةٌ هُوَ مُوَلِّيهَا فَاسْتَبِقُوا الْخَيْرَاتِ] ..
إنت يا كباشي محجر علي الناس ماينضمو لي شنو؟
تصومو وتفطرو على خير
الجميعابي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: كمال الطيب الجميعابي)
|
الأخ كمال الجميعابي بعد السلام
يا زول انت صايم الستوت قبال رمضان ولا شنو؟
كلامك دا بقولوا عليهو بكلام البقارة: (كلام ما بطلعوا بيا الدرنقل). شن جاب لجاب.
المهم حتى الآن ما فيش شيوعي تداخل أجاب على السؤال.. طبعاً أنا زول حقّاني بقول الجماعة دول ما عارفين الإجابة ونستنى الجماعة الواصلين – أكرر ما تسألوني واصلين وين أنا ذاتي ماعارف.
لكن سؤال جانبي: إتوا المنبر دا ما فيهو كيزان ولا شنو؟
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: كمال عباس)
|
الأخ كمال عباس بعد السلام
كلامك طويل وكتير ولكن حلو.. لكنه لم يجب على سؤالي وكمان دخّلت المريخ في اللعبة.
يعني انت ما منظم إجابتك على العين والراس وكلامك فوق راسنا ولكنه لا يفيد في الإجابة على السؤال لأنه موجّه بالضرورة للشيوعيين والكيزان. عشان عاوز أعرف طلباتهم شنو عشان نحاول توفيرها لهم ليحلوا عن سمانا.
قلت الجماهير الشعبية وانا أحد الجماهير الشعبية ولهذا سألت ولاّ إنت عاوز الجماهير تجي كلها وتسأل فرادى او جماعات؟
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: Alshafea Ibrahim)
|
| Quote: يعني أنت ماعارف الكيزان تحديدا عاوزن شنو؟ بالله الاجابة مطلوبة |
الأخ الشفيع إبراهيم بعد السلام
إتا في زول كلمك قال ليك الكيزان دول قاق امي ولا قاق ابوي؟ الوداني أعرف عاوزين شنو من الشعب السوداني. وعشان كدا وجهت السؤال للشيوعيين والكيزان لأني شايفهم بتناطحوا فوق روسينا ونحن راحين ساكت تحت ارجلهم.
تاني هام انت بتتكلم خارج الموضوع الجاب الإعتراف ودولة ليبيا ودولة الكيزان لسؤالي شنو؟
نحن بنتكلم عن مباراة هولندا وإسبانيا تقوم انت تدخل لينا مباراة ايطاليا وارجواي وكجمة سوارس للطلياني؟
يا زول ما تلخبت الكيمان وتسوي لينا اللخبتة الأباها الإمام المهدي
كان انت شيوعي وعارف الإجابةعلى سؤالي جاوبني الله يديك العافية وكان ماك شيوعي الكلام كمل. وكان شيوعي وماك عارف الإجابة ما تشتت الكورة خلينا نسمع من الشيوعيين الواصلين؟ واصلين وين دي ما عارفها. بسمع الناس بقولوها .. انا طبعاً واصل مع سيدي مباشرة. لك تحياتي.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: Elbagir Osman)
|
الأخ الباقر موسى بعد السلام
عليك الله قرِّب السطور عشان نحن كبرنا لمن نفط سطر بننسى السطر الكان اول داك مكتوب فيهو شنو.
انا سألت ماذا يريد الشيوعيون من الشعب السوداني ولم أقل ماذا يريد الشيوعيون من النظام! انت هنا عملت شوية لخبطة ..
الحزب الشيوعي لمن اسسوه ما كنت حاضر وبالتالي ما بعرف اي معلومة عنه وعن برامجه وخططه وسياساته ولهذا سألت في شان محدد وطلبت من الشيوعيين والكيزان يجابوا عليهو.
كان إنت شيوعي وعارف الإجابة من فضلك فيدنا بيها .. وكان ماك شيوعي الكلام كمل.. وكان شيوعي وماك عارفة الإجابة على سؤالي فسكوتك أولى ..
ونكرر السؤال ماذا يريد الشيوعيون والكيزان من الشعب السوداني وليس ماذا يريد الشيوعيون للشعب السوداني يا الباقر ول موسى .. فهم السؤال نصف الإجابة
الله يديك العافية.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: cantona_1)
|
فماذا تريدون من الشعب السوداني ليعطيكم له لترحلوا عن مشاكله وتتركونه لله فهو كفيل بنا وهو خير الرازقين.
----------------------------------
سلام يا صاحب
بالجد سؤالك حيرني .. فكأنك تتخيل ان الشيوعيين هبطوا من كوكب آخر ليرحلوا
الشيوعيين السودانيين من المستحيل قلعهم من التراب السوداني .. وهذا لن يحدث ابدا
فقد حاولت كثير من القوى الدولية الراسمالية واجهزتها الامنية وقف مد تاثير الحزب الشيوعي في الساحة السياسية السودانية وفشلوا فشلا زريعا
وحاولت قوى واحزاب سودانية وقف نشاط حزبنا السياسي بمختلف السبل من اعدام وتشريد وسجون وطرد من البرلمان وفشلوا وعضوا اصابع الندم
ليه؟
لان جذور هذا الحزب انغرست عميقا في التربة السودانية من زمنا بدري فاصبح من المستحيل اسكاته او سجنه
ناضل الحزب ضد الجمعية التشريعية قبل الاستقلال بسنوات طويلة وقدم من الشهداء قرشي الطيب من عطبرة
وبعد اتفاقية 1953م، رفض الحزب الشيوعي شعار الاتحاديين " تحرير لاتعمير"، وطرح شعار " لاتحرير بلا تعمير"
الحزب الشيوعي كان الوحيد الذي نظر لاتفاقية فبراير 1953م نظرة ناقدة وكشف عيوبها
وحتى الان نعمل مع كافة القوى للاطاحة بالنظام الدموي القائم
فخير لكم ككوادر في حزب الامة عدم الوقوع مرة اخرى في مثل هذه الافكار فتصبحوا على ما فعلتم نادمين
ولك احترامي الذي تعرف
ورفض استغلال الدين في السياسية لخدمة مصالح طبقية دنيوية ضيّقة، وطرح الدولة المدنية الديمقراطية
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: خالد العبيد)
|
الأخ خالد العبيد بعد السلام
يا دوبك صحيت مش كدا؟ أها رمضان جاكوا ولا يا توا؟ تقبّل الله صيام وقيام الجميع وما تنسانا من صالح الدعاء.
لم نقل أن الشيوعيين هبطوا من كوكب آخر .. لو هبطوا من كوكب آخر يكونوا غلطانين لأنهم هبطوا في المكان الخطأ والزمان الخطأ.
لكن الشايفو الكيزان يقولوا كاس والشيوعيون يقولون قرعة. الشيوعيون يقولون: تور. الكيزان يقولوا: احلبوه.. هنا الدرب دقش لينا الموية. قلنا نستفسر أصحاب الجلد والراس يورونا المطلوب شنو حتى نعمل نحن جماهير الشعب السوداني الفضل لتوفيره لهم ...
ولهذا منتظرين إجابات على السؤال البسيط المطروح ولكن حتى الآن لم تصلنا إجابة شافية ومفهومة تجعلنا نبني عليها لنتقدم في الحوار – الحوار دي بالله عليك مش كلام مثقفاتية؟
سؤال جانبي يا خالد : منبركو دا ما فوقا كيزان ولا شنو؟ ما سمعنا منهم لا بغم! غريبة مش كدا؟
لك الود والتحايا الطيبة.
زر قناتي في اليوتيوب من فضلك واشترك معنا
http://www.youtube.com/user/KabbashiSudan
كبـّاشي الصافي
| |
|
|
|
|
|
|
|
|
|
Re: الشيوعيون والكيزان عاوزين شنو بالزبط (Re: cantona_1)
|
تحياتي أستاذ كباشي
دعني ارد عليك بعجالة شوية
كما أمل أن تدعني أقول لك أننا لا نحتاج شي من الشعب السوداني .
نحن نقدم ثمرة نضالنا من أجل هذا الشعب أرواحنا وما نملكه من فكر في سبيل مبادي تمثل فكرنا وهمنا الأساسي لتقدم لهذا الشعب
طارحين له برنامجنا ساعين بكل أدب وأحترم لمقدراته وقدراته وما يتمتع به من وعي بهدف أن نحوز علي ثقته لمضي معنا الي ما نهدف له هو تعزيز مرحلة الوطن الديمقراطي ثم الانطلاق لمراحل أخرى تعزز وجوده في الحياة العامة والخاصة وتجعل له التميز بين الشعب وفق أسس واقتصاديات ذات مفهوم ووعي اجتماعي شامل وكل ذلك وفق قبوله وعمله من أجل ذلك
نقول بكل ثقه ما نريده الأن هو قيامة الديمقراطية وتأسيس مؤسساتها في جميع الحياة العامة والخاصة وهذا ليس كمكسب لنا بل مكسب لهذا الشعب .
هذا النظام الذي نريده يمنح فرص مزيد من الوعي الجماهيري عامة يحقق شعارات العدالة الاجتماعية وفرص التنمية الأجتماعية والاقتصادية والتي يصب عائداتها لهذا الشعب ليس لنا نحن كشيوعيين إذا نحن نعمل لتحقيق مصالح الشعب وفق قبول الشعب وليس تعالياً عليه ولذلك نطرح أسس العمل الجماعي والنضالي من أجل مزيد من المكتسبات والحصول علي الحقوق التي لم تمنح بعد في كل مرحلة من مراحل تقدمه
أستاذ كباشي :-
فسؤالك تكمن في دواخله مغالطة تاريخية فالذي يريد هو ذاك الذي ينادي بامتلاك ما يريده فالعلم بأن الشعوب لا تمتلك مطلقاً لكن ما يزال الاستعمار قابع في كل البلدان التي استعمرها فنحن نهدف وليس نريد لان الأهداف تعم الجميع وليس ذات ملكية خاصة كما فعل محمد علي باشا حين تم غزوه للسودان تحت حاجته لذهب (المال) والرجال
فالعلاقة بيننا نحن والشعب علاقة تأثريه يتوسدها التبادل فمثل ما يؤثر فينا هذا الشعب العظيم ناثر فيه بما نطرحه مما نستخلصه من ميوله واحتياجاته من شعاراته ورغباته فنحن ليس أوصيا عليه وليس ملاك له نعطي مثل ما يعطي غيرنا لان غيرنا هو جزي من هذا الشعب الكبير فالاهداف والبرامج هي التي تتفاعل في وسط هذا الشعب
أمل أن أكون قد أجبتك
شاكر لك سؤال
سلمت
| |
|
|
|
|
|
|
| |
cantona_1
محمد عبد الله الحسين
فرح الطاهر ابو روضة
محمد بدوي
هاشم احمد ادم
عبد الحميد فخر الدين
Elbagir Osman
قصي محمد عبدالله
معاوية المدير
كمال عباس
خالد العبيد
عادل البراري
فيس بوك
تويتر
انستقرام
يوتيوب
بنتيريست