|
|
 ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟
|
اول شئ مبروك قفلة الموسم الدراسى فى الخليج اليوم الاربعاء وباقى امتحانات التحصيلى يوم السبت ونتفكى
تانيا الاجرااءت شنو بعد استلام الشهادة هل فى توثيق مطلوب ولاشئ ولا بس نشيل شهادتنا دى وفللى على ناس ابراهيم احمد عمر ديل ولا هو اسمو منو زاتو ماعارف وزير التعليم الغالى ده
انا كتبت الغالى مخصوص ماغلطان .... مش هو غالى بالجد ؟؟؟؟
ثالثا اها الحنك بيهناك شنو زى ما بيقولو فى السودان هل هنالك اى اجرااءات مطلوبة مننا للتقديم للجامعات ؟؟؟
باعا هل مسموح لنا التقديم لاولادنا فى الجامعات الحكومية زيهم وزى اى اولاد مواطن سودانى تانى ولا نحن ناقصين مواطنة وكده كوننا مغتربين ؟؟؟
خامسا الحتة بتاعة تقييم الشهادة هناك مافاهمة قدر ماشرحوها لى ما وقعت لى ... تبدو المعايير غبية وغير مقنعة بالنسبة لى فيكم زول يوقعا لى ؟؟؟؟
نفسى قام بعدين اكمل بعد ما حد يتبرع يشرح لى الغلوتيات الفوق دى
|
|
 
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: aosman)
|
اها يعنى خبرك شنو اكان مفلس ما بتناضمنى ولافهمك شنو يازول؟؟؟
يا أخوي, كان مفلس تعال معانا بي جاي في باكستان, لكن ما دام بتشاور في السودان معناتو إنت زولا مليان قروش. السودان ده ما بفكر فيهو إلا الغني. صدقني الصرف في السودان للطلاب أكثر من صرف الطالب في كثير من الدول. بعدين الدول مثل ماليزيا, الهند, باكستان, توفر فرصة تحسين اللغة الإنجليزية للطلاب, عكس السودان, خاصة إذا كانت اللغة الإنجليزية للطالب سيئة.
| |
|
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: aosman)
|
أخي العزيز عادل
مبروك النجاح مقدماً
وربنا يفرحك بيهم متخرجين من الجامعات
وإذا لم تخني الذاكرة :
أولاً : الشهادة بتكون مختومة من إدارة التعليم أو الرئاسة العامة لتعليم البنات
ثانياً : تقوم بتصديقها من وزارة الخارجية بجدة
ثالثاً : يتم تصديقها من القنصلية السودانية بجدة
رابعا: تنتظر حتى إعلان نتائج الشهادة السودانية بالسودان ومن ثم سيتم طرح شروط التقديم والتقديم للجامعات ..
خامساً : أمشي وقدم ليهم .. بس زي ما قال ليك أحد الأخوان الكليات الطبية بفروعها كووولها ما حيقبلوهم ليك مجاني .. والهندسة شرحوا .. وغيرو وغيرو ..
سادساً : جهز القسط الأول وخليه على جنب (فوق للعشرة مليون) لو عايز الكليات اياها ..
سابعاً : فكر في السكن ...
ثامنا : ما تزعل وما تتضايق فأنت مغترب
تاسعاً : ما تتحمق وما تجادل .. فأنت مغترب
عاشراً ما تحاور وما تصادم .. فأنت مغترب ..
مليون : وما ... وما .. وما ... فأنت مغترب
ويااااا مثبت العقل والدين ..
| |
|
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: عبد الوهاب المليك)
|
Quote: ثامنا : ما تزعل وما تتضايق فأنت مغترب
تاسعاً : ما تتحمق وما تجادل .. فأنت مغترب
عاشراً ما تحاور وما تصادم .. فأنت مغترب ..
مليون : وما ... وما .. وما ... فأنت مغترب
ويااااا مثبت العقل والدين ..
|
المليك حبيبنا يديك العافية
وشكرا على هذه النقاط المفيدة
باقيليك كان وديناها جامعة القدواب مااخير ليها على الاقل تاكل لها تمر من نخلنا الهناك ده وانتهى الموضوع
الله يكون فى العون يا زول ترانا ماشين على الجكة دى ويدنا فى قلبنا
المشكلة انا ما عندى صبر ليهم طوالى بشاكل وخاصة لمن احس انهم بيعاملونى كمغترب او بالاحرى كمواطن مختلف وجاى من كوكب اخر
لسع هم مفتكرين المغترب ده قبة وتحتها فكى
لكن انا بقول ليهم المغترب ده قبة وتحتها فقير
يازول غايتو الحمدلله على كل حال
| |
|
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: عادل عبدالعزيز عبد الرحيم)
|
الاخ عادل ... سلام
لو عاوز نصيحتي ... اذا البت عاوزة تقراء طب فقط وديها السودان وامرك لله ...
وما عدى ذلك خلي البت جنبك ...
والان الجامعات السعودية بتقبل الاجانب لو نسبتها اكثر من 95%
انا عندي بتي بتقراء في جامعة الدمام وفي السنة النهائية ادارة اعمال ...
والتانية ..ممتحنه زي بتك برضو وبخلصو بكره ..
وان شاء الله بقدم ليها هنا ...
بالنسبة للاولاد ما مشكلة .. ان شاء الله يقروا في الواق الواق ..
الا البنات ... فانا عندي تحفظ من قرايتهن في الخارج ..
والامر متروك لظروفك ....
تحياتي ,,,
| |
|
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: شمس الدين التوم)
|
تحياتى اخى عادل
والله فتحت ملف هام وحاار .. بس لابد منه
بالنسبة للبنات فى رأيي مافى غير السودان
يا اخى الحال من بعضه ..
عندى بت بتخلص الثانوى السنة دى والتانية السنة الجاية
.. والاتنين مادايرات السودان تب .. ومحتار برضه
طبعا ما فى طريقة امهم تمشى مع واحدة وتخلى التانية هنا ..
مفكر اجمد السنة دى للبنت الكبيرة الى السنة الجاية .. والسؤال هل اقدم ليها وبعد القبول
اطلب من الجامعة تجميد السنة ؟ ولا انتظر للسنة الجايةاقدم ليهم الاتنين سوا ؟
تحياتى
| |
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: عادل عبدالعزيز عبد الرحيم)
|
حبيبنا عادل عبد العزيز
ليك وحشة يا راجل
وتهانينا للبنية أكيد متفوقة
أم بخصوص القراية في السودان أنا عندي تجربة مريرة
رسلت البنت للسودان للدراسة وتعال شوف التلتلة بالجلالة قبلوها لينا في كلية العلوم جامعة الخرطوم
رغم أنها أحرزت 95% هنا دا كان في القبول العام
وطبعا حتى الآن أنا ما فاهم حسبوا النسبة كيف
ويا ريتهم لو ما قبلوها ... هذا القبول فقدنا فرصة التنافس في القبول الخاص
مما اضطرها لإضاعة سنة أو أكثر للتقديم مرة أخرى في القبول الخاص
لأن رغبتها أن تدرس الطب
في النهاية قدرنا ندخلها كلية خاصة بعد ضياع سنتين
وتكاليف الدراسة ما يعادل 11 ألف ريال في السنة غير المصاريف كما ذكر الأخوة عاليه
الولد طبعا باقي ليه سنة وحالف ما يمشي السودان أبدا أبدا
ربنا يكون في العون
| |
|
|
|
|
|
|
|
|
|
Re: ناس الخليج الوديين وليداتم يقرو الجامعة فى السودان... اها بقيتوا على شنو ؟؟؟؟؟ (Re: محمد مجيدو)
|
كتب مجيدو
| Quote: لو عاوز نصيحتي ... اذا البت عاوزة تقراء طب فقط وديها السودان وامرك لله ... |
الكلام الفوق دة درررررررررررررررر
تعرف أنا ولدي ممتحن السنة الجاية، ومصر على طب، أمو مصرة إنو يقرأ هندسة هنا في السعودية ولا يمشي يقرأ بعيد عنها خاصة السودان
لا لشيء إلا لما تسمعه عن أخبار السودان
لكن للأمانة أحد معارفي رجل إمكاناتياته بسيييييييطة جدا قبل تلات سنوات بنته أحرزت 100% ومشت السودان إختارت حاسوب
والبنت حسب تربيتها، دة ما يمنع أولاد الحرام كتااااااااار وكمان الصاحبات.
نسأل الله يرد قربتنا
| |
|
|
|
|
|
|
| |
عادل عبدالعزيز عبد الرحيم
ismeil abbas
aosman
محمد عمر الفكي
عبد الوهاب المليك
محمد مجيدو
محمد علي شقدي
شمس الدين التوم
جعفر محي الدين
فيس بوك
تويتر
انستقرام
يوتيوب
بنتيريست