|
|
 حسين الجسمي الإماراتي.. يُشجّع المصريين على التصويت.. ويعطيهم حلايب!
|
أغنية بشرة خير نجحت في فترة وجيزة جداً في ان تنال ما يزيد على 3 ملايين ونصف مشاهدة على الYouTube منذ أن أطلقها منذ خمسة أيام ... الأغنية لطيفة، وتعادي بالفرح والأمل...
ما جذب انتباهي في الدقيقة 1:41 انه ذكر حلايب ضمن ما ذكر من جهات مصر المختلفة... واتكّبت فيني مويه بااااااارده وبلعته ريقي وجيتكم!
طبعا الأغنية من تأليف المصري أيمن بهجت قمر... لكن برضه الجسمي يتحمّل جزء من المسؤولية... بالله ألكزو وزارة الخارجية تطلع لينا بيان شجب وإدانة أو تتنحنح ساي!
برضه لو انا محتاجه أزور دكتور أنف وأذن وحنجرة قولوا لي....
|
|
  
|
|
|
|
|
|
|
|
Re: حسين الجسمي الإماراتي.. يُشجّع المصريين على التصويت.. ويعطيهم حلايب! (Re: مريم بنت الحسين)
|
يامريم
جميع دوائر حكومة ما يسمى بالسودان مشغولة شديد مؤسسة الرئاسة ، البرلمان ، الوزراء ، ناس الأمن ، الجيش ، الشرطة ، الشعبي جيش وشرطة ، المجاهدين (الكيري) حملة السلاح عند اللزوم (تصوير مشهد عسكري سينمائي) مشغولين باستقبال قوات الدعم + الردع السريع كما اسموها ، زائد حظر ومنع الصحف من تدوال ونشر أخبار فسادهم والتشهير بهم ، وكمان اعتقال السيد الامام
وأخيرا حلايب موضوعها وملفها في نظرهم (محسوم) مصرية ولو كره الآخرون ... السيسي وزياراته ووعوده لسكانها ، حصل فيهم مسئؤل زار حلايب منذ ربع قرن ويزيد؟
تحياتي
الشفيع
| |
|
|
|
|
|
|
|
|
|
Re: حسين الجسمي الإماراتي.. يُشجّع المصريين على التصويت.. ويعطيهم حلايب! (Re: Mannan)
|
| Quote: هل يقبل لو تغنى السودانيون بتبعية جزر ابو موسى لإيران؟؟؟ |
فعلا والله يا ستاذ منان... ما برضو وبعملوا قصة من وراها... مرّه قريت خبر عن امارتية جات جدّة، لكن علم الإمارات في فندق من فنادق جدّة، مركّب بالقلبة، عملت شمطه وجوطه شديده لانه الفندق ما استجاب لكلامها سريع، بعدها صلّحوا ليها العلم، لكن بعد ما انتشر الخبر في كل الجرايد
| |
|
|
|
|
|
|
|
|
|
Re: حسين الجسمي الإماراتي.. يُشجّع المصريين على التصويت.. ويعطيهم حلايب! (Re: يحي قباني)
|
ازييك يا مريم
لاحظت السنة الفاتت ولطبيعة عملي بالمدارس الثانوية في مقرر الجغرافيا ( للمدارس الانجليزية في انجلترا ) كانت توجد طبعتين لي خريطة السودان واحد بي ( مثلث حلايب بدون تبعية لاحدي الدولتين ) والاخر عديل تابع لمصر وجاريين شخيت الحدود فوق حلايب بي كم ملميتر..
بي صراحة عملته شوية جوطة لكن ما جابت حقها .
الانجليز حقانيين جدا ( وبتاعين فتن ومشاكل رغم حقانيتهم ) لكن يبدو ان موضوع حلايب اتحسم لي مصر ما دام الانجليز بقو يجيبو الخريطة بتاعت مصر بي حلايب ومعاها حبة زيادة كمان . ( وهم اعلم من مصر والسودان بتبعية حلايب ) .
فقدت الامل في حلايب واسي بديت افقد الامل في السودان للاسف.
نظرتي في الخلايجة ديل انهم بي وشين ( السوداني طيب وامين ونزيه ) لكن اول ما يتلمى خليجي مع ود بلده او مصري اول حاجة بتفقو عليها ( تحقير وتقليل شان السودانيين) ف حسين الجسمي ده ( لا يعدو الا ان يكون تور الله في برسيمو ) فما تزعلي نفسك
مودتي
| |
|
|
|
|
|
|
| |
مريم بنت الحسين
محمد البشرى الخضر
Mirghani Taitawi
Mannan
مصطفى توفيق
يحي قباني
Osama Mohammed
عبدالله عثمان
محمد علي البصير
فيس بوك
تويتر
انستقرام
يوتيوب
بنتيريست