|
|
|
 Re: السفير يا يكون كده يا بلاش!! (Re: أسامة خلف الله مصطفى)
|
والله يا اسامة مصطفى اظن الغريب هو الشيطان..( وجه ضاحك) ( اصلوا جلدنا بقى زي جلد التمساح).. لأن المهمة الأساسية بتاعة السفارات ، كما قرأنا في الكتب والمجلات هي توطيد العلاقات التجارية والاقتصادية والسياسية والدبلوماسية والسفير بيكون زي المرسال من رئيس الدولة التي يمثلها إلى رئيس الدولة التي يقيم فيها وينقل ليه الجوابات... يعني مهمة خدمة المواطنين دي بتجي في المرتبة الثانية والسفير ما مسؤول منها لأن هناك دائما في قسم قنصلي بيقوم بالمهمة دي .. وفي سفارات كثيرة ما فيها اقسام قنصلية وتلقى القنصليات فاتحنها في مدن أخرى غير العاصمة محل تجمع مواطني الدولة المعينة او المعنية..
وانا اتحداك امشى اي سفارة اجنبية في الدنيا وتحاول تقابل السفير .. احتمال يعتقلوك ويقولوا ده ارهابي.. ( وجه باسم ومكشر في نفس الوقت)...
والله يديك العافية
| |
 
|
|
|
|
|
|
|
|
Re: السفير يا يكون كده يا بلاش!! (Re: اميرة السيد)
|
| Quote: والسفير ما مسؤول منها لأن هناك دائما في قسم قنصلي بيقوم بالمهمة دي |
سلامى ...الأخت أميرة
طيب أساسا لو دى ما مهمته ...مشكراه فى شنو؟؟؟
بكل أسف...لم أجد بوستك إلا دعاية مجانية لسفير دولة تحت الإحتلال العسكرى....
| |
|
|
|
|
|
|
|
|
Re: السفير يا يكون كده يا بلاش!! (Re: أسامة خلف الله مصطفى)
|
عزيزي اسامة
مشكراه لأنه دي ما مهمته وبرضه عاوز يساعد السودانيين في بلد الغربة من الناحية الانسانية .. لكن اذا كانت دي مهمته مفروض ما نشكره ونقول ليه ده واجبك وحتأديه كراعك فوق رفبتك .. وزمان اظن ناقشتك في حكايوة موظفين الدولة ، سواء كانوا دبلوماسيين او ضباط شرطة او موظفي في شركة الكهرباء او في البريد والبرق( ما عنده ما عندنا بوستة بتوزع جوابات في البيوت ولا في المكاتب) وسواء كانوا موظفين وعمال في المصالح تالمختلفة ، فإنهم فقط موظفون وشغالين لأكل العيش واذا طلبنا من الدبلوماسيين يستقيلوا عشان الحكومة حكومة احتلال فيجب ان يستقيل جميع موظفي وعمال السودان لأن الدبوماسيين زيهم وزي الناس التانين برضه موظفين حكومة.. ما عدا السفراء الذين تم تعيينهم تعيين سياسي فهؤلاء هم فقط الذين يعكسون موقف حكومة الاحتلال.. وزمان الصادق المهدي لمن كان رئيس وزراء قال للناس بالحرف الواحد:" يا جماعة اذا سمعتو البيان رقم واحد ( يعني انقلاب عسكري.. ما تمشوا الشغل ثاني يوم واعلنوا العصيان المدني ..." لكن للأسف الناس سمعت البيان رقم واحد للعميد عمر البشير صباح يوم 30 يونيو 1989م وما جابو خبر لدعوة الصادق المهدي وما في حد اعلن العصيان المدني بل الناس كلها جرت للشغل جري....
والله يديك العافية
| |
|
|
|
|
|
|
|
|
|
Re: السفير يا يكون كده يا بلاش!! (Re: اميرة السيد)
|
| Quote: ما عدا السفراء الذين تم تعيينهم تعيين سياسي فهؤلاء هم فقط الذين يعكسون موقف حكومة الاحتلال. |
تحياتى ...أختى أميرة....
إذا كنتى تعلمين أن السفراء وخصوصا سفير النظام هنا هو تعيين سياسى....
يغنى فاهمة تماما أنو هذا السفير أتى هنا ليمثل النظام الفاشى الحاكم.....
فلماذا حصصتى بوستا لحمده وشكره؟؟؟
أليس تلميع السفير والدعلية المجانية وشكُر حماد هو شكر للنظام ؟؟
| |
|
|
|
|
|
|
|
|
|
Re: السفير يا يكون كده يا بلاش!! (Re: أسامة خلف الله مصطفى)
|
عزيزي اسامة
ومن وين عرفت ان السفير هنا في نيويورك معين تعيين سياسي؟؟
وما كل السفراء او بالأصح المندوبين الدائمين لدى الأمم المتحدة بيكونوا معينين تعيين سياسي.. والسفير السابق دفع الله الحاج كان موظف دولة ودخل وزارة الخارجية من هو سكرتير ثالث وترقى حتى بقى سفير وبرضه ناس المعارضة هنا هاجموه هجوم شديد مع انه ما عنده لا ناقة ولا جمل مع هذه الحكومة العسكرية الفاشية وكان بيؤدي واجبه كموظف حكومي... وبس... اذا الموظف الحكومي بيخدم الناس لازم يجد التقدير .. لأن 90 في المية من موظفي السودان بيتعبروا ان خدمة المواطن ليس من واجبهم .. وامشى السودان وحاول تقضي ليك غرض شوف الموظف الحكومي بيعاملك كيف؟؟ بيعاملك وكأنه بيقدم ليك معروف ولازم انت تديه فلوس عشان يؤدي واجبه لأنه بيعتبر ان شغله ده ما واجب عليه .. وانما بيقدم ليك معروف..فقط ..
والله يديك العافية
| |
|
|
|
|
|
|
|
|
|
Re: السفير يا يكون كده يا بلاش!! (Re: أسامة خلف الله مصطفى)
|
عزيزي اسامة
زي ما قلت ليك يا اسامة ما السفراء كلهم تعيين سياسي .. في بعض السفراء كافحوا واشتغلوا 25 سنة في الخارجية وترقوا حتى وصلوا مرتبة السفير .. لكن برضه في سفراء كانوا تجار في السوق العربي وعينوهم سفراء تعيين سياسي استنادا للولاء لجبهة الانقاذ وليس استنادا للكفاءة .. لأن الكفاءة موجودة فقط عند الدبلوماسيين الابتدوا من اول السلم الوظيفي ...
اما من حكاية الحكومة الفاشية فدي حقيقة ان الحكومة دي فاشية وافظع حكومة مرت على السودان منذ عهد بعنخي وترهاقا...
والله يديك العافية
| |
|
|
|
|
|
|
|
|
|
Re: السفير يا يكون كده يا بلاش!! (Re: اميرة السيد)
|
Quote: وكأنها UFO؟
...............
نسيت اسألك يا اسامة عن الـ UFO
والله بصراحة انا سمعت وقريت كثير عن الكلمة دي لكن والله ما عارف معناها بالظبط... سألت بالتلفون الروم ميت Roommate قالت لي دي مخلوقات فضائية .. هل فعلا دا المعني ولا دي كمان بتضحك علي.
وعليك الله اشرح لينا كل حرف واقف لشنو يعني U و الـ F والـ O >>
معليش اذا طلعنا بره الموضوع .. ولكن هكذا سودانيز اون لاين ثقافة وسياسة واجتماع
والله يديك العافية
| |
|
|
|
|
|
|
|
|
دعينا نستخدم تحليلنا العقلانى لسفراء النظام الهلاكى.....
أهل يُعقل أن يُرسل النظام ورأسه سفيرا الى مقر الأمم المتحدة التى خرجت منها كل القرارات التى فضحت النظام؟؟؟
إذا كنتى فى شط مما أدعوه إليك أنظرى لسجل الفاتح عروة وعبد المحمود ودفع الله فى دفاعهم المستميت وإستخدامهم الكذب للدفاع
عن النظام الهالك....
| |
|
|
|
|
|
|
|
|
دعينا نستخدم تحليلنا العقلانى لسفراء النظام الهلاكى.....
أهل يُعقل أن يُرسل النظام ورأسه سفيرا الى مقر الأمم المتحدة التى خرجت منها كل القرارات التى فضحت النظام؟؟؟
إذا كنتى فى شط مما أدعوه إليك أنظرى لسجل الفاتح عروة وعبد المحمود ودفع الله فى دفاعهم المستميت وإستخدامهم الكذب للدفاع
عن النظام الهالك....
| |
|
|
|
|
|
|
|
|
|
Re: السفير يا يكون كده يا بلاش!! (Re: اميرة السيد)
|
ازيك اميرة
قبل فترة ولمهمة عمل صغيرونة كان مفترض امشي السفارة المصرية بابوظبي . المهم من الباب الحرس وقفنى لو سمحت تلفونك تسيبو في الاستقبال ولما تخلص ترجع تاخدو.
دخلت وانا مستغرب بغض الشي وعرفت انو اجراء روتينى وصعب مخالفة التعليمات لانها توجيهات من السفير شخصيا ده بالاضافة انو السفارة مراقبة بالكاميرات
اخدت وقت طويل عشان انجز الحاجة الجيت عشانها واحتجيت باسلوب لطيف انو وراي شغل ..ظهر لى واحد لابس نظارات وعامل زي البودي قارد قال لي انت مصري ؟
رديت لا سوداني وجاي لغرض اقضيه ..قال لى طيب خلاص بتنتهي وخليك في شباك الاجانب ..
حقيقة حسيت بهيبة المكان ..
بعد فترة مشيت السفارة السودانية وكانت اول مرة امشيها وعشان تجديد الجواز ..عبارة عن فيلا الباب فاتح وبدون اى حررس .. ويخيل ليك انك داخلة منزل عاااادي جدااااا لو لا العلم الموجود اعلى الفيلا ..انتظرت في الكراسي لحتى ما يجي دوري ..
استغربت وكتها ليه نحنا كده وتذكرت زميل باكستانى قال لي سفارة السودان في بلدهم حارسها راجل كبير في السن بيقف في الباب وكل السفارات محروسة بامن خاص وبزي خاص . اتمنى انو كل سفاراتنا تنتبه للموضوع ده عشان ندي بلدنا شوية هيبة في عيون الغير ..ومن ما استغربت فيه انو سعر تجديد الجواز 200 درهم يعنى 450 جنيه سوداني ...والجواز الجديد بالسودان 300 جنيه
ودي ،،،
| |
|
|
|
|
|
|
|
|
|
Re: السفير يا يكون كده يا بلاش!! (Re: ابراهيم الفاضل)
|
| Quote: وزمان الصادق المهدي لمن كان رئيس وزراء قال للناس بالحرف الواحد:" يا جماعة اذا سمعتو البيان رقم واحد ( يعني انقلاب عسكري.. ما تمشوا الشغل ثاني يوم واعلنوا العصيان المدني ..." |
يا أميرة الله يهديك يختي الصادق منو القال الكلام ده ؟؟؟؟الكلام ده كان جزء من ميثاق الدفاع عن الديمقراطية الوقعت عليه قوي الإنتفاضة...الصادق المهدي كلموا عديل قالوا ليه في إنقلاب قل ليهم أي حاجة ما فيها شيوعيين بتصب في خانتنا
| |
|
|
|
|
|
|
|
|
|
Re: السفير يا يكون كده يا بلاش!! (Re: Afraa Sanad)
|
العزيزة عفراء سند
تحية طيبة
المعروف ان ميثاق الدفاع عن الديمقراطية والصادر عن التجمع الوطني الديمقراطي بعد ان عادت الديمقراطية للسودان عام 1985م شارك حزب الأمة في صياغة هذا الميثاق.. ويقول التاريخ الحديث ان الصادق المهدي بالذات هو الذي صاغ البند الذي يقول اعلان العصيان المدني بمجرد سماع البيان الأول.....( طبعا انا ما حزب أمة ولا عندي غرض مع حزب الأمة ولكن الحقيقة يجب ان تُقال) ..وبالمناسبة وثيقة الدفاع عن الديمقراطية وقعت عليها ايضا القوات المسلحة... والتي انقلبت هي على الديمقراطية بسبب الجشع في السلطة والجاه والمال...
وعندما تم اعتقال الصادق المهدي في 7 يوليو 1989م ، وجد العسكر معه رسالة موجهة للعميد( آنذاك) عمر حسن احمد البشير .. واذا رغبت سوف اكتب لك النص هنا وفيه اشارة لهذا الميثاق...
والله يديك العافية
| |
|
|
|
|
|
|
|
أسامة خلف الله مصطفى
ابراهيم الفاضل
Afraa Sanad
فيس بوك
تويتر
انستقرام
يوتيوب
بنتيريست