|
|
 من الاحسن ان نتقاسم السودان الآن ...
|
بدلا من اقتسامه بحروب عبسية واراقة المزيد من الدماء ...
فخلوها كده بالحسنى ،،،،
كما نقترح قيام مؤتمر لجهات السودان الخمس للاتفاق على آلية وكيفية اتمام التقاسم السلمي للسودان ...
قلنا الخمس باعتبار ان الوسط سيكون جهة مع الجهات الرئيسية الأربعة.
طالما فشلنا في تقاسم السلطة والثروة....
|
|
 
|
|
|
|
|
|
|
 Re: من الاحسن ان نتقاسم السودان الآن ... (Re: الهادي ابوبكر)
|
في الوقت الراهن السودان هو الخرطوم والخرطوم هو السودان والبقية قش ..
حقو ما نكابر ونضيع وقتنا ووقت غيرنا في الكلام الكتير والبري ،،
فترنا من كلامكم الكتير ده ونضمي في الفاضي ، ما خليتو مصطلح سياسي ولا معاني لغوية ولا فنية ولا حتى تأليف [الطفابيع] مثالا ، وكلام في كلام وتاني كلام وكلام 25 سنة كلام والكيزان ماضين في مشروعهم الوهمي حتى بعد ما السودان برك عديل على الاربع كرعين ... وما زال الكلام متواصل.
| |
|
|
|
|
|
|
|
|
|
Re: من الاحسن ان نتقاسم السودان الآن ... (Re: الهادي ابوبكر)
|
Quote: سلام الهادي بابكر
كدي نرجع السودان اول ونطهر من دنس خمسة وعشرين عام
بعد داك القسمة هينة
فالقسمة في ظل هذه الظروف لن تنتج غير جراح وحروب ودمار ولا اظن بان ما حدث ويحدث بجنوبنا الحبيب
ببعيد عن الاذهان
ولك احترامي |
ابو روضة المشكلة الأولى هي أننا ما قدرنا نعالج الوضع الراهن وصاحب السلطة فارض علينا واقع معين من وجهة نظره يا نعيشها معاه يا نحن ما من السودان ده .. يعني هو نظرته للسودان محددة وعليه المواطن السوداني هو كل من وافق على اجندته.
المشكلة الثانية ان كل القوى السياسية والعسكرية عاجزة حتى الآن تغيير هذا النظام المستأسد بكل السودان لصالح 6 مليون نسمة هم اعضاء حزبه كما ادعو وبقية 32 مليون نسمة هم من يكد ويركض في كل الاتجاهات لتوفير عيشة كريمة لفئة الـ 6 مليون.... بنظرية مملكة النمل واعتقد ان مملكة النمل أكثر عدالة من هذه الدولة.
وثالث المشاكل يا ابو روضة إن الجميع اختار موقع المنظر وصرف الكلام حتى لا يعمل ، فاختار كل ركن قصي من العالم ومن داخل غرفة مكيفة او غير مكيفة لان الطقس بارد ومثلج ... وهاك يا تنظير وحنك حتى وصفنا ذلك الكاتب السعودي ببلد المليون شاعر وعايرنا بمدينة كسلا واختيار مهنة البواب والطباخ من الاعمال التي لا تحتاج الى مجهود بدني.
ثم ان مخطط التقسيم معد مسبقا وجاهز فلماذا يكابر النظام والقوى السياسية ... طلعو المخطط وخلونا نحدد مصيرنا مافي داعي للكلاشنكوف والرصاص والكلام ده.
| |
|
|
|
|
|
|
|
|
|
Re: من الاحسن ان نتقاسم السودان الآن ... (Re: الهادي ابوبكر)
|
Quote: ازيك يا قريبي
يعني بتاع حلفا الجديدة عشان يزور اهله في حلفا القديمة
يعمل تاشيرة ؟ كدا بنساعد في تدمير الكيان النوبي .
عارف كلامك دا بس حراق روح (روحك حارقاك)
______
كل واحد يجيب السلطانية بتاعتو عشان ياخد حقو |
اهلا يا قريبنا فيصل ، انت بتعرف قبل غيرك ان النوبي الفي قلبه على لسانه ودس الكلام وتجميله ما بنعرفه ليه ، دائما بنختار اقصر الطرق ..
فليه نضيع وقتنا ونقتل بعضنا وحروب ومحادثات سلام و حنك في الفاضي ...
حقو نعترف إننا فشلنا في الاشياء القلتها أنا دي ...
انت وأنا وكثير معانا في المنتدى اخترنا الابتعاد وممارسة نضال الكيبوردات ، والحاصل إننا اقتحمنا ميادين لا ناقة لنا فيها ولا جمل والسبب مؤكد هو تقصير من اهل هذا المجال (السياسيين) يعني.
لو السياسيين والاحزاب قامت بواجبها وما كان يجب ان تقوم به ما كان انا وغيري كتير دخلنا العوالم دي وكان نكون في موقع أخر على الاقل نخدم ونقدم شيء.
بالنسبة لي حلفا الجديدة إنت قايل هسع ناس البطانة فرحانين بينا يعني ... انت ما سمعتا مقولة (البطانة بدون رطانة) والحاجات دي ... يعني يا صاحبي اعمل حسابك انو عندنا هجرة تانية .. واللي اتنازل مرة بيتنازل تاني وتالت ورابع و مائة مرة.
دي بسيطة ومقدور عليها...
| |
|
|
|
|
|
|
|
|
|
Re: من الاحسن ان نتقاسم السودان الآن ... (Re: الهادي ابوبكر)
|
Quote: سلام يا الهادي:
أعتقد أن السودان انتهى كبلد ولن تقوم له قائمة مرة أخرى ، فلذلك التقسيم والتوحيد وفعل أي شيء آخر لن يصلح الوضع الحالي .
تحياتي |
اهلا اخونا احمد سيد أو اقول ليك بلاش حكاية أخونا دي كرهناها الكلمة دي خليها العزيز
الجزئية الاولى من كلامك مظبوط ... نحن انتهينا كدولة والنظام عرف ذلك تماما واصبح كل همه الخرطوم حتى قواته الكانت بتقتل وتحرق في دارفور جابوها ودخلوها في كردون الخرطوم عشان يزيدو من ضمانات بقاء النظام.
من المتوقع ان تهجم دول الجوار على اطراف الوطن وضم ما يمكن من ارض السودان لها ... ولعل مصر كانت سباقة بضم مثلث حلايب والان توغل على حدودنا الشمالية في وادي حلفا قرابة 17 كيلو متر باعتراف ما يسمى المجلس الوطني ، وكذلك اثيوبيا استأثرت بالفشقة وعاملة نايمة طالما النظام عامل نايم...
عليه من الاحسن ان نتقاسمه نحن وكل جهة بعدين حرة يا تنضم للدولة المجاورة يا تعمل معاها اي برتكولات هي تشوفها في مصلحته...
المهم في الامر إننا فشلنا نكون جسم واحد ،، وهذا يكفي للدعوة للتقسيم.
| |
|
|
|
|
|
|
|
|
|
Re: من الاحسن ان نتقاسم السودان الآن ... (Re: الهادي ابوبكر)
|
اخي الهادي ابا بكر
سلام
ليتنا لنا القدرة ان نفعل شئ من خلال هذا السايبر.
المؤسف ان من يقرر امر بقاء السودان متحداً او منفصلاً هم اناس لا يعتمدون على الكيبورد في حلحلة مشاكلهم بل يجعلون من الجبخانة العامل الاساس في حسم الامور السياسية.
| |
|
|
|
|
|
|
|
|
|
Re: من الاحسن ان نتقاسم السودان الآن ... (Re: اسماعيل عبد الله محمد)
|
Quote: اخي الهادي ابا بكر
سلام
ليتنا لنا القدرة ان نفعل شئ من خلال هذا السايبر.
المؤسف ان من يقرر امر بقاء السودان متحداً او منفصلاً هم اناس لا يعتمدون على الكيبورد في حلحلة مشاكلهم بل يجعلون من الجبخانة العامل الاساس في حسم الامور السياسية. |
مرحبتين العزيز اسماعيل
بدلا من الجبخانة والمشاكل خلونا نقعد في مائدة مستديرة ونناقش امر فك الارتباط ،،، فشلنا في حلحلة أي مشكلة من مشاكل السودان ، وأنا على ثقة إننا سننجح على ألا نتفق ولن نتفق حتى لو السودان ده اصبح فيه شخصين فقط، برضو الاختلاف ح يكون سيد الموقف.
وتفاديا لموت الابرياء وسفك الدماء ومضيعة الوقت في الاحتراب والمحادثات وما الى ذلك، خلونا ندعو لي مؤتمر جامع للجهات الاربعة + الخامسة ونفك الارتباط ده وكل قرد يطلع جبله..
شكرا على المرور والاضافة،،،
| |
|
|
|
|
|
|
| |
الهادي ابوبكر
فرح الطاهر ابو روضة
فيصل محمد خليل
أحمد سيداحمد عثمان
اسماعيل عبد الله محمد
فيس بوك
تويتر
انستقرام
يوتيوب
بنتيريست