|
|
 من كُتُر ما هِمِلنا .. بقينا نكوس لأحسن مية !!!
|
بالله وصل بينا الحال ...
نفتش لأحسن مية سوداني نفوذهم ما بعرف شنو ؟
و أحسن مية سوداني يقودوا البلد !!!
يعني لو كل سوداني قدم قداموا مية و قال هم احسن مني خليهم يحلوها ...
حننزل مش لسابع ارض ..حننزل للأرض ال 100
و قون المغربية ... أحسن من ميه ...!!!
حليلك يا سوداني ...
ثقتك في نفسك بقت بيش ...
|
|
  
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
و لمن يبحث عن السودانى الأكثر كفاءة لقيادة البلد ...
اقول ليهو حاجتين ...
الاولي ... ( السودانية ) برضها ممكن تقود البلد ... ما ( السوداني ) فقط ...
اما من ناحية الكفاءة ...
فأي سوداني بيدخلك بيتو و انت جيعان ...
ما بيفكك لو ما مرقت شبعااان تترع ...
دى ياهوا السوداني الكفو ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: عبدالعزيز عثمان)
|
Quote: هل الاحتفال بالكفاءات
و القيادات مشكلة بالنسبة لك؟
هل خلق مؤسسات في المهجر
لهذا القرض هو في نظرك عدم ثقة؟؟
عارف واحدة من فوائد سودانيسونلاين
انك تتعود ان لا تندهش و لا تحبط
ياهو دي،،، |
سلامات اخونا احمد
و ايضاً من فوائده ان لا تأخذ الامور بطريقة شخصية ...
حزني ليس علي حالك فقط كصاحب احد البوستات ( المئوية ) ...
بل علي كل من غواه امر تلك المئات ...
و الله يا احمد انحنا احسن من كده بي كتيييير ...
إلا الثقة بالنفس اتزعزعت ...
ما عليك يازول ... كل مية و انت طيب انشاء الله ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: Sameer Kuku)
|
Quote: مساء الخير باشمهندس يحى.
انا ما عارف انت منزعج من شنو باالضبط؟
لأن الكلام الكتبتو ده ما مفهوم، على الاقل بالنسبة لي. |
يا كوكو يا سبعة و دو ...
مساءك خير ياخي ...
مين قال انا منزعج؟
انا حزين فقط ...
| Quote: يعني ده اول مرة تسمع بتكوين قوائم تحتوي على الاشخاص الاكثر نفوذا او تأثيرا او نجاحا؟ |
سمعت و الله ...
لكن هل دي هي المشكله؟
و يابو سمرة ...
القوائم الأنت بتتكلم عنها ... بتتعمل ليها لجان متخصصه ...
و بتتحدد النفوذ في شنو او القوة في شنو و هكذا ...
مش كل زول عاجبوا زول يدور طوالي ...
او كما قال ابو اللمين كل زول داير يغني عندو صاحبو في الحله اخوهوا رسل ليهو اورجان من السعودية و ( دورًوا ) ...
اما المشكلة يابو سمرة ... فهى احساسنا بالفشل و البحث عن من ينقذنا ( بالأسماء ) ...
اتمني ان تكون وصلتك الفكرة ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
Quote: يحيي
انت افترضت معايير لم يقر بها احد في ذلك البوست
من يختلف في ما ذكرته انت من معايير؟
غايتو!!!
قصص!!!
ياهو دي،،، |
معايير إيه يا ( راقِل) ...
اي معايير تلك التي اتت بايمان لندن في ( صدر ) القائمة ...
يا زول كل مية و انت بخير ... ما تهتم بي كلامي ده ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
ح اكون معاك مرن للاخر، يا اقنعتنا بوجهة نظرك يا اقنعناك، بس طول بالك علينا شوية!
لأنو الناس الشاركت في بوست النفوذ اغلبيتهم ما ناس هينيين في نفوسهم دي حتى يُقال عليهم
| Quote: بل علي كل من غواه امر تلك المئات ... |
و عشان ما نقولك حاجة انت ما قلتو، نمسك في كلامك القلتو و بعداك نشوف الحيحصل شنو!
انت كتبت:
| Quote: بالله وصل بينا الحال ... نفتش لأحسن مية سوداني نفوذهم ما بعرف شنو ؟ |
و في نفس الوقت وضعت معيار خاص بيك في السطر ادناه:
| Quote: لمن يبحث عن السوداني او السودانية الأكثر نفوذاً ...السوداني اقوي نفوذاً بكرمه و ضيافته ... |
و ليس معيارنا احنا
| Quote: و ليس بالشهادات و الدرجات العلمية ... |
لو افترضنا انو ما سمعنا بقوله تعالى (نَرْفَعُ دَرَجَاتٍ مّن نّشَآءُ وَفَوْقَ كُلّ ذِي عِلْمٍ عَلِيمٌ )
ده مش تناقض؟! مبدئيا ترفض الفكرة و تاني تضع معيار لنفس الفكرة؟! لأنو ليس كل سوداني كريم و مضياف
اعلاهم مرتبة من هو حاتم الطائي و ادناهم اشعب الاكول و ما بينهمت اناس زينا كده، مش ياهو اختيار للسودانيين الاكثر
نفوذ بمعيارك انت؟
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: Sameer Kuku)
|
Quote: باشمهندس، في الحالة دي
Quote: اجتهدت كتير في الاقتباس و التأويل ... و لم تعطي نفسك الوقت لفهم ما اقصد ...
نترك الموضوع لطرف تالت و رابع ... الخ ليحكم
لأنو بصراحة كلامك، حسب ال الله قدرني عليهو ما سمح. |
كمان ما سمح يا سمير ؟
معليش انا عارفك اجتهدت في البوست داك و حاولت تجيب اسماء و شخصيات و الامر ده اخد من وقتك و ذهنك الكتير ...
لكن ده ما يعني انك بتبني في شئ مفيد ...
مش ممكن تكون دي وجهة نظر ( انك ما بتبني في شئ مفيد ... ببساطة لانو ناقص في معاييره )
...صحي مخالفة لما تراه انت لكن تقبلها لا ينقص من وجهة نظرك ...
ولا شنو ؟
نفهم مثلاً مو ابراهيم ... له نفوذ بماله ...
زين محمود ... برضوا صاحب نفوذ بحكم وظيفته في بيبسي كولا ...
لكن طبيب اطفال او بشري ...
مثله الاف الاطباء العباقره ... في كل بلاد العالم ...
وين المعيار هنا .. لذلك الاسم بالتحديد؟
و ما هو نفوذه .
الخلاصة يا سمرة يا خوي ...
الناس فقدت الثقة في رقبتها و بقت تكوس في غيرها ...
و يا سيدي لو حسيت انو كلامي ما سمح في حقك ...
فحقك علينا ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
يحي..حبابك يا صديقي
ورد في المأثور.. انو التاجر لمن يفلس بيقوم يراجع دفاتر الجرورة القديمة.. ياسلام فلان كان شال مني بضاعة بكم جنيه..و عيك و عاااك..!
الصورة تحير الما بتحير يا يحي.. خصوصا بوست القيادة التاريخية... ياخي ده بوست فيهو تلات انفار اشتغلوا قبل كده في الأنظمة السودانية ..و برضك يجيك واحد بعد عشرات السنين و يقول ليك نديهم فرصة تاني..!!
يعني زي نظام ناس حزب الأمة .. اخينا الأمام وظيفتو الوحيدة في الدنيا (رئيس وزراء).. في الستينات رئيس وزراء.. في الثمانيات رئيس وزراء..و برضك يقول ليك ادوهو فرصة تاني..!!!!
غايتو جنس غايتو على قول صديقنا ود الصايم..
كبر
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: Kabar)
|
Quote: يحي..حبابك يا صديقي
ورد في المأثور.. انو التاجر لمن يفلس بيقوم يراجع دفاتر الجرورة القديمة.. ياسلام فلان كان شال مني بضاعة بكم جنيه..و عيك و عاااك..!
الصورة تحير الما بتحير يا يحي.. خصوصا بوست القيادة التاريخية... ياخي ده بوست فيهو تلات انفار اشتغلوا قبل كده في الأنظمة السودانية ..و برضك يجيك واحد بعد عشرات السنين و يقول ليك نديهم فرصة تاني..!!
يعني زي نظام ناس حزب الأمة .. اخينا الأمام وظيفتو الوحيدة في الدنيا (رئيس وزراء).. في الستينات رئيس وزراء.. في الثمانيات رئيس وزراء..و برضك يقول ليك ادوهو فرصة تاني..!!!!
غايتو جنس غايتو على قول صديقنا ود الصايم..
كبر |
كبر يا صديقي ...
مشتاقين كتير ...
دايماً اقول د.منصور خالد ( نختلف مع ايدوليجياته او نتفق ) ... لما كتب ( النخبة السودانية و إدمان الفشل )
كتبه و كأنه كان يقرأ التاريخ القادم علينا ...
اصبحنا لا نفرق بين الشخص الناجح في مجاله ...
و بين من يحتاجه البلد ؟
ماذا نفعل بعبقري يفهم فقط في امراض الكبد مثلاً ؟
اليس الاجدر ان نأتي بحكيم او حكيمه تفهم ما يحتاجه محمد احمد ؟
تحياتي لك ... و لحبيبنا ود الصايم ... :)
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
يحى،
انا هنا بتناقش معاك لسبيبين:
1- لأنو عارفك رجل ماشاء الله عليك.
2- انا ساهمت في بوست النفوذ مثلي مثل عشرات غيري و كلامك الكتبتو هنا غير
موضوعي الى ان يثبت العكس.
انا لم اجتهد في ترشيح اي شخص او منظومة و كلهم كانوا في متناول اليد.
ربما بذلت بعض الجهد و الوقت في المعايير و الالية لاختيار المائة الاكثر نفوذ.
و ما قمنا به هو ترشيحات و لم نقل انها قائمة نهاية، و انا شخصيا ذكرت أن الامر النهائي
من اختصاص لجنة متخصصة تتبع للجهة التي تتبنى هذه المبادرة كما هو الحال في اي قائمة
اتعملت في الدنيا.
سيبك من محمد ابراهيم و زين عبدالله، البوست ملآن للاخر باشخاص في مختلف المجالات
بما فيه الاطباء و غيرهم، بالرغم من اجتهادنا في وضع المعايير و التي ربما لم تطلع عليها، لكن كان
بامكانك و بكل بساطة ان تتطوع وتضع معاييرك في البوست المعني كما فعل البعض.
| Quote: الناس فقدت الثقة في رقبتها و بقت تكوس في غيرها ... |
انا شخصيا ما فقدت اي ثقة في نفسي، و رسالتي هي طالما هؤلاء غرباء عن الوطن
فيجب ان يكرموا في الغربة.
محرري مجلة تايم و النيوزويك و فوربس و غيرهم لمن يعملوا لست سنوية، ربما ينتقد بعض الناس
بعض الاسماء الواردة، لكن لم نسمع ان احدهم اتهم المحررين بأنهم فقدوا الثقة في انفسهم و يبحثون عن غيرهم.
| Quote: و يا سيدي لو حسيت انو كلامي ما سمح في حقك ... |
الكلام ده ما سمح في حقك انت و ليس سمير.
و برضو حقك علينا لو حاولت توصل فكرة و خانك التعبير.
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
الاخ سمير واحمد...
مع كامل الاحترام والتقدير لكليكما
وللاخ يحي...
فاسمحو لي ان ادخل بينكما واقول،،،
واضح جدا ان الاخ يحي،،لا يغمط كسب اي فرد وتفوقه..
تماما مع عظيم تقديري لكل انسان خاصة اذا كان مصدر فخار...
ولكن مثل هذه المسائل تكون لها معاييرها،،غاياتها،،اهدافها...
فمثلا بعض المجلات تكتب شخصية العام وتضع معايير صارمة لذلك..
في حالتنا نحن،،،لا الواقع،لا الزمان،،،لا الاليات،،ولا المشاركين هم المطلعين علي الكل وتاثيراتهم...ولا هناك فائدة ترجي من ذكر المائة وقد يرسخ انهم هم الاوائل ،،والتي اغلبها تقييم شخصي...
كان من الممكن ان يكتب الناس عن صفحات مشرقة لسودانيين في بلاد الاغتراب،،،اعرف اما امية،،،هنا،،تنظف المنازل خرجت تلات بنات طبيبات،،،الا يجعلنا هذا فخوريين بها وبوظيفتها وعملها المقدس الشريف..
فلذلك ،،المسالة كان يمكن ان تتناول بوجه اخر،،خاصة في ظل احسساسنا جميعا،،،بان الاشياء ليست علي مايرام...
حقيقة سرني احتفاء يحي باناس عاديين،،هم من صنعوا جوهر حياتنا...
كما انني لفخور بكل ابن بلدي يقهر الصعاب ويطوعها ليحقق له ولامته مجدا،،من غير ان تكون هناك ضرورة للترقيم والقوائم...
لستم الا اصدقاء،،فلا تذهبو بعيدا...
| |
|
|
|
|
|
|
|
|
 Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
صباحكم خير يا يحي ويا سمير
زى ما كلنا عارفين فى سودان كامل بره السودان !
ملايين من الناس الاصيلة زيكم و كلكم مشيتو و خليتو
السودان زى اليتيم المبهدلو راجل امو........
يا كل السودان المغترب اتنادو واتفقو على موعد
واحد تعالو اجازة شهر واحد اقطعو السودان شرقا
غربا و شمالا جنوبا وشخصو العلل و اوصفو الدوا
السودان محتاج ملايين الناس من بناتو واولادو
والطيبين الجوة السودان معاكم فى كل خطوة
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: نعمات عماد)
|
كدا غلط، غلط فادح كمان.
الصحيح،
إن شاء الله.
يا سمير بطّل اللياقة إنت كمان.
قباني عايز يقول بقينا ما عندنا قيادات،
والسؤال، كيف يكون عندنا قيادات في ظل الكتمة دي؟؟؟.
الحرية هي التي تنتج القيادات.
| Quote: السودان زى اليتيم المبهدلو راجل امو. |
تشبيه مبالغة يا نعمات.
والله صحي...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: alsngaq)
|
Quote: رسالتي هي طالما هؤلاء غرباء عن الوطن
فيجب ان يكرموا في الغربة. |
يا سمير ...
رسالتك جميلة جداً ...
وانا من اشد الناس تأييداً ...
ولكن هل هو موضوع البوستات المعني ؟
هناك بوستين:
1- ال 100 الأشد نفوذاً خارج السودان ...
2- ال 100 الأكثر كفاءة لقيادة السودان ...
يعني المسأله ما تكريم...
المسأله تحديد ( مصير ) ... ارتبط بأسماء ( سمك لبن تمرهندي ) ...
و عشان ما تفهمني غلط ...
سمك لبن تمرهندي لا يعني التقليل من شأن اي احد و منهم اصدقاء لي في تلك القوائم ...
بل تعني عدم التجانس و فقر الفكرة ...
___________________________
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
Quote: الاخ يحي المسألة تخطت مرحلة فقدان الثقة بكثير للاسف الشديد.
السنجك |
الحصل لينا شنو يا سنجك؟
تعرف من اليوم الكتب لي فيهو الشاب القاعد في السعودية عن بطولات للنميري ...
وقال قراها في كتاب ( مقاتل من الصحراء ) حق خالد بن سلطان ...
عرفت اننا رحنا شمار في مرقه ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
الفاضل يحي قباني
سلامات
وعارفه فعلا المرض البتكون حسيت انه مرضناك ليه هههههه سامحنا
وانا عارفه اني شاركت في تلك العواسه.
عارف ليه؟!
لانه فعلا فكرة البوست كانت في و ادي و بعض الكتابات في وادي ثاني
قلنا وقت اصلا بقي استعارض قوي وكل من امتلك باس ورد فاكر ممكن يحشر قرايبه ومعارفه خلاص الناس الما عندهم قرايب هنا انا قريبتهم
والما عندهم معارف بيذكروهم انا معرفتهم. ومن هنا…جاءات هذه القوائم المتلتله.
عارف البوست ممكن يكون تعريفي
توثيقي
وممكن فعلا يولد بوستات كثيره
لانه للاسف اغلب الكفات هاجرات
يعني ممكن يكون في بوست للرياضين الهاجروا
وبعدها للموسيقين
وواحد للتشكلين
حتي الاكاديمين…وهكذا…..
ولما نجيء للمائه ناثري الجمال بحياة شعبهم ستكونوا انت و عبد العزيز عثمان من المتصدرين للقوائم تسلموا يا مالكي ناصية الكلمه و الفعل الجميل.
ويا يحي…لما نجيء للمائه الاكثر نجاحا في الغربه برضو حتكونوا منهم
ولما نجيء لناس ام درمان السمحين و حكيهم طاعم برضو انتو منهم
بس حسه خلونا في قوائم (السمك لبن تمر هندي ) دي و بعدين تترتب براها.
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: معاوية المدير)
|
Quote: لانه فعلا فكرة البوست كانت في و ادي و بعض الكتابات في وادي ثاني
قلنا وقت اصلا بقي استعارض قوي وكل من امتلك باس ورد فاكر ممكن يحشر قرايبه ومعارفه خلاص الناس الما عندهم قرايب هنا انا قريبتهم
والما عندهم معارف بيذكروهم انا معرفتهم. ومن هنا…جاءات هذه القوائم المتلتله. |
تراجي يا بت الحلة ...
كويس انك لقيتي ليهو فكرة؟
انا شخصيا ما عرفت فكرة البوست شنو حتي تاريخه ..!!!
عموما ياخ انا عندى ميات كتيره ...
حأدور فيها لغاية نهاية الربع ده كان الله هونها ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
يحي قباني سلام،
| Quote: من كُتُر ما هِمِلنا .. بقينا نكوس لأحسن مية !!! |
من كثرة ما نزل بعد نشرك لهذا المنشور، يبدو أن منشورك أصبح قديم الإصدار أو النسخة.
أحدث اصدار مجموعة من المنشورات داخل حقيبة واحدة تحت عنوان:
من كُتُر ما هِمِلنا .. بقينا نكوس لأعجب ميات !!!
الآن في متناول الجميع:
1/المائة سوداني الماسورة .
2/المائة أغنية سودانية الأكثر هجيجاً و رقصاً ...
3/افضل مائة لاعب كرة سوداني
4/ 100 سبب ل تصمت الحكومة صمتا تاما يوم 30 \ 6 \ 2014
5/ قائمة اكثر 100 شخصية سودانية مكروهة في العالم
6/المائة سوداني الأكفأ لقيادة السودان الحديث المرتقب ! [ 1 2 ]
والقادم بلاشك أكثر.
تحياتي وتقديري
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: قصي محمد عبدالله)
|
يا معاويه المدير
سلامات
يا الحبيب يا اخوي ناس يحي قباني ديل ناس الجل و الراس ذاتهم
ومدينتهم في ولايتنا تمثل حناكيش الولايه
ناس راكزه و مستقره و رايقه كده لامن بتكتب في الجمال و الشعر وبتحب كندا ذاتها بثلجها و جنونها لانهم قدروا (ماشاء الله تبارك الله يحققوا نجاحات شخصيه كويسه)
اه نحن ناس هاملتون ديل بالنسبه ليهم ناس الضهاري و المدن العماليه و الكتاحه و الهواء ذاته. ههههههههههههههه.
عمدتكم يا يحي ام ال ثمانين سنه ديك كيف حالها؟!
تلقاك بتمشي تخمس معاها قهوى ساكت من تواضعها و انها موجوده ومتاحه لاي مواطن يرغب في التواصل معها.
ـــــــــــــــــــــــ
فكرة البوست انا فهمتها
لكن في وجود صاحبها هو اولي بالنقاش.
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: Tragie Mustafa)
|
Quote: يا الحبيب يا اخوي ناس يحي قباني ديل ناس الجل و الراس ذاتهم
ومدينتهم في ولايتنا تمثل حناكيش الولايه
ناس راكزه و مستقره و رايقه كده لامن بتكتب في الجمال و الشعر وبتحب كندا ذاتها بثلجها و جنونها لانهم قدروا (ماشاء الله تبارك الله يحققوا نجاحات شخصيه كويسه)
اه نحن ناس هاملتون ديل بالنسبه ليهم ناس الضهاري و المدن العماليه و الكتاحه و الهواء ذاته. ههههههههههههههه. |
يا ام حازم يا جميلة ...
عليك الله الهواء الفي الماونتن ده في زيو في حلتنا دي؟
انا بكلمك كان اتقاعدنا في البلد دي ... بس داير لي بيت في جبلكم ده و لي فوق من رايمل كده ...
اما النجاحات الشخصية ... متاحة للكل يا تراجي .. بس مافي شي بدون تعب وجري ...
يعني الداير ينوم اليوم كلو .. ما يخت اللوم في البلد ...
| |
|
|
|
|
|
|
|
|
|
Re: من كُتُر ما هِمِلنا .. بقينا نكوس لأحسن مية !!! (Re: يحي قباني)
|
| Quote: من كُتُر ما هِمِلنا .. بقينا نكوس لأعجب ميات !!! |
تعرف يا قصي اول مرة اسمع كلمة ( هملت ) و زعلتني زعل شديد جداً ...
سمعتها من واحد من ( قنادف ) البلد في السبعينات ...
كان قايل رقبتوا براهوا البركب طيارة ...
وبراهوا البمشي اوروبا ... و بيعرف المطايب و خلافه ...
لاقيتوا في كافتيريا ... كان روادها من رجال الاعمال
ولاحظ انحنا طلبه ... و برضوا كانت رخيصه واسعارها متاحه بالنسبة لينا ...
طلبنا من الجرسون شاي بي لبن ...
و قام قال اجيب ليكم بسكويت ( جِنجِر ) !!!
قام عمك ده نطط عيونو و بعد ما الجرسون اتحرك سألوا...
قال ليهو انتو بتقدموا بسكويت جنجر هنا ؟
الجرسون قال نعم ...
سالوا تاني ...جنجِر في السودان؟.
وقعد يبرطم براهوا و يقول
( والله هملته يا الجنجر البقوا ياكلوك السودانيه ) ...
قربت اقوم اديهو كف ...
اها حسي انحنا الهملتنا بلدنا كلها ...
و بسكويت كوكو و الحرمين ما لامين فوقوا ...
| |
|
|
|
|
|
|
| |
يحي قباني
عبدالعزيز عثمان
Kabar
نعمات عماد
معاوية المدير
alsngaq
Tragie Mustafa
قصي محمد عبدالله
فيس بوك
تويتر
انستقرام
يوتيوب
بنتيريست