|
|
 شاهد: ردة فعل الناس لسقوط رجلين أحدهما يبدو فقيراً والآخر غنياَ
|
في فيديو صادم حاز نحو 4 ملايين مشاهدة على يوتيوب، قامت كاميرا خفية باختبار ردة فعل المارة في
أحد الشوارع الفرنسية حين يسقط أحدهم فجأة مدعياً المرض ويستنجد بالناس لإنقاذه وهو يرتدي ثياباً بسيطة، والأمر
نفسه بعدها بفترة في المكان نفسه حين يسقط رجل آخر تبدو عليه الأناقة وعلامات الترف. في
المشهد المعروض في الفيديو تصدمك النتائج.
|
|
  
|
|
|
|
|
|
|
|
Re: شاهد: ردة فعل الناس لسقوط رجلين أحدهما يبدو فقيراً والآخر غنياَ (Re: يوسف أبو صالح)
|
سلام وتحية اخ فيصل
ليست هنالك ما يدلل ان التعامل مع الرجل الاول في الفديو لانه فقير.
ليس دائما الفقراء هم لا غيرهم من لا يهتم بمنظره الخارجي.
الفقر ليست عيب دي تقريبا في اغلب الثقافات .
الثقافة الغربية تقريبا تربط بين المنظر الخارجي وكثرة المشاكل والجرجرة(الجريمة/المخدرات الخ.. . تكون شكلك مبشتن ولبسك غريب يا راجل بدون ما تقع تسآل زول يشتغل بيك الشغلة ماف 90% نفس الشخص الاول في الفديو لو مر بنفس الموقفين ديل ردة فعلو حتكون نفس ردة الفعل الفي فديو ! اماكن عامة كثيرة جدا قروشك ومكانتك الاجتماعية و ما شاكله ما بشفع ليك لدخولها فقط لبسك ................
عموما موقف غاية في الشربكة اللهم استرنا والكل من هكذا مواقف رسالة واضحة للمغتربين وخاصة في الغرب بان اهتمو لمظرهكم يتخيل لي هذا الموقف يتكرر باشكال مختلفة تقريبا في حياة الغربين ولو ما اخاف الكذب ممكن اقول انترناشونال. محاكمتو يجب ان لا تتم من خارج اطاره الثقافي . والله اعلم
لك الود و وعصير القصب 
| |
|
|
|
|
|
|
|
|
|
Re: شاهد: ردة فعل الناس لسقوط رجلين أحدهما يبدو فقيراً والآخر غنياَ (Re: حامد عبدالله)
|
صديقي حامد عبدالله
كمان ممكن ننظر للموضوع من جانب
طرحك . تشكر كتير .
قصب السكر اصلو مفصفص يالفصفصوك فص فص فص
(كُل ياكمى قبال فمى)
وهى قصة تروى عن ان الشيخ دعى إلى وليمة في دار أحد الأعيان الأثرياء فلما وصل الدار منعه
الحراس من الدخول لمظهره المتواضع، ظناً منهم انه متسولاً، فرجع الشيخ إلى داره واحسن لباسه وعاد
ففتحت له الأبواب واحسنوا ضيافته، فلما حضر الطعام مد الشيخ طرف قميصه
من اليد (الكم) وصاح: كل يا كمى... كل ياكمى، فسأله الناس فروى لهم القصة.
| |
|
|
|
|
|
|
|
|
|
Re: شاهد: ردة فعل الناس لسقوط رجلين أحدهما يبدو فقيراً والآخر غنياَ (Re: فيصل محمد خليل)
|
Quote: صديقي حامد عبدالله
كمان ممكن ننظر للموضوع من جانب
طرحك . تشكر كتير .
قصب السكر اصلو مفصفص يالفصفصوك فص فص فص
(كُل ياكمى قبال فمى)
وهى قصة تروى عن ان الشيخ دعى إلى وليمة في دار أحد الأعيان الأثرياء فلما وصل الدار منعه
الحراس من الدخول لمظهره المتواضع، ظناً منهم انه متسولاً، فرجع الشيخ إلى داره واحسن لباسه وعاد
ففتحت له الأبواب واحسنوا ضيافته، فلما حضر الطعام مد الشيخ طرف قميصه
من اليد (الكم) وصاح: كل يا كمى... كل ياكمى، فسأله الناس فروى لهم القصة. |
يديك العافية يا امير متسول ياها بيت القصيد، نحمدك يا رب ونسالك الستر .
القصب المفصص دا انا ذاتي اترددت مرتين قبل ما نرسلو ليك الشي دا لو ما بنخاف الكذب ياهو قنا عدددددددددددددديل  المهم الفكرة بلت الخشم بسكيكيرات نظام حاتم الطائي وكدا
| |
|
|
|
|
|
|
|
|
|
Re: شاهد: ردة فعل الناس لسقوط رجلين أحدهما يبدو فقيراً والآخر غنياَ (Re: فيصل محمد خليل)
|
سلام فيصلوف
عساك والوليدات طيبين
Quote:
في فيديو صادم حاز نحو 4 ملايين مشاهدة على يوتيوب، قامت كاميرا خفية باختبار ردة فعل المارة في
أحد الشوارع الفرنسية حين يسقط أحدهم فجأة مدعياً المرض ويستنجد بالناس لإنقاذه وهو يرتدي ثياباً بسيطة، والأمر
نفسه بعدها بفترة في المكان نفسه حين يسقط رجل آخر تبدو عليه الأناقة وعلامات الترف. في
المشهد المعروض في الفيديو تصدمك النتائج.
|
الطناش والروحان هين ممكن تقول الناس مستعجلة وكمان فهمهم للفقير الواقع ده ممكن يكون مجرد سكران ولا ضارب حبوب ولا مطعون حق وبلاوي...
المأساة عندنا، يحصل حادث من أي نوع تلقى كل زول وكل زلمه طلع الجوال وقعد يصور،،، وأعتقد بتكون شفت فيديو السعودي القتل الهندي في نص الشارع والعربات والماره يقيفوا مش عشان يحاولوا ينقذوا الضحية بل لإغتنام الفرصة للحصول على لقطات ويركض ليسجل بها سبق على صفحته في مواقع التواصل....
إنها مأساة حقيقية....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: شاهد: ردة فعل الناس لسقوط رجلين أحدهما يبدو فقيراً والآخر غنياَ (Re: Farida Mahgoub)
|
زمن تااافة عندك تسوا ماعندك ماحد بشتغل بيك
والله يا فيصل
زكرتنى قصة واحد حكاها لى ابوى سودانى كان بحضر فى بريطانيا وكان كل يوم الصبح بمشى يشترى قهوة من كوفى قبل ما يمشى الجامعة
كان بلاقى راجل فقير جنب الكوفى بشترى ليه معه كوب قهوة
فاصدف يوم انوا الرجل الفقير دا مات جنب القهوة
قاموا ناس الشرطة عرفوا من القهوة انوا السودانى دا كان بعطف علي الفقير دا وبشترى ليه قهوة
فاستدعو السودانى واتهموا لكن بعد التحرى اثبت انوا الراجل مات من البرد والسودانى ماعندوا يد فى الموضوع
قام القاضي شكر السودانى ونشروا قصتوا فى الجريدة وقال القاضي يا ريت ترجع العلاقات الانسانية تانى زى ما كان زمان لانوا النسيج الاجتماعى فى الغرب اصبح المادة هى سيدة الموقف
تحياتى لكن انسان ساعد كل فقير والتحية للسودانى الذي اثبت للغرب اننا بخير
تحيانى فيثل وبابا بسلم عليك
| |
|
|
|
|
|
|
|
|
|
Re: شاهد: ردة فعل الناس لسقوط رجلين أحدهما يبدو فقيراً والآخر غنياَ (Re: وضاحة)
|
أخي فيسل هليل
فعلاً موضوع شيق هههههه وخلاك تخلي حلفا القديمة
لكن الليلة بكشف سرك
يا جماعة فيسل هذا الفيديوهات دي بتجبها له بنته الصغيرة سلمى
وهي مغرمة بمثل هذه الاشياء غرائب الأشياء والبشر
تعرف يا فيسل مسكين الإنسان لا يعلم أن المال ليس ملكه إنما هو مؤتمن عليه من عند الله
وامتحان له ليرى الله فيما ينفقه
نعم المال نعمة والفقر مزل لكن معرفة النعمة بطريقتها الصحيحة نعمة للمال
والتعفف نعمة للفقير
نظرة البشر هذه هي المشكلة
مفروض والبديهي الإنسان الفقير هو الذي يحتاج المساعدة لكن قانون بني البشر المعوج هو اللذي ذهب
بالناس لهذا المستوى
مفروض يكون مقياس البشر عفتهم وخلقهم وفضلهم لكن إنعكست الاية ... زي ما قالوا المصريين
عندك قرش تسوى قرش
رحماك ربي
والغني لو سرق ما بقطعو يدو وما تمشي بعيد لزمان المراة الخزومية التي سرقت
وقال فيها الرسول عليه اتم الصلاة والتسليم والله لو سرقت فاطمة بنت محمد لقطع محمد يدها
ويكفيك ما حاصل في بلادنا مسكوا الضابط المسكين والحرامية الككبار حايمين مجدعين
كبش الفداء
ارقد عافية والله يخلي سلمي صاحبتي
| |
|
|
|
|
|
|
| |
فيصل محمد خليل
يوسف أبو صالح
حامد عبدالله
محمد مختار جعفر
Al-Shaygi
خالد كيبا
Farida Mahgoub
وضاحة
خالد علي محجوب المنسي
فيس بوك
تويتر
انستقرام
يوتيوب
بنتيريست