|
|
 يا سودان معليش حكمومك ناس الجيش .... وأصحى يا بريش وقصبدة !!!!
|
أستمعت اليوم لأغنية ( سياسية ) تقول فى أول مقطعها ( يا سودان معليش حكموك ناس الجيش !!!!!) فتأملت حال االسودان السياسى منذ إنقلاب عبود الى أخر إنقلاب وهو الذى يحمكنا منذ البيان الاول فى 30 يونيو 1989م وبعد شهر وشوية ندخل فى العام 25 من حكم الرئيس البشير وجماعته التى أدعت الاسلام ولم تعمل به ، فكتبت وقلت :
يا سودان معيش حكموك ناس الجيش
والمثل البقول الخباز أدوهو العيش
تاكل لُقمة لينه ما تضيقو أصلو دريش
ركبوها الفواره ..... واحسنو التقريش
والباقى ركوبو ....خلاهو أسوأ دحيش
كل ما تلكع دحيشك تلقاهو حدو غبيش
بالله ده حكم شريعة ؟؟ أم محاكم التفتيش !!
مليارات بالدهب...... ما شُفنا قط نُعنيش
والبترول دفق .... ما زرعو بيهو العيش
كان نشّط جسومنا ..... وطلّق الكرميش
وكان النيل لى حلفا .... بنوهو بالكُرنيش
وما تشوف فى الخرطوم إلوف مهن ورنيش
يا سيدى الرئيس فترنا ... فترنا من حمّييش
البلد إنقسم ... إنفصل وغيرك يسوقو بشيش
أكسب باقى وقتك ...... ما بنقبل الغُشغيش
والدين النصيحة .. بس أصحى إنت بريش
والدين النصيحة .. بس أصحى إنت بريش
والدين النصيحة .. بس أصحى إنت بريش
|
|
 
|
|
|
|
بشرى مبارك ود السقاى
فيس بوك
تويتر
انستقرام
يوتيوب
بنتيريست