|
|
 كلمة السر للقضاء على الانقاذ!! فى حمل صلاح غريبة على ترك المنبر !!
|
وجه الشبه:
الانقاذ لديها يقين مطلق انها على حق دائما
شعارها القمم مستهدفة
اذا نجح المنبر فى زعزعة ثقته بنفسه وحمله على ترك الكتابة فى المنبر والرحيل عنه
عندها فقط نستطيع ان نبعد نظام الانقاذ عن السودان باتباع نفس الطريقة والاسلوب
نشوف الشاطر منو ؟؟
السنجك
ــــــــــــــــــــــــــــــــــــــــــــــــــــــــــــــــــــــــــــــــــــــ
لكل من يعتقد ان الحوار مع الانقاذ والكيزان ممكن
|
|
 
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: Tragie Mustafa)
|
| Quote: اذا نجح المنبر فى زعزعة ثقته بنفسه وحمله على ترك الكتابة فى المنبر والرحيل عنه |
أخونا السنجك لك التحية
صلاح غريبة حاف كده يعنى ما عاجباك كل الألقاب والخبرات التى يحملها بين جوانحه على الأقل خاطبه بواحدة فيها
من ناحية تانية لن يستطيع كائن من كان أن يزعزع ثقة غريبة فى نفسه أويجبره على الرحيل لأننا فى المرصد وجمعية
أصدقئه سنقف بالمرصاد لكل المحاولات البائسة واليائسة لإغتيال شخصيته فارعى بقيدك يا السنجك وابعد عن خبيرنا
ما استطعت الى ذلك سبيلا والا سوف ترى والسلام .
| |
|
|
|
|
|
|
|
|
 Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: alsngaq)
|
يا جيمي
ممكن تضيف السنجك دا لقائمة اصدقاء الخبير بهناك
بالمناسبة
ماهي خطة العمل لشهر رمضان المبارك؟
ارجو من الخبير ان يقلل من فقع المرارة خلال الشهر الفضيل عشان ما يبطل علينا صيامنا، يعني بلاش ندوات ونقاشات ومقابلة صحافيات حسناوات (ام احمد عارفة الكلام دا؟)
كسرة
ممكن نستحمل افطار جماعي واحد بس (اكيد حيكون لاصدقاء السياحة) لانه بورداب الخرطوم الما كويسين ديل بقو يجلوك عادي زي ما قال تجلي فيني 
| |
|
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: elhilayla)
|
الاخوات تراجي ونور
والله أنا كنت خاتكن في مكان قدامي بلحيل وكنت اتمني اتعرف بيكن وخاصة وانه ناس امريكا وكندا ديل باقي ناسا مفلهمين شويا وياكلو في اللقيمات ساكت:
لاكين بعد كلامكن الغير (موثث) وماعندو فيديو في مهابة المهيب الخبير دا أنا غيرت رأى ، كلامكن دا أعوج تب. مع التحية والاحترامات من قبل ومن بعد (وش أصفر ذو آمال خائبه)
أخوكم الجميعابي
رئيس فرع جمعية الخبير (جناح أوربا وكده)
| |
|
|
|
|
|
|
|
|
 Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: كمال الطيب الجميعابي)
|
آآآآآآآ الجميعابى...
سلام...
يا أخوى خبيركم دا بجيب الارتكاريا..
وبيعمل زغلله فى العينين..
ومقص معوى حاد..
وفشل كلوى كمان..
وبما انه احنا ناس كندا وامريكا بناكل اللقيمات..
أها خبيركم دا ما بتخارج معانا..
ولكن الحمد لله رمضان قّرب..
حيتربط 30 يوم مع الاصدقاء والخلان..
ويوم العيد نرجع نشوف موضوع الخبير الاستراتيجى والنووى الشامل ...
...
يا اخوى زولكم دا الهيروشيما ما تلحقه..
يا النبى نوح..
....
ختيت ليك الايقونة بتاعة الاستراتيجية..
| |
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: nour tawir)
|
الأخت نور بركة الجيتي وجيدا شفناك وجيدا سمعنا انكم طيبين
أما خبيرنا يابت تاور ، يابنت الشموس البشائر أهل الكرم اللقيماتن عجينا فائر خبيرنا دا يابت الاصول بنقال فيه:
البارح رأيت بالفي المنام يوايق
يوايق في موايق قلبي خلا يوايق
دا الخلاني لللوم والشُكُر ماني فايق
أميق مايقو أميق من موايق المايق
وبعدين يابت تاور يبدو أنك ماقريتي مداخلاتي: جماعتنا هنا مازى جماعة أمريكا عندنا ناس مابفكو الخت ، دحين قللو من الكلمات المُكانه حقت النضال دى.
| |
|
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: كمال الطيب الجميعابي)
|
يا عبد الماجد سلامات
ويا اخي صلاح غريبه ده قبال ان ينال باس ورد بكري
كان تور الله ي برسيم الله….زول مسكين زول الله.
يعني حتي لو دخل المؤتمر الوطني او خرج مافي زول بيسال عنه.
وفي داخل المؤتمر الوطني ذاته ما بيتصعد لاي حاجه لانه مسكين و قدراته علي قدره
Quote:
والله يا تراجي ،،، عبارتك دي حيرتني بالحيل !!!!.
Quote: ويا اخي صلاح غريبه ده انسوهوا
هو صنع مجده كله من هنا
.
كدي وضحي لينا ،، ما نكون غلطانين في حق الزول !!!! . |
اه بسب الباس ورد
صنع علاقات مع قنصلية و\ النظام بجده
وبعدها تطورت علاقاته لتمتد لناس سفارو النظام بالرياض و
وتمددت اكثر لتصل لناس سفارة النظام بالقاهره وكله بسبب هذا الباس ورد اللعين
ههههههههههه تقول لي شنو؟!
يا اخي غريبه الله يسامحه….نشف ريق الباس ورد
اها بعدها رجع للسودان
ومن هنالك و من خلال هذا الباس ورد بيقشر كل يوم لمجموعه و يوقول لهم بغطي لكم النشاط الفلاني بمنابر الحوار
او ( الوسائط ) كما مسميها (حميدتي) هههههههههههههههه!!
وهكذا ربنا جعل رزق الهبل علي المجانين!!
والبتقع من السماء يتحملها منبر بكري ابوبكر ده. هههههههه!
| |
|
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: alsngaq)
|
آآآآآآآآآآآآآآ الجميعابى..
سلام..
يا أخوى نحنا من غير الناطقين باللغة العربية...
يعنى بنلفح من الاعراب الحايمين فى البورد..
وكلمة تصيب..
وعشرة يختن..
وأنا بكتب على طريقة يا ايدى شيلينى ختينى...وهكذا..
اما موضوع اللقيمات دا...
فصعب بالحيل..
عشان أحنا بنشتريه جآهز..
يعنى ما عندنا الاخلاق التقّعدنا قّدام الكانون..
ونشيل ونرمى..
أها كان حبيت موضوع اللقيمات الجاهز حقنا دا...
قول عووك..
عّلا تلقاك فى قلب كندا..
بس الجرسة من البرد على مسئولية صاحبها..
ورمضان كريييييييييييييييم..
تصوم وتفطر على خير..
وكل سنة وأنت بألف خير وعافية..
| |
|
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: nour tawir)
|
نور سلام
اسمحي لي امرضك شويه كده زي ما مرضني الزول ده:
قال :
هذا ما حدث امس بعد انتهاء محاضرتي عن "صناعة الثقافة"بمركز راشد دياب
Quote: اذكر انني بعد نزولي من المنصة قابلتني احدى الحسناوات -اظنها صحافية- واشادت بالمحاضرة واشارت بأنها متابعة لكتاباتي في سودانيس اون لاين وتستغرب عن الهجمة الشرسة التي اتعرض لها. شكرتها وقلت لها :
واثق الخطي يمشي ملكا.
شدت على يدي وقالت : والله كلامك صاح. |
الحسناء يا نور قالت ليهو والله كلامك صاح شفتي كيف!!!
كمان جابت ليها معجبات من خارج رابطة سودانيز اون لاين
المشكلة اسي بقيت شايل هم الحسناء دي والله بالجد ياربي قصدها شنو
تكون جادة مثلا!!!
يا جماعة الناس البتفهم كلها تركت البلد وقعدوا فيها ناس غريبة ديل يحاضروا لشباب السودان!!!!!
فعلا من أين جاء هؤلاء؟!
السنجك
| |
|
|
|
|
|
|
|
|
|
Re: كلمة السر للقضاء على الانقاذ!! فى حمل صلاح غريبة على ترك المنبر !! (Re: alsngaq)
|
السنجك...
تمرضنى كيف يا أخو البنات ؟
ويا خال فاطنه ؟
لاقينك وين ؟
بما أنو نوعيتك دى انقرضت..
وبقينا فى السهلة..
الانقاذ تلّطش فينا أشكال الوان..
وبعدين موضوع الخبير النووى دا ..
جد محير...
أول بالتبادى كل ما اشوف اسمه أتذكر زيت الخروع..
والحالة المعدنية تتلخبط معاى لآخر درجة..
الزول دا ما مجنون..
ولكن بارد ولزج..
هو عارف انه الكلام البكتب فيه دا...
كلام الطير فى الباقير..
لكين يقول للبنية...
وآثق الخطوة يمشى ملكا..
خّلى بالك..
صلاح خروع دا..
من علامات يوم القيامة...
تصوم وتفطر على الف خير وهنا...
| |
|
|
|
|
|
|
|
|
|
Re: . (Re: صلاح غريبة)
|
الكريمة بت تاور شكرا على الرد عادة ناس الممبر القُدام ديل بجاهلونا وأنا الحكاية دى باقي قاعدة توجعني خلاس وخاصة الأيام دى الفحيص قالي الحرد مرتفع عندى 4 صلايب. أنا بشوفن كثير قاعدين في العتمور القدام دكان بكرى يتجرعون الزكريات عن البوردابي الفنجرى أب جيبين النقلوه للجزيره بورد والبوردابي المشلهت وإيدو واحده العينوه في مواصلات العاصمة والبوردابي المحظوظ ود أبراس البتو رسلت ليه فيزا لي كندا ، وعندما ينعكس شعاع من نور الرتينه على وجوهم ترى فيها إنبعاث أمل ولحظات صفاء روحانيه وتختفي للحظة تجاعيد سنين الغربة وشقيق وجه الشتاj، أقول في نفسي أدّداخل معاهم لكن أذّكر حكاية شافع الرباطات وكونسيكونسز التحشر.. حبوبتي بتقولينا ياوليداتي الله ايدكم الفي مرادكم وفوق الفي مرادكم..ولك ذلك يابت تاور وكل من تحبين وناس البورد كلهم وعموم أهلنا في السودان تصومو وتفطرو على ألف خير ..
التحية والود...
الجميعابي
______________________________
يا إيدى: والله يا أخت نور أنا كت زيك قايل إسم مهابة خبيرنا المهيب جاى من الغُريبة الحاجة الطيبة لكين بعدما تمعنت في افكاره الوليده وانبثاقاته الجوفيه وقع لي كلامو ... تابعي
شيلني: وبعدين انتي مالك قاعده للخروع في ضل الضحا ، مالو الخروع فيه فوائد عظيمةفهو حسب رأى مهابة الخبير من النباتات التي يتبادلها المحبون
| |
|
|
|
|
|
|
|
|
|
Re: . (Re: كمال الطيب الجميعابي)
|
آآآآ الجميعابى...
ضّحكتنى لمن قلت كفا..
وأحنا باقى ناس بّرا ديل..
الضحك معدوم من عندنا...
حكاية افكاره الوليدة وانبثاقاته الجوفية دى طلعت فيها خبير لغات عديل كدا..
وبقيت منافس للخبير النووى فى مسألة اللغات...
وهو طبعا متابع (يقّصر الملح)..
وكت الكلام حرقه دخل سّجل زيارة رسمية..
وشوف بقا زيارات الخبير النوويه..
يعنى الكلام دا معناتوا الحكومة ظات نفسها رضت عننا..
وبعد كدا العودة الى السودان اصبحت سهلة..
وما فيها جرجرة أمن ولا سجن النسا ولا أى حاجة..
دحين أت كان ما فى السودان...
لاقينى هناك..
عشان نطلب من الحّجة صحن لقيمات مآكن..
وكباية شاى بلبن بالنعناع والقرفة..
وآخر تمام..
لمن تدوبى..
وأنا ازقرت ليك..
تصدق زيارة الخبير النووى دى..
انا قررت اخليها رسالة الدكتوراة بتاعتى...
فى تواضع الخبراء الاستراتييجيين النووين..
| |
|
|
|
|
|
|
|
|
|
Re: . (Re: nour tawir)
|
لا لا يابت تاور أنا حكاية النضال دى مابقدر عليها أنا عندى شفع بربي فيهم ....وبعدين يبدو إنك إنتي مامسقفه .. هو ما اسمو سجن إسمو دار العابدات التائبات ومنها لاحمد شرفي وقد نسيت إسما
ومن ثم أنا زول مخي تخين شويا كلام الجبهجية بفهم نصو ونصو بطش منو والشيوعيين يودى ويجيب والجمهوريين ديل أنا مابفهم تب منهم ولا كلمه أها أباريك للسودان اتلكلك في كلمه واحده الطراني ماينطرى
وكمان ناس مطار الخرطوم سمهم فاير الأيام دى يطلعوني مرتدة ... أها أحلها كيفن دى؟ لا لا لالقيمات ولاغيرو ... اللقيمات في كندا بلد الطرواة .... كدى قوقليلي أكان كندا عندها سفارة في آيرلندا..
المهم ....أنا شغال سرا عشان أجندك لتكوني من العضوات العاملات في معية مهابة الخبير ، إنت عارفه! الناس البنضمو ليه ساهي ببقو خبرا في التقنية النووية وكده يعني شوفي أنا حسي مع أنو مخي تخين لكن عندما أتحدث عن مهابة المهيب الكلام يمرق منمق ومنسق بالاخص حكاية الحمض النووى البعصروه من الخروع النتي بتستهوني بيه دا... بس إنتي أبقي عضوه وخلي الباقي على...
شاهده قبل النشر أضف رد مستطيل لاداعي له
| |
|
|
|
|
|
|
|
|
|
Re: . (Re: كمال الطيب الجميعابي)
|
كمال اخوي
تحية طيبة،،
بس كيف يجاهلوك يا كيمو والله كلنا غلطانين اذا وصلك ااحساس زي ده ولك العتبى حتى ترضى
بعدين الكبر دخل يا كيمو اخوي وعلى قدر الفينا الخبير الدولي ده ما قصر فيهو.
لكن بالجد دي ابدعته فيها :
Quote: يا إيدى: والله يا أخت نور أنا كت زيك قايل إسم مهابة خبيرنا المهيب جاى من الغُريبة الحاجة الطيبة لكين بعدما تمعنت في افكاره الوليده وانبثاقاته الجوفيه وقع لي كلامو ... تابعي
شيلني: وبعدين انتي مالك قاعده للخروع في ضل الضحا ، مالو الخروع فيه فوائد عظيمةفهو حسب رأى مهابة الخبير من النباتات التي يتبادلها المحبون |
اها يا كيمو انت ما بتقدر على حكاية النضال وانا ما بقدر اتابع الخبير الكوني ده من غير زيت الخروع في يدي.
| |
|
|
|
|
|
|
|
|
|
Re: . (Re: alsngaq)
|
الأخ السنجك لك التحية والاحترام
والحمد لله اللتعرفنا عليك أخيرا ، بس من هسع بحذرك أنا مرات مرات بشوت من برا الخط عالى واطي ومرات بدخلها في قونا وأجرى ليك وأقلع فنيلتي... طشاش مبكر ... فدحين ماتأخذو وأجد لأخوك العذر
وأنا قايل نصها جرسة من رمضان ال 17 ساعة دا...
لك التحية والاحترام وإنشاء الله إديكم الفي مرادكم...
الجميعابي
| |
|
|
|
|
|
|
| |
alsngaq
صلاح غريبة
محمد الطيب محمد
Tragie Mustafa
جمال خضر
محمد عمر الفكي
عبد الماجد مصطفى
nour tawir
elhilayla
كمال الطيب الجميعابي
فيس بوك
تويتر
انستقرام
يوتيوب
بنتيريست