|
|
|
 Re: ابو الريــش فــوق الشـجرة ..خضراء وارفةٌ مزدهــرة .. (Re: HAIDER ALZAIN)
|
ابو الريش ..
لسلامتك نصحتك بالنزول عن الشجرة..
في داعي تمشي تشكيني للناس..آخر جزاء المهتم بيور سيفتي اند كير اباوت يو؟
ذكرتني في مرة جايين من المدرسة لقينا شافع دابو لسانو فك طالع في الحيطة.. واحد معانا قالوا يا جنا انزل ما تقع ..
رد عليهو مالك بي داير تعالجني..؟
شوفت مساخة الشافع دا كيف :)
زي ود الرباطاب القال للضيف دقوني في التحشر المتل تحشرك دا..:)
| |
 
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: Abureesh)
|
عندنا ضيف جاء زيارة لتوأم حسن وحسين
حسن بحب ينوم جوة الغرفة وحسين بحب ينوم برة الغرفة
والأتنين ما بحبو زول ينوم جنبهم
حسين شال سريرو وطلع برة خلى الضيف مع حسن جوة الغرفة
حسن قال ليهو قوم نوم برة الغرفة دي مسخنة وأنا متعود عليها
الضيف شال المرتبة وطلع نطة ليهو حسين قال ليهو لا الجو بعدين ببقى برد وبتجيك نزلة أمشي نوم جوة
المهم بقى شغال كدا لمن زهج شال المرتبة ووقف في الباب قال ليهم وروني أنوم وين أو خلوني أسافر هسة
هسة بالله يا حيدر ورونا نقرأ وين هنا ولا هناك عند أبو الريش
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: محمد حيدر المشرف)
|
سلامات وتحية ود المشرف..
| Quote: ذلك لا ينفي طرافتها على اية حال يا حيدر .. |
دا الفتني للصورة ..استغربت طرافتها..
الاستغراب يا صديقي انه ربطتها بشخص ابوالريش الجامدة حد الملل بالمنبر..
قلت اكيد ابو الريش طالع شدرتو بفهم..
بس مشكلتي معاهو انه لي هسع ما عاوز يستهدى بالله وينزل يتفاهم :)
تحياتي..
ومبروك لسواريز ..وسحقاً لبريطانيا الاستعمارية
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: Abureesh)
|
Quote:
ابو الريش ..
لسلامتك نصحتك بالنزول عن الشجرة..
في داعي تمشي تشكيني للناس..
|
أبو الريش يشتكيك يا حيـدر الزين؟!!
أولا افهم أبو الريش ما بشتكى.. نحن الناس تشتكى لينا، ونأخد لها حقها.. جرب لو مظلوم من احد على شرط تكون صادق.. والبيظلمنا ما نشتكيه للناس، نشتكيه لرب الناس
وسلاحنا ما شتائم ولا غيبة ولا نميمة ولا رمى بالباطل.. وإنما سلاحنا ألم ترى... لا تترك قدام لا ورا.
| |
|
|
|
|
|
|
|
|
 Re: ابو الريــش فــوق الشـجرة ..خضراء وارفةٌ مزدهــرة .. (Re: عبدالعزيز عثمان)
|
Quote: واللاى كويس يا معاوية المدير ووود الزين..
عددوا النوايا من البوست وخلوه يشتغل شوية كأس عالم وحاجات زى دى،
لأنو لو حصرتوه فى الشجـرة ما جايب حقو وحيطلع بالخسـارة..
تذكروا الحكمـة!!: رحم الله الفقيــد ونصلح عناقريب.. |
.
يا ابو الريش عاين جاي،
لآمِن تنزل خلِي الجوكر فوق، عشان لآمِن تجُر ود الزين
الخمسين تديهو ليهو بايظ في حنانو زاتو، وبرضو بنصلّح بنابِر.
عليك الله يا ابو الريش ما بتعرف معنى الشِقلة ؟.
ود بادي قال:
مِرحاتنا شرابهِن يوّت ما غبّن
شبعانات في (الشِقِل) اب شوك ما شبّن
الحُمّل وِلدن وربّن
حلماتهِن تِقلن فوق سيقانهِن كبّن.
واظن هنالك ضاحية من ضواحي الخرتوم
يقال لها، الشِقلة. أحمق ما يكون الرجُل إذا
عمل بظنه. والله صحي...
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: HAIDER ALZAIN)
|
Quote:
هو انتو في الشرق غيــر شجر الميسكيت شن عندكم ؟؟
|
يا حيدر باللاى خلينا في نقاش نفرين وما نجيب الشرق والشمال.. ما عايز أقول كيف انكم لســـه بتزرعوا بالشادوف الخلاه ليكم بعانخى الله يرحمـه.
الشرق غنى بكل أنواع الأشجار والجبال والوديان.. أما الشماليـة.... ياخ لو في دليل علمى واحد ان الأرض مسطحـة وما كروية تكون الشمالية..
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: Abureesh)
|
**ابو الريش طلعوك للشجرة دي طلوع سياح بسلالم اسمنت**
عارف يا حيدر الناس الكانوا معاى بذلو كل مجهود من نصائح ومحاولات عملية عشان ما أطلع وكانت قلوبهم في اياديهم لحد ما نزلت؟
زيك ما بعرفوا ناس الشرق.. ناسنا الواحد تلقى عمره اكتر من سبعين سنة، ولسـه يقفز من صخر لصخر في الجبال.. ويشرب السمنة الإنتو تقولوا عليها كلسترول وفات وما عارف شنو تانى..
واحد عمنا قال زمان نحن ما عندنا امراض.. ولما زول يكون عيان دا إلا يكون مفلوق أو وقع كسر إيدو واللا رجله.. موش حناكيش زيكم الواحد يقول ليك عندى حساسيـة وعندى قلب وعندى
فشفاش.
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. quote] (Re: Abureesh)
|
Quote:
انا يازول سكتلك كتييير .. لكن والله اقوم عليك بتعرفني براك
|
حيـدر الزين
يا زول إنت تهـظــر واللا نقيف ونربط الحمـ ـار؟
زى ما شايف دائما وشى واحد ومقبل على جهـة واحدة وما إتلفت يمين وشمال.. حتى لما أخ كريم طلب منى أحذف
البوست بتاعى حذفته ولم أطالب بخطوة مماثلة منك بل واصلت معك هنا بإعتبار إنك تمزح والبوست استراحة محارب.. ولو داير نقلبها جد جد ما عندك مانع.
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. quote] (Re: قصي محمد عبدالله)
|
الأخ قصى،
شكـرا جزيلا على التعليق والعبارات التي تكلامت بها في حقنا وارجو ان يكون لى حظ فيها.
أساسا بدينا النقاش بدون ما يكون في تعارف.. ودى كانت خطأ.. ومن حق هؤلاء الأخوة على ان أعرفهم بأبو الريش، عشان الكلام والنقاش يكون على بينة.. فأنا لم التقى أي منهم، وطبعى أن لا اسمع كلام الناس في شخص غائب
فهـذا حرام بل ليس من اخلاق الرجال.
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. quote] (Re: Abureesh)
|
Quote:
ياخي العلم والمشاريع القاعده في راس ابو الريش
ومي لاقية درب مرقة
مش تطلع شدرة
دي تطلع كليمنجارو
|
الأخ عبد العزيز،
سلام
كلامك دا معناه، لو العلم والمشاريع (النظرية) ملأت رأس زول، وما لقت درب مرقـة، فهو أكيـد حيطلع جبل كليمنجارو موش شجرة وبس.. يعنى حيجن..
وأحب ان أنصحك ان لا تتحدث فيما لا تعلم.. فإن المؤمن مراة أخيه .. ومكالمة تلفونية (أو مكالمتين) ليست كافية لتعرف الناس.. وطبعا لا يمكن معرفتهم عن غير طريق المعرفة المباشرة.
لذلك أقول لك ان عبارتك ان علم ومشاريع أبو الريش ما لقت درب مرقـة لم تكن موفقـة ولم تكن صحيحـة.. فإن المشاريع التي قمت بتصميمها وتنفيذها لا زالت تعمل ومنذ أكثر من 5 سنوات.
وفى الشهور الماضيـة فقط كتبت برامج كمبيوتر تعمل به الان أكثر من ست شركات.
صورة مع د. جبريل، وزير الزراعـة بولايـة النيل، الذى زار جناحنا في المعرض الزراعى في الدوحـة، وقمت بشرح نظام الرى المركزى الذى قمت بتصميمه وتنفيذه لصالح شركة قطرية، وقد طلب السيد الوزير اخذ هـذه الصورة
ثم أعطانى كرت عنوانه لأتصل به عند مجيئى للسودان.. وكما ترى فإنى أتعامل مع السودانيين في الخارج بصرف النظر عن انتماءاتهم السياسيـة.. (داخل السودان القصـة مختلفـة)..
في الصين - مصنـع الأتممـة، لتصنيع نظم التحكم الالبيـة.
أحدى مؤسسات براءة الإختراع في الصين المكونة من محامى الملكية الفكرية ومهندسون وعلماء في كل المجالات.. وقد تعاملت وما زلت معهم لتسجيل براءات لى ولبعض من أتعامل معهم.
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. quote] (Re: Abureesh)
|
نواصل الرد على اخينا عبد العزيز،
نجى لسيـد البوست الذى سكت لنا كثيراً..
وحــدة التحكم باللاسلكى Remote Terminal Unit التي تتصل بالنظام المركزى في المكتب الرئيس عن طريق لاسلكى بعيـد المدى (أكثر من عشرين كيلومتر)
وتنفذ برامج الرى اليومية دون الحاجة للاتصال بالمكتب. من تصميمنا .. من الإلكترونيات والسوفتويـر، وحتى الصندوق الخارجي.
وهـذه المزرعـة تروى عن طريق نظامنا..
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. quote] (Re: Abureesh)
|
الاخ المحترم جدا محمد عثمان..
في الحقيقة ،،اولا جزء من البوست كان تعاملا غير رسمي ،ومواصلة لروح لطافة تبنيتها انت وسميتها استراحة محارب..
ثم لا من بعيد ولا من قريب حتي من قبيل الدعابة قصدت ما ذهبت انت اليه...
ثقتي في كفاءتك وتميزك وايماني بمقدراتك لا تحده حدود..
ما ذكرته من برامج تحققت بالبوست قلته لي،،ولكني لم اشك ابدا ان الاحلام والبرامج التي ببالك عصية علي التحقيق...
كتبت انا بوست مزح عن لقائي بغيت،،وشاغلني ود المدير،،ثم مزاحتني انت بان اسمك ليس بيل غيت،،اتمني ان تكون هذه جزء من الدعابة،،وبالمناسبة لم تكن انت في خاطري حين كتابة الموضوع كان حلمي الخاص...
تالمت جدا ان اكون باي صورة من الصور قد سببت لك اي ضيق..
بالمناسبة مكالماتي معك مصدر فخر ومسرة ،،ولقد كانت مكالمات نبيلة عبرت عن احلام محترمة،واشواق للخير والعطاء كبيرة،،وفي راي انها زادتني قناعة وتعريفا بشخصك الذكي...
ستظل محترما عندي لاستحقاقك لذلك من خلال مكالمتينا،،وما كنت لابتدر مساحة غير رسمية لو لم اظن بانك اردت البوست لذلك..
مع خالص معزتي واحترامي...
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: عبدالرحمن عزّاز)
|
الاخ العزيز عبد الرحمن عزاز ..
سلامات والمودة يا صاحب
| Quote: والله يا أبوالريش لو ساعدت مداخلاتك الفوق دى بوجوه ضاحكة و حزينة و مدردقة تكون شلتها بالقاضية |
ابو الريش انسان ما فنان وماعنده لمسيات جمالية وتلقاهو مابيعرف للوجوه الباسمة .. جامد كما صخور الشرق وجبالها الجرداء الكئيبة 
هسع فهمت من مداخلاته انه زراعي شاطر :)
لكن بالله قابلك مزارع ما بيعرف اللعوت .. والا الشقل
يا ابو الريش معليش مزحوم شوية لكن ما تتحس من كلامي .. دا هظار بس بي ترس تقيل :)
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: Abureesh)
|
Quote: Babiker Suliman Mohamed Ali · يعمل لدى
University of Alberta Faculty of Engineering
"واظن هنالك ضاحية من ضواحي الخرتوم
يقال لها، الشِقلة. " واحلالي واحلالي واحلالي من الحنكشه دي ياناس الله والله الشقله تدور
ريد دير بكراع ###### سني كاملي بي تكسيك ده ماتسويلك فيها مترمربع ملك البيت فيها بقي
بالملايين آود المدير. |
يا بابكر،
بتعرف البربندي وأُم خِنيجِر والبرود وأُم بِعبِر ؟؟؟.
صاحبي صابر خدر عندو بيت في الشقلة،
بيديني نُص، أها...
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: معاوية المدير)
|
** جامد كما صخور الشرق وجبالها الجرداء الكئيبة **
يا سيـد حيدر قلنا ليك بطل كلام في الجهويات.. خليك في اللعوتة والشقلـة.. وخليها مستورة.. الشادوف دا.. مسكين التور.. 99% من طاقته ضائعـة في التروس الخشبية الضخمة التي يزن كل واحد منها 100 طن،
بس زى ما خلاها ليكم ترهاقا.. وترهاقا ما عنده ذنب لأن في زمنه ما كان في المونيوم خفيف وقوى للأذرع، ولا حديد اصغر واخف للتروس.. الذنب ذنبكم القعدتم في نفس الحتة زى المساطيل الما يحبوا الحركة والاصوات.
لو طورتوها كان تور واحد سقالكم كل مزارع القريـة.. عاملينها لينا كلها قراصـة ومريســة.
بالنسبـة للبوست ما تشيل هم، لكن في أصناف من البشر أساسا ما عندهم موضوع ولما يقروا بوست زى دا طوالى العميان شايل المكسر، ويختوا سخائم نفوسهم على انها مداخلات..
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: Alfarwq)
|
الحبيب الفاروق.. سلامات يا صاحب
انت قاصد صلاح ود الحُسنى !
ساكن اظن مع اخواله في الترعة على جسر الميرغنية خلف موقف ود شريقي والا صلاح تاني ؟
اذا هو هذا الصلاح الرجل العظيم فوريني مالو عمل شنو :)
بعدين عندما اتحدث مع ابو الريش عن طبيعة الشرق البتشبهه فبالتاكيد لا اعني الشرق البهيج المرتوي بخضرة كسلا والقضارف وسحر التاكا ورونق جبيت ..
قصدي في الشرق الكالح الاجرد .. شرق مسمار وسواكن وطوكر وهيا كل المحطات الخلوية المتروكة التي ان ربطت فيها معزة تهرب :)
| |
|
|
|
|
|
|
|
|
 Re: ابو الريــش فــوق الشـجرة ..خضراء وارفةٌ مزدهــرة .. (Re: Abureesh)
|
أبو الريش .. أها وصلنا وين ؟
معليش زي ما قلت ليك مشغول شوية لأنه زي ما شايف الايام دي في تغيرات جيوسياسية رهيبة يمر بيها الخليج العربي - الفارسي ..
واخواننا البدون طبعاً جوة الجك خاصة ناس الكويت ..
فشنو طول بالك معاي لغاية ما نحل اشكاليتهم.. هم مشكلتهم قالوا عاوزين يستقروا في المنطقة ما بين الفاو وخشم القربة ..
بس اللجنة الفنية اقترحت عليهم منطقة سنكات لانها محتاجة تطوير شوية .. فشيل الصبر ما تقعد تعد :)
بعدين انا واعدك بكأس العالم وانت قعدت تحسب من دوري المجموعات.. ذكرتني الفرق الأفريقية ..يشاركو في كاس العالم وهدفهم فقط التأهل للدور التاني بتاع الـ16
خلي طموحك كبير
ـــــــــــــــــــــــ..
اللويسة خليها بتعرف الدِمسيس ؟
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: HAIDER ALZAIN)
|
حبيبنا حيدر
ياهو زاتو صلاح الساكن مع ناس عم عابدين الله يرحمه والد بشير و معتصم و عم حسين والد استاذ ماهر و عبدالقادر ... زول جادي اكتر من الجدية .. جادي حتى في المزح ..
و بما انك يا حيدر ود حلة و ما حصل اتقابلنا مشيت بحته لقيتك قريب جدا .... مع المعذرة اني سالت عنك من غير استاذان ... بس السالته زول ما بعيد ... سالت اخوي احمد او احمداني كما هو معروف
زول يعرف المعكابي يعني الى وقت قريب كان جزء من ابناء حلوف و ابناء العباسية ...
الشئ الغريب ما حصل اتقابلنا ... او اتقابلنا و انا مسطح ..
على العموم رقمي في المملكة هو 0504561073
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: HAIDER ALZAIN)
|
و الله يا حيدر اتشرفت بالتحدث اليك و متكيف جدا من بعد المكالمة معاك ... مكالمة اعادة ذكريات جميلة و رجعتني لي ايام رائعة ...
و انت نعم الاهل و الجار ... و يا خالدالعبيد جاك بلا :))
ابو الريش يا زول اسحب حيدر ولدنا و بحكم انه مننا و فينا 15 صفر لي حيدر ...
تشكر يا حيدر للمبادرة و الاتصال و معرفتك عن قرب كنز
| |
|
|
|
|
|
|
|
|
|
Re: ابو الريــش فــوق الشـجرة ..خضراء وارفةٌ مزدهــرة .. (Re: Alfarwq)
|
Quote: انت ناس القروش ديل قاعد تلم فيهم وين
قاضي وقت دخل المتوسطة نحن كنا فيها سنة تالتة .. لكن المدرسة كلها ناس تالتة قبل اولى عاوزة تصاحبو تقول لي تبدله بي عدة |
ابو أسيل العدة ذاتها كتيرة فيهو
طبعاً هو دفعة اخوي الاصغر مني واستأجر مننا محل وكنا 5 سنين الوش في الوش.
لو حكيت لك نوادرو معاي بتقول لي المنفلة ذاتها كتيرة عليهو
| |
|
|
|
|
|
|
| |
HAIDER ALZAIN
saidahmed shami
محمد حيدر المشرف
Abureesh
حمد عبد الغفار عمر
معاوية المدير
فيصل محمد خليل
عبدالرحمن عزّاز
rani
عبدالعزيز عثمان
قصي محمد عبدالله
Alfarwq
محمد عمر الفكي
فيس بوك
تويتر
انستقرام
يوتيوب
بنتيريست