|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
ف شنو دي ظاهرة محتاجة ل وقفة عجز الناس عن تحقيق احلامهم وفق عملهم , وبحثوا عن الثراء السريع مما انتجته السلطة فــيـــــهــــــا الـحَــــــــرامِـــى الــكــــــــــان لــلــبـَــــــارحَــــه كــَفـَـتـِــيــــــرةْ شَـــــاهِـــى كــُـبـــَّــايـــْـتــــــــًا نـــافِــحـَــــــه سَـــــارح فــــى سـُـــــوقــُــــو مـــاعِـــنــْــدو الـكــَــاتـِـحـَــــه لا حَــــــــق الــعـِـيـــشَــــــــــه ولا حَــــــق الــمـَــشْــــرَحَــــه الــيـــــوم فــى بــِــنــْـــــزى وعَـــمَــــــــــارةً نــاطـِـــــحـَـــــه مــاتــشِــــيـلُـــو الـفـَـاتـِـحــه فــى الــجـِــتــَّــه الـنـَاتـِــحَـــــه خــَـلـُّـــوهـــا مَــشَــتــَّحَـــــــه عُــقْـــبـَــــــال تـِــتْــفَــتـَّــحـَـــه القدال
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
نبت الاثرياء الجدد في كل حي ومدينة اثرياء لا تاريخ عمل يدر عليهم ربحا فاحشا فسادت قيم الفرصة وانتهازها ,, وانتهت قيمة العمل مع سيادة عهد التمكين ,,, يشرد الكفء ويترأس غير المؤهل , وصار الوضع جنونيا , افلس البعض من كان مستورا لأنه غير موال ,, واغتني الموال عجز الناس فهربوا نحو الوهم ,, في ظل سلطة لا تأبه لهم
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
فرغما عن غرابة الفكرة وسداجتها تجد لها ضحايا امكن صاح فرأيت احداهن باعت صحنا ب 500 ألف وندمت بعد معرفتها بانو يجيب 5 مليون وابن عم جاري طبق ليهو 6 مكاوي مشي الخرطوم وجا راجع ,, ومشي مدني وجا راجع قال لي خسرت بس ,, كلو وصف وهو امر مفهوم الناس ضاقت والغرقان بتلافا زبد البحر
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
شاهدت قبل ايام فلم توثيقي لاحد علماء وكالة الفضاء الامريكية 4 اطفال فقراء لآباء يعملون في مناجم الفحم , قدراتهم الذهنيه متواضعه , ولكنهم يحبون صناعة الصواريخ , سخر منهم الناس ,, ولكنهم استطاعوا كسب مسابقة اختراعات الشباب ,, وحصلوا علي منحة جامعية مجانا في افضل الجامعات ,, ونجحوا ونحن عندنا مسابقات للغناء لا غيرها صارت غاية الامال ان يصبح الشباب مغنيا او لاعبا او مهاجرا في امريكا لا تقليل من شان الغناء او الرياضة ولكنها لا تبني الاوطان
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
يا ود أب سن تحياتي يا أخي لمن الواحد تضيق عليهو شديد بفك الكضبه ويصدقها ، المجتمع من العصر العليهو بقي أكثر من ساذج أي وهم ممكن يضحك على الناس البيئة أصبحت بيئة مؤاتية للحرامية والنصابين والدجالين بدء من الفكي أب مكوه بتاع الكريمت مروراً بكريمات الشعر والبشرة ومنتجات الحبة السوداء لغاية ما وصلونا لي ماكينة سنجر القديمة ومكوة الفحم أم ديك وأها جانا كمان صحن الباشري. أى كضبه أو إشاعه تفكها تجيك راجعه كورة تلج عديل تكبر وتكبر وتكبر لمن تصدقها إنت زاااتك والويل لك لو قلت يا جماعه أنا كنت بكضب عليكم لأن هناك مليون من يتبنى الفكرة ويركض في الخير ويحضنو شديد في إنتظار أن يفقس ويطلع عتوت أو سخله. == أنا يخيل لي أن سخانة الجو وتركيزها المباشر على النافوخ لها أثر كبير على الناس الغلابة خاصة وأن معظم الشباب صلعه عديل كده أها الشمس لمن تلبع ليها مناطق زي دي وتتعامد بشكل يومي على الصنقور بتعمل شغلها في المخ
وبالضرورة يتأرجح مستوى التفكير والتمييز صعوداً وهبوطاً بالقدر الذي يمكن للفيل معه أن يطير في معية الغنماية وكلـ....ـــــــب الحر وعلى أم قيردون وعشوشه وود أبرق ممارسة السباحة أو الغطس أو الغوص لا فرق.
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
مرحبا المقابل الشعب السوداني شعب فقير وساهمت الحكومات المتعاقبه في فقره , ولم تبذل جكومة واحدة جهدها في ترقيته وازالة اميته , ولا تطويره وتطوير بنياته الاساسية ,, منذ الاستقلال وحتي الآن فنحن عاجزون عن ذكر مشروع حيوي يساهم في الدخل الوطني , بل انهيار حتي انجازات الانجليز ,, مشروع الجزيرة والمحالج ومصنع القماش في زمن نميري مع الصين مصانع السكر نخرها فساد الترضيات وتبيع سكرها بأضعاف سعره نسبة للجبايات لاشئ سوي الحلم الزائف في دولة تحولت لمرابي ضد شعبها
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
almulaomar مرحبا تعرف زمان بقولو المرة الحامل لامن تتوجع في الولادة وتتعسر , بغسلو رجول زوجها وتشرب موية الغسيل شوف غرابة الفكرة والقدرة علي التطبيق اها الامر كما هو حتي الآن تموت النساء من انعدام الرعاية الصحية والجهل قبل 3 سنوات قررت معتمدية كوستي بيع مدرسة الدايات ,, وهي المدرسة الوحيدة تقريبا في كل النيل الابيض والغرب والجنوب ,, دون إدعاء بطولة تحركت وحدي في الامر , ساعدني اني اعرف المعتمد عراقي ود حلتنا ودفعتي بالثانوي ,, جلبت له الاحصائيات ان المدرسة لا تخدم كوستي بل تؤهل قابلات لريف كوستي والنتيجة لا توجد امرأة حامل تقصد كوستي وانخفاض الوفيات ,, كتر خيرو اوقف البيع ,, ولكن سيأتي غيره من يبيعها ,, لأنو الناس مشغولة بحل مشاكلها الشخصية وموقعها مغري يغري بالفساد
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
ظهروا دجالين من بير القضارف والكريمت و
و وخدعوا الناس وخمو قروشهم القليلة ورجال السلطة زاتهم اتخمو معانا ولم تفعل السلطة شيئا في ان تتحقق من ادعاء البعض بقوة القانون واختبارات العلم ,بل انها فتحت باب السلطة والقوة لهم وادخلتهم دائرة النفوذ حتي وصلت مرحلة إيفادهم بديلا للخارجية
| |
|
|
|
|
|
|
Re: ترويج الوهم ,, صحن الباشري بعد المكواة ?! (Re: عبدالحفيظ ابوسن)
|
اها انت ياصاحبي،،،اقعد غالت ... ودخالي باع ابريق جدنا القديم بي 50 مليون ماتكلم زول،،بشوف ليك المواصفات،،،بتلفن ليك المرة دي عشان خاتر العيال... قليلا من الوهم لا يضر... برضو كدي سمعت طرطشة كلام،،بس ما متاكد... الخزن القديمة.... قالو تجيب مال قارون,.. شد حيلك،،،خليك من المنطق،،ولا تنسي انك في عجبستان...
| |
|
|
|
|
|
|
|