|
Re: عاصمة جمهورية الدوم موبوءة بالجنجويد (Re: اخلاص عبدالرحمن المشرف)
|
د/ محمد حسن نحكي لك ناس د/ تجاني السيسي سكنو فتره جنبنا والله تعبنا في اللبن تعب , حتي دهباية الحلة وال سماها سيد اللبن ذاتو الدهبايه وبزيد ليها في اللبن بقت في تلتله , الجماعة ضيفانهم ما يدوك الدرب وضيافتهم ياها اللبن . برضو سكنو جنبنا جماعة من الغرب = عشرتهم يا سلام عليها = لما يجونا زياره ما بشربو شاي وبيبيسي لبن ساي ويا كافوري جاك زول جنجويد حمتي الخرطوم كرش الفيل تهضمهم زي ال ما في شئ وسلاحهم ده زيو وزي سلاح ابراهيم شمس الدين ومن سبقه = نومو الناس من 7 = الانقاذ مفلسه والنافع وعلي عثمان شنو ال ما سوو = يتقلو في الحساب والحساب ولد طال الزمن ولا قصر , اولاد اهل نافع كاتلين ليهم زول ومعذبنو في خروف , ما خرفان نحن ال بتخلي زي ديل يحكمونا , حمتي قال السلاح يوري وشهو ونحن بنقول رهاننا علي الناس ال عرقهم بجهر السرها باتع السرها يوم ح يبين , ما راجيين لينا انقلاب يجي منهم ولا من غيرهم راجيين روحنا , النقابات الحقيقه المدارس يا مدارس يا مداين يا شوارع يا بيوت مفتوحه بالرزق الحلال . رهاني عليهم
| |
|
|
|
|