|
|
|
 Re: الــبــت دي (Re: مني عمسيب)
|
| Quote: وقصيدة غالية المنال |
وهي كذلك يا دكتور واكثر من قصيدة
رائعة متناسقة احسسنا معها رحلة اغتراب وعودة وحب من جديد
................................................................
النصيحة ليك يا الله البت غايتو شلت حالا
شقي الحال يقع في القيد :)
| |
 
|
|
|
|
|
|
|
|
Re: الــبــت دي (Re: عبد الله شم)
|
وقفنا على باب المطر
انا والشجون واشواقي ليك
نتلقى بادرات الدعاش
نترقب الفال السعد
من بين عينيك
برق الوعد
لما يتلاصف
يصف راكم السحاب
شعلة زناد قدحت
والهبت العصب
وسعدت بيك
ايدي دابت في ايديك
وبيناتنا كان تيار
من الاحساس دفين
ممزوج تلهف
وانبعاثات من حنين
ونحن بنعاين المطر
وانفعالات السحاب
لما ترعد وتتحول الاصوات
سيولا من مشاعر
عامرة بيك
يلاك نرقص
نتبلبل شديد
ثم
نغسل دي الحزاين
وابقى في عينيك اعاين
القاها رايعات المداين
وتشديني ليك
يتشد في الاعماق وتر
ما بين خواطري
وبين بدايات سوط المطر
وهمست ليك
انا ليك نذرت المفردات
واجمل قوافي الريدة
والشعر السمح
واروع حروف شاردات
اوشيها بي حسنك وبي
روعة معاني الاندهاش
يازولة كلما التقيك
القى الفؤاد بي بوحه جاش
ما قلت ليك؟!
في ليلة كانت لونا ابيض
سمعت زي صوت وشوشات
ارخيت سمع
كانت نجيمات
تحكي بي كل الفرح
وتوشوش القول للقمر
كانت بتحكي عن جمالك
وروعة النور في عينيك
وفرحت ثم
شعرت بالفيرة الشديدة
كيف النجوم
تهمس جمالك للنيازك
وتوشوش القمرة الوحيدة ؟!!
وعاينت
ثم في لحظة صفا
اخترت من بين النجوم اجمل
جواهر
ونظمت اسمك في الافق
ومشيت عليك
وانت جاياني ودحلتي
في الفؤاد
نيلين تفرعوا في الشرايين والقلب
وحسيت معاك الانتشا
وسكرت بيك
وفضلت من دنك اكب
لمن اتباقص الليل الندي
واحتواني سحر جميل
ودخلت في نورين
هلة جبينك والفجر
وبسمت ليك
سقتيني زي طفلا غرير
سقتك جمال انسانة
ايديها الحرير
وحسيسنا كان حس مشترك
عصب الهوى الضمانا غير
وكتبت في اول سطر
من الافق
انا ما بريد زولا سواك
اصلا لقيتك يا الحبيبة
بين الخلوق اروع ملاك
وجمعت من كل الفصول
اجمل اريج
وهديته ليك
وبس
| |
|
|
|
|
|
|
|
|
|
Re: الــبــت دي (Re: د.محمد حسن)
|
مالك متضايقة
وشايلة الهم
وانا اتعودت اشوفك رايقة
مالك زاد الضيق الفي عينيك
وانا لو تعرفي
يا مريودة
بكره اشوف عينيك متضايقة
وانت عايني اللون الكاكي
يملا شوارع هادي البلده
وترجعي تاني
تدقي المحلب
ترجي الغايب
في الركايب
وجانا ######
سنونو صفر
شال الامن الكان جواك
وشال من عينك بسمة جميلة
وصافية ودايما رايقة
زي ما انت كمان موجوعة
انا موجوع
لمن اشوف اطفالنا بيبكو
من الجوع
ولمن اشوف
ست الشاي
بترجع بيتهم بعد الكشة
وفي عينيها بتبكي دموع
وانت الدمعة عليك
وحياتك ما بتليق
عليك البهجة
ولون الفرحة دايما لايقة
تعالي علي
اديك صدري
وافتح ليك جوة امان
وانا منتظرك لي زمان
وانت معايب تودي حروفي
عليك كمان
وصوتك جد
احلى كمان
قيثارة ريدة
وعاطفة نبيلة
زي الديمة
الحبلى حنين
هادية وسايقة
قليبي اليك
شان يا غالية
تمطر
وتنبت في الارجاء اليابسة
شتول احلامانا
الكانت ضايعة
تكسر كل موانع
الصد الكانت عايقة
ما تضايقي
او تتنرفزي من الحال
لا بد يتغير
اصلا هذا الحال اتكلس
وصار تمثالا اجوف وفارغ
ما تضايقي يا اجمل زول
خليني انقي حروفي اليك
من كلمات الزعل الشينة
وليك اقول
يلاكي نغني
ونبدا الحالة الفال
بيناتنا الفجر القادم
قمرية تغني
ونسمة تداعب ليها نخيل
والموجة تباري الموجة
تباري القيفة
ويمتد الامل الجاري
كنيلنا نبيل
ونملا مواعين
سهر الغربة
تعبي الليل
بي سجعا حالي
وقلبا خالي من التنكيد
ونضاحك
نجم السعد الساري
ونصابح بيها عيونك
يوم العيد
وبس
| |
|
|
|
|
|
|
| |
د.محمد حسن
مني عمسيب
وضاحة
عبد الله شم
فيس بوك
تويتر
انستقرام
يوتيوب
بنتيريست