|
|
|
 Re: من داخل الخطوط القطرية الـ Boeing 787 Dreamliner Business Class - اجمل فيديو (Re: يحي قباني)
|
سلام يا قباني ....
طبعاً لو عايز تستمتع بالرحلة بنفس تفاصيل الفيديو ده، لازم تكون حاجز على الدرجة الأولى. لأنو الصالة الشفتها دي هي صالة الدرجة الأولى، ما فيها أي زحمة في الإجراءات، وممكن لو إخترت، تمر عبر بوابة إلكترونية (بالبطاقة الإلكترونية)، بدل ما تقيف قدام موظف الجوازات.
الكلام ده في المطار القديم ..... بالمناسبة، بعد تسعة ساعات بالضبط من كتابة المداخلة دي، (الساعة 9 صباحاً يوم 27/5/2014)، حتتحول الخطوط القطرية وتجري سفرياتها من المطار الجديد (إفتتح يوم 1/5/2014)، لأنو مطار جديد، أخوك لسة ما شافو، لكن المعلومات عبر الناس الشافوهو بتقول إنو شئ مكتمل الفخامة.
لكن قول لي ........ الخواجة صاحب الفيديو ده، عايز بالمشروبات المعروضة دي شنو؟ الراجل من صوتو يخيل لي جاي من بيتو أو من الفندق رويان وما ناقصاهو حاجة.
المهم، لو شفت في شاشة الكونترول العرضو الزول ده، لو عايز مزيكة موجودة، ولو عايز أفلام موجوده، ولو عايز قرآن موجود ........ الناس ديل قصرو في شئ؟
| |
 
|
|
|
|
|
|
|
|
Re: من داخل الخطوط القطرية الـ Boeing 787 Dreamliner Business Class - اجمل فيديو (Re: يحي قباني)
|
Quote: سلام يا قباني
سنة 2007 انا سافرت بالفيرست كلاس (سودانير) لدبي ... ودي كانت آخر سفرية لي بسودانير ليوم الليلة... والله العظيم
حا أرجع أوريك الحصل شنو ... أفضى شوية ! |
سودانير عديل يا ايمن ...؟
والله انت زول متهور ... الان انت ابو عيال .. ما تتهور تاني .. خليك في القطرية دي ... :)
انا سودانير دي خليتها من زمن كانوا بيقدموا فيها في درجة اولي الشامبانيا دي زاااتها و المزه كاشو يا حبيب ...
و دعاء السفر الا يكون سايقها كابتن شيخ الدين ...
و ابشرك اول رحلة بالكومت سافرت فيها كان سايقها كابتن زمراوي ...
| |
|
|
|
|
|
| |
يحي قباني
محمد المسلمي
محمد أبوالعزائم أبوالريش
أيمن محمود
فيس بوك
تويتر
انستقرام
يوتيوب
بنتيريست