|
|
|
 Re: كنت في السودان ... الحال ما بسر تب (Re: الجنيد حمد)
|
في البدء
نحمد الله الذي لا يحمد على مكروه او خير سواه . نحمده بعد أن منّ على اختي وابنها بالشفاء اثر تعرضهم لحادث سير
وسامح الله السائق الذي هرب ولم يعد الا بعد مضي تسعة ايام (ومن يدري ربما ليس هو )
والشكر للاهل والاصدقاء
وشكر خاص للعاملين بمستشفى جرش ومستشفى دار العلاج
ورحم الله المستشفيات الحكومية
| |
 
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
بل اقرب مما تصور
هذا الوضع فقد مبررات وجوده ولايمكن ان يستمر كما كان
التخبط المزري للتصريحات المتناقضة والساذجة حتي مستوي الازمات الدبلوماسية ,, وحتي مستوي جا يكحلها عماها
انكشاف المعارضة بشكل واضح المع الحكومة والمع الشعب
تمايزت الصفوف بين مقاتل من اجل قوته ومقاتل من اجل اقتلاع قوت الآخر
ترهلت السلطة ,, تقسمت السلطه المركزيه داخل المركز لسلطات ودعك من الاطراف
و
بجيك
| |
|
|
|
|
|
|
|
|
|
Re: كنت في السودان ... الحال ما بسر تب (Re: عبدالحفيظ ابوسن)
|
| Quote: تمايزت الصفوف بين مقاتل من اجل قوته ومقاتل من اجل اقتلاع قوت الآخر |
واخرون في صف الترقب والانتظار الطويل .
......
ملامح عجيبة
بعد الواحد من صباح الجمعة وهي ليلة الخميس (والخميس كما هو في العاصمة بدع ومصائب ) ذهبت برفقة ابن خالي نبحث عن ما ناكله
ساقنا الجوع الى شارع (عبيد ختم ) كافتيريا الاسكريم والناس الغير الناس
الوجوه ماها الوجوه ناس سمحة ونضييييفة (مصنع مصنعين ناساً حالا زين طين في طين ووين ما مرابا مر بارد همهما لا يعرق جبين لا وشا يصر)
بنوت صر والضكور على عداد اصابع اليد . خصلات الشعر والوان الميك اب ورموش صناعية (لابسات وماهن لابسات) واي واحدة في ايدها تلفون وزن 2 كيلو
يشيلن ويصححن ساي . المهم بارك الله فيهم الساندوتش مشبع تب لكن غالي . مرقت زي ما دخلت فاتح خشمي وبعاين بس بعيوني.
رجعنا الى شارع الستين للمشفى مرة اخرى ومن هناك توجهنا الى مستشفى الخرطوم بعد أن طلب الاختصاصي نقل الولد الى العناية المكثفة
وهناك انقلب الحال
الفقر المرض الجوع القهر الذل (انا لله وانا اليه راجعون)
رائحة البراز وطنين البعوض يملى فرندات المستشفى (حبوبات وامات مريضات يمارضن ازواجهن ابنائهن اولادهن بناتهن)
الحمدلله هي الاجابة لكل من تكفر له . استغفر الله لكن دي مي حال بترضي رب او زول
حسب افادة احد المعارف أن العناية المكثفة بالمستشفى غير فعالة نسبة لتعطل جهاز الاوكسجين؟؟؟؟؟؟
توجهنا الى العناية المكثفة في الجناح الخاص بالمستشفى الجنوبي او اي اسمه (سعر اليوم 1500 ) بعد ايداع مبلغ 8000 عربون اقامة
وهو مبلغ بسيط مقارنة بالمستشفيات الاخرى باستثناء السلاح الطبي ومستشفى سوبا الجامعي الحكومي.
عدنا (بحنين كلها ) والمقارنة حاضرة ما بين التي شيرت الناصل عن قصد والتوب المرمي براهو الجوع وبقايا الاكل الملقاة في السلة . بين الفارهات وانتظار الحافلة
والغريب في الامر أن من يحدثك عن ضرورة التغيير هم متوسطي الحال فالكادحون يبحثون عن ما يبقيهم على قيد الحياة والاغنياء يبحثون عن اماكن اكثر بهرجة ورفاهية
متوسطي الحال تشمل مع اخرين (كوادر الاحزاب في الجامعات الذين ينتظرون تاشيرة الخروج الى اي مكان اخر او من يؤمنون بضرورة العمل من اجل الاخرين وهم قلة حسب ما شاهدته
رغم أن عشرة ايام غير كافية للتقييم ولكن هو انطباع تكون لديّ)
.
.
.
| |
|
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
حباب الامين
| Quote: الجاي من السودان كلامو بكون طااازج وحقيقي |
الكلام كتير (العين بصيرة والايد قصيرة ) سمح الصبر بس
....
سوبا الحلة
اسم واصبح الحال كما الاسم قرية تجاور المدينة طريق الاسفلت الرابط بالخرطوم مروراً بسوبا اللعوتة اعلن استسلامه منذ الخريف الماضي
واليات الوالي لم تزره بعد وربما حتى المقبل حسب اقوال البعض أن عطاء الصيانة تم تسليمه لشركة والشركة لم تقم بالعمل لانها لم تستلم (قروش)
والقروش عند الوالي والوالي داير واسطة ..... الخ
هناك طريق اخر عبر (طريق كابو) يساعد في الحركة بالنسبة للسكان جوار البحر مما يجعل اهل وسط الحلة والزريبة والبيطري يعانون (المخاض)
للوصول اليه عند نزول اول قطرة من السماء .
والمدارس على الابواب والشوارع كما شوارع الخرطوم الاخرى (للضمان كده ناس نفير يجهزو من هسي ويفتحوا الحسابات وغيرو فالخريف مفاجئ هذا العام كما الاعوام السابقة)
منو المسؤول ؟؟؟ وين المعتمدية ؟؟؟ وين اللجان الشعبية ؟؟؟ وين ووين .
والحمدلله منذ دخولي الى المنزل وحتى خروجي تأدبت (الحنفية - الماسورة) ورفضت مصافحتي (فهي انثى ولا يجب عليها مصافحة الرجال )
عطش الغرقان
النيل من البيت عشرة دقائق وانت ماشي بي مهل والموية قاطعة . الله يخي الجامع وماسورة الجامع ولجان الجامع وناس الجامع بعد كم ساعة بتلم في جردل تتشطفبو.
حتى هذه اللحظة (الموية قاطعة ) في مربع كامل سكانه اكثر من الفي نسمة . وهناك اخرون في مناطق السودان عطاشى ايضاً .
وحتى الكهرباء الجاية من السد (الرد الرد السد السد) تقطع وتجي زي (ابولمبة)
رغم الحال المائل . لا لستك اتحرق ولا طريق اتقفل ولا صوت مطالب الناس صابرة لمتين يارب .
والقهاوي تحتوي الجميع
التحية للشعب الاثيوبي والشعب السوري والشعب المصري لاستضافتهم لنا في السودان (الشقي )
| |
|
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
كان الله في عون الشعب الفضل
السودان اصبح وبسبب الكيزان جحيما لايطاق ويجيك واحد زي حسين خوجلي عايز الشعب يصرف على المستشفيات وينشئها في حين الحكومة (تشلّع) المستشفيات القائمة وتنفض يدها عنها
خلاصا عاجلا غير آجل
حمدا لله على سلامة عودتكم الاخ الجنيد والدعوات ان يسبغ المولى على مصابكم الصحة وويديم على الجميع نعمة الصحة
| |
|
|
|
|
|
|
|
|
|
Re: كنت في السودان ... الحال ما بسر تب (Re: مهدي صلاح)
|
استاذنا الجنيد حمد
انعم الله علي اهلكم بالصحه والعافيه وكفاره
| Quote: والغريب في الامر أن من يحدثك عن ضرورة التغيير هم متوسطي الحال |
ليس في الامر غرابه، متوسط الحال هو من له وقت للنظر حوله و يتمتع بنظره محايده للامور.
اختفاء من يمثلون تلك الطبقه، يحرم المجتمع الوسطيه عموما ويصبح الحال دون تقييم ، توجيه ونصح مفيد حتي اضحي المجتمع بدون لون او رائحه.
ليس من العدل ان نطلب ثوره ضد الحال المايل من المسحوقين فهم التكمله وليس المبادره.
المطمئن حسب زياراتي السابقه ان سوق العمل مفتوح للجميع ولم يعد حكرا علي الجبهجيه و تلك محمده.
نسأل الله صلاح الحال
| |
|
|
|
|
|
|
|
|
Re: كنت في السودان ... الحال ما بسر تب (Re: محمد هاشم ابوزيد)
|
حباب ود ابسن
Quote: طمنا نحن ناس جوه
ما تبقي علينا حكاية العرضحلجي |
حالنا بقى زي القصة بتاعت القرود الختو ليهم الموز في اعلى السلم وكل ما يطلع واحد يرشوا البقية بي موية
بعداك بقوا براهم بجلدو اي قرد يطلع عشان (الرش) والقصة مشت لحدي ما غيرو كل القرود ولحدي هسي بجلدو اي زول اقصد قرد يحاول يطلع
قعدت جمب بتاع امجاد وقلت السواقين ديل جايبن الخبر اليقين وناس زملاء وكده ؟ قلت ليه حميدتي في الخرطوم قال لي حميدتي ده منو؟؟ قلت ليه الجنجويد ياخ واسترسلت في الشرح
طوالي قال لي يازول ناس ابوطيرة ديل لو قبلوا عليه بجهجوه دي حركات حكومة ساي دايرة المواطن يخاف اكتر
وقرب من اضاني وقال لي اخوك الفي البيت تلقاه شغال في الجهاز ياخ
..........................
الحاجة الكويسة
كل الشباب بقروا البتهبشوا كلو بحضر في الماجستير وشهادة لله ما زي (شهادتي لله ديك) الدراسات العليا في السودان ارخص من مناطق كتير .
وبعدين دي (حجة ) قوية لعدم العرس بدل البت تقول داير اقراء الولد يقول لسة داير اقراء ياخ
| |
|
|
|
|
|
|
|
|
|
Re: كنت في السودان ... الحال ما بسر تب (Re: يوسف الطيب احمد إدريس)
|
حباب عبدالعزيز
| Quote: وطالما بديتها لينا بالمستشفى أكيد مشيت كفرت الحلقوم لبشة!! |
تسلم ياحبوب وربنا يشفي كل المرضى
.......................
البشير راح ليه الدرب في القش والقرار بقى ما في ايدو ناس القروش هم البقررو يعمل شنو ويخلي شنو
ياتن يطاوعهم ويشيل خمشتو ياتن يودوه التوج .
تصدق السؤال الاكثر تداول وسط العامة
شحنة البنقو ديك ودوها وين ؟؟؟
| |
|
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
يا الجنيد بعد السلام وحمداً لله على السلامة.
ما فهمنا من كلامك السودان كعب أم لا؟ في الحقيقة لا يمكنك الإجابة عن السودان ولكن نقصد الخرتوم كويسة لا كعبة؟ في الحالتين علل. ودا المطلوب.
قناتي في اليوتيوب
http://www.youtube.com/user/KabbashiSudan
تحياتي
كبـّاشي الصافي
قناتي في اليوتيوب
http://www.youtube.com/user/KabbashiSudan
| |
|
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
حمدلله على السلامة
| Quote: والغريب في الامر أن من يحدثك عن ضرورة التغيير هم متوسطي الحال |
لذلك لا أمل في تغيير قريب!!!لماذا؟؟؟ لأن متوسطي الحال عدد أصابع اليد، أم الأغلبية فهم الكادحون ولا وقت لهم
| Quote: فالكادحون يبحثون عن ما يبقيهم على قيد الحياة |
اللهم أصلح حالنا يالله
| |
|
|
|
|
|
|
|
|
|
Re: كنت في السودان ... الحال ما بسر تب (Re: Hassan Senada)
|
استاذي/ مهدي صلاح - اسعد الله ايامك بكل خير
تسلم من كل شر
| Quote: في حين الحكومة (تشلّع) المستشفيات القائمة وتنفض يدها عنها |
قالوا في الخطابات (مزقنا فاتورة الصحة ) . والحاصل غير
المستشفى الحكومي لو خشيتو مرافق بتطلع مريض (لا نظافة لا رعاية )
والمستشفيات الخاصة تمص الدم (اليوم رقاد من غير اي حاجة مليون الدكتور عشان ينادوه 150 حكمة ربك الدرب تجيبوا من جيبك
والقطن يعني لو شلت كتاب طب وعالجت زولك في البيت بكون احسن ) المستشفيات الحكومية راحت بس ياريت تكون في رقابة على الخاصة
بدل ما تبقى علينا ميتة وخراب ديار .
| |
|
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
استاذي /محمد هاشم ابوزيد - دمت بالف خير
وربنا يشفي كل المرضى
| Quote: المطمئن حسب زياراتي السابقه ان سوق العمل مفتوح للجميع ولم يعد حكرا علي الجبهجيه و تلك محمده. |
السوق مفتوح (التجارة الداخلية ) لكن الداخلة من البحر ولا المطار هيلة الجماعة وهم البتحكموا في السوق وعندك واسطة امورك بتمشي
وبتقدر تربح وتستفيد اكتير
بالنسبة لذوي الدخل المحدود (مائة جنيه في اليوم ما بتغطي 3 عيشات بجنيه علبة التونة ب 5.05 وعلبة الطحنية بي 12 فول للعشاء الكان بي 300 بقى بي 2000
اهو الناس مجابدة وصابرة
| |
|
|
|
|
|
|
|
|
|
Re: كنت في السودان ... الحال ما بسر تب (Re: الجنيد حمد)
|
عمنا /كباشي الصافي - اسعد الله اوقاتك بكل خير
| Quote: ما فهمنا من كلامك السودان كعب أم لا؟ |
السودان سمح بي ناسو .
غياب لدور الحكومة والمواطن البسيط في ايد الناس المليانة قروش وليهو الله وعيشة السوق
انعدام الخدمات والحال بغني عن السؤال وزي مابقول الشكية لغير الله مذلة ده لسان حال الغالبية المسحوقة .
يا الله مطرة
| |
|
|
|
|
|
|
| |
الجنيد حمد
الامين محمد علي
عبدالحفيظ ابوسن
Abdlaziz Eisa
مهدي صلاح
محمد هاشم ابوزيد
ABUHUSSEIN
يوسف الطيب احمد إدريس
cantona_1
حسن فؤاد
فرح الطاهر ابو روضة
طه داوود
فيس بوك
تويتر
انستقرام
يوتيوب
بنتيريست