|
|
|
 Re: جمعية أصدقاء الخبير صلاح غريبة (Re: محمد عمر الفكي)
|
12 + 7 - 1 = 25
25 * 100 = 10,000 دولار..
كدي نحن نبدأ شغلنا وفعاليات هذه الجمعية الخيــرية المباركة بجمع اشتراكات الاعضاء المحترمين وتبرعات الخيرين من أهل البر والاحسان وتحويلها على حسابي رقم 11658413 .. وبعد داك الحضور والانصراف هين ..
كما وأقدم إقتراح للسادة اعضاء المكتب التنفيذي للجمعية بعدم قبـول عضوية السيدات بالجمعية او بالمكتب التنفيذي نسبةً ولأن الاجتماعات والمداولات سوف تتم عبر الاسكايبي..
وكلنا يعلم محظورات خبيــرنا الوطني وكاميرا الاسكايب..
شكراً لكم على الثقة الغالية التي اوليتمونا لها ..
حيدر الزين - رئيس مجلس الادارة والمدير التنفيذي وسكرتير عام وامين المال وبواب الجمعية :)
| |
 
|
|
|
|
|
|
|
 Re: جمعية أصدقاء الخبير صلاح غريبة (Re: HAIDER ALZAIN)
|
| Quote: جمعية أصدقاء الخبير صلاح غريبة |
جمعية بس !!!!
عالم مابتعرف قدر خبراءها بتاتا
أمثال خبيرنا منظمة ثقافية إجتماعية
عالمية مكاتبها الإقليمية تتوسط
عواصم الدول بما فيها وراء البحا
قيمو خبيركم كما يجب وإلا سنطر آسفين
للتصدى لهذه المسئولية بكل حزم
| |
|
|
|
|
|
|
|
|
 Re: جمعية أصدقاء الخبير صلاح غريبة (Re: HAIDER ALZAIN)
|
يا ود الفكي، ناذر الخليفة دا منو ؟؟؟.
شوف يا زول، علي اليمين حيدر الزين دا ياكلو تعريفة
نفتح فيهو بلآغ. مُش صديق الموج معانا.
أن تأتي متأخر، خيراً من الا تأتي. يفترض دا كان يكون
من زمان فالرجل حفظه الله ما قصّر مع البلد وأهلها...
معاوية المدير،
عضو المجلس الإستشاري.
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: الطيب عثمان يوسف)
|
يا سليمان
الزيزفوني لمن يقبضنا نحن الاول بعدين ببنظر في امر عضويته
معاوية عبيد
تمسك التبرعات الخارجية هههههههههه المرفعين الحرسوهو الغنم
يا حيدر
ماشاء الله عليك، عشان شطارتك في الحسابات عيناك امين للمال، ارجو اطلاعي اولاً باول بكل قرش وتعريفة تدخل حساب الجمعية
امانة يا كمرة صفاء ما لقينا ليك صرفة 
الاسكايبي قلت لي مالو يا حيدر؟ هههههههههههههههههههه
يا جمال مصطفى
اول حاجة انت عضو اصيل في الجمعية وانا اسف لسقوط اسمك سهواً وتمت اضافته
ياخي العافية درجات، الامم المتحدة بدوها بعُصبة
ما داخلني اي شكك انه جمعيتنا دي وفي خلال اسابيع فقط حتفوق اليونسيف وكير العالمية.
يا مدير
حيدر الزين دا زي قروش البترول، حسابو يوم القيامة بس
جنابو الطيب
الاتنين ما عندهم ذمة أصلاً عشان لستك او لساتك
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: محمد عمر الفكي)
|
لا لا لا ياود الفكى أنا خلونى فى لجنة الظل
لحسم المتفلتين والمغرضين ولتقويم ومراقبة
أى قصور فى أداء لجنتكم قد يقلل من مكانة
وشأن خبيرناالفلتة خاصة أننا مازلنا مصرين
أن خبيرنا مكاننه وعطاءه الفكرى والثقافى
أكبر من أن تستوعبه جمعية مهما علا شأنها وأهدافها
| |
|
|
|
|
|
|
|
|
 Re: جمعية أصدقاء الخبير صلاح غريبة (Re: الطيب عثمان يوسف)
|
| Quote: جمعية أصدقاء الخبير صلاح غريبة |
ود الفكى مفاجأة من العيار التقيل وأقل شئ يمكن به مجازاة الخبير وتكريمه بمجهوداته التى يبذلها من أجل النهوض بالوطن والمواطن
ونهيب بجميع الأعضاء القيام بزيارة حبوبة الخبير التى تعانى من وعكة صحية طارئة ألزمتها السرير الأبيض برويال كير والدعاء
لها بالشفاء التام من الزكام الذى أصابها فهذه الحبوبة ساندت ودعمت الخبير فى كافة نشاطاته وكان لها القدح المعلى فى نجاحها
وكما يقول المثل وراء كل عظيم حبوبة عظيمة .
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: محمد عمر الفكي)
|
ود الفكي سلامات ،،،
على الرغم من قراري ،،، بعدم فتح اي بوست متعلق بخبيرنا الغالي في محل الشغل ،،،
الا انني ،، قعدت اتململ ،،، حتى نقرت على البوست ،،، ووقعت في المحظور ،،، والله يسامحك ياخ ،، خخخخخخ .
قف ،،،،
نثمن مجاهداتكم ،،،
قف ،،،
نؤيد مساعيكم ،،، ونحسب أنها ،، خطوة أخرى في سبيل المسيرة القاصدة بإذن الله ( هي ،، قاصدة وين ،، كان الله اراد ؟؟؟ )
_________
على الخاص ،،، برانا كده ,,,,,,,,,,,,,,,,,,
_______________
1- اتشرف بنيابة ود الخضر في رئاسة الجمعية ،، وياهو تاج راسنا وزعيمنا ،، وكبير عتالتنا ،،
2- ممكن تكلم الجماعة يعملوني مشرف على مكتب توزيع الشناكل ،، واهو كلو بي ثوابو ،،،
3- (بدون زعل) ،، سارة دي منو ؟؟؟؟ .
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: HAIDER ALZAIN)
|
| Quote: أها نكمل باقي المقال :) ؟ |
كيفن عاد ،، ما بتتم المقال !!!!
تم المقال ،، للأخر ،،
وبعد داك ،،، نودي المقال لمرصد جمال خضر ،، للتمحيص ،، والتحميض ،، والذي منو ،،،
وان طلع الكلام ،،، صُح ،،،
اها ،، دا طرفي ،، من نيابة رئاسة الجمعية ،، ومن صلاح غريبة ،،،
ومن ود الفكي ،، وود الخدر ( عشان عارفين الكلام دا ودسوهو مننا ) ،،
ود الفكي ،، مُر علي بعدين شيل شنكلكم !!!!!!!!!!! .
استغفر الله ،،،، ولا حول ولا قوة الا بالله ،،،
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: HAIDER ALZAIN)
|
Quote: 6- الاستاذ/ عادل سهل
7- الاستاذة سـارة مـنصور |
المحسوبية لا تزال تضرب بأطنابها في كل مكان
حتي مثل جمعية أصدقاء ومحبي الخبير صلاح غريبة لا يمكنك ان تحظى فيها بمقعد ان لم تكن لك واسطة او علاقات او عضلات..
أطالب بالمكتب الثقافي في اللجنة التنفيذية ، لإمكانياتي في الترتيب والاعلام لأنشطة الخبير من ندوات وورش عمل وسمنارات
ونطالب بمكتب تشريفات للقيام بمهام إختيار البدل والكرفتات وأنواع العمم، وما يناسب كل مناسبة من جلابية أو لبس أفرنجي.
كما نرجو عدم التحزب والتكتل داخل الجمعية ، فالكل يعمل من اجل هدف واحد
وامد الله في أيام طويل العمر الاستاذ الباشمهندس الخبير العارف بالله العالم المبجل الشيخ صلاح غريبة.
الا هل بلغت اللهم فأشهد.
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: HAIDER ALZAIN)
|
السادة جمعية أصدقاء الخبير
بعد التحية والسلام،
1. أرجوا إضافة مكتب للإتصال الخارجي لرعاية شؤون الإصدقاء خارج الوطن.
2. إضافة الفنان القدير محمد منير للجمعية لرعاية الشؤون الفنية لمساهمته القيمة بأغنية غريبة
وللأمانة فقد طلب مني أن يتم تشغيلها أوتوماتيكياً بالبوست ولكن تعذر الأمر عندي لأسباب فنية!
فأرجوا من يستطيع ذلك أن يفعل لتلبية رغبات المبدع محمد منير.
شكراً لحسن تعاونكم والله ولي التوفيق
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Ahmed Alim)
|
| Quote: وبعد داك ،،، نودي المقال لمرصد جمال خضر ،، للتمحيص ،، والتحميض ،، والذي منو ،،، |
أخونا عبد الماجد انت حيدر الزين ده كتب شنو خلاكم تجقلبوا كده  أنا غايتو ما شفت حاجة ولكن
بتهم أخونا حيدر إتهام صريح وواضح بأنه العقل المدبر للمحاولة الفاشلة لإغتيال شخصية الخبير والتى باءت
بالفشل والتى أعلن عنها الخبير فى أحد بوستاته ومن هنا فأنا أدين وأشجب واستنكر تلك المحاولة لذا أدعوا
كل أعضاء الجمعية شيبا وشبابا رجالا ونساء للوقوف صفا واحدا لحماية شخصية الخبير من أى إستهداف قد
تتعرض له مستقبلا . والله الموفق
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Ahmed Alim)
|
غريبة !!!
الخبير حتى تاريخه لم يدشن
أو يبارك هذا المشروع الحضارى العظيم
نتمنى أن لا تكون اللجنة قد تجاوزت
شيئا أو فات عليها شيئا جعل خبيرنا
يلزم الصمت ويتوسد كشأنه دائما
حكمة العارفين المبتسمين فقط
مدد ياخبيرنا ،،،،
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Jamal Mustafa)
|
| Quote: أخونا عبد الماجد انت حيدر الزين ده كتب شنو خلاكم تجقلبوا كده أنا غايتو ما شفت حاجة ولكن |
والله يا جمال يا اخوي حيدر الزين ،، جاب ليهو اقتباس ،، اسكت خلو ساي ،، مسح بي خبيرنا الغالي الواطة !!!!
وشطب راسي عديل كدي !!!!! .
علا ،، الجماعة كان هرشوه ،، ولا كان اترجوهو ،،، ما عارف ،،، قام شطبو !!!! .
لكن النجيضة بلتقاها عن ود الفكي !!! .
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Jamal Mustafa)
|
Quote: غريبة !!!
الخبير حتى تاريخه لم يدشن
أو يبارك هذا المشروع الحضارى العظيم
نتمنى أن لا تكون اللجنة قد تجاوزت
شيئا أو فات عليها شيئا جعل خبيرنا
يلزم الصمت ويتوسد كشأنه دائما
حكمة العارفين المبتسمين فقط
مدد ياخبيرنا ،،،، |
تعرف يا جمال ،، نحن شدة ،، ما اتخصصنا في الخبير ،، نعرف الكلمة قبل ما تطلع من ،، براطيمو ،،
اها ،،، هسع عاين لي ود الفكي ساي ،، عرف الخبير داير شنو ،،، وقام عملو الجمعية دي ،،،
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: عبد الماجد مصطفى)
|
أنا خايف يا عبد الماجد أخوى الخبير إكون زعلان
من حكاية جمعية دى وداير حاجة تليق بالمقام
وهذا ماترجحه دوائر الإعلام الغربية وإستطلاعات
الراى العالمية فى تحليلاتهاورصدها لنشاطات
الخبير العابرة للقارات وخدمة الإنسانية
رحم الله خبيرا عرف قدر نفسهوالخزى للمتربصين
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Jamal Mustafa)
|
Quote: أنا خايف يا عبد الماجد أخوى الخبير إكون زعلان
من حكاية جمعية دى وداير حاجة تليق بالمقام
وهذا ماترجحه دوائر الإعلام الغربية وإستطلاعات
الراى العالمية فى تحليلاتهاورصدها لنشاطات
الخبير العابرة للقارات وخدمة الإنسانية
رحم الله خبيرا عرف قدر نفسهوالخزى للمتربصين |
والله يا جمال يا اخوي ،، ممكن خوفك يكون في محلو !!!!.
عشان كده ،، خليني اتشاور مع الرئيس ود الخضر ،،،
وممكن نجازف ليهو ،، أمانة في الامم المتحدة ،،
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: عبد الماجد مصطفى)
|
| Quote: والله معاك حق ،، الشينة منكورة ،،،، |
نكريبة شنو يا عبد الماجد ههههههه
يآخي والله بس عزيت ود المدير وود الفكي لكن الاقتباس دا مافي زول ناكرو الا صلاح غريبة وحبوبتو بس
يازول بطريقتك دي انا بقدم بلاغ بفصلك بدون حقوق من الجمعية :)
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: محمد عمر الفكي)
|
الحمد لله الذي جعلنا اعضاء في جمعية خبرينااااا أبو الوطنية بحري
أخونا ود الفكي جاهزين للانتخاباااااات
يا ود الفكي اعفي لينا انت والاخوان جمال وعبد الماجد وكل اعضاء الجمعية
ضايقناكم في شغلكم وعتالتكم وشناكلكم لكن نعمل شنو الحالة صعبة علينا صعبة عليناااا
أبو كريم
| |
|
|
|
|
|
|
|
|
 رد (Re: معاوية المدير)
|
يا جماعة المجلس الاستشاري اجتمع وقرر ترشيح الخبير في الانتخابات الرئاسية القادمة.
غايتو البختاروهو في الفريق الرئاسي يمشي ميدان عقرب ويقطع ليهو اتنين تموت تخلي ويودع جهلاته وداع المفارق لانه من كترة اللف الداخلي والخارجي مع الرئيس الخبير الله اعلم يشوفهم قريب ههههههه
| |
|
|
|
|
|
|
|
|
 Re: رد (Re: محمد عمر الفكي)
|
نعم من أجل ترشيح الخبير خلوا الفقر يطير
ترشح المهندس صلاح غريبة رئيسا للجمهورية في السودان عام 2014(فيس بوك)
| |
|
|
|
|
|
|
|
|
|
رد (Re: معاوية المدير)
|
قال الخبير في بوست مجاور
Quote: اذكر انني بعد نزولي من المنصة قابلتني احدى الحسناوات -اظنها صحافية- واشادت بالمحاضرة واشارت بأنها متابعة لكتاباتي في سودانيس اون لاين وتستغرب عن الهجمة الشرسة التي اتعرض لها. شكرتها وقلت لها :
واثق الخطي يمشي ملكا.
شدت على يدي وقالت : والله كلامك صاح |
الحسناء دي عندها اسكايب؟ ههههههه
| |
|
|
|
|
|
|
|
|
|
Re: رد (Re: محمد عمر الفكي)
|
جات سليمة وبركة الشد الكان فى اليد
وين ناس الأمن الصحى لسيادة الخبير
كيف يتركوا سعادة الخبير لكل من
هب ودب بالشد عليه حتى لو كانت صحفية حسناء
أمن الخبير والحفاظ على صحته خط أحمر
| |
|
|
|
|
|
|
|
|
|
Re: رد (Re: محمد عمر الفكي)
|
Quote: حتي مثل جمعية أصدقاء ومحبي الخبير صلاح غريبة لا يمكنك ان تحظى فيها بمقعد ان لم تكن لك واسطة او علاقات او عضلات..
أطالب بالمكتب الثقافي في اللجنة التنفيذية |
الحالة نحن انخمينا فيك وقلنا الزول دا جانا ضهبان ورايح؟ اتاريك مخطط وجاي لهدف معين
| Quote: أرجوا إضافة مكتب للإتصال الخارجي لرعاية شؤون الإصدقاء خارج الوطن. |
امس يا احمد اتصل بي بان كان مون عشان الموضوع دا، طوالي قفلتو ليك يا عمك، قلت ليهو خلاص المكتب عملناهو.
لا لتغلغل الرمم المتحدة في مؤسساتنا الوطنية
بالنسبة لموضوع محمد منير فيحال الامر الى لجنة الخبراء.
| Quote: أنا غايتو ما شفت حاجة ولكن بتهم أخونا حيدر إتهام صريح وواضح بأنه العقل المدبر للمحاولة الفاشلة لإغتيال شخصية الخبير |
هل الجمعية مخترقة بالعملاء والجواسيس من قولة تيت؟
| Quote: اها ،،، هسع عاين لي ود الفكي ساي ،، عرف الخبير داير شنو ،،، وقام عملو الجمعية دي ،،، |
مصداقاً لكلامك دا يا عبدالماجد، نعلن عن قيام جوائز سنوية باسم الخبير وذلك في مجالات السياحة، الصداقة مع الشرطة (معتادي الاجرام برضو ممكن يشاركو باعتبارهم من اصدقاء القِسم) البيئة وغيرها من المجالات التي سير ذكرها لاحقاً.
كتب الخبير
كبوة حصان
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: محمد عمر الفكي)
|
يا أخي صدقني البوست ده استراحة من مشاكل الحوش والكيدية والضرب تحت الحزام
بعدين استاذنا الفكي يا زول انت عارف نحن من غير الناطقين
| Quote: شبه قط التبيس المسكنو خويرات |
لابد من عمل حاشية شرح للقصيدة .. وإلا سوف نرفع الامر للخبير على سبيل التهميش
تحياتي لك وللاستاذ جمال .. ولكم كامل حقوق
واصل ..
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: محمد عمر الفكي)
|
Quote:
جات سليمة وبركة الشد الكان فى اليد
وين ناس الأمن الصحى لسيادة الخبير
كيف يتركوا سعادة الخبير لكل من
هب ودب بالشد عليه حتى لو كانت صحفية حسناء
أمن الخبير والحفاظ على صحته خط أحمر |
حدث ذلك خِلسة، وستوقم اللجنة التي كُلفت
بتقصي الحقائق فيما حدث برفع تقريرها
للجنة المُكلفة بردع المتغافلين عن حراسة
الرئيس المرتقب، وهذا للعلم.
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: معاوية المدير)
|
| Quote: يازول بطريقتك دي انا بقدم بلاغ بفصلك بدون حقوق من الجمعية :) |
حيدر الزين ،، تحياتي
كل شي ولا الجمعية ،،، اها ،،، لحست كلامي !!! .
Quote: أوعك تخليهو، وأنا زاتي بفتح بلاغ معاك.
التوكيل حا يصلك قريب... |
ود المدير ،، سلام
حيدر الزين ،، واعتزرنالو ،،،
اها ،،، ات سببك شنووو ؟؟؟؟؟ .
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: عبد الماجد مصطفى)
|
ود الفكي ،، سلام ،،
انا اتشاورت مع الرئيس ،،، واتخذنا قرار فوقي ،،، انو يكون الاشتراك في الجمعية تاني بي قروش !!!! .
دا غير رسوم العضوية !!!! .
وممكن في بعض الاحيان نلجأ الى ( خلو الرجل) وكدة ،،
لان طلبات العضوية شايفنها زايدة ،،،
والجباية المتحصلة ممكن نستخدما في مشروع (دعم جزم الخبير ) ،،
او اي حاجة نتفق عليها انا والرئيس ،،
( مُش ،، ريستونا) ،،
انتو نفذوا ،، بس !!!.
وجزاكم الله خيرا ،،،
| |
|
|
|
|
|
|
|
|
 Re: جمعية أصدقاء الخبير صلاح غريبة (Re: محمد عمر الفكي)
|
أشارة جات جات مستعجل (سرى - مكرر)
الإخوة في اللجنة المركزية لجمعية الخبير (بعد التحيات العاطرات)
أولا نحنا في اللجنة الفرعية في أوربا وكده عندنا سعالين:
1. في عندنا هنا ناس مشككين في هيابة المهيب الخبير وإمكانياته الرهطية وقدر ماقلنا ليهم خبيرنا دا مافي زول بلحقو لكن راسم زى الحجر وهم ناس باقيك من البياره للطياره. دحين قالو لينا (في تحدى وكده) أكان خبيركم دا شاطر خلو يحلالينا المشكلة المحيرانا دى (وطبعا نحنا ماردينا من باب طبط الأعصاب وسمعة الخبير وكده).أها ياسيد اللمنتي ليك قالو البوستات حقتم دى بعد ماتمشي وتنزل كداه ه ه ه بتمشي وين؟ سألوا الشيوعين قالو الكيزان نامو بيها وسألو الكيزان قالو الشويعين ومن والاهم رقدو بيها، الجمهورين إدهوم ليك cutandpaste نقه كثيره كده والجماعة مافيهم زول بفكت الخت وديوان بكرى ما أداهم النجيضة. دحين دايرين الخبير إحل لينا المعضلة دى ويحلل (مصدرها تحليل وليس تحلل) لينا البوستات دى بتمشي وين ، منها نستنير من هيابة المهيب الخبير حفظه الله ورعاه ومنها نخرس الألسن.
2. وبعدين ياجماعة بي خجل ومسكنة شديدين بنسأل من أورنيك مالي 15 (مكرر) حق المصروفات. نحن طبعا عارفين أنو ماعندنا حق ومفروض ندفع وبس لكن غايتو تقول شنو؟
في إنتظار تلكس جاى جاى مستعجل (سرى – مكرر) بكافة المستجدات على الساحة. وبلغو سلامنا واحتراماتنا للخبير وقولو ليه نظره الى ميسره.
الجميعابي رئيس اللجنة الفرعية أوربا وكده
| |
|
|
|
|
|
|
|
|
|
رد (Re: كمال الطيب الجميعابي)
|
لجنة فرعية باوربا؟ كراماتك يا خبير
الاخ كمال
تساؤلكم محل اعتبار وتقدير السيد الخبير وقد اوكل الي السيد جمال الرد على استفساركم حتى يلقم ناسك الراسهم حجر ديل حجارة من سجيل جزاء تشكيكهم في قدرات خبيرنا الوطني
اسمع
برسل لك رقم حسابي عشان اشتراكاتكم الشهرية والدفع باليورو واورنيك 15 ما عندنا بيناتنا الثقة بس، ومافي داعي احلف لكم قريشاتكم يومكم التدوروهن حيدر الزين يوريكم ياهن يورو يورو مشن وين هههههههه
| |
|
|
|
|
|
|
|
|
 Re: رد (Re: محمد عمر الفكي)
|
Quote: برسل لك رقم حسابي عشان اشتراكاتكم الشهرية والدفع باليورو واورنيك 15
ما عندنا بيناتنا الثقة بس، ومافي داعي احلف لكم قريشاتكم يومكم التدوروهن حيدر الزين
يوريكم ياهن يورو يورو مشن وين هههههههه |
الإنتخابات قربت وما في زمن للماطلة، والمُسألة دي خلوها بعد
الإنتخابات. في الوقت الراهن يجب أن تكون الثقة هي سيدة
الموقف، ويا ناس اوروبا بسراعكم أجدعوا الفي النصيب لأخونا
ود الفكي، والحساب ولد.
شكراً لكم، ودمتم ذخراً للوطن.
ود المدير عضو اللجنة الإستشارية...
| |
|
|
|
|
|
|
|
|
|
Re: رد (Re: معاوية المدير)
|
كتب معاوية المدير: ويا ناس اوروبا بسراعكم أجدعوا الفي النصيب لأخونا ود الفكي
، والحساب ولد.
كتب ود الفكي: قريشاتكم يومكم التدوروهنحيدر الزين يوريكم ياهن يورو يورو
الحكاية دى فيها لكلكة ، الزول البعاين في يافطة الحركه دا مضمون :)
وبعدين يا أخوانا أنتو بتعتلو من الفين وسته ، الشوال بالشي الفلاني ، ماتخلونا نسترزق شويا
شوفو لينا سعالات الناس ديل لانو نفسن حرا شويا
| |
|
|
|
|
|
|
|
|
|
رد (Re: كمال الطيب الجميعابي)
|
يا كمال
ياخي حيدر دا بضمنو انا
ثم ثانيا
عندنا ليكم انتم معشر قوم اوربا بشرى سارة فقد تقرر إقامة يوم ترفيهي سياحي بيئي لمشاهدة تحلق طيور البوم ومراسم قولة الخير و الجرتق عند طائر ود ابرق وذلك مقابل مبلغ 5000 يورو للشخص شاملة تذاكر السفر والاقامة والرحلة الترفيهية لمدة يومين.
ثم ثالثا ناسك النفسهم حر ديل ابعد منهم قبل يطعنوك بسكين يفقعو مرارتك الحتنفقع لو باريت بوستات خبيرنا هههههههه
ود المدير عليك الله ممكن طلب وعارفك مابتحرجني
تفتح بوستات باسم منتخبات البرازيل، هولندا، المانيا، ايطاليا، فرنسا، بلجيكا ومعاهن اسبانيا لو حصلت معجزة وعادلت او فازت، ولو صعب عليك شوتن شوتة جماعية في بوست واحد عشان تنضف الدرب لميسي كان يفوز بكاس العالم
انجلترا مافي داعي تجيب سيرتها اللهم الا اذا كنت داير تلحق الملكة امات طه هههههههه
| |
|
|
|
|
|
|
|
|
|
Re: رد (Re: محمد عمر الفكي)
|
تحية لكل الشباب
يا اخوانا انا جديد وما داير اتشعلق ساى فى لجنتكم دى
فتقومو تدونى الرابط بتاع مكتبة الخبير عشان بعد اطلع
عليها اقل شئ تدونى نائب لى حيدر الزين
لانى متاكد انو حساباتو الاوردا دى مافى زول فهما غيرى
| |
|
|
|
|
|
|
|
|
|
Re: رد (Re: خالد زين العابدين حاج نور)
|
هووووي ياناس اعملو حسابكم من
عبدالماجد مصطفي ومافي زول يسلمو
اي مبالغ كل المبالغ تسلم عن طريق
حيدر الزين او شخصي الضعيف فقط
لاغير اكرر لاغير
وشكرا
| |
|
|
|
|
|
|
|
|
|
Re: رد (Re: سليمان القرشي)
|
كدى أقيف .. إنت يا ود القرشي عضًا من أعضًا اللُجنه (بترقيق الضاء وضم اللام)
القروش عند الزول التاني دا وهو عليه ملاحظات بالرغم من أن الرفيق (التاني) قد عَهِدَ به
عشان كده أنا برا إنه نشك الحكاية ونوزعها من جديد تجنبا للتهميش وتحقيقا للتمثيل الأوفي الذى ينادى به مهابة المهيب الخبير
-------------------------------------
نأمل من العضا عدم إستخدام كلمات كبيره لانو قلنا ليكم عندنا ناس مابفكو الخت....حتفقعو مرارتنا
| |
|
|
|
|
|
|
|
|
 Re: رد (Re: كمال الطيب الجميعابي)
|
الاعضاء خالد زيــن العابدين وسليمان القرشي وود المديـر ..
الفت نظركم بإنه للعمل ضمن كادر الإدارة الماليــة يجب عليــكم إيداع ضمان مالي بميلغ 1000 فقط الف يورو وذلك بحسابنا المبيــن بمداخلتنا الأولى ..
وانوه بإنه هو الحساب البنكي الوحيــد المعتمد للجمعية ..
وأحذر من التعامل مع بعض الاعضاء المحتاليـن الذين يروجون لحسابات وهمية بغرض استغلال شعبية الخبير وجمع الاشتراكات والتبرعات ..
واشكر الاخ محمد عمر الفكي لضمانه وتضامنه المالي مع الجمعية وادارتها المالية كضامن غارم ..مما يعزز من مصداقية الجمعية ونزاهتها المالية ويطمئن السادة المشتركين والمتبرعين ..
وبالله التوفيــق..
| |
|
|
|
|
|
|
|
|
|
Re: رد (Re: كمال الطيب الجميعابي)
|
Quote: حدث ذلك خِلسة، وستوقم اللجنة التي كُلفت
بتقصي الحقائق فيما حدث برفع تقريرها
للجنة المُكلفة بردع المتغافلين عن حراسة
الرئيس المرتقب، وهذا للعلم. |
نقدر جدا إهتمامكم بالبرد على الحادبين على سلامة وأمن الخبير
إلا ان الذى حدث جعلت قلوب المشفقين على سلامة الخبير تتوجس الخيفة
والريبة من قصور فى عمل لجانكم الموقرة خاصة المختصة فى مجال أمن وسلامة الخبير
ولا نذيعك سرا أذا قلنا لكم برقيات الشجب والإدانة لهذا التقصير من كافة فرعيات
ومعجبى الخبير فى أوروبا وماوراء البحار خاصة فرعية جزر (الماندناو) التى تجاوزت صوت العقل
وهددت بالإضراب عن الطعام إذا تكررت هذه الثغرات التى تهدد حياة خبير الإنسانية المبجل
| |
|
|
|
|
|
|
|
|
|
Re: رد (Re: Jamal Mustafa)
|
| Quote: واشكر الاخ محمد عمر الفكي لضمانه وتضامنه المالي مع الجمعية وادارتها المالية كضامن غارم |
صباح الخير يا حيدر
ممكن توريني انا جبت سيرة الضامن الغارم دي وين؟
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: ممكن توريني انا جبت سيرة الضامن الغارم دي وين؟ |
ود الفكي حرم تاني ما تلتزم لنا بشئ.. يازول والله قيامك بالضمانة والكفالة براهو يكفي فما تدخل نفسك في اي التزام تاني..
الجمعية دي فيها برضو اعضاء تانيين المنى عينهم يخدموا الخبيـر ويفدوهو بالدنيا وما يملكون ..
| |
|
|
|
|
|
|
|
|
|
Re: رد (Re: Jamal Mustafa)
|
Quote: كتب معاوية المدير: ويا ناس اوروبا بسراعكم أجدعوا الفي النصيب لأخونا ود الفكي
، والحساب ولد.
كتب ود الفكي: قريشاتكم يومكم التدوروهنحيدر الزين يوريكم ياهن يورو يورو
الحكاية دى فيها لكلكة ، الزول البعاين في يافطة الحركه دا مضمون :)
وبعدين يا أخوانا أنتو بتعتلو من الفين وسته ، الشوال بالشي الفلاني ، ماتخلونا نسترزق شويا
شوفو لينا سعالات الناس ديل لانو نفسن حرا شويا |
يا كمال الطيّب إنت جاي داخل علي طمع، من عيونك المنططات ديل.
مافي لكلكة ولا حاجة، إستفحل الأمر في البلد وإخطلط الحابل بالنابل،
وإنفرط عقد الأمن، وتكالبت علينا دول الجوار، وكاد أن يجرفنا طوفان
دول الغرب الطامعة في مواردنا، وتازّم الأمر حتي إنبرى إبن الوطن
البار الخبير متصدياً لهذه السيول الجارفة، مشكلاً ترسانة صد للفوضى
التي ضربت أطنابها في وطننا الحبيب، فالواجب يحتّم علينا أن نشُد
من عضده ونقوي شوكته، ولن يتم لنا ذلك إلا بعونكم. لجأنا لكم
لأننا نعلم غيرتكم علي الوطن وحبكم لترابه الكريم، إضافة لمعرفتكم
التامة بالخبير، فأخذوا الشيطان ورسلوا المصاري لود الزين الذي
قد أوليناه ثقتنا كاملة، ونحن له ضامنون.
تأبى الرياح إذا اجتمعن تكسرا وإذا افترقن تكسرت أحادا ،
والسلآم.
ود المدير
عضو اللجنة الإستشارية...
| |
|
|
|
|
|
|
|
|
|
Re: رد (Re: معاوية المدير)
|
Quote: يا كمال الطيّب إنت جاي داخل علي طمع، من عيونك المنططات ديل.
مافي لكلكة ولا حاجة، إستفحل الأمر في البلد وإخطلط الحابل بالنابل،
وإنفرط عقد الأمن، وتكالبت علينا دول الجوار، وكاد أن يجرفنا طوفان
دول الغرب الطامعة في مواردنا، وتازّم الأمر حتي إنبرى إبن الوطن
البار الخبير متصدياً لهذه السيول الجارفة، مشكلاً ترسانة صد للفوضى
التي ضربت أطنابها في وطننا الحبيب، فالواجب يحتّم علينا أن نشُد
من عضده ونقوي شوكته، ولن يتم لنا ذلك إلا بعونكم. لجأنا لكم
لأننا نعلم غيرتكم علي الوطن وحبكم لترابه الكريم، إضافة لمعرفتكم
التامة بالخبير، فأخذوا الشيطان ورسلوا المصاري لود الزين الذي
قد أوليناه ثقتنا كاملة، ونحن له ضامنون.
تأبى الرياح إذا اجتمعن تكسرا وإذا افترقن تكسرت أحادا |
ياخي جزم اتحسست جيوبي ولو ما لعنت إبليس قربت احول لود الزين
| |
|
|
|
|
|
|
|
|
|
Re: رد (Re: محمد عمر الفكي)
|
| Quote: ياخي جزم اتحسست جيوبي ولو ما لعنت إبليس قربت احول لود الزين |
ابليـس لاعنو مالك ان بقى بي يهديك للخير والعمل الصالح كان تواصل التحسس وتفتح المحفضة ..
غايتو الناس ابليس يمسكهم من التحويــل وانت ابليس يهديك عليهو تمسكو..؟!
حَدَّثَنَا أَبُو مُعَاوِيَةَ، حَدَّثَنَا الأَعْمَشُ، عَنِ عَبْدُ اللَّهِ بْنِ بُرَيْدَةَ، عَنْ أَبِيهِ، قَالَ أَبُو مُعَاوِيَةَ: وَلاَ أُرَاهُ سَمِعَهُ مِنْهُ، قَالَ: قَالَ رَسُولُ اللَّهِ صلى الله عليه وسلم: «مَا يُخْرِجُ رَجُلٌ شَيْئًا مِنَ الصَّدَقَةِ حَتَّى يَفُكَّ عَنْهَا لَحْيَىْ سَبْعِينَ شَيْطَانًا».
| |
|
|
|
|
|
|
|
|
|
Re: صراع الثروة والسلطة وتسرب الإنتهازيين إلى جمعية الخبير (Re: معاوية المدير)
|
بكل عبارات الأسى والحزن تدين لجنة ظل معجبى الخبير المبجل
محاولات بعض الإنتهاويين وصراعهم الشرس للتكويش على الموارد
المالية التى بدأت خيراتها تتدفق من صوب وحدب ونحذر هؤلاء
من العبث بهذه الموارد والتكسب لمصالهم الشخصية والمكاسب
ذات الغرض .
قف
سنظل نتابع وبأقضى درجات الإهتمام ونرصد كافة التصرفات
التى لا تخدم أهدافنا السامية التى محورها أن يظل عطاء الخبير
ممتدا ليضىء أكور الظلام التى غطت سماء الفكر والوعى الإنسانى
يععيش الخبير عطاءا ممتد والفلس لكل المتربصين
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: ياسر منصور عثمان)
|
في إطار تداول خبيرنا لمبادئه الانتقائية ذات الأطر الرصين وفقا للنظام العالمي الجديد وايجاد مخرج ومبرر لقبول الامر حسب وعيه وادراكه المتقدم والمتطور لتفاعلات السلطة ودخولها بمفاهيم و علاقات المهيب الخبير دون وضع هامش او مساحة بينهما الا في ما ندر ويتحسب لما يمكن ان تفعله السلطة من تغيير في الاشخاص رغم اننا من الناحية النظرية جميعا سواسيه في اقتسام السلطة والمال .... يعني شيرنق.
دحين الشافع المقنقن عمتو دا ماتسموع كلامو
وبعدين يامعاوية المدير
أنا شايفك أمس حايم في الممبر معاك ود الفكي دا زاتو سايق ليكم 3 أسود وتسعة وتسعون نعجة النعجة تنطح النعجة وانتو قتو الحساب ولد أها أنا حقي في العملية دى هظبر ونص وثلاثة وثلاثون نعجة من مبدأ المال تلتو ولاكتلتو. وماتقول نحن ماعارفين موضوع الطيرة المنقرضة دى التمنوها ناس نمبر 10 داوننق ستريت بي 3 مليون مرق مبربح. أنا شايفكم أنت و ود الفكي عندكم ختة رأس. زى ما قت ليك الحكاية دى ملكلكة.
-------------------------------------------------------
هنالك خطوط حمرا مابنتلب فوقا
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Ahmed Alim)
|
Quote:
امس يا احمد اتصل بي بان كان مون عشان الموضوع دا، طوالي قفلتو ليك يا عمك، قلت ليهو خلاص المكتب عملناهو.
لا لتغلغل الرمم المتحدة في مؤسساتنا الوطنية بالنسبة لموضوع محمد منير فيحال الامر الى لجنة الخبراء.
|
ياسلام على الأخبار الجميلة يا ود الفكي ،، بعدين المبدع منير يقريكم السلام والمحبة وعاوزكم
تمنحوه شرف مقابلة المحتفى به المهندس الخبير غريبة، عارفك ما بتقصر يعني لو في فرقة في جدول
الخبير في الشهور الجاية سوي للراجل المقابلة ان شاء الله خمس دقايق.. مع صادق الاحترام والتقدير
| |
|
|
|
|
|
|
|
|
|
Re: جمعية أصدقاء الخبير صلاح غريبة (Re: Ahmed Alim)
|
الى جميع الأعضاء الكرام قررنا نحن جمال خضر رئيس الجمعية والناطق الرسمى بإسمها بزراعة شباك رصدية تقى الجمعية من شرور الإشاعات والفتن
ما ظهر منها وما بطن وقد وقع العطاء على إحدى الشركات المتخصصة فى هذا المجال وقد تم أمر العطاءات بشفافية تامة وتحت إشرافنا المباشر وقد تكتمنا على
الموضوع للطابع العسكرى للمهمة وما طالبنى حليفة ملين أحمر ما طلعنا بيهو غير التعب والأكل الكعب وطبعا الأمور ذات الطابع العسكرى غير خاضعة للتفتيش من قبل
المراجعين والمحاسبين 
| |
|
|
|
|
|
|
| |
محمد عمر الفكي
سليمان القرشي
معاوية عبيد الصائم
HAIDER ALZAIN
Jamal Mustafa
معاوية المدير
الطيب عثمان يوسف
جمال خضر
علي عبدالوهاب عثمان
عبد الماجد مصطفى
mohmmed said ahmed
عبدالكريم الامين احمد
عبد الله شم
عادل سهل
Ahmed Alim
الفاتح خليل الفكي
ياسر منصور عثمان
خالد زين العابدين حاج نور
فيس بوك
تويتر
انستقرام
يوتيوب
بنتيريست