|
|
|
 Re: يجب ألغاء خانة - الديانة - من الأوراق الثبوتية (Re: محمد المسلمي)
|
بالله فى خانة فى جوازاتكم السودانية عن الدين هههههههه
غايتوا جنس جهل الله يطوركم تخلف شديد
ومالن ومال دينى انشاء الله ما اكون عندى دين زاتوا شغلتن شنو
هسي البشير دا مكتوب ليه مسلم ومامون حميدة والخضر الغف الخرطوم
ههههههه بلد هاملة وماعندها وجيع
وينوا اسلامن والاطفال بموتوا بالسرطان ومافى ادوية بجمعوا ليهم الادوية من ناس الخير
نعلة الله عليهم اجمعين
| |
 
|
|
|
|
|
|
|
 Re: يجب ألغاء خانة - الديانة - من الأوراق الثبوتية (Re: وضاحة)
|
| Quote: بالله فى خانة فى جوازاتكم السودانية عن الدين هههههههه |
يا وضاحة الاوراق الثبوتية ما هي الجواز بس !
Quote: غايتوا جنس جهل الله يطوركم تخلف شديد
ومالن ومال دينى انشاء الله ما اكون عندى دين زاتوا شغلتن شنو
هسي البشير دا مكتوب ليه مسلم ومامون حميدة والخضر الغف الخرطوم
ههههههه بلد هاملة وماعندها وجيع
وينوا اسلامن والاطفال بموتوا بالسرطان ومافى ادوية بجمعوا ليهم الادوية من ناس الخير
نعلة الله عليهم اجمعين |
لسنك زفر الا كلامك صح 
| |
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: احمد عمر محمد)
|
Quote: عرفنا العنصرية نتنه و تم المطالبة و البعض يطالب بحذفها
الناس مضايقة من حتت الدين ليه
العيب فيها شنو ان الانسان يبرز ديانته اخي ايمن |
معليش أخي احمد عمر انا عارف اننا عصرنا عليكم شديد
العيب في مسألة كتابة الديانة في الأوراق الثبوتية هو انو الحكاية دي معمولة أساساً عشان يتم التفريق بين الناس في التعامل - التعامل الرسمي - بكون مبني على أساس انت دينك شنو!
ودي حاجة متعلقة وفي لب مسألة العنصرية وكده !
ضف الى ذلك انها مسألة ما منطقية خصوصاً لمن تتكتب لرضيع ربما يتبني عليها قطع رقبتو في المستقبل !
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: أيمن محمود)
|
| Quote: في ظل دولة ديمقراطية لا يجب أن تكون لديانة المواطن أي معنى! |
وهذا يعني - بحسب رأيك - أن الديانة حجر عثرة في طريق الديمقراطية!
| Quote: وحتى يخلو المجتمع المسلم من المنافقين الذين يدعون الاسلام |
هذه واحدة من علاماتهم الظاهرة، وهي الأمر بالمنكر والنهي عن المعروف، يقول تعالى:
الْمُنَافِقُونَ وَالْمُنَافِقَاتُ بَعْضُهُم مِّن بَعْضٍ يَأْمُرُونَ بِالْمُنكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ نَسُواْ اللّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ
وطبعا برضو في ازدواجية معايير ما بين المعروف والمنكر، لأن الكثيرين يعدون تطوير المنكر أفضل من تثبيت المعروف، لأنهم أصلا لا يدرون ما هو المنكر وما هو المعروف!
فععندما نتجه كلنا للأمر بالمعروف والنهي عن المنكر، حينها نقدر نقول نجحنا في إنهاء النفاق.
إذا طالما أن هناك أناس يقاتلون ليلا ونهارا من أجل بث ونشر المنكر تحت غطاء الديمقراطية و الإنفتاح، ....
فلن يكون هنالك مجتمع مسلم خال من المنافقين.
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: محمد درار)
|
محمد درار ‘‘‘ سلامات
| Quote: لكن الديانة تدخل في كثير من الاشياء مثل الزواج والقسم (الحلف) وغيرها |
مسألة الزواج دي حاجة شخصية الاتنين العايزين يتزوجوا - بيتعارفوا - ويعرفوا ديانة بعض لو بهمهم الموضوع
ويتموا الزواج بالاتفاق في المكان البيتوافق معاهم - جامع او كنيسة او في المحكمة - الدولة، الحكومة، النظام، القانون - ما عندو شغلة بدينم شنو !
والحلف او الحلفان: ما ممكن المسائل الرسمية تكون مبنية على الحلفان !، مسألة القسم مسألة شكلية، لكن في الحقيقة وقانونياً ما ادانة بتثبت او تتنفي بناءاً على انو شخص حلف أو اقسم !
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: قصي محمد عبدالله)
|
قصي محمد
| Quote: وهذا يعني - بحسب رأيك - أن الديانة حجر عثرة في طريق الديمقراطية! |
لا لا يا اخ قصي ... كلامك ده فيهو تعميم مخل جداً بالمعنى
أولاً: مافي زول قال انو الديانة حجر عثرة في طريق الديمقراطية !
يعني يفترض الا تكون هنالك علاقة (طردية أو عكسية) بين الدين في المجتمع والديمقراطية
ثانياً: الافراد في المجتمع ممكن يكونو متدينين جداً أو غير متدينين ... دي حاجة بتخصهم ولا تتعارض مع الديمقراطية
اذن بالله عليك افهم الكلام زي ما هو مقصود ما على هواك عشان ما يكون في سوء تفاهم
| Quote: هذه واحدة من علاماتهم الظاهرة، وهي الأمر بالمنكر والنهي عن المعروف |
هل تقصد ان دعواي لالغاء خانة الديانة من الاوراق الثبوتية هو أمر منكر والبتالي انا انسان منافق والا قصدك حاجة تانية وانا فهمتك غلط؟
| Quote: لأنهم أصلا لا يدرون ما هو المنكر وما هو المعروف! |
هذا فيه ايحاء بانك تعرف المنكر والمعروف والآخرين لا يعرفونه - أرجوا ان تعرفهم في عجاله بماهية كل من المنكر المعروف عشان الناس دي ما تكون طاشة ساي !
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: أيمن محمود)
|
ايمن محمود سلام
سوف احكي لك عن واقعة لدي اخي الأكبر صديق يعمل معه في مجال المقاولات وهو يحمل الجنسية الامريكية وهو سوداني من أصول تركية
وعند حضوره الي السودان بعد طول غربة يلبس ملابس مودرن وسلسل ذهبي كبير علي عنقه واسورة ذهبية في يده وكان معنا احد الحضور
في الرحلة وعند التعارف ذكر صديق الاسرة انه ينتمي الي أسرة شهيرة في ام درمان وذكرها فما كان من هذا الشخص من الحضور ان
قال له نعم اسرتكم أسرة معروفة مسيحية فرد عليه صاحبنا يارجل نحن مسلمون سنة وظهر الغضب عليه
--------
الشاهد في القصة اعتزاز المسلم بدينه فدعوتك لعدم
كتابة الديانة جانبها الصواب
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: ahmedona)
|
باشمهندس أيمن --- تحياتي...
Quote: مسألةالزواج دي حاجة شخصية الاتنين العايزين يتزوجوا - بيتعارفوا - ويعرفوا ديانة بعض لو بهمهم الموضوع
ويتموا الزواج بالاتفاق في المكان البيتوافق معاهم - جامع او كنيسة او في المحكمة - الدولة، الحكومة، النظام، القانون - ما عندو شغلة بدينم شنو ! |
نعم مسألة الزواج مسألة شخصية ولكن هناك ضوابط أيضاً لا يتم تجاهلها ....
قال تعالى :" وَلَا تُنكِحُوا الْمُشْرِكِينَ حَتَّى يُؤْمِنُوا " .
وقال تعالى :" فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ لَا هُنَّ حِلٌّ لَهُمْ وَلَا هُمْ يَحِلُّونَ لَهُنَّ " .
| |
|
|
|
|
|
|
|
|
 Re: يجب ألغاء خانة - الديانة - من الأوراق الثبوتية (Re: ahmedona)
|
طيب كدي ورينا الأوراق الثبوتية الفيها الديانة دي شنو
جواز السفر مافيه الديانه
الجنسية مافيها الديانة
البطاقة الشخصية مافيها الديانة
رخصة القيادة مافيها الديانة
شهادة الميلاد ما متذكرها
قسيمة الزواج ما مهم فيها الديانة لأنه لو شفتها ساي حا تعرف الديانة وكان كتبوها ولا ماكتبوها
أيمن بتخيل لي أنت بتورجغ ساي عشان تلفت الناس وتخلق ليك موضوع من الاموضوع عشان تقول أنا هنا أنا بتكلم مش كدا
شنو يلغوا ومايلغوا هسع أنت عارف الاوراق الثبوتية كدي امشي راجع الاوراق الثبوتية وتعال ورجغ
بكري جاب البيض دا كله من وين
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: عبد الله شم)
|
Quote: جواز السفر مافيه الديانه
الجنسية مافيها الديانة
البطاقة الشخصية مافيها الديانة
رخصة القيادة مافيها الديانة
شهادة الميلاد ما متذكرها
قسيمة الزواج ما مهم فيها الديانة لأنه لو شفتها ساي حا تعرف الديانة |
اول مرة ألاحظ ان كل هذه الاوراق ليست بها الديانة ..
أنا احمل جواز سفر منذ اكثر 42 عام اول مرة اعرف الجواز ما فيه ديانة ..
وحتى باقي الاوراق ما فيها إلا ( كرت الاقامة السعودية )
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: عبد الله شم)
|
Quote: جواز السفر مافيه الديانه
الجنسية مافيها الديانة
البطاقة الشخصية مافيها الديانة
رخصة القيادة مافيها الديانة
شهادة الميلاد ما متذكرها |
| Quote: بعدين يااخي انا معاي جنسسية سودانية وجواز اكتروني وشهادة ميلاد وقسيمة ديل جت مافيها اسم دين |
طبعا كلامكم صحيح لكن شهادة الميلاد بها ديانة الاب
| |
|
|
|
|
|
|
|
|
|
Re: يجب ألغاء خانة - الديانة - من الأوراق الثبوتية (Re: Mohamed El Sheik)
|
Quote: وكل الفورمات الرسمية البتتعبأ لاستخراج المستندات الاخرى تحوي خانة الديانة وهي أوراق ثبوتية يمكن الرجوع اليها قانونا
ياربي المرتدة مريم كيف تم اثبات انها كانت مسلمة؟
|
أها وكت لقيت نفسك بتورجغ ساي وموضوعك غير صحيح ما تشتت ساي وتدفن دقن الاوراق الثبوتية معروفة ياها الشرحناها ليك بطل الفلسفة
الفورمات دي لاصدار المستندات ما بتطلع من الإدارة الحكومية البتطلع الاوراق الثبوتية للرجوع ليها وعشان معلومات تكون عند الحكومة يعني مافي زول بشوفها ولا في زول محتاج ليها يعني لو مت وما عرفوا ليك دين حا يرجعوا للفورمات دي ويدفنوك على حسب الدين اللقوه فيها
أنت قايل الديانة دي إلا تكون مكتوبة في جوازك أسمك دا بوري ديانتك ليه ما تقول يبدلوا الأسامي بي أكود أسمك بدل على ديانتك
أيمن محمود عمر حا نعرف أنك مسلم سني
أيمن سجاد عبدالحسين حا نعرف أنك شيعي
أيمن جورج فيليب حا نعرف أنك مسيحي
أيمن تادرس لبيب حا نعرف انك مسيحي ارثذوكسي
ايمن كومار هارديش حا تكون هندوسي
أسمك مش بوري ديانتك بوضح أنت من وين عندي لوحة جميلة في مكتبي جات شابة فلبينية عبرت عن اعجابها بيها قلت ليها دي رسمها رسام اسمه روميروا بيرتو طوالي قالت لي برازيلي قلت ليها عرفتي كيف قالت لي من أسمه وصحيح روميرو بيرتو برازيلي
| |
|
|
|
|
|
|
| |
أيمن محمود
Muhib
احمد عمر محمد
عبدالكريم الاحمر
محمد المسلمي
وضاحة
نجم الدين سعدابى
قصي محمد عبدالله
ahmedona
aydaroos
عبد الله شم
علي عبدالوهاب عثمان
فيس بوك
تويتر
انستقرام
يوتيوب
بنتيريست