|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: وضاحة)
|
عبد الله ود البوش انسان جميل عرفه المنبر دوام مبتسم من خلال كتاباته المملؤة بالاريحية والعفوية وعبق اهلنا الطيبين في الريف السوداني وما كان من ود البوش ردة فعل عفوية وغضبة حليم داخلها الشيطان نتمنى عودة عبد الله ود البوش ونتمنى ان يجبر بخاطر الجميع ويعود لك الشكر عبد العزيز على افتراع هذا الخيط المملؤ بالمحبة والتسامح
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: امجد الجميعابى)
|
Quote: عبد الله ود البوش انسان جميل عرفه المنبر دوام مبتسم من خلال كتاباته المملؤة بالاريحية والعفوية وعبق اهلنا الطيبين في الريف السوداني وما كان من ود البوش ردة فعل عفوية وغضبة حليم داخلها الشيطان نتمنى عودة عبد الله ود البوش ونتمنى ان يجبر بخاطر الجميع ويعود لك الشكر عبد العزيز على افتراع هذا الخيط المملؤ بالمحبة والتسامح |
ومعك و مع عبدالعزيز نتمنى عودة الرائع عبدالله البوش الى أهله و دياره
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: ALWALEED ALSHEIKH)
|
Quote: والله ود البوش راجل يملى العين وكفاء لو فى منوا اتنين بس المنتدى كان اتعدل |
ود البوش العريبى شـــــــــــــــــــــــــــــــنو عاملين ليه راس وقر
هسع الفرق بين ود البوش وشيقا شنو عرب وقام ليهم شوك ( العتمانة والبردانه - اسماء ما انزل بها من سلطان )
والله خلقة غير تقبض السمك فى الترع ما وراءهم شى بلا ود البوش
يلا اشتغلوا خلونا نوم وكم سئية تكون راحت بسببكم
هههههههههههههههههههههههههههههههههههههههههه
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: امجد الجميعابى)
|
شكراً أخي عبدالعزيز لأفتراعك هذا البوست المفعم بالمودة ونحن ابناء وبنات الجزيرة اماتنا فطمونا بالمحنة ودي حقيقة ... وهذه القصيدة هي بمثابة توقيعي ... عجبتني السماحة ساعة النفوس تتطايب وسمحة الطيبة فوق ناسن عُزاز وقرايب يوم جات العلاله والصيف بدايتو هبايب جا وعقبو الرشاش وهبهب نسيمو الضارب ... العود الأصيل ما بنقدر للسوس والدهب المجمر ما ببقى يوم مغشوش ملعون الشويطين اتسلط المنحوس وسوس بي سواتو وبهدل وراها نفوس .... اللوم إن حصل ما بفرّق الاخوان ِ حِبان في الملمات والقعدة في الصيوان أخوان البنات في كل حين وزمان ديل هم الغبش ويكفي الأصل سودان ( رشا بابكر )
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: عاطف احمد عثمان)
|
أتمنى عودة ودالبوش وأثني اقتراح الأخ القال أبوحسين يحلف عليه يجي وأزيد عليه : أن يلعب الأخ أبوجهينة دوره في تهدئة النفوس وتطييب الخواطر الناس بتفوت الرقبة ياخ ما قادرين يتجاوزوا مشكلة بسيطة زي دي
تحياتي يا عبدالعزيز كلما هم الناس بفعل الخير يلقوك قدامهم
الناس التحت: بطلوا الحركات الما كويسة دي الموضوع دا موضوع صلح العندو كلمة خير يقولا الما عندو يقفل ديـــ ..
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: بدرالدين بابكر مصطفى)
|
bdullah Alboush · الأكثر تعليقا · معهد الكليات التكنولوجية الاخ العزيز عبدالعزيز وضيوفه الاعزاء وضيفاته العزيزات الاخوة والاخوات البورداب والقراء السلام عليكم ورحمة الله وبركاته اشكر الاخ عبدالعزيز والمتداخلين والمتداخلات على كلماتهم الطيبة عني وحقيقة فأجأني الاخ عبدالعزيز بفتح البوست قبل ان يسألني ان كنت ارغب في العودة ام لا ثم ارسل لي رسالة في الفيس بوك يخبرني فيها بهذا البوست واقسم علي ان اعود للمنبر وقد كان ردي له انني لم اقف من تلقاء نفسي من المنبر بل تم ايقافي من قبل الادارة وبعد الايقاف شكرت الاخ بكري وطلبت منه الا يرجع لي كلمة المرور مدى حياتي وذلك لشئ في نفسي ولكن رغم ذلك فالاخ عبدالعزيز رجل اعزه جدا وهو ود بلدي ومن بطن البيت وقسمه عظيم علي فاجبته ما دام حلفت يا عبدالعزيز انا تاني ما عندي كلام فوق كلامك طب ..... قال لي خلاس ادخل اسع تيا دي قلت ليهو يا زول بتحلب فيها دارة باقي هو زول سعية وبقراتو الليام دي غارزات وراعي ما عندو هههههه قلت ليك تور تقول لي احلبو ...... قال لي خلاس اكتب لي بكري هسع تيا دي وكتبت لبكري وهو ايضا ارسل رسالة داخلية لبكري والان الامر ليس بيدي سيداتي آنساتي سادتي بل مفتاح الدخول عند النجار والنجار داير عروس والعروس دايرة المنديل والمنديل عند الجهال والجهال دايرين لبن واللبن في البقر والبقر داير الحشيش والحشيش داير المطر والمطر عند ربنا ..... وربنا كريم ورحيم غايتو المنبر دا يسوي وجع النوايط دواشات الدنيا كلها ما تروحو ..... وكلكم خاطركم غالي اتمنى ان يكون وضح الامر عشان ما تبقى علي حكاية بخيت العجب امو كل الشكر لكم والتحايا
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: صديق الموج)
|
Quote: Abdullah Alboush · الأكثر تعليقا · معهد الكليات التكنولوجية الاخ العزيز عبدالعزيز وضيوفه الاعزاء وضيفاته العزيزات الاخوة والاخوات البورداب والقراء السلام عليكم ورحمة الله وبركاته اشكر الاخ عبدالعزيز والمتداخلين والمتداخلات على كلماتهم الطيبة عني وحقيقة فأجأني الاخ عبدالعزيز بفتح البوست قبل ان يسألني ان كنت ارغب في العودة ام لا ثم ارسل لي رسالة في الفيس بوك يخبرني فيها بهذا البوست واقسم علي ان اعود للمنبر وقد كان ردي له انني لم اقف من تلقاء نفسي من المنبر بل تم ايقافي من قبل الادارة وبعد الايقاف شكرت الاخ بكري وطلبت منه الا يرجع لي كلمة المرور مدى حياتي وذلك لشئ في نفسي ولكن رغم ذلك فالاخ عبدالعزيز رجل اعزه جدا وهو ود بلدي ومن بطن البيت وقسمه عظيم علي فاجبته ما دام حلفت يا عبدالعزيز انا تاني ما عندي كلام فوق كلامك طب ..... قال لي خلاس ادخل اسع تيا دي قلت ليهو يا زول بتحلب فيها دارة باقي هو زول سعية وبقراتو الليام دي غارزات وراعي ما عندو هههههه قلت ليك تور تقول لي احلبو ...... قال لي خلاس اكتب لي بكري هسع تيا دي وكتبت لبكري وهو ايضا ارسل رسالة داخلية لبكري والان الامر ليس بيدي سيداتي آنساتي سادتي بل مفتاح الدخول عند النجار والنجار داير عروس والعروس دايرة المنديل والمنديل عند الجهال والجهال دايرين لبن واللبن في البقر والبقر داير الحشيش والحشيش داير المطر والمطر عند ربنا ..... وربنا كريم ورحيم غايتو المنبر دا يسوي وجع النوايط دواشات الدنيا كلها ما تروحو ..... وكلكم خاطركم غالي اتمنى ان يكون وضح الامر عشان ما تبقى علي حكاية بخيت العجب امو كل الشكر لكم والتحايا رد · · 10 يونيو، الساعة 11:44 مساءً |
ود البوش ود الرجال
مخير الله يا يا يابا زى ما بتقول جدتى بقيت تكتب بي تحت هههههههه هلا هلا دنيا كعبة وماعندها نظر انت الزيك دا المفروض يبقوا ادمن علشان يجز راس اى ك لب يقل ادبوا لو فى منك اتنين بس كان المنتدى اتعدل
حبابك حبابك الف وبركة اشرفتنا بي طلتك
ود البوش
ركّاز في النضم .......حاشاهو قول الني فيهو سماح طباع مو كاس سماحة الزي القاصد العوج ......معاهو دخل الخي ضرّاب للفقرضوّق عدوهو الصي
ود البوش
ايدو سخية للمحتاج سريعة و لافية اخوى اسد الهنيش النفسو طاهرة وصافية شاعر وفي النضم بعرف يجيد القافية سألة الله الكريم يديهو لينا العافية
ساعة الشورة اخوى راجل كلمتو قوية غضاي الغرض ...ايدهو تملي سخية ان وزنو الرجال ود البوش بي مية ومهما انم واقول في اخويا برضو شوية
كل الود والاحترام
| |
|
|
|
|
|
|
Re: ياجماعة ،،الفات مات،،والدنيا رايحا،،،فاشتقنا ل عبدالله ود البوش... (Re: وضاحة)
|
مع انه ود البوش ده قصصه كلها حمير وعنكوليب زى ود شاقوق لكن خلوهو يجى راجع يا حليلو الزول البوم ده والله ليه وحشة نعم لعودة ود البوش،،،
كلام 100 % يا يا ود الموج لكن اتعلم الكلام الكويس مع نسابتك اولاد الجزيرة
انت ما شايف دكتورتنا المسنوحة كاتبة شنو
عالم الفهم عندها قسمة ونصيب والله ود البوش مو بقولوا مثل كلامك دااااااا وبكرى كان عارف حق مفروض يوقف اشكالك
هههههههههههههههههههههههههههههه الله يستر على من ابو لسان كرفتة
| |
|
|
|
|
|
|
|