|
|
|
 Re: فيما يخص رقص العساكر (Re: عبدالحفيظ ابوسن)
|
العساكر الشفتهم ديل ما بعرفو يرقصو , حاولو يقلدو الرقيص بشكل كاريكتوري ,,
واضح انها محاول للتنفيس عن الضغط والعمل ,, وده سلوك في تقديري كلنا عملناهو ,, ونحن طلاب او بالداخليات ,,
وانا بالقوز الثانوية ,, بنتلم في فصل وندق في الدرج ونرقص ,, رقيص جماعي ,,, وببداهو نفر وتسري العدوي ,, لم يسبق لي ان رقصت في حفل قط ,, او خشيت بشرت ساي ,, فقد كنت اميل لمراقبة الراقصين ,, ولكني شاركت بقدر في الرقيص الجماعي مستهديا بما كنت اراه ,
فالأمر لا يعدو كونه ضحك ولعب وتنفيس
تم تحميل الفيديو لثقافة الجهل التقني المتفشية ,, اي حاجة دايرين نصورها وننشرها ,, دون النظر لمآلات نشرها
العساكر مختلفي السحنات ولم ادقق في ملامحهم إلا بعد تطرق البعض لذلك هنا ,, ولكنهم يشبهوننا ,,, يشبهو السودان دون تمييز عرقي
الناس احرار في تصورهم وكتاباتهم ,,
ولكني حزنت كشعور شخصي ,, ودبرست
وتذكرت
نعمل من الحبة قبة
و
ماسكين الشطر الميت
الود للجميع
| |
 
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
Quote: الواقع السياسي عبثي
فلنكن اقل عبثية منه
هذا ليس نصحا بل رأي |
سلام ود ابسن
لا يجب ان يكون راياً بالضرورة ان يكون وصية يجب تنفيذها
لا يعقل ان استهجن الفعل لمجرد فاعله
من رقصوا هم سودانيين كذب وبهتان صريح ان حاولنا رميهم على اثنية معينة او قبيلة معينة ولماذا اصلا نحاول ذلك
مثل صديق الغالي انسان مريض ينظر للناس كلهم بمنظور قبلي بحت
الرقيص في حد زاته وان كان خليعاً من منظور البعض لا يعكس الا مجتمعنا كل مجتمعنا بمدنه وقراه واريافه
االشرطة مجتمع كبير فيه النوباوي والنوبي وود البحر وناس البطانة والدارفوري والشرقاوي طبيعي جدا ان تجد ظواهر غريبة
هم بشر ليس ملائكة اكثر الناس تفعل ما شوهد خلال هذا الفيديو ولكن الاختلاف ان الفعل غير مصور
لماذا يكون دافعنا عن ترهات صديق الدلقون بهذا الاسلوب المبتذل واعني ان الرقصو ديل اولاد الغرب ؟
صحيح ان صديق تمادى كثيرا وهو اشبه بالثور في مستودع الخزف ولكن لا يمكن ان نجاريه في الاسلوب
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
أخي عبد الحفيظ سلام
أتفق معك في كل ما زكرت
نعم ا نه تقليد لي فيديو رقيص لعيبة المريخ الشهير
في راي الفديوهين ( هذا الفديو وفديو لعيبة المريخ
تم تصويرهم في مكان خاص في وقت خاص وادانتنا يجب توجه لمن انزل المقطع قبل ادانة الفعل
و كذلك فديو طالبات الداخلية
علي الجميع الانتباه لخطورة هذه الظاهرة
شكرا حفيظ علي هذا البوست الشجاع
| |
|
|
|
|
|
|
|
|
|
Re: فيما يخص رقص العساكر (Re: عبدالمجيد المقابل)
|
Quote: علي الجميع الانتباه لخطورة هذه الظاهرة
شكرا حفيظ علي هذا البوست الشجاع |
كدى عبدالمجيد المقابل ... اشرح لينا "خطورة هذه الظاهرة" ...
لأنو الخطورة تزيد عند الجهل بها ... وتقل بعد العلم بها ...
نوّرنا ينوبك ثواب ...
... المهم ...
| |
|
|
|
|
|
|
|
|
Re: فيما يخص رقص العساكر (Re: عبدالمجيد المقابل)
|
Quote: علي الجميع الانتباه لخطورة هذه الظاهرة
شكرا حفيظ علي هذا البوست الشجاع |
كدى عبدالمجيد المقابل ... اشرح لينا "خطورة هذه الظاهرة" ...
لأنو الخطورة تزيد عند الجهل بها ... وتقل بعد العلم بها ...
نوّرنا ينوبك ثواب ...
... المهم ...
| |
|
|
|
|
|
|
|
|
|
Re: فيما يخص رقص العساكر (Re: عبدالمجيد المقابل)
|
مرحبا عبدالمجيد المقابل
وحبابك
كتر خيرك ياخ
آي فعلا صدقت
شفنا بنات برقصن داخل منازلهن ,, ولا في داخلية آمنات
تعرف داخلية علي عبداللطيف زمان حقت طالبات الفرع , كم وتمنين بدورن هجيج وصفقة ودلوكة , حتي اشتكت منهم السفارة الامريكية في شارعهم ,,, ونحمد الله مافي كاميرات ونت
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
مرحبا تبارك
وحبابك
صدقت والله , الجهل يزيد خطورة الظاهرة ,, وبقي عندنا موبايلات ذات امكانيات تصويرية هايلة ,, أي منظر سمح ولا شين نمرق موبايلاتنا ونصور ونفتح البلوتوث ونحول
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
مرحبا عبدالله شم
وحبابك
قال ايمن ابوالشعر
أنت مدان...أنت تجاوزت الأوطان...تقرير الأمن يفيد بأنك ضد عروبة هذه الأرض وتعمل من أجل الإنسان
... بأي مكان ٍ أيا ً... كان... ما قولك في هذي التهمة ؟... قولي أن الدمع هو الدمع...بكل مآقي المسحوقين ...
واللقمة وحدة حلم المحرومين ... لو أن العالم ولد حضارياً في البدء ... لما كانت في الأرض سوى لغة واحدة عشقيه...
أتـُميز بسمة هندي ... أو عربي ... فوق الميتم؟
قدر الشفتين بأن تتسع ... لتتبسم... وصراخ الإنسان سيبقى ذات الصوت بأي مكان فيه حناجر تتألم...
لن يقنعني أحد إني أتخلى عن ... أصلي العربي ... إن لم يلتحف الرأس بكوفيه ...
إني أعتز بأني عربي لكني ... سأقاتل قحطان الإقطاعيَّ...بغير جدال... وبغير هدوء... أو رحمة...
إني أشعر أن عروق يدي ترتاح لكف الفيتنامي المعروقة ... لا لخواتم أمراء التخمة.أنت مدان...أنت تجاوزت الأوطان...تقرير الأمن يفيد بأنك ضد عروبة هذه الأرض وتعمل من أجل الإنسان
... بأي مكان ٍ أيا ً... كان... ما قولك في هذي التهمة ؟... قولي أن الدمع هو الدمع...بكل مآقي المسحوقين ...
واللقمة وحدة حلم المحرومين ... لو أن العالم ولد حضارياً في البدء ... لما كانت في الأرض سوى لغة واحدة عشقيه...
أتـُميز بسمة هندي ... أو عربي ... فوق الميتم؟
قدر الشفتين بأن تتسع ... لتتبسم... وصراخ الإنسان سيبقى ذات الصوت بأي مكان فيه حناجر تتألم...
لن يقنعني أحد إني أتخلى عن ... أصلي العربي ... إن لم يلتحف الرأس بكوفيه ...
إني أعتز بأني عربي لكني ... سأقاتل قحطان الإقطاعيَّ...بغير جدال... وبغير هدوء... أو رحمة...
إني أشعر أن عروق يدي ترتاح لكف الفيتنامي المعروقة ... لا لخواتم أمراء التخمة.
ف شنو
والله العنصرية التي ينضح بها هذا المنبر لا توجد في الواقع
انا بالسودان ويحيط بداري ومكان عملي كل اهل السودان ,, ولا فرق بيننا في العادات او السلوك او المعاملة ,, ولا نشير لبعضنا بقيلتهم وبل لا نعرف قبائل بعض إلا قليلا
| |
|
|
|
|
|
|
|
|
 Re: فيما يخص رقص العساكر (Re: عبدالحفيظ ابوسن)
|
يا اخواننا انا يمكن عيوني كعبات ... انا شايف شباب بيرقصوا وبيحتّوا حت شديد جدًا جدًا ...
لاكين "الخطورة" الإنتو بتتكلموا عنها دي ما واضحة ... يمكن في تنميل في الصورة؟ (غايتو جبنا ليكم فيديو واضح)
بالله اكتبوا لينا بالعربي الفصيح ووضحوا لينا "الخطورة" شنو؟
فقد شاهدنا آلاف الفيديوهات التي تحتوي على رقص شباب وشابات في الأزياء العسكرية والمدنية من مختلف انحاء العالم ... ولم نر تلك "الخطورة" ...
علّمونا مما علمكم الله يرحمكم الله ...
... المهم ....
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
من النفاج
مرحبا محمد حسن
وحبابك
يصل سلامك
الضرر حاصل للأسف
كل التجار العريقين في الجنوب تضرروا , وظهرت تجارة التهريب اثرياء الحروب والكوارث ,, الفساد المتصل بجهاز الدولة ,,, يمنع البعض وتصادر بضاعتهم وعربتهم ويفتح الباب لغيرهم
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
شجاعة البصيره ال خلت ود اب سن يقول نحن بشر
بس للسياديين ما سمحه
وناس اوباما بدربوهم متين = يتخففو من الرسميات = ويشاركو الشعب المشاعر
الجنود زمان بهروهم جري وغنا وبعلموهم كيف يتعاملو مع الشحنات الزائدة
بشقو المدينه من الصباح واظن غناءهم نصو قطع اخضر
اذكر مره في نص الجري والغنا فال المدرب ما تعاين شمال والكل عاين شمال = بنات مدرسه منتظرات البص =
وكما قال ود اب سن علينا التعامل مع الموبايلات بذكاء
الغضب ال مالئ النفوس والالم الطافح , الحرب والبؤس , الفقر والمرض ال بخطف السودانيين خطف = بعضه مما صنعت ايادينا والبعض ما صنع العدا = وعذابات الغربه وبلاد ما بلادك وبلدك عدموها الحبيب ال بضمك وب حن عليك , عيونا فترت بكا وحلوقنا شبعت نحيب , يا شعب مليان بالضنا يا شعب مليان مستف أسي متين متين تعيش زي الشعوب , موفور الكرامه مليان عشم
اللهم احفظ السودان
| |
|
|
|
|
|
|
|
|
|
Re: فيما يخص رقص العساكر (Re: اخلاص عبدالرحمن المشرف)
|
الأخ عبد الحفيظ
شاهدت الفديو في الواتساب وأتأنى نفس الإحساس.
أن هناك من هو في صحبتهم قد تعدي علي حريتهم الشخصية في لحظة إبتهاج حاولوا يعبروا عنها بالطريقة التى رأيناه.
ليست كل صورة أو فديو للنشر، خاصة إذا كانت تتعدي علي حرية الشخص في الصورة او الفديو..
خالص التحايا
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
مرحبا اخلاص
حبابك يا خيه
قال الدوش
والجوف يطقطق الكلام
المعاناة خلتنا نظلم عيالنا ,,, آي والله صحي ,,, يقول ليك العيد قرب ,,, تتذكر لوازم العيد والهدوم تهيج فيهم بدون سبب ,, ده العيد البنفرح بيهو بقينا نشيل همو
والله بعاني لامن ارثي لي نفسو واقرب احضنها واعزي وابكي معاها
ايام الله السبعة شايلين هم ,, هم فوق هم
وده كوم وهم الوطن اكوام
تسمع المسؤولين يرتفع ضغطك وسكريك ,,, تشوف تقدر تطق مغسه ولا ينفجر فيك شريان
ف شنو
لا سبيل غير الموضوعية والروقة ,,
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
أبو سن سلام،
| Quote: العساكر الشفتهم ديل ما بعرفو يرقصو , حاولو يقلدو الرقيص بشكل كاريكتوري ,, |
موضوع الرقيص عامة شئ آخر، ولا أعتقد أنه الهدف الأساسي من هذا المنشور، ولكن...
أين حرمة البدلة العسكرية؟ وأين هيبة لابسيها؟
حتى التحية العسكرية تؤدى احتراما للرتبة، وهي بلاشك جزء من الزي العسكري، وليس للشخص نفسه،
بدليل أن الشخص إذا لم يكن يرتدي البدلة العسكرية فهناك تحية بطريقة أخرى،
أضف إلى ذلك بعد تقاعد الظابط يصبح غير مؤهل لتلقي التحية، ولا حتى إعطاء الأوامر!
البدلة العسكرية تعبر عن الحاجز الذي يفصل الهيبة والحزم والإنضباط الأخلاقي عن بقية السلوكيات الأخرى التي تدور بين المدنيين.
خلاصة القول:
لا عذر للمزح أو الهزل تحت الزي العسكري، وكل ما يحدث من ذلك بعد ارتدائها يقلل من هيبة هذه المؤسسة المعروفة بالحزم.
تحياتي وتقديري.
| |
|
|
|
|
|
|
|
|
|
Re: فيما يخص رقص العساكر (Re: الفاتح علي التوم)
|
مرحب قصي
وحبابك
يرقص قمة الهرم العسكري والتنفيذي تحت الاضواء الكاشفة والكاميرات ويتم النقل مباشر , ويرتدون البذلة العسكرية ويهزون العصاة في طرب
كيف يمكن للشرف ان يفارق الانسان ويلتصق بالزي ! ألاحترام للوظيفة وليس الزي ,, ولكنها عسكرة الدولة
يمنع الضباط من ركوب المركبات العامة والاكل والشرب في الاماكن العامة
الزي هو زي فقط لاغير ,, ولو كان الشرف للزي لوجب خلعه قبل النوم ,, وهؤلاء عساكر داخل مكان سكنهم وفي وقت راحتهم ,
وكما قالت اخلاص كان يتم تفريغ طاقاتهم من خلال الجلالات اثناء الجكة ,, وهي جلالات مرحة وطريفة
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
Quote: س الناس البترقص دي لو شافت ناس تانين تمارس نفس الفعل حيقتحموا
عليهم خصوصيتهم ..... ويحاكهم ..ويجلدهم بأيدهم ....وقدوقدو ليس بعيد عن
اليوتيوب ... تحياتي للجميع |
الأخ عبد الحفيظ أبو سن.
كلام الأخ الفاتح علي التوم ده مهم جدا. وأنا أتفق معه تماما.
إذا كانت هذه الشرطة هي ليس الشرطة التي تقتحم الحفلات والبيوت وتجلد النساء بتلك القوانين الظالمة، لكان أعتبر الناس أن الفيديو شئ عادي، وهولاء مجرد رجال شرطة يفرغون الإرهاق الذهني والضغوطات، التي أصابتهم من العمل المتواصل، أو من ضغوطات الحياة.
الرئيس البشير نفسه بيرقص مع أهله وفي مناسبات أجتماعية خاصة بأهله، وفي نفس الوقت يؤيد القوانين التي تتعدى على المواطنين في مناسبات عائلية مشابهة.
أعتقد أن هذا هي الأسباب التي جعلت للفيديو أن يكون له صدى واسع بين الناس.
| |
|
|
|
|
|
|
|
|
 Re: فيما يخص رقص العساكر (Re: Deng)
|
بعدين منطق "الرقص دا خطورة ... أرجموه" ...
و "الفستان دا خطورة ... أحرقوه" ...
و "الجكس دا خطورة ... أجلدوه" ...
و "الشعر دا خطورة ... أستروه" ...
و "الصوت دا خطورة ... أسكتوه" ...
و "رسالة سهى الدابي لى ندى راستا خطورة ... أمسحوها" ...
و "تربيزة صدّيق عشكوبي خطورة ... أقلبوها" ...
والله فترنا من ضباط النظام العام الما عندهم اسبليطات ديل ...
نظامكم العام وإصلاحكم الأخلاقي وفتاواكم الفقهية خطورة ... أنسونا منها ...
... المهم ...
| |
|
|
|
|
|
|
|
|
|
Re: فيما يخص رقص العساكر (Re: تبارك شيخ الدين جبريل)
|
يرقصوا فى أى مكان وبأى شكل..
دا موضوع يخصهم..
ولكن يرقصوا بالزى الرسمى..
فدا معناه أنهم نسفوا القوات النظامية...
وكرامتها ودورها الاساسى..
ليييه؟
لآنه القوات النظامية فى عهد الانقاذ..
تحولت الى قوات غير نظامية...
فاستحقت الاحتنقار ممن ينتسبون اليها..
قبل احتقار الشعب..
| |
|
|
|
|
|
|
|
|
|
Re: فيما يخص رقص العساكر (Re: تبارك شيخ الدين جبريل)
|
الاخ ابوسن سلام
| Quote: واضح انها محاول للتنفيس عن الضغط والعمل وو وده سلوك في تقديري كلنا عملناهو وو ونحن طلاب او بالداخليات |
| Quote: فالأمر لا يعدو كونه ضحك ولعب وتنفيس |
كلامك دا بالضبط كان احساسي عن الفيديو بتاع الواتس اب الانت فتحت بوست بي خصوصو
بنات ربنا خلقهم عشان يتزوجوا و يخلفوا و تكون عندهم علاقات حميمة بالحلال، دا ما حصل، عبروا عن حرمانهم بي طريقة "اضرب الهم بالفرح" قالوا "البوره قامت بيهم" و تمنوا الحلال و الفعل الحلال
ما قالوا عايزين الحرام مادام الحلال بقي قاسي
مضمون الفديوا ما فيهو اي عيب او شي غير اخلاقي
نجي لي لغة الفديوا ، زي ما في رجال كتار بذيئين في مجالسهم الخاصة ; وهو امر مقبول من الكثيرين بدون نصب المشانق الاخلاقية لهم ، اي زول بيفتكر انو النسوان ديل ملايكة في مجالسهم الخاصة بكون زول ساذج و عايش في وهم كبير ك و اسالوا الناس الحضرت مظاهرات مارس في داخليات البنات زمان
واضح انو كانو في بيت و في خصوصية تامة و قامت واحدة بتصويرهم
البنات ديل ابدا ما كان في حساباتهم او في خيالهم انو واحد تــافـــه و حقير يرفع الفديوا في الواتس اب، و ينتهك حرمة الخصوصية دي
الزول التافــه الرفع الفديو ما فكر في مصير البنات ديل يكون شنو لو اهلهم شافو الفديو
للاسف يا ابوسن بوستك خلا ناس كتار يفتشوا الفديو ، و ربما بدون قصد ساهمت في نشره اكثر
| |
|
|
|
|
|
|
|
|
|
Re: فيما يخص رقص العساكر (Re: ناصر جامع)
|
لما كنا طلاب في الجامعة كان عندنا شغل بتاع رسم في لابات ال Drawing في قاعات كلية الهندسة
حوالي الساعة 11 بالليل البنات يفرتقو علي الداخليات و نفضل نحن الاولاد في القاعة و قمنا بتحريف الكتير من الاغنيات المشهورة بى كلام لو كان في واتساب و سمعوهو اهلنا كانو اتبروا مننا
النجر كان لحظي و بدون ترتيب مسبق
الواحد تجيهو حاجه في راسو لي تحريف غنية يقوم يكورك يا جماعة هاكم دي
بعض التحريفات طريفة و فيها ذكاء و بعضها كان مضحك
نغني و نكورك و نضحك
يوم قبل الساعة 11 و البنات لسه قاعدات معانا واحد جاتو حاجه ظريفة في راسو قبل كدا لقي البنات قاعدات ما قدر يقول الدايرو قام غني لي ود اللمين
" انت يا ال Late ما تسرع......... افضفض الجوايا في صدري"
الاولاد الفي القاعه كلهم انفقعو بالضحك و البنات قعدوا يتلفتو لي بعض ما فاهمين ابو النوم
| |
|
|
|
|
|
|
|
|
|
Re: فيما يخص رقص العساكر (Re: ناصر جامع)
|
في المناسبات العامة في الجامعة كان هناك ما يسمي بال Late
الذي بموجبه يسمح للبنات التأخر قليلا عن المعتاد للرجوع الى الداخليات
يارب الحاجات دي اتغيرت هسي؟
| |
|
|
|
|
|
|
|
|
|
Re: فيما يخص رقص العساكر (Re: ناصر جامع)
|
تحية للجميع
في تقديري الشخصي
نشر أي مقطع صوتي ولا صوره دون موافقة صاحبها هي انتهاك لخصوصيته
ده القلتو في البوست ده
فهم اني بحاكم فعل الرقص ولا غيرو ده انا ما قلتو
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
تحية لصاحب البوست الأستاذ عبدالحفيظ أبوسن
و ضيوفه الكرام
سلام ياتبارك ..
حيرنى سؤالك عن الخطورة و الناس بتتكلم ليك عن إنتهاك خصوصيات الآخرين و النشر دون إذنهم مما قد يسبب لو ما سبب ما لايحمد عقباه
خصوصاً أن إزالة الفيديو من اليوتوب كمثال ليست بالأمر السهل ؛ فإستخدام إشارة Flag و الخيارات المتاحة يجهلها الكثيرون و حتى من يعرف
يجد صعوبات إن لم تكن إستحالة فى بعض الأحيان لأن الأمر يتعلق بحقوق الملكية ؛ مع ملاحظة أن كثيرون ينزلون الفيديو و يثبتوه فى الجهاز ثم
إعادة نشره فى قناة أخرى و بعنوان مختلف فينتشر فى صفحات كل مشترك بتلك القناة و يستمر النشر .
كثيرون يستثمرون مثل تلك المقاطع فاليوتوب ملئ بالامثلة لمئات المقاطع المنشورة إنتهاكاً لخصوصيات الناس و مُعلن عليها تدر لاصحابها مالاً.
و عشرات المقاطع لطالبات داخليات فى زمنهن الخاص و اماكنهن الخاصة واضح انها نشرت نتيجة لسرقة موبايل أو ذاكرة نسيت فى التلفون أو ...
و البعض الآخر هواة كل مايهمهم تجميع أكبر قدر من تلك المقاطع ليس لأجل المال بل حباً فى التـــــعرصة و جهالة منهم .
بترت مداخلة الأخ عبدالمجيد على طريقة لاتقربوا الصلاة ..ياتبارك و طلعت بسؤال من عدم !
الجزء البنيت عليهو (ولاتقربوا)
Quote: علي الجميع الانتباه لخطورة هذه الظاهرة
شكرا حفيظ علي هذا البوست الشجاع |
القراءة كاملة :
المداخلة Quote: في راي الفديوهين ( هذا الفديو وفديو لعيبة المريخ
تم تصويرهم في مكان خاص في وقت خاص وادانتنا يجب توجه لمن انزل المقطع قبل ادانة الفعل
و كذلك فديو طالبات الداخلية
علي الجميع الانتباه لخطورة هذه الظاهرة
شكرا حفيظ علي هذا البوست الشجاع |
خطورة ظاهرة إنتهاك الخصوصية لمن تم تصويرهم فى مكان خاص و وقت خاص و ضرب ليك ثلاثة امثلة
هذا الفيديو
فيديو لعيبة المريخ
وفيديو طالبات الداخلية
بعد كدا لو شايف إنو مافى خطورة تبقى مطالب بتعريف الخطورة لو اردت إجابة
تحياتى ..
.
| |
|
|
|
|
|
|
|
|
|
Re: فيما يخص رقص العساكر (Re: عبدالرحمن عزّاز)
|
الأخ ابوسن
لك الود والتحايا الطيبات
ولك الشكر والثناء على هذا البوست .. مسألة الخصوصية مسألة متفق على احترامها بين
كل الشعوب والملل .. بين الأفراد والجماعات .. بين الحضارات المختلفة .. لن تجد فرداً
أو مجتمع لا يقر باحترام الخصوصية ووجوب عدم التعدي عليها .. وبنفس القدر تجد هناك
شواذ بين كل الشعوب ممن تحدثه نفسه بانتهاك خصوصية الآخرين .. حتى بين لأفراد
الحضارات المتقدمة .. أما نحن فتقاليدنا تحرم نتهاك الخصوصية .. وديننا يحرمها .. بنص
القرآن .. يا أيها الذين آمنوا اجتنبوا كثيراً من الظن إن بعض الظن إثم ولا تجسسوا ....
وعلى الرغم من ذلك بيننا الشواذ .. فلا نملك إلا أن ننكر .. ونبين أن ذلك خطأ علهم يرعوون ..
تحياتي وتقديري ....font>
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
الأخ الحبيب \ ابو سن .. وضيوفك الافاضل ..
لكم التحية والاحترام ..
| Quote: واضح انها محاول للتنفيس عن الضغط والعمل ,, وده سلوك في تقديري كلنا عملناهو ,, ونحن طلاب او بالداخليات ,, |
يا اخي هولاء ليست بطلبة ولم يلاحق احدآ خصوصياتهم بل انفسهم الذين ارسلوا
هذا الشريط الي كافة عالم التواصل فاذا دل هذا لم يدل الا علي عدم وعيهم وعدم مسؤلية
هولاء الذين يدعون هم حماة للوطن والشعب في عهد الفتوحات الاسلامية ! فكيف يكون
لامثال هولاء الغير مبالين بخصوصياتهم ان يكون الوطن وشعبه في ذمتهم وتحت حمايتهم !؟
اكرر لك اخي ابو سن باننا ليست ضد الحريات الشخصية ولكن الحريات لمن يستحقها الذين
يستغلون الشعوب ويترصدون حرياتهم الشخصية وحتي عقر دارهم والتشهير بهم بالمحاكم واقسام
الشرطة والأذي بهم بالجلد والغرامة والتشهير كما تري بنفسك في كتييييير من القضايا الشخصية
لبعض السودانيين واختص المرأة التي عانت وما زالت تعاني الامرين من امثال هولاء المستهتريين
يجب علينا ان نشهر بهم لكي يعرف الجميع مدي استهتارهم ولامبالتهم حتي بخصوصياتهم . ومشكور
اخي .. ودمتم ..
لي قدام ...
| |
|
|
|
|
|
|
|
|
|
Re: فيما يخص رقص العساكر (Re: مني عمسيب)
|
مرحبا مني
حبابك يا خية
وينك يا صاحبة
كويس انا ضد انتهاك الحرية الشخصية ,, ده موقف مبدئي ,, فما بنتهك حرية شخصية مهما اختلفت مع الشخص ,, لكن ممكن اعري فسادو وأكشفو دون تحويل الامر لشخصي
انا ما هماني ديل عساكر ولا مدنين خالص , الفعل عندي غير مقبول
بعدينك رأي في الشرطة ما رأي شخصي بل في القوانين البتديهم الحق في ملاحقة الناس وتنتهك حريتهم ,,
مثلا انا قانون الردة فهل اوافق عليه لو تمت محاكمة الترابي وتم اعدامه ,,, ولا قولي حاكمو بيهو عمر البشير زاتو
محاكمة 5 عساكر اسفل سلم الرتب لا يعد انتصارا
كامل الود
| |
|
|
|
|
|
|
|
|
|
Re: فيما يخص رقص العساكر (Re: عبدالحفيظ ابوسن)
|
مرحبا بابكر
وحبابك
صدقت
التلصص علي الآخرين وهتك ستر خصوصيتهم الشخصية قيمة انسانية متدنية
وكما اقول دوما
الثوري يحارب بأسلحة نظيفة , فإن كنا ضد هذه القيم والممارسات فمن باب اولي ان لا نمارسها
| |
|
|
|
|
|
|
| |
عبدالحفيظ ابوسن
عبد الله شم
عبدالمجيد المقابل
تبارك شيخ الدين جبريل
د.محمد حسن
سيف اليزل سعد عمر
MOHAMMED ELSHEIKH
قصي محمد عبدالله
Omar Mahdi Imam
)
الفاتح علي التوم
Deng
nour tawir
عبدالرحمن عزّاز
بابكر قدور
مني عمسيب
فيس بوك
تويتر
انستقرام
يوتيوب
بنتيريست