|
|
 عبد اللطيف بكري ومن على شاكلته
|
ولكل الذين يبحثون عن الحب والسلام والجمال
بعيد عن قبخ السياسة قولا وفعلا
خلي بالك
من عيونك وروعة السحر اللي فيها
وخلي بالك من دروب الدهشة
في سكك المدارات
في العوالم
وانت عارفة اني دايما بشتهيها
ويا صبية
كلما اسمع غناو الهجعة
في ليل المسافات القصية
والمغني الكان بيصدح ( يا صبية الريح ورايا
وخلي من حضنك ضرايا)
برتعش
والقى انك دي الصبية
الكنت دوما برتجيها
باقة الورد
باقة الود
والموانع حايلة بيننا
ويبقى بيناتنا الامل
كلما ارسل رسالة
والقى ارد
انظم الاحرف غزل
مرة تتبرج جمال
مرة تتراقص دلالا
ثم تيها
الاماسي
في ابتهاجها
ديمة منك تاخد اللون الاساسي
كان طرب كل البدايات
في الاماسي
ولما تصفو
بيننا ياحلوة الليالي
ببدا أتناعم معاك
ومفرداتي اليك
ومنك
وانت اصلك ديمة فيها
يازول بتلون صباحات المسافر
ياروعة بتدغدغ عوينات المساهر
ياحاجة من نفس الوتر
تريان بينضح
بي حسيس وجع الغنا الحاني
والقاك يازولة بتلالي كما التريا
مرات اشوف فيها الزمان الجاي من عمق الشقا
ومرات احاول لو اجيها
ومرة تغلبني الحروف
والقافية تتمرد
تطش
وانا بي وراها كمان اطش
واتملى حسنك
بين مجرات الجمال
والقك
يابنية
جد مافيكي قول
انت سمحة وكم وجيهة
شاربة الصبوح من نيلنا قبال الشروق
مويتن ترد الروح
تخلي دم شريان هواي يهدا ويروق
وتاني بعد البكري ويشرب للتني
والعافية تترد واحس
بي فورة الريدة الهوى
يا ربي كيفن احتمل هذا الرهق
شفق الصباحات البداية
يابنية بي دعوة نديهة
مولوده والايام بيض
موعودة بي الحلم المنال
مرقية بي طه ومحمد
والمعوذات
يازولة ما زولة نجيهة
وارجع ادوزم في مفاصل الكلمة تاني
وامرق الوجع المعاني
من حساسي الغربة من
خصر العصب جوة المعاني
ويبقى بيناتنا الهوى
وروعة اماني
وارتعاشات حلما منال
اصلي عارف
كلماتي ليكي بتنصفيها
وبس
|
|
 
|
|
|
|
|
|
|
|
Re: عبد اللطيف بكري ومن على شاكلته (Re: الصادق صديق سلمان)
|
يالله يالله يالله
ياخ أنا والله ما كنت عايز فرح قدر دا!!!
أنا ابحث عن نقطة تعادل
a point of balance
a break-even
أحسست بقرب النهايات وأعمار أمتنا لم يتبقى لنا من حدودها غير القليل!!!
إلى متى تسيطر علينا نزعات قساة القلوب بلا رحمة يحيلون أفراحنا مآتم؟؟؟
ياصديقي أفزعني تأثير قصيدتك : فأعماقي تقبلت هذا الرص ،إذن قلبي ينبض بالحياة!!
ماهذا الجمال؟؟ أنا أتهمك صراحةً أن لك مصدراً خفياً للإلهام من بين هذا الركام!!
يالله يادكتور:
روعة متناهية،
يجب أن نحتل البورد دا ونطرد كل المتتسببينوفي إفقار وجودنا ووجداننا،،
ليتهم سمعوا نظمك بالقوافي ونضمك عن مخارج الوطن عن أزماته زرعاً يانعاً وضرعاً تريان شهداً وسقيا ،،،
| |
|
|
|
|
|
|
|
|
|
Re: عبد اللطيف بكري ومن على شاكلته (Re: عبدالمجيد المقابل)
|
Quote: المنبر اليوم شكله مختلف
بوستات الجمال بدأت في الظهور بعد ان تلاشت و ذابت و اختفت من المنبر
شكرا د.محمد حسن
شكرا أستاذ عبد اللطيف
شكرا" لكل عاشقا" للجمال |
وشكرا جزيلاً لدمتور محمد حسن ساقك اليوم إلى المنبر وأنت بين قاعات الجامعة وأجنحة المرضى تقتطع لنا هذا الوقت
نتمنى مواصلتك وصفات يومية روشتة لذيذة تباعد بيننا وبين عياداتكم هههههههههه
| |
|
|
|
|
|
|
|
|
|
Re: عبد اللطيف بكري ومن على شاكلته (Re: الصادق صديق سلمان)
|
Quote: سلامات يا دكتور
استاذ عبداللطيف البكري دا حبيب الى القلب
متصالح مع نفسه
رجل مليان وقار
تحياتي استاذ عبد اللطيف |
الصادق الصدوق
قولك قلادة والشعور المتبادل يفصح عن نفسه بمعزة شديدة والله
حمداً لله أن زالت غمة الإختفاء تلك بعودة الإبن العزيز ،،
اشكرك من كل قلبي وأسأل الله أن يجعلني كما شهدت لي
| |
|
|
|
|
|
|
| |
د.محمد حسن
Yasir Elsharif
أحمد الشايقي
الصادق صديق سلمان
عبدالمجيد المقابل
تبارك شيخ الدين جبريل
فيس بوك
تويتر
انستقرام
يوتيوب
بنتيريست